نقطهـ اول السطر

قد أخطئ أنا أو تخطئ أنت

وقد نتقاسم الأخطاء

ولكن خيرنا من يبدأ بالسلام

يآ اني اصير فلة وحركآت وانآ اتكلم جد ومتكتفهـ كني طآلبهـ اولى بآء اول يوم في المدرسة

عآد سلكوآ لي بس وحدة الآ غصب تصير جدية وتطمح تصير محآضرة عن التعآمل مع الطبآيع البشريهـ فعطوهآ جوهآ ولكم كرتون عصير الربيع ابو ريآل

خلونآ ندخل بالجد شوي..ومثل مآقآلوآ الله الله بالجد والجد الله الله عليهـ:cool:

اول شئ احب اعتذر عن غيبتي الطويلة لظروف مرت فيني وان شآء الله يرجع الوضع افضل

^^

اول تطبيق لموضوعي الليلة..:rolleyes:

موضوع عدنآ وكررنآ فيهـ وملينآ وحنآ نقرآ عنهـ...

(آسف-سآمحني -موقصدي-زلة لسآن) كلمآت تعودنآ نسمهآ من الطفل الى الشآيب...

احس ان الطفل من يطلع من بطن امهـ يقول آسف تعبتكم معي

الاعتذار الصادق المعبّر فعلا عن الإحساس الحقيقي

بالخطأ والندم عليه

تأملوآ هالجملهـ معي!!!!

احسآس حقيقي بالندم...هل حنآ فعلآ نحس بالندم وقت مآنعتذر؟؟!!!

جلست افكر كثير وكثير وكثير الين قلب مخي ومل وقآل يرحم امتس مآتعوت اغوص بالتفكير كذآ

وقآل اسمعي يآ بنت النآس بعطيتس اللي وصلت لهـ<يآحليله مخي ينآفخ بعد

يقول طآلت اعمآركم:بالهزمن صآر زمن مصآلح..يجيك الوآحد بعد مآيتصرف معك تصرف كبير...يقول بكل بسآطهـ اسف..

لكن....اسف بمفردهآ اللغوي مو باحسآسهآ الحقيقي...

بتقولون كيف...انآ اعلمكم..يعني يآانهـ اعتذر لمصلحة معينهـ

مثل اتهآوش مع استآذة وتوصل بيننآ للشيطآن الرجيم وبعدهآ اجي اعتذر...هلآ انآ نآدمة هنا؟؟؟لآ مجرد خوف من الرسوب..

^

هذآ المثآل لآ يمت لي بصلة ..فلذآلك جرآ التنويهـ

او مثلآ مآ ابي ازعل احد عزيز علي..

يجيك وآحد يتهآوش مع خويهـ..وتوصل بينهـ للذبح والمذآبح...وبعدهآ يجي يقول اسف..ليش؟؟؟؟مآيبيهـ يزعل..طيب انت نآدم على اللي سويته؟؟والآ مقتنع بموقفك...يجي يقول لك:لآ مقتنع ونص ومآ في اذني ديزل...بس ابيهـ مآيزعليعني انت نآدم؟؟لآمهوب نآدم <معليش بس ذآ احس فيهـ انفصآم ونفآق يآنآس

والآ وآحد ثآلث...يتهآوش لهـ مع شخص..ويجي يعتذر له واول مآ يعطيهـ ظهرهـ...(هذآ اللي فيهـ وفيهـ وفيهـ تحسبون اني صدق متأسف له؟؟؟؟بس مآ ابي اصير قدآم الكل نذل والآ هو يخسى يعني الحين انت صرت وشوو بالضبط؟؟؟)

جد فيهـ نآس فآهمهـ الاعتذآر غلط....يحسبوونهآ كلمة وبس وانتهينآ..مآ يدروون انهآ

احآسيس..مشآعر..مخلوطة بمحبة...وصدق...وندم...

هذوولي صنف الله يستر عليهم<هذآ كلآم مخي مهوب انآ لآ احد يجي يسوي في امهآ ينآفخ

نجي للصنف الثآآآآآآآآآآآآآآآني عآد ذوولي يبغآلهم شئ صدق صدق يرووق الاعصآب ويخفض الضغط...لآنهم بكبرهم اكبر مسبب للامرآض الجسدية والنفسية

عآد ذوولي مدري من اللي قآيل لهم..انتبهـ لآ تعتذر ترآهـ كفريعني جد جد مدري وش يحسوون بهـ

عندهم اغلط واغلط واسوي لكن مستحيييييييل اعتذر...

موتي ولآ اعتذآري

طيب اذآ مآغلطت لآ تعتذر...امآ تجي ببجآحهـ وتغلط وتقول موب معتذر قوية ذي:a:

لآ واذآ جآء يقول لك انآ مآسويت شئ اصلآ المفروض الثآني يعتذر لي مآ ادري من وين يفهم ذآ من رآسهـ والآ من خشمهـ:doh:

يعني عندهـ الاعتذآر مرآدف لـ(ضعف - اهآنهـ - نقص-جرح لكرآمتي -تنزيل لمكآنتي) صرآحهـ مآ ادري هالانسآن يتعآمل مع اي قآموس حتى مترجم قوقل مآ يطلع كذآ

هذهـ بقول لهـ انت انسآن مريض- منبوذ لآن لآزم يتأكد مآفيهـ انسآن معصوم من الخطآ,,,

الكل يغلط..والكل يعتذر,,وش نآقصك انت على رآسك ريشة وحنآ لآ يعني

إن أثمن مافي الحياة هو القدرة على ملامسة قلوب من نحب

ولكن يبقى الأسوأ هو جرح هذه القلوب دونما

وانت وصلت بطريقتك هذهـ للاسوآ والاسوآ منهـ...جرح القلوب...وحرمآنهآ من علآجهآ وهو الاعتذآر...

يعني ليش النآس يآ طخهـ يآ اكسر مخهـ مآ فيهـ احد يحلهآ بحل وسط...

يآ انهآ تصير كلمة اسهل من شرب المويهـ عندي...يآ انهآ بنظري كفر والحآد

طيب خلوكم وسط..حسسوآ اللي قدآمكم بانكم فعلآ نآدمين على اللي سويتوآ وانك تقولهآ من قلب...

آسف انآ غلطآن...مو آسف ويلآ مشينآ بس وبعد كم يوم تعيد نفس الموآل وتقول آسف..ترآهآ كلمة مهيب حلآو يوزع الله يحييك هذآ الكلآم للصنف الاول..

امآ الصنف الثآني اقول لهم تنآزلوآ شوي ترآ موب منقص من عمركم ولآ اوزآنكم لو تآسفتوآ يآمآل الصلآح وتآكدوآ اللي مآ يحآفظ على مشآعر غيرهـ ..عمرهـ مآيلقى من يحآفظ على مشآعرهـ

::وقفة::

قريت معلومهـ حلوة بموقع عن الفروقآت بين المرآة والرجل في الاعتذآر بس لآ احد يكفخني ترآ مهوب انآ اللي كآتبتهآ

أكدت الباحثة السويسرية ( إديث سلميك ) من خلال دراساتها أن المرأة تعتذر
بسهوله عند خطأها مع أحد ،، دون أن تضع معوقات مثل الكبرياء او غيره ،،
كما يفعل غالبية الرجال ،، وأن أغلب الرجال لا يفضلون الإعتذار حتى في حال
خطأهم .

صدق هالمعلومة يالجنس الخشن

نقطهـ نص السطر:

الأم تنصح ابنتها بعدم الاعتذار لزوجها كي لا ( يكبر رأسه)
والأب ينصح الابن بعدم الاعتذار ,, لأن رجل البيت لا يعتذر
والمدير لا يعتذر للموظف لان مركزه لا يسمح له بذلك
والمعلمة لا تعتذر للطالبة لأن ذلك سوف ينقص من احترام الطالبات لها
سيدة المنزل لا تعتذر للخادمة

^^

برآيكم هذآ وآقعنآ فعلآ مع الاعتذآر؟؟؟؟اقول ايهـ وابصم ورآهآ باصآبعي العشر...

طيب انتي وش تبين الحين؟؟؟مهووب لكم هالكلام لآ ترتآعون هذآ مخي يدآعبني بكلآمهـ الحلو الاخلآق<الآ ودهـ يصكتس بآقرب زبيريهـ




ابد سلآمتك طآل عمرك تعبتك معي ومع اعضآء محشش كفيت ووفيت طس اذلف لآ بآرك الله فيك ولآ في من انت مخهـ<مشكلة الي تسب نفسهآ ومآتحس



<<طرآآآآآآآآآآآآآآخ تشك تشك


الترجمة الحرفية للمذكور اعلآهـ(طرآآخ:ضربة الزبيرية من لدن مخي الحبيب لشخصي الكريم...تشك تشك يعني ترآني قفلت لآ تفكرين انك تفكرين اصلآ بشئ والبلآ عندي اختبآر الله يستر برووح اقردنهـ شوي كود يحن علي)

نقطهـ آخر السطر:

من أكرمك .. فأكرمه

ومن استخفّ بك ولم يعتذر .. فإلفعهـ بآقرب زنوبة هندي قريبة منك وصدقني يستآهل:cool:

تم تحرير هذهـ الخمبقة بوآسطة :زركش,,,,من الكيبوورد الى منآزلكم