حيآ الله الجموع الحاضرة..:f:


تصدقون يالربع..والله شعور غريب ان الواحد يرجع لمكان انقطع عنه فترة ويالله يالله قعد كم ساعه يتعرف على الجماهير الغفيرة..وليته عرفهم بعد...



علشان كذا اللي مغير يوزره الله لا يهينه ويعرفني يرسل لي ملفه كامل و6 صور شمسية وشهادة حسن سيرة وسلوك..:ba:<<ماكآنتس شطحتي بعيد يمي..؟!




اول شئ اهني الكل بشهر رمضان الكريم..الله يعيده علينا بكل خير يارب:heart2:...



قبل ما ابدى بربتي المعتاده اللي تطول على غير سنع..<<يازينتس وانتي معترفة..



موضوعي رآح يكون برعايه..



الراعي الرسمي



محلات الحمود للحلويات فرع العويس وطيبة<<قلوب لمحلات الحمود زاحفتن على خط الوشم:inlove:..



الراعين المشاركين


بسكوت ابو ميزان




&

حلاو البقر



&

مكسرات بآجهـ (فروشهـ &مزاجي كيف الحآل:bi:)









من كم يوم طلعت البوماتي وانا توني بزير اهبل:blu:...قلت خل استرجع ذكريات الماضي..<<امحق ذكريات:bi:..


ومن الصور اللي لقيتها صورة لي وانا وبنيه جيراننا قبل ماادخل المدرسة ..وحنا ندوور ونحوس في الحارة...


قلت افا وانا بنت ابوي """وراي ادوج في الحارة كني ولد..وكاشختن بالفستان النفاش كني راايحتن لعرس"""....مار اسأل اميمتي وش هالصورة؟وراي بالحارة..



قالت يالدبشة<<يآحلي لها اميمتي تحب المزح والدعابات



هذه يوم القرقيعان يوم خالتس هيا(ام جيراننا) تحلف علي اخليتس تروحين مع بناتها..


وانا طايرتن عيوني..وش قرقيعانه؟ومتى رحت انا؟"""


قالت ياالخبلة ماتشوفين اختس كل سنتن طلع مع بنات الحارة للقرقيعان؟قلت يااميمتي قلتيها اختي مهيب انا!!


قالت اقول ضفي وجهتس وروحي رتبي الفطور وحطي سماط لابوتس ورجلتس واخوانتس:blu:...




وعلى الفطور اطق لكم ذيك الهواجيس..ابعرف وش هالقرقيعان ووش اصله...وشلون كان قبل..




واطيير على لاب توبي معشووقي الابدي..وافتح النت واقعد ابربس بالمواقع ادور معلومات<تصلحين عجينة ولا تدورين معلومات انتي ؟؟!!!


المهم لقيت معلومات واجد بس للاسف اغلبها مغلوطة..او فيها خرابيط مااقنعتني:lac:...



زبده القرقيعان ذا...هو تجمع للمبزرة في الشوارع...واكثر شئ يكون يوم 15 رمضان..يدورون بالشوارع..بنات وعيال.ويطقطقون البيبان...وياخذون المقسوم من حلويات او فلوس...ووقتها بالاغلب يكون عالعصرية..زسموه القرقيعان لان المبزرة يزعجون اهل الحارة بالدق على الباب<<اموت انا يالمعجم الوسيط...






عاد زمان اول كانت الحرمة تجمع الحلويات والمكسرات(مثل الخرفاش(الفول السوداني) – قريض – الفستق –بيض الصعو –حلاو البقر – حلاو الساعات –الملبس ..الخ) في مثل الوعاء وتغرف منه للبزارين..اللي يكونون شايلين كيس بلاستيك او خياش...ومايمر اليوم الا وهم مجمعين حصليلة محترمة من حلويات ومكسرات وفلوس...







عاد بتجون تقولون لي يعني يمشون بالسكيتي ويطقون الباب بس؟؟؟طبعا لا...

في اهازيج خاصة للقرقيعان تختلف من دوله لدوله وبعرض لكم مثال عليهم..

أهازيج القرقيعان في الكويت :
قرقيعان و قرقيعان بين اقصير و رمضان
عادت عليكم صيام كل سنة وكل عام
يالله تخلي ولدهم يالله خلي لأمه يالله
عسى البقعة ما تخمه و لا توازي على أمه


أهازيج القرقيعان في الإمارات :
إنطونه حق الله
يرضى عليكم الله
جدام بيتكم دله
عسى الفقر ما يدله
فيحصلون على الحلوى ، و يقابلون بالتكريم و الاحترام .


أهازيج القرقيعان في بعض دول الخليج :قرقع قريقيعان
عطونا الله يعطيكم
بيت مكة يوديكم
يا مكة يا معمورة
يا أم السلاسل و الذهب
عطونا من مال الله
يسلم لكم عبد الله
عطونا دحبة ميزان
يسلم لكم عزيزان
باب الكرم ما صكه
و لا حط له بوابة



أهازيج القرقيعان في بعض دول الخليج الأخرى :
عادت عليكم صيام
كل سنة وكل عام
بعدها يبودون يدعون لاهل البيت واحد واحد :
الله يخلي راعي البيت آمين
الله يخلي ... آمين



وبعد هالاهازيج يرددون بصوت عالي...محيرة والا مسيرة...يعني نتظر وناخذ قرقيعان والا نمشي؟فيردون عليهم اهل البيت..محيرة محيرة..ويطلعون لهم ويعطونهم المقسوم..والا يقولون مسيرة يعني فارقوا موب شايفين ولا قشاام حب




أهزوجة الماجينة العراقية :
ماجينه يا ماجينه
حل الكيس و انطينه
انطونه الله ينطيكم
بيت مكة يوديكم
واذا ماطلع لهم احد من راعين البيت يصاارخون
يا أهل السطوح
تنطونه لو نروح>موب سهلين هالعراقيين شرسين

اما الحين تلقون البيوت متجهزة للقرقيعان بالحلويات المغلفة ومن اغلى الاماكن..وكلن يقول انا اللي عندي اغرب واحلآآ..يالله لك الحمد بس:frown:

..

..طيب نجي الحين للبس..تتوقعون وش كانوا يلبسون اول؟؟!!



دارية دارية انكم ماتدرون الله يخلف على امن جابتكم..


زمان اول كانوا البنات يلبسون لبس خاصة ويتكون من




البخنق
واحيانا يستبدلون البخنق ب (الهامه) وتكون من الذهب



جلابية




ثوب النشل او الزري




الكف>ياحب الاولين لحوسة الذهب










اما الاولاد فيلبسون الثوب والطاقة الزري والصديري او يستبدلونها بالدقله








^^

ولو تلآحظون بالصورة هنآ في شنطة من قمآش..هذه اللي يجمعون فيها القرقيعان

شوفوا الفرق بينها وبين كيس الحين






777










هنا وقفت فرفرة بقوقل ورحت اسأل امي عن القرقيعان قالت لي..

ان وسط المملكة يسوونه بس يسمونه(العيديه) يكون يوم 27-28(وهذا اللي رحت فيه انا) ونفس الطريقة القرقيعان..يعني هو مقتبس من قرقيعان الشرقية والخليج..وطبعا معهم الشباب يعني للحماية..ويرددون الاهازيج ...وقالت لي وش كنت اقول قبل<<ياحبي لي حسيت اني بريئة:blu:




كنا نقول(عطوني عيدي عادت عليكم..عسى الفقر مايجيبكم..ولا يقرب بيتكم)




والله اشتهيت اروح مع هالمبزرة...وناسة وفرفرة بالشارع..وحلويات بلاش وفلوس بعد..




خلاص من السنة هذه تراكن يابنيات معزومين على القرقيعان في حارتي.:cool:




رجعت للاب توب جيت بسكر قوقل..احس عيوني احولت منه..لقيت معلومة اول مرة ادري عنها..تحسفت اني كتبت كل هالاشياء...:sa:


شوفوا معي

إقتباس:

فتوى رقم (15532) بتاريخ 24/ 11/1413هـ فقد اطلعت اللجنة الدائمة للبحوث العلمية والإفتاء على ما ورد إلى سماحة الرئيس العام من المستفتي / مدير مركز الدعوة بالدمام بالنيابة والمحال إلى اللجنة من الأمانة العامة لهيئة كبار العلماء برقم (5054) وتاريخ 6/10/1413هـ وقد سأل المستفتي سؤالا هذا نصه: أنه جرت العادة في دول الخليج وشرق المملكة أن يكون هناك مهرجان (القرقيعان) وهذا يكون في منتصف شهر رمضان أو قبله وكان يقوم به الأطفال يتجولون على البيوت يرددون أناشيد ومن الناس من يعطيهم حلوى أو مكسرات أو قليل من النقود وكانت لا ضابط لها إلا أنه في الوقت الحاضر بدأت العناية بها وصار لها احتفال في بعض المواقع والمدارس وغيرها وصارت ليست للأطفال وحدهم وصارت تجمع لها الأموال .. ؟ وبعد دراسة اللجنة للاستفتاء المذكور أجابت عنه بأن الاحتفال في ليلة الخامس عشر من رمضان أو في غيرها بمناسبة ما يسمى مهرجان القرقيعان بدعة لا أصل لها في الإسلام (وكل بدعة ضلالة) فيجب تركها والتحذير منها ولا تجوز إقامتها في أي مكان لا في المدارس ولا في المؤسسات أو غيرها والمشروع في ليالي رمضان بعد العناية بالفرائض الاجتهاد بالقيام وتلاوة القرآن والدعاء .

وراح عليتس القرقيعان يا زركش:surprise:...

**السموحه على الاسلوب ترا من زمان ماطقطقت على الكيبورد**
**الموضوع اهداء ل(نكس & بنت الشيوخ & سلفر) وسكان الدكة **