يسعـد ( صباحكوووون) .. ( مساكوووون )

حي الله كلـ(ن) بإسمه .. وشلونكم وشخباركم

و1000 اهلين وسهلين بالرجالات والحريمات <<<<< تخيلو كذا كلامنا

::

[ هذا الموضوع برعاية ]

::

[ وش السالفة يابو ]

قبل اسبوع او اكثر حاولت ادخل المنتدى .. بس للاسف احصل رسالة ان الاسم اللي آدخلته خطأ .. قلت يا ولد الظاهر سحبوآ عليّ سيفون محترم .. وقمت اهوجس وقلت اخخخخ بس على النهاية الاليمه في عالم انترنتلي
ما طولت كثير بمسألة النهاية الاليمة الا ويتعدل الوضع ويرجع لي اليوزر والحركتات اللي موجوده .. للامااااانه بس انا تعرضت لعملية قصف بسبب الباسورد الغبي يعني تخيلوآ باسورد يبدأ برقم 1 وينتهي برقم سته ومكون من سته ارقام متسلسله <<< اكيد ما عرفتوه لان السؤال واضح انه صعب
طيب ام اربع واربعين رجل كم لها رجل ؟
ما علينا من ام اربع وام خمس .. السالفة الله يطولي بإعماركم اني طلعت سليماً معافاً من قصف ارض جوّ من القاعدة الجوية لتخصيب اليورانيوم في السعوديه

[ مدخل ]

حينما ( تبطي وتاخذ لك استراحه محارب غبية جداً ) لا بد لك ان تعود ( بعودة ) اقوى من بعد الاستراحه الغبية .. فالجميع يعرف اني كسول .. وباارد لدرجة التجمد تحت لهيب حرارة الرياض في الاشهر الماضية .. هو صدق ان الصراحه حلوة بس انا صراحتي غبيه يعني بالعربي ( نفس استراحتي ) .. فقلت بيني وبين نفسي وبالضبط حينما جاءتني بنات افكاري !! لا احد يقول وش اسامنهم لاني ابرصه بكف اعدل له صفه ضروسه .. قلت خلني اكتب موضوع ساخر جداً .. بماا اني مقصر فيه وما كتبت منذو قديم الازل اي بعد وفاة الملك الراحل والمغفور له باذن الله تعالى .. فهد بن عبدالعزيز ( ولد نورة )> ( نراه نصاب) <<< تتوقعون فهد يوم الناس عرفوآ اسمه تعقد من حيااته وما عااد يطلع من البيت .. ع العموم الله يرحمه

[ موضوعنا اليوم ]

راح نمشي على نفس الاسطواانه اللي نسمعها هالايام .. ولاعتقاادي التاااااام بإن التكرار تفهم الشطار .. مع امكانية استبدال حرف الـ(ش) بـ[ ح ] وحرف الـ(ط) بـ[م]

تصدقون يا جماعه الدعوه خربت وسمجت .. يعني تخليوآ معااي موظف عادي وبسيط راتبه 4000 وعنده عائلة مكونه من 4 افرااد ( اقل الايماان ) وخدآمه . تعالوآ نحسب راتبه

الجوآل اقل شيء .. 500 ريال .. ( للرجل )
600 ريال ( مع حبه خشم ) للمرأة !! <<
300 للكهرباء
300 للتلفون الثابت
700 راتب الشغالة
800 مقاضي البيت ( برضو اقل الايماان )
300 اغراض الرجل
500 اغراض المرأه ( لا احد يدقق الله يخليكم لان المبلغ كبييييييييير ... )
200 اغراض عياله
200 بنزين السيارة اذا كان ( 91 ) و 300 ريال اذا كان ( 95 ) .. مع اني اشوف ال95 .. مجرد تمثال في محطات البنزين

يعني على يوم 25 من الشهر .. يكون في حساابه

-400 اذا كان بنزين سيارته 91 ( طبعا اللي يبقى بحسابه يطلع بالسالب .. عسى اللي عطااه يعطينا )-500 اذا كان بنزين سيارته 95

يعني انا اتوقع ان ربعنا همهم الشاغل في حياتهم وشلون يخلون الناس طبقه واااحده ( اللي هي الطبقة الغنية ) ..

الله يخلينا لهم !! لانهم يحبونا ..

عمركم شفتوآ احد ( يشحذ ) عند المسااجد !! اكيد لاااا
عمركم شفتوآ احد ( يتسلف ) من احد !! اكيد لاااا

الله يخليهم لنا ولا يحرمنا منهم !!

::

اكيد كلنا درسنا وتلعمنا ومرّ علينا مصطلح ( العلاقة الطردية و العلاقة العكسية )
طبعـ(ن) العلاقة طردية ( او عكسية ) بين كتلة وحجم وطول وعرض و و و بس ما عمرنا سمعنا بعلاقة طردية ( او عكسية ) بين راتب ومعيشة !!

تقول العلاقة &

كلما زادت الاسعار قل الراتب ,, وكلما قل الراتب زاادت .... ( الصورة تتحدث )

[IMG]http://basoome.******.com/200511tttt13.jpg[/IMG]

يعني اكيد اليماني !! من كثر ما يجونه زباين قام يخيط لنفسه
والا انتم تشوفون غير كذا !!

::

حتى انتي بعد يا ام طلال ما تركوك في حالك وخلوك تسوين عرض خااص

::
الله يخليهم لنا ولا يحرمنا منهم !!
::

[ قفلة ]

ما ودي اطول بالموضوع ..
اتمنى ماأكون رجعت لحساسية كتابة المواضيع كما تحبون
شاكر لكم ومقدر .. حسن الاستماع والانصات
محدثكم .. مدمن دلآخة