انا ياخوان ماودي بالمفاخره لكن دامكم مصرين
الامر لله بقولكم وش سالفتي

السالفه الله يسلمكم ويطول باعماركم:ymca:

كنا برحله بالرياض على شاطيء البحر:x9:

وقالو الشباب نبي نصيد سمك كالعاده :S_005:

وكان واحد من الشباب معه زورق عاد طلعنا مجهزين للصيد

وكان عدد القروب 35 شخص منهم

اطفال ونساء وشياب (وش دعوة حرب):4564:
المهم يوم دخلنا نص البحر
هجمت علينا سفينة قراصنه:137:

يسمونها عنكبووتة البحر وقرصانها الزعيم يسمونه معيض:devil2:
كان جارنا بس انحرف الله يصلحه:ymca:
ومعه بالسفينه 35 الف قرصان يشتغلون بامرته
مجمعهم من جزر تاهيتي:286:

وجا البنشري وقال الكفر منسم ولابد عشان تخلع الضرس نسويلك عمليه جراحيه
لان الفستان الي اختارته المدام مافي منه الا مقاس 45 وبدون حبال لصق ونقز الصيدلي
وقال المجلس يبيله سيرميك لونه عسليلان حالة المريض صعبه قال ابو الولد هل ممكن يادكتور ياثر السرميك على الجنين قاله لا لاني راح ابرمج mbc اكشن على النايلسات
واذا صار شي لاسمح الله اتصل على 902

ابوك يالولد وش ذا الحكي:4564::4564::4564:

نرجع لموضوع القراصنه:M121::M121:
يوم وصلوا عندنا رمو شباك على الزورق يبون يستولون عليه

قلت لا عاد مصخوها

وانقز واخذ سيف من واحد من القراصنه واسله على معيض (زعيمهم)
واتبارز انا وياه اربع ساعات
وقتها اخذو الحريم والبزارين والشياب رهاين
وهددوني
قالوا اما تسلمنا عمرك ولا ذبحناهم
قلتلهم تبطون وتخسون ماسلمكم عمري ولا بتذبحوهم
واسل السيف واحطه على رقية خويهم معبض
قلتلهم تسلموني ربعي اسلمكم معيض الخاسي:x9:

قالوا خلاص طيب بس لاتذبحه
وقلت للحريم والبزارين والشياب اوقفوو وراي ويوم جا معيض بيسري عند ربعه
ذبحته يهني خبركم الحيه تبي تذبحها اقطع راسها
وراحو الحريم والي معهم نقزو على الزورق
واقوم انا وانقز بالما
وكان معي دبووس >>>>دووم احتياطي:ymca:

واشكه بالسفينه ويتنخرم وخلها الما ثم غرقت:00018:
وصارو الحريم والبزارين والشياب يصفقون لي ويهتفون بسمي :M62::M62::M62::M62:

عاد انا هاوشتهم احراااج ياخي:fda64:
قام شدني بزر قال ابي السفينه طلعها

واقوم واطب البحر مرة ثانيه
وانزل القاع
واطلع السفينه
ولزقتها بلزق عشان ماتغرق:gg:

وصارت السفينه لنا

ومشينا بالبحر الا ونلقى جزيرة مستولين عليها هنود حمر
الا وتأبى نفسي الا اني احررها
وانزل فيهم تسطير وتكفيخ
عدمتهم عدام خليت خششهم بظهورهم انا ماحب قلة الحيا :66::66::66:

وقطيتهم بالبحر ويقومون اهل الجزيرة ويصفقولي عاد هاوشتهم وش ذا الاحراج الفاحش

ورجعنا بحمد الله بسفينتنا الى شارع العليا بالرياض:00007:
واقوم واصفط السفينه على جنب بالشارع الا ويجيني ذاك العسكري:detective2:
يقول حرك ولا بتاكل مخالفه
قلتله لاني محرك ولاني ماكل مخالفه وش عندك؟؟
يقوم ويطلع مسدسه ويطخني بجبهتي جابلي صداع
ويكمل حول 60 رصاصه وانا اتفاداها بذيك الحركات الخوقاقيه>>>ماتريكس
وامسكه من رقبته واسطرة واسطرة واسطرة لين داخ:s1 (8):
لين جاني رئيس القوات العسكريه يقول:
تكفى يالحبيب
تكفى يالغالي
تكفى يالنشمي
لاتذبحه تراه جاهل
مايدري عن عمره

قلتله لا خلني اوريك فيه شلون اربيه:ymca:

بدا يبكي رئيس القوات
قلتله يارجال كبك من الدموع تراني ماحب اشوف رجاجيل تبكي
قلتله عشانك بس بتركه:00018:

الا ويقومون اهل الرياض ويصفقولي عاد وهاوشتهم وش دعوة هالاحراج:00017:

وتم تعيني رئيس للقوات البحريه والبريه والجويه
وتم بحمدالله الاستيلاء على جميع المنافذ الدوليه
والقنوات العالميه والجزر والغابات وطرق التهريب:Saudi_Arabia::Saudi_Arabia::Saudi_Arabia:

اهم شي الاخلاق وحب الوطن:s1 (7):

والان ياخوان ماقدر اكملكم لان فيه مشكله بابراج الفيصليه
تم اقتحامها من مخربين
ابروح اسطرهم واجي اكملكم السالفه:212::212::212: