اكيد كل من يقرأ الموضوع قدم على وظيفة
لكن مو الكل عانا من تحكم مدير اورئيس يكون جاهل او شهادته اقل من شهادة طالب العمل وهذا خاصة في الدوائر العامة و الشركات الكبرى.
المهم قصتي اود من الكل انه يعرفها عشان يكون على علم
انا قدمت على وظيفة في مستشفى معروف في جدة وعملت اختبار الانجليزي وعديت والمقابلة الشخصية وعديت المهم حولوا شهادتي الى شركة الامن اللي ماسكة المستشفى . المهم المدير محتاج سكرتيرة والعمل في الحقيقة مو محتاج .العمل كان كتابة خطابات بالغة الانجليزية واعمال مكتب. قالي المدير بعد ماقدمت له خطاب بالانجليزي طبعا تقدري تجي تدربي عندنا الى ان تتمكني من العمل .المهم انا ماقصرت وكمان لاني ماعندي خبرة في مجال العمل قلت اسوي الي علي .
داومت اسبوع وفي ذا الاسبوع الله لايوريكم كل مااكتب خطاب او اعمل شي يكلفني فيه ينتقدوه كأني جاهله مع العلم انه انا حاصله على شهادة بكالوريوس في اللغة الانجليزية ودبلوم في الحاسب الالي.وكل مااقدم خطاب يقولي جملتك ركيكه او ماتعرفي تستخدمي الكلمات.المهم اخر مره كتابت خطاب اعرف فيه ان هو يعرف شي او لا اخترت كلمات مايستخدمها الا كاتب متمرس على كتابة انجليزي واخترت كلمات صعبه وقلت يبان ان كان يعرف شي او لا وطلع من جنبها.المهم سكرتيرته القديمه كانت تدربني وقالت لي انه مايعرف انجليزي ولا يعرف يستخدم الحاسب الالي.المهم بعد اسبوع سالته ايش وضعي دحين قالي لازم تتعلمي اكثر وتعرفي اكثر كيف تستخدمي الحاسب الالي المهم حسيت انه يبغى يزحلقني قلت بكرامتي امشي بس اطلبه ورقة تدريب على امور السكرتارية لانه قلي اول ماجيت نحن نعطيك ورقة اذا تدربتي عندنا قلت من حقي اني اطلب.المهم مارضي يعطيني ورقة التدريب يقولي نحن مانعطي اورق تدريب .ويقول انت اصلا ماتعرفي شي ولا اعطيك ورقة اكتب فيها انك تعلمتي على امور السكرتاريه ولكن ماتعرف اي حاجة اواي شي وحتى في تخصصها وقتها قلت حسبي الله ونعم الوكيل وانشاء الله يلاقي .المهم لماسمع الدعوة قلي انا اقول الي يخارج نفسي وماانافقك ولاتزعلي وان تبغي ورقة اكتبلك دحين ورقة تدريب.
قلت له مو انت تقول اني غير مناسبة لاي عمل قالي لابس عشان لاتزعلي .
بس بالله اسالكم واحد يقول اني ماني مناسبة لاي عمل كيف يغير رأيه فجأه عشان سمع الدعوه وهو يقول انه يخاف الله وعمل الي يخارج ذمته ليش خاف من الدعوة طالما هو على حق
تعرفوا في الاخير ايش عرفت انه هذي الشركه راح يحطوا وحده بدالها وهو الي مايخاف الله يتصل على مقدمين الوظائف ويقول نحن محتاجين .وطبعا الي محتاج وظيفه يجي.وعرفت كمان انه ولده مشغله في التوظيف حق المستشفى لاني رحت سالتهم وقلت لهم كيف تحولوا اوراقي على شركة وانا مقدمه عندكم قالوا نحن حاطين اوراقك في التوظيف المباشر على المستشفى ومارسلنا اوراق لهم ولاتروحي عندهم لان الشركة راح تطير.وكمان عرفت شي انه هذا المدير حتى الثانوي ماعنده او حتى انجليزي او كمبيوتر.
قصر الكلام مدير وماعنده مؤهلات لاوالمصيبه الاكبر انه ينتقد انسان عنده شهادات وخبرات هذا الكلام وصلني من الي يشتغلوا معاه.
بس اتمنى من اللي هم مدراء ان يخافوا الله في الناس المتقدمين للعمل لانهم ماخرجوا بيوتهم ولفوا الدنيا وقدموا ملفاتهم الا لانهم محتاجين فلا تستغلوا حاجتهم وخاصة النساء .
واتمنى ماحد يزعل
دعواتكم و ردودكم

مشكورة أختي على الموضوع
والله يعينك و أصابع أيدك ماهي سوى
مالك الا ان ترفعين يدك الى السماء و تطلبين اللي مايرد أحد

تقبلي مرور أخوك : بصرك

مشكورة أختي على الموضوع
والله يعينك و أصابع أيدك ماهي سوى
مالك الا ان ترفعين يدك الى السماء و تطلبين اللي مايرد أحد


بصرك على حق
بس الله يوفقك ويعطيك العافيه
لاتحرمينا مشاركاتك

مشكورين على الرد والاهتمام وادري ان اصابعي ماهي سوى بس هي في الاخير اصابع ماهما اختلفت في الطول والحجم

الناس مو كلها زي بعض ، لكل شخص شخصيته التي تميزه عن الأخرين