لا والف لا ياعباد الصليب

]بسم الله الرحمن الرحيم
السلام عليكم ورحمة الله وبركاته
قال صلى الله عليه وسلم( لا يؤمن أحدكم حتى أكون أحب إليه من ولده ووالده والناس أجمعين).. حديث صحيح [
لا.ثم لالا.. ثـم لالا..ثـم لا. ثـم الـف لا
إلا الحدود اللي نمـوت ولا يجـاوز حدهـا
لالا ياعبَّاد الصليب .. اكَّالـة الخنزيـر ..لا
إلا الحمى .. إلا حدودٍ شانهـا مـن حدهـا
إلا رسولٍ شرّفـه ربـه علـى كـل المـلا
مكارمه يحتار محصيهـا ويصعـب عدهـا
جات البشاير ترفع اسمه منذُ الاحقاب الأُلى
ورسالته تنبي تباشير امسها عـن غدّهـا
جا بالرشاد وصك باب الظلم والليل انجلـى
هلّت به الدنيا فرح من حدهـا لـي حدهـا
مسراه من مكه الى رب السمـاوات العـلا
في ليلـة فاحـت عبايقهـا وفـوّح ندهـا
اكرم عباد الله واشجعهـم وأسجاهـم حـلا
راعي يميـنٍ تجـزل المـده ولا ترتدهـا
واصبر هل الوقفات في الشده وعند الابتـلا
هو هو في متيسِّر الدنيـا وفـي مشتدهـا
اللي من الصدق ارتفع قدره وبالهيبه عـلا
هيبة شموخٍ مادرج فوق الوسيعـه ندهـا
يشهد له الليل الظليم إليـا توحّـد واختـلا
ودروع حرب وخيل وسيوفٍ شهر مغمدَّهـا
اللي ليا اشتد الرمك جاهر بالايـات وتلـى
ياقف بالازمات الكبار الصارمـه ماعدهـا
دونك نجاهـد يارسـول الله بايمـان وولا
دونك نـذود بكـل جهـد وعـدةٍ نعتدهـا
وكيلنـا الله مانـدور مـن ورا الله وكـلا
وان بانت القوم المغيره نرتكـي ونصدهـا
وان شارفت للموت والعدوان للعيـن قبـلا
نقدم على الموت وجحافيل العـدو نحتدهـا
في حزة الحكمة شيوخ وحزة الجهل جهـلا
وجنود باسٍ في الملاقى ماتـداري ضدهـا
ياللي من الفتنه شعم نار الوقيعه واصطـلا
جاتك سيوف تطلق الناظر ويقطـع حدهـا
يازمرة الفسق الملاعيـن الرعـاع الثمّـلا
وضعى منازيلٍ على الاسلام يزحـف مدهـا
بالحفنه اللي في خنا العثرات صرعى وقتلا
شرذّمةٍ كِبر النقيصـه عـن هداهـا لدهـا
دولة صغارٍ هامله والشعـب فيهـا همّـلا
كنها فتاةٍ كـل مـن جاهـا يقبـل خدهـا
والشله اللي بيننا مرضى وغرضى وعمـلا
بانت خوافيها وبيّـن هزلهـا مـن جدهـا
يالله ياللي فوق عرش الملك بالحكم اعتـلا
تكسر عروش الظالمين اليا طغوا وتهدهـا
دكدك حصون المارقين البايقين ومن علا...
احكم عليهم وطأة سنيـن العـذاب وشدهـا
من فرط جور الظالمين القلب بالغيظ امتـلا
والعَبره بصدري تجـول آحدهـا واردهـا
والهرج وقّف في النحر والدم بعروقي غلى
ياهاجسي بـد الخطـوب المدلهمـه بدهـا
إلى متى نبقى كذا.. والى متى نخنع.. والى
متى تسيرنا الشعوب وننحكـم مـن بدهـا
طال المدا وجباهنا تندا مـن الماقـف الا..
ليـت العزايـم تنثنـي ولا يبيّـح سدهـا
ياخادم البيتيـن منّـك لاعـدم.. ولا خـلا
هذي يميني في رضـا رب العبـاد آمدهـا
واجدد البيعه واوثقها يابـو متعـب علـى
حكم الشريعه تحت رايتهـا نطبـق حدهـا
حلفٍ على العدوان والبيرق براس المعتـلا
الين تقلـع عـن عداوتنـا وترفـع يدهـا
انطح بنا الموت الحمر واضرب بنا فج الخلا
تلقى عزايمنا مـن الحـق بلغـت اشُدهـا
والخاتمه. لا ثم لا. ثم الف لا.. ثم الـف لا
إلا الحدود اللي نموت ولا يجاوز..... حدها ]