ارسلت لي عبر الفضا قلبٍ وعيـن
تسبح مع الأفـلاك وتمـد النظـر
شفت الكواكب من يسار ومن يميـن
في رحلة إستكشاف ودروس وعبر
والعبره اللـي تعتبـر درسٍ ثميـن
وجه الشبه بين الكواكـب والبشـر
فيها الضعيف اللي يبيـن ولايبيـن
محدٍ درى عنه إختفـى وإلا ظهـر
وفيها الذي نوره من النور المبيـن
عندي وعند الناس كوكـب معتبـر
عنها الإشاره تكفي العقـل الفطيـن
واللي بنفسه شي اوريـه الصـور
كوكب زحل محبوس داخل حلقتيـن
والمشتري من حوله إثنعشـر قمـر
والأرض مثلي في الوفا طول السنين
واحد قمر ويغيب في تالـي الشهـر
إن غاب عنها لفها الليـل الحزيـن
خيم عليها الحزن مع طول السهـر
وإن زارهـا تستقبلـه بالياسميـن
وعطور ليليه تفـوح مـن الزهـر
تجمع على نوره قلـوب العاشقيـن
وترقص له الأشجار وامواج البحر
ياغايبٍ عني وانـا شـوق وحنيـن
الأرض ماتصبر على هـذا القهـر
شف حالها لو غاب عنهـا ليلتيـن
وانا اتمنى وانتظـر طـول العمـر
مليت , يكفيني تعب قلـبٍ وعيـن
مانجتمع وانا زحـل وانـت القمـر
02 Jul 2006, 12:47 AM
كوكب زحل
العرض العادي
