مساء الورد مساء معطر بالاشواق واحلى الذكريات
مساء كله غلا ومحبه لكل من شرفني بمروره:inlove:

من صغرنا تعودنا نحب ونكره تعودنا نألف اشياء وننفر من اشياء ثانيه
مواقف وصور تعلق بذاكرتنا وتزيد من حنينا للماضي
احيانا ممكن احد يذكرك بموقف صار لك معه ماتتذكره واحيانا ثانيه تتذكر انت اشياء مدتها طويله ومرت عليها السنين
بس لانها علقت بذاكرتك وصار لها ذكرى حلوه ماقدرت تنساها:heart2:

وانا احيانا وانا اتكلم مع اخواتي او امي تذكرني بمواقف مرت علي مااتذكرها واقول يمه قسم ماتذكرها
قالت عز الله فقدتي الذاكره
بس ساعات انا اذكرها بمواقف تقول لي يابنت هذي وعمرك 7سنوات شلون تذكرتيها للحين
قلت كثير ذكريات حلوه ومواقف صعب انساها:cupidarro

من الذكريات اللي علقت في بالي ومستحيل انساها كان عمري 6سنوات وكان ابوي الله يرحمه مدلعني مررره بزود على اخواتي
لانه يقول انتي الوحيده بعيالي من صغرك اذا ناديتك قلتي (لبيه)حتى لو انك نايمه لبيه من بعيد ودمعتك على جريف:bye2[1]: كان يرحمني كثير الله يسكنه الجنه صحيح ماعشت معه ذكريات كثيره لاني انحرمت منه وعمري 8سنوات او اقل بس الله يجمعني به بالجنه
نعود لمحور حتسينا clap:
المهم كنت اذا بكيت او احد من اخواني جلدني اجي اشتكي لاابوي يقوم ويشيلني وانا اوووم 6سنين ويحطني على رجليه ويمسح دموعي بشماغه :ma:
يااااااااااااااااااااااااااااااااااااااااللله ياحلو هالشعور
(تكفون اللي ابوه للحين حي يبر فيه قسم نعمه عظيمه الله لايحرمكم منها)كان يمسحها ويقول ماعليتس منهم وانا ابوتس اوريتس فيهم
وواحد من اخواني يقول الحين من صغر ها هالبقره يوم تحطها على رجليك:bi:
طبعا كنت اميل خشتي واغمض عيوني(حركات مبزره)مستقويه في حظن ابوها


ومن الذكريات الحلوه كنت اموووووووووت في شي اسمه سوالف حريم وضحك:ma: وامي معقدتنا بسالفه كل شي عيب ومايصلح والبنت ماتطلع عند الحريم وكيذا :punch:تعرفون عاد الامهات من اول شديدات والحين الله يخلف على ايامنا عز الله مالحقنا على هالدلع:36_7_7:
المهم كنت البس غطاة امي وشرشف صلاه <<يقالها عباة الحين
والبس الكعب الابيض حق امي مانسيته لانه عالي ويطقطق وامسك عروستي في يدي وادخل المجلس واسكر علي الباب وافتش واسلم ع الجدران<<<لااحد يستغرب بزر وتمارس طفولتها:fire:
لاوارد اقول والله بخير الله يسلمتس ع بالي احد يقول شخباركم:ma:
واحيانا من زود ماانا خاشه جو احط عروستي جنبي واجلس اسولف واضحك واقول صدق والله يقولون مسوين تخفيضات بالسوق الفلاني:bi:<<<تسمع حريم الجيران اذا سيروا على امها
ومره فتحت امي علي الباب وقالت من تحاتسين
فقيت خشتي وقلت موضي قالت وش موضي قلت مرت جيراننا قالت منتيب صاحيه انتي قاعدتن وصاكه الباب وتسولفين لحالتس:smilie:
بس شسمه تقول امي لي دايم
يمكن انتي الوحيده في اخوانتس اللي عشتي طفولتس صح ومعطيه الدنيا اشكل:yaaaahooo
ومره اذكر سيرت علينا اووم سعد جيراننا اللي انتم خابرين:زغرط:<<<برلنتي شلونتس
عاد هي لازم تعلج علك وهي تحكي وتقولون مسجل من تدخل اليين تطلع والسوالف لها بس سوالفها توسع الصدر<<لااحد يسئلني وش نوع السوالف:bi:
المهم جلست قبالها وصرت اقلدها في كل شي تسويه ان تكلمت عدت كلامها وان شربت شاي شربت وراها """
وامي تغمز لي وانا خاقه مع ضرس الذهب اللي في خشتها عاد اخر شي قفلت معها قالت قومي العبي والا بروح بيتنا
مير واسفهها واواصل تقليدي عصبت وقامت قالت يالله مع السلامه وراحت :ba:
قلت :خاله تعالي
قالت: هاه تصيرين عاقله وتروحين تلعبين قلت لا نسيتي نعالتس :fire:
>>>مسويه ذيبانه وبتطلع بدون نعال
اخرتها قبصتني امي وقالت قومي عند اختس ومن عقبها مسكتها امي علي كل فتره تقول ميموه تذكرين نسيتي نعالتس:36_11_6:
ههههههههههههههههههههههه
ياعمري ياوووم سعد تهقون للحين موجوده والا وش صار عليها لان اخبارهم انقطعت عننا من يوم غيرنا بيتنا:36_3_11:


واقوى موقف مر علي وانا صغيره كنت في حالي مااحب احد يغلط علي ولااغلط على احد وواحد من اخواني مستقعد لي كل ماشافني لازم يذب علي والا يعلق:pokey: طبعا هو شخصيته قوبه شوي وانا مااحوووبه يهاوشني ويعيرني اكره عياره اسمعها منه اوووم عيون:j:
عاد من كبر عيوني قسم وش حليلها صغيرات بس مشكله الحسد:bi:
المهم كنت اراده بالكلام واذا قال كلمه رديت عليه عشر
ومره من المراريت خذت منه امي مفتاح السياره كان توه بادي يسوق ومبسوط
وحط حرته فيني
جاء وانا كالعاده العب* ياحريم *او ابله وقدامي مخدات هذولا الطالبات:ma: والحمدالله تحققت الامنيه وصرت ابله
المراد فتح الباب وهو معصب قال هيييه انتي رجعي المخدات مكانها:euro:
>>>>الله لايسلط علينا
قلت: بلعب وارجعها قال رجعيها الحين لااغير معالم وجهتس
قلت اتحداك
انا قلتها والاماقلتها الله لايوريكم:bye2[1]:

مادريت الا هو منشب خشتي بين الجدار والدالوب وضاغطها بيده قسم بغى يوقف قلبي :sa:
قال قولي ان شاء الله قلت لا:bi:
وعلى هالحاله يكررها علي واقول لا ويضغط اكثر قسم احس ان خشمي وصل سري من كثر الضغط وبرضوا رافضه ومن زود الشطانه ماصحت ماسكه نفسي:ma:
والله ماتصدقون انه يضغط ويشد شعري وانا اقول لا
اخرتها قفلت معه وقام ورجفني ونشب راسي زياده وقال طلعيه كان فيتس خير:punch:
وقسم تمصعت كتيفاتي ع بال ماطلعت وكلما اتذكر هالموقف واذكره اياه يضحك ويقول والله يافيتس عناد قهرتيني بس بيني وبينتس اعجبتيني لانتس ماغلطتي بس مدري وراي متسلط عليتس:punch:
والحين هو اقرب اخواني لقلبي واكثرهم عاطفه ويحس فيني حتى لو ماحكيت له الله يخليه لي:inlove:


ومره اذكر واحنا صغار كنت بثالث ابتدائي كان الباص يمر ياخذنا للمدرسه وامي ياعمري تصحينا من الساعه 4ونص من زود الحرص:36_15_24: عاد نفطر ونلبس ونكشخ في الشارع ننتظر الباص:ma: كانت بنت جيراننا هيا تروح معنا بنفس عمري المهم الحاره اللي ورانا ساكن فيها عمي وعنده ولد الله يذكره بالخير عليه نظرات عيون قسم تنسيك نفسك احس انه وحش على هيئه انسان<<<<فهودي شلونك
فعلا كانت شخصيته قووووويه مره وشديد الله يهديه واذا جاء يطلع الدوام لازم يمر من بيتنا ويحرصنا ندخل ونسكر الباب واذا جاء الباص نطلع<<لبى اللي خايف علينا
عاد هذاك اليوم مدري وش قردني ووافقت نلعب حبشه انا وبنت جيراننا هيونه ونركض من اول الشارع لااخره وصارت الحبشه علي وانا اللي الحقها وركض وركض ماردني الاسياره ولد عمي قسم سحبت فرامل وبدق الريوس ماعاد يمديني سحبني مع طرف جديلتي<<<تعرفون ابتدائي لازم جدايل وشرايط
قسم اني صحت واانا مابعد شفت عيونه قال وش مطلعتس هاه وتراكضين في الشارع جعل سيقانتس الكسار:pokey:
قلت والله مااتعودها قال يالله بيتكم والله والله وهو مطير عيونه وانا قامطه العافيه واهز راسي اقول ايه(تبي تنحاش بسرعه:ph:)
لو شفتس مره ثانيه في الشارع لااحط راستس تحت الكفر واتوطاه
شرير قسم بالله
والحين الله يعطيه طولة العمر وعنده 8,, 4اولادو4بنات وله حفيدين الله يخليهم له:inlove:


الذكريات تطول منها الحلو ومنها الحزين
بس ماابي اطول عليكم بكثره المواقف<<<ماعاد ورى ياعيوني :ma:


والحين دور الصور وذكرياتها:yaaaahooo






طلعنا الاستراحه وكان الجو روووعه وشوى لنا زوج جوجو ربي يسعده وشويه كان يجنن ( تسلم يدينه:yaaaahooo)




وهذي شريتها في الطياره شفتهم يدورون بعربيتهم مااحد عبرهم
قلت يابنت مشي سوقهم شوي<<<قولي قسم






وهذا المكان اللي اذا تضايقت رحت اغير جو شوي فيه :inlove:




وهذا المنظر اللي كان قدامي:خجلان:



وهذي لقيتها طايحه في بيت جوجو رحمتها وصورتها <<<مشكله هالبزران مايعرفون قيمه الورد:ma:




وهذي حبيبه القلب (نانا)قطوه اخوي تهبل ودلوووووعه ونظيفه مآآآآآآآآآآآره :blu:




وهذي صورتها وهي تسدح ع السيراميك وش رايكم في عنونها:rolleyes:




وشسمه عاد هذا (البف)طلبت مني الوالده اسويه لها بتاخذه الاستراحه وقلت بوريكم صورته<<<<ردينا انتس سنعه يختي


وهذي 3صور من مزرعتنا وان شاء الله انزل لها موضوع مستقل:bi:



هنا مجلس الرجال بالمزرعه




وهذي المزرعه من داخل ويظهر في الصوره خزان المويه





وهذاالطريق اللي ياما مشيت فيه انا وعذوبه وهات ياسوالف<<<النوري تذكرينه:inlove:


شفت الدكه هاليومين فاقدتكم كثير
قلت اسدح لكم هالموضوع ولو ماكان بالمستوى المطلوب العذر والسموحه يالغلا
بس خلوني اشوفكم
لو تكتبون مشكوره بنت الشيوخ رااااااضيه والله رااااضيه بس لاتطولون الغيبه فديتكم:heart2:



ارق واحلى واعذب تحيه

بنـــــــــت الشـــــــيوخ,,,