الجو وروحآنيه شهر رمضان غيروفيه كم صوره يارب تعجبكم

بنت الشيوخ · 19 Sep 2008, 11:00 PM

الجو وروحآنيه شهر رمضان غيروفيه كم صوره يارب تعجبكم

ياهلا والله وغلا

مشتآقه لكم حتى وانا معكم مشتآقه:inlove:

شلون الغالين :36_3_11:

عاد مشى شهر رمضان بسرعه الله يعيده علينا وعليكم اعوام عديده وازمنه مديده:36_1_4:

من جد هالشهر احس انه مر بسرعه غير كل سنه>>>طيب متى ناويتن تخلصين سواليفتس يالحبيبه

شسمه ترى ماعندي سالفه <<<اجل وش تبين رازتن خشتس

بس
شسمه

ودي اسولف معكم شوي:خجلان:

تذكرون :يومننا صغار مآآآآآره

وش نوع الايسكريم اللي نحبه :fire:

اذكر كان عندنا بالحاره عجوز تعبي توت بأكياس وتفرزرها وتبيع علينا الكيسه بريال:ma:

يوووووووووووووووووووووووووه

عليه طعم خووووووووووقاق وكله كوم والخشه لاغدت حمراء كومن ثاني<<<بالعافيه تبي تحط روج

وتذكرون :بعد يوم يروحون اهلنا يصلون التراويح بالمسجد
العيال يلعبون كوره بالشارع:36_7_7:
والبنات يلعبون خطه عند الباب:ma:

الخطه=هي انك تجيب فحمه اوطبشوره او اي شي يكتب :bi:
وترسم فيه مربع تسسسسسسسسسبير كبر راس سلفر<<<سلخير سلفر

وبعدين ترسم فيه مربعات صغار وترقمها من 1الى 10 وهات ياتنطيط والله من مرتن شقيت فستاني مع قوه النطه وجتني قبصه من امي خلت دميعاتي تبطبط بس ع الصامت عشان مايضحكون علي اخواني

وتذكرون بعد :yaaaahooo
الجيران اول خاصه الرجال دايم عند بعض واحيانا لابغوا يكشخون فرشوا بالشارع فرشه وشخصوا بالقهوه والشاهي:ma: عاد اللي مطلعن سيقانه :ma: واللي منسدح ع المركى واللي يصب الشاهي واللي يسولف :ar:
اذكر كنت انا وبنت جيراننا اسمها هيا:cupidarro
نمر من عندهم واذا شافونا قالوا:

هييه يابنت

عيب البنت تطلع الشارع روحوا لبيتكم>>>>وا عليا خايفين علينا:ma:

والحين يخلف الله الجار مايدري عن اسم جاره

حتى الجو سبحان الله والطلعات كل شي برمضان حلو

له ******ه سبحان الله وراحه نفسيه تخليك فعلا تفتقد كل يوم منه يمر مااستغليته في ذكر او طاعه اوركعه اوسجده تقربك من الله

ماودي اطول عليكم بكثر الهرج والذكريات >>>ماقصرتي وش باقي ماقلتيه

عاد ذكريات رمضان ماتخلص ولانشبع منها:inlove:

وقبل لااضف عفشي بقولكم

لنا فتره واحنا نشوف ابدآعاتكم وموآضيعكم بالدكه عسى الله مايحرمنا منكمclap:

فقلت يابنت ورى ماتورينهم بعض الصور اللي بجهازتس>>>مبسوطه الاخت بجهازها

نشوف الصور:36_15_24:

اموت ع الخط وتداخل الوان السياره:fire:
بس تهقون الاكياس وش فيها قلبي يقول فيها استغفر الله هروين>>>وانتي وش فهمتس بهالسوالف:ma:

اهل العقول في راحه
تهقون داخل الاستراحه لميس ويحيى

ياحياه الشقى وش مرقيها فوق
لاتكون ناويتن تنتحر يالله سترك:fire:

فآصل ونوآصل:36_15_25:

دعآيه نقاب ابو سحاب

شوفوا يابنات وش اخر ماتوصلت اليه الموضه

وانتي رايحه بالسياره وطلبتي عشاء سفري

او بمطعم ولافيه سواتر ومظطره تكشفين

او مسافره بالسياره وودك تتقهوين ولاقدرتي تكشفين

بلا لثام بلا نقاب بلا فتاق:ma:

تعالي شوفي وش جبت لتس معي@!@

وش رايكم في السحاب متعوب عليه^ـــــ*

والا عاد هاللي بتاكل هي وضروسها مدري وش باقي ماطلع خطيط فوق الخشم وقضينا>>>>>يسمعون بالستر

انا بالنسبه لي مستغنيه الحمدلله اقعد ميته بجوعي ولاافق خشتي تسذا:ma:

وهنا ابيكم تغمضون عيونكم وتتخيلون معي

تخيلوا انكم تدورون على برنامج ويالله بالعنا والتعب لقيتوه

وصرتوا تحملونه ومابقى عليه شي ويكتمل التحميل

وفجأه

طلع لكم هالبزر

:bi:

وش بتسوووووووووووووووووون :doh:

عني انا بعد الى العشره عشان اكتم القهر

وبعدها بروح ابوسه على هالنظرات اللي تاخذ العقل :ma:

وبس ابشركم خلصت ـــ

شاركونا بذكريات الطفوله في رمضان

ولاتحرمونا فرحه ردودكم

مسكت معي ونزلت الموضوع على عجاله

اعتذر لو ماكان بالمستوى اللي يليق بقرائنا الاعزاء

احلى واعذب واجمل وارق تحيه

بنـت الشــيوخ:36_3_11:

هل اعجبك هذا الموضوع اذا اضغط على هذا الزر فقط لكي ترشحه لغيرك

اضغط هنا لنشر هالموضوع في الفيس بوك

الموضوع الاصلي : الجو وروحآنيه شهر رمضان غيروفيه كم صوره يارب تعجبكم || المصدر : منتديات

روح طفـلــ₪ · 20 Sep 2008, 12:00 AM

إقتباس:

ياهلا والله وغلا

مشتآقه لكم حتى وانا معكم مشتآقه:inlove:

شلون الغالين :36_3_11:

هلآآآ بنت الشيووخ وه بس وانا كمان مشتاائه الك كتيييييير:36_3_16:

إقتباس:

من جد هالشهر احس انه مر بسرعه غير كل سنه>>>طيب متى ناويتن تخلصين سواليفتس يالحبيبه

خخخخخ عكسي عشان هالسنة مافيه دراسة احس اني استشعرت رمضاان :s19:

إقتباس:

تذكرون :يومننا صغار مآآآآآره

إقتباس:

وش نوع الايسكريم اللي نحبه :fire:

اذكر كان عندنا بالحاره عجوز تعبي توت بأكياس وتفرزرها وتبيع علينا الكيسه بريال:ma:

يوووووووووووووووووووووووووه

عليه طعم خووووووووووقاق وكله كوم والخشه لاغدت حمراء كومن ثاني<<<بالعافيه تبي تحط روج

ههههههههههههه أيه ايه أتذكككره

صدددز طعمه غييير بعدين ترى جااء برتقالي تقلييد ايقالك تانج بردقاان خخخخخ :ma:

إقتباس:

وتذكرون :بعد يوم يروحون اهلنا يصلون التراويح بالمسجد
العيال يلعبون كوره بالشارع:36_7_7:
والبنات يلعبون خطه عند الباب:ma:

إقتباس:

الخطه=هي انك تجيب فحمه اوطبشوره او اي شي يكتب :bi:
وترسم فيه مربع تسسسسسسسسسبير كبر راس سلفر<<<سلخير سلفر

وبعدين ترسم فيه مربعات صغار وترقمها من 1الى 10 وهات ياتنطيط والله من مرتن شقيت فستاني مع قوه النطه وجتني قبصه من امي خلت دميعاتي تبطبط بس ع الصامت عشان مايضحكون علي اخواني

هههههههههههههه من وين جبتي الخططهـ :36_1_16:
ياكثر ما اتزحلق فيها من العناد نلعبها والدنيا رطبة وانوااح التزحححلق^_^

إقتباس:

اذكر كنت انا وبنت جيراننا اسمها هيا:cupidarro
نمر من عندهم واذا شافونا قالوا:

إقتباس:

هييه يابنت

عيب البنت تطلع الشارع روحوا لبيتكم>>>>وا عليا خايفين علينا:ma:

والحين يخلف الله الجار مايدري عن اسم جاره

هييه يابنت خخخخ << خافت من حست الجو """

إقتباس:

ماودي اطول عليكم بكثر الهرج والذكريات >>>ماقصرتي وش باقي ماقلتيه

سوالفتس تجنن خاصتن الخطه وديتيني لذكرياات خخخ

إقتباس:

فقلت يابنت ورى ماتورينهم بعض الصور اللي بجهازتس>>>مبسوطه الاخت بجهازها

إقتباس:

يلا فله ورينن :ma:

إقتباس:

اموت ع الخط وتداخل الوان السياره:fire:
بس تهقون الاكياس وش فيها قلبي يقول فيها استغفر الله هروين>>>وانتي وش فهمتس بهالسوالف:ma:

وشو هروين """ << الشخصة درجة سياحية ^_^

إقتباس:

اهل العقول في راحه
تهقون داخل الاستراحه لميس ويحيى

والله سوعالك وجيه بس اعتقد لميس بالبقالة اللي جنب بيت خالتي << عندهم بقالة لميس خخخخ:ma:

إقتباس:

ياحياه الشقى وش مرقيها فوق
لاتكون ناويتن تنتحر يالله سترك:fire:

وه بس حبييييتها احسها جريئة :خجلان

إقتباس:

فآصل ونوآصل:36_15_25:

زين برب بروح اجيب شاهي لين يخلص الفاصل << برااا

إقتباس:

دعآيه نقاب ابو سحاب

إقتباس:

شوفوا يابنات وش اخر ماتوصلت اليه الموضه

وانتي رايحه بالسياره وطلبتي عشاء سفري

او بمطعم ولافيه سواتر ومظطره تكشفين

او مسافره بالسياره وودك تتقهوين ولاقدرتي تكشفين

بلا لثام بلا نقاب بلا فتاق:ma:

تعالي شوفي وش جبت لتس معي@!@

وش رايكم في السحاب متعوب عليه^ـــــ*

والا عاد هاللي بتاكل هي وضروسها مدري وش باقي ماطلع خطيط فوق الخشم وقضينا>>>>>يسمعون بالستر

انا بالنسبه لي مستغنيه الحمدلله اقعد ميته بجوعي ولاافق خشتي تسذا:ma:

ياتسبدييييييييييه اخق انا عند الفكرررة بس ترى سوووها يا بنت الشيووخ

وانتشرت بالغربية عندنا وسمووه نقاب الشيشة لأن فيه فتحه بالوسط خخخخ

تخيلوا انكم تدورون على برنامج ويالله بالعنا والتعب لقيتوه

وصرتوا تحملونه ومابقى عليه شي ويكتمل التحميل

وفجأه

طلع لكم هالبزر

:bi:

وش بتسوووووووووووووووووون :doh:

عني انا بعد الى العشره عشان اكتم القهر

وبعدها بروح ابوسه على هالنظرات اللي تاخذ العقل :ma:

أنا احسن لي ما أتخيل لأن الموقف يرفع الضغط ههههههههههههههههههه<<صبورة مرة """

إقتباس:

وبس ابشركم خلصت *ـــ*

إقتباس:

شاركونا بذكريات الطفوله في رمضان

ولاتحرمونا فرحه ردودكم

مسكت معي ونزلت الموضوع على عجاله

اعتذر لو ماكان بالمستوى اللي يليق بقرائنا الاعزاء

احلى واعذب واجمل وارق تحيه

بنـت الشــيوخ:36_3_11:

أنا أتذكر لاقالوا رمضاان أستاانست عشان نروح نشتري عصير قمر دين :ma:

وقسم اني ما احبه بس احلى شئ أسمه خقاق ههههههههههههههههههههههههه

وااو اجمل وارقى انامل كتبت لنا هالسوالف اللي تقنن..
لاتحرميني من هالسولافااات السووكرة

وتقبلي مروري

اختك..

روح طفلهـ:f:
[/quote]

بنت الشيوخ · 20 Sep 2008, 03:08 AM

إقتباس:

هلآآآ بنت الشيووخ وه بس وانا كمان مشتاائه الك كتيييييير

يابعد عمري والله

تشتآآق لك العافيه :heart2:

إقتباس:

خخخخخ عكسي عشان هالسنة مافيه دراسة احس اني استشعرت رمضاان

والله انتس صادزه:36_15_24:

إقتباس:

ههههههههههههه أيه ايه أتذكككره

صدددز طعمه غييير بعدين ترى جااء برتقالي تقلييد ايقالك تانج بردقاان خخخخخ

لالالا

ذا مايصلح:bi:

غير الاحمر مايمشيش<<<احلفي

إقتباس:

هههههههههههههه من وين جبتي الخططهـ
ياكثر ما اتزحلق فيها من العناد نلعبها والدنيا رطبة وانوااح التزحححلق

عاد هذي ماتنسي ابد

بس التزحلق ماجربته

تهقين يمديني الحين:ma:

إقتباس:

سوالفتس تجنن خاصتن الخطه وديتيني لذكرياات خخخ

والله انتي اللي تجننين الله لايحرمني منتس يارب:36_3_11:

إقتباس:

وشو هروين

هذا الله يسلمتس نوع من العطور ريحته تجنن>>>تبي تبعد الشبهه

إقتباس:

زين برب بروح اجيب شاهي لين يخلص الفاصل

وراتس مستعجله اصبري شوفي الفاصل لايفوتس ترى متعوبن عليه :ma:

إقتباس:

ياتسبدييييييييييه اخق انا عند الفكرررة بس ترى سوووها يا بنت الشيووخ

وانتشرت بالغربية عندنا وسمووه نقاب الشيشة لأن فيه فتحه بالوسط خخخخ

في ذمتس

اجل نقاب الشيشه

الاخوات فالينها مضبوط هناك:ma:
هههههههههههههههههههههههههههههه

فديتس بس:inlove:

إقتباس:

أنا احسن لي ما أتخيل لأن الموقف يرفع الضغط ههههههههههههههههههه

ههههههههههههههههه

لاعادي تخيلي واذا ارتفع انا انزله:bi:

إقتباس:

أنا أتذكر لاقالوا رمضاان أستاانست عشان نروح نشتري عصير قمر دين

وقسم اني ما احبه بس احلى شئ أسمه خقاق ههههههههههههههههههههههههه

الله ينعم به

سبحان الله حتى مااستسيغ شكله>>>>ومن خذ رايتس

إقتباس:

وااو اجمل وارقى انامل كتبت لنا هالسوالف اللي تقنن..
لاتحرميني من هالسولافااات السووكرة

وتقبلي مروري

اختك..

روح طفلهـ

يالبى روحك والله

تسلمين حبيبتي من جد فرحت بتواجدك بالدكهclap:

وبموضوعي خآآآآآآآصه:inlove:

من كل قلبي اقول لك

لاتحرمين هالطله تكفين:blu:

ماانحرمشششششش

Silver Wolf · 20 Sep 2008, 05:49 AM

لي باك خصوصا مع اللي يسحب السلك

وذكريات رمضان ما تخلص

بس لما اخلص من القردة اللي عندنا ... عندنا قردة وبتقول دكتورة

ااااااااااه لو ماحد في الكلاس غيري ... كنت جيب واعذبها واحاول افرد جلد يدها عجوز ابليس

لاعاد خلتنا نصوم ولا عاد خلتنا نطالع في التايلاندية <<< ياحياتكم لو تشوفوا التايلاندية وهي ما ادري اش تبي بالالوان اللي لابستها وقاعده تقرضم اطافرها عشان الدرجة اللي جابتها .. احسها بتوصل مرفقها على اخر الكلاس

Дl-јσσяү · 20 Sep 2008, 07:57 AM

إقتباس:

ياهلا والله وغلا

مشتآقه لكم حتى وانا معكم مشتآقه

شلون الغالين

هلآ ومرحبـــآ بك ..

تشتآق لك العــآآفيهـ يــآآرب ..

بخير دآمــك بخير يالغــآآليهـ ..

إقتباس:

عاد مشى شهر رمضان بسرعه الله يعيده علينا وعليكم اعوام عديده وازمنه مديده

آي واللهـ .. آمين يــآآرب ..

وربي دوبهــآ آختي الصغيرة تسآل آمي .. يومـ جلست آمي تحسب .. طآرت عيونهـــآ ..

قآلت تخيلوآ مآبقى شيء غير آسبوع ونص تقريبـآ والعيد ..

من جد الآيــآآمـ صآرت تمشي بسرعة .. :(

إقتباس:

ودي اسولف معكم شوي

خذي رآحتك .. ^_^ ..

إقتباس:

تذكرون :يومننا صغار مآآآآآره

وش نوع الايسكريم اللي نحبه

اذكر كان عندنا بالحاره عجوز تعبي توت بأكياس وتفرزرها وتبيع علينا الكيسه بريال

يوووووووووووووووووووووووووه

عليه طعم خووووووووووقاق وكله كوم والخشه لاغدت حمراء كومن ثاني<<<بالعافيه تبي تحط روج

خخخخخخخخخخخخخخخخخ ..

آهمـ شىء الروج الآحمر ..

آنآ هذآ آذكرهـ كآن عمي يموت فيهـ ودآيمـ يجيب منهـ ..

بس اللي آحبهـ آنآ وإلى الآن .. اللي يجي في كرتون خمسة بريـــآآل ..

لآ آحد ينط ويقول آبو هدية .. لآ هذآ بدوون .. بس زيهـ بكرتون جمآعي .. :bi: ..

وإلى آلآن آعرف بقآلة تبيعهـ .. بس من جد طعمهـ خطييير .. :خجلان: ..

إقتباس:

وتذكرون :بعد يوم يروحون اهلنا يصلون التراويح بالمسجد

العيال يلعبون كوره بالشارع

والبنات يلعبون خطه عند الباب

آي آذكر .. واللهـ يخلي نجومـ الليل كآنت هي والثومهـ حدنآ .. ..

إقتباس:

وتذكرون بعد

الجيران اول خاصه الرجال دايم عند بعض واحيانا لابغوا يكشخون فرشوا بالشارع فرشه وشخصوا بالقهوه والشاهي عاد اللي مطلعن سيقانه واللي منسدح ع المركى واللي يصب الشاهي واللي يسولف

اذكر كنت انا وبنت جيراننا اسمها هيا

نمر من عندهم واذا شافونا قالوا:

هييه يابنت

عيب البنت تطلع الشارع روحوا لبيتكم>>>>وا عليا خايفين علينا

والحين يخلف الله الجار مايدري عن اسم جاره

خخخخخخخخخخخخخخخخخخخخ ..

عآد آحنآ بحآرتنـــآ .. إلى آلآن الشبآب اللي فيهـــآ يجتمعون برآآ .. وكرة طآئرة وحركآت .. من جد يآبختهمـ واللهـ لآيفرقهمـ ..

مو آحنـــآ .. <_< ..

إقتباس:

اهل العقول في راحه

تهقون داخل الاستراحه لميس ويحيى

ههههههههههههههههههههههه ..

آمــآآ جوتهـــآ لميس ويحيى ..

يختي قسمـ بالله صآروآ يقهرون الوآحد .. كل شيء سموهـ بذآ الآسمـ ..

مرهـ يعني لذي الدرجة ميت ع المسلسل ..

الوآحد يتآبع بس مو لذي الدرجة .. !!

لكن زي مآقلتي آصحآب العقول في رآحة .. !

إقتباس:

ياحياه الشقى وش مرقيها فوق

لاتكون ناويتن تنتحر يالله سترك

توقعي ليهـ لآ .. ؟!! ..

بس توقعي آكثر آنهــآ بالفوتو .. خخخخ

إقتباس:

دعآيه نقاب ابو سحاب

ههههههههههههههههههههههههههههههههـ ..

<< ميتهـ ضحك ..

آمحق نقآب واللهـ .. ..

طيب تخيلي لبستيهـ ومآآنتي آكلة .. باللهـ كيف بيكون شكلك ..

واللهـ كآنهــآ وحدهـ كآنت تهرج كثييير .. وقآمـ شخص وسكتهـــآ بذآ القفل .. :bi: .. هههههههههههه

إقتباس:

وهنا ابيكم تغمضون عيونكم وتتخيلون معي

لآعآد تضحكين علينــآ .. !

قفلت ومآشفت شيء .. حتى الشآشهـ مآعآد آشوفهـــآ .. <_< ..

<< الحمدللهـ والشكر ..

إقتباس:

طلع لكم هالبزر

وش بتسوووووووووووووووووون

واللهـ بصرخ عليهـ .. وآخليهـ سيدآ يروح عند آمهـ ..خخخ

إقتباس:

عني انا بعد الى العشره عشان اكتم القهر

وبعدها بروح ابوسه على هالنظرات اللي تاخذ العقل

واللهـ نظرآتهـ تخليك تضحكين وآنتي معصبهـ من شغلهـ .. هع

/

واللهـ آنآ كنت آحب آطلع مع آبوي العصر .. نروح نتمشى بالسيآرة .. ونرجع مع الآذآن ..

من جد كنت آنبسط يآحليلي .. :bi: ,,

طبعــآ كل سنة برمضآن عآدة .. يوم 29 نجمتع في بيت جدتي .. ويكون الفطور عندهــآ ..

واللهـ لآيقطعهـــآ من عآدة حلوهـ ..

بس للآسف في آشيــآآء كثيير آنقطعت .. زي مآقلتي .. ومآعآد نشوفهــآ ثآني ..

واللهـ يعيدهـ علينـــآ آعوآمـــآ عديدة يــآآرب .. ..

يعطيك العآفيهـ بنووتهـ عالموضوع الروووعـهـ ..

وكثري لنـآ من موآضيعك المستعجلهـ .. ..

لآهنتــــــي .. :)

وحيدة الدرب · 20 Sep 2008, 08:07 AM

رمضااان وآآآهـ من رمضان

عاد انا ما اذكر رمضان ببيتنا القديم ليش ما ادري

رغم انه عمري وقت ما نقلنا يمكن سبع سنين

المهم في بيتنا الجديد طبعا كان بحي راقي

ما كان لنا الا ننثبر بالبيت

<<< كرهت الاحياء ودها تعيش بحارة شعبيه

عاد الحين السنتين اللي راحت بدوا الاولاد عمدنا شغل الحواير في رمضان

بليله وما ادراك ما بليله وطراطيع وحركات حلوووة

يا حسافه عمري اللي ضاع بدووون ذكريات

ما ادري ليه وربي اشياء كثيه وانا صغيرة مو فاكرتها

وربي لو اقولكم اني مو فاكرة صحباتي كيف اتعرفت عليهم

يمكن ما تصدقووووني

تهقووون عندي فقدان للذاكرة الا زهايمر مدري وش يسمووونه

<<< دخلت تتحسف على ذاكرتها الخربانه

بنووته هالايسكريم ذا احنا عندنا بالصيفيه مو برمضان

اماااا الصور كله كوووم والبزر ذا بلحاله كوووم

يمكن لو صارت هالحركه عندي ازنطه مع رقبته وافتك من اذيته والا اجلس انتف شعري

ما اتحمل ترى دلع البزران ابد

ولا استراحه سنوات الضياع

اجل هذاك اليوم لقينا انا واخوووي عماره قديـــــــــــــــــــــــــــــــــــــــمه وشبابيكها الله يعلم بحالها

مكتوب عليها شقق عذااااب وسادحين الرقم تحت اللوحه

<<< تحسفت انها ما صووورتها

بنوووته موضوعك فلته بس قهرني لان ما عندي ذكريات اشارككم فيها مدري هو انا بسم الله علي كنت هاديه وفحالي مالي في احد

او زي ما قلت لكم شكلي فاقده الذاكرة

آآآهـ ما ارق الرياض <<< ابو نووورة الناس صايمه خخخخ

واهل الرياض

وخص نص بنت حليوة وكبرت وصارت ابلا اسمها مي

Silver Wolf · 20 Sep 2008, 09:26 AM

أنا رجعت عشان اقولكم قصتي مع البزر اللي يسحب السلك

هذا مرة يوم خلصت الثانوي وقعدت عاطل في البيت لمدة اسابيع .. اخذت كتاب مخطوط وقعدت اطبعه على الكمبوتر .. وتخبرون ذيك الايام اللي معاه ويندوز ثمانية وتسعين ذا يعتبر معاه اختراع خرافي ... <<< الغريب ان سحابة للحين معها ويندوز 98 <<< كيفك سحااااابووو .. امون وانا اخوكي

الموووووووووووووهم .. قاعد اكتب اكتب اكتب .. ثمان ساعات متواصلة .. وبصراحة كنت غشيييييييييييييييييييييم ولا ادري واش يعني كمبيوتر .. وانا في خضم الكتابة .. ويجيون الصغار يلعبون جنبي

جات واحده بنت اختي يا حليلها .. تقولي خالو اش تثوي .. قلت لها اخيط فستان

ورجعت تلعب

جاء ولد اختي الخبيث .وعمره ثلاث سنين. وجاء يقولي خالو اج تجوي؟؟

قلت له انقلع من هناك بس

قال فين الفجتان .. قلتله انقلع ناقص استهبال جدتك انا

المووووووووهم وانا اكتب اكتب .. شوي رجعت راسي على الكرسي اريح اطالع الاقي الشاشة انطفت .. اشوف الاسلاك تمام... اروح جري عند التوصيلة .. الاقي الخبيث هذا ماسك السلك ويطالع فيني بنظرة قلها انتقام

لسه اخذت نفس عميق عشان اصرخ فيه .. الاقيه رما نفسه على الارض وهاتك يا بكى .. وصراخ ويتقلب ويصرخ .. خلاص خلاص يا خالوووو

انا وقفت زي الاهبل .. والاقي الوالدة جاية طاااااااااااايرة على سرعة الفين وتبعدني من فوقه .. وجات اختي تقولي اشفيك على الولد وانا اقولهم والله لسه ماكلمته .. ولا احد رضي يصدقني

....................
.................................

في الليل يوم رجعت البيت .. دخلت الصالة الاقي الوالدة جالسة والخبيث هذا قدامها وكل البيت ... المهم رحمته وهو صغيرووووووووووون قاعد ويتكلم مشيت جنبه سلمت على الوالدة ومشيت يدي على راسة بشويش .. الاقيه طاح على الارض .. ويقول اه راجي ..راجي .. وهاتك يا بكى .. لسه الوالده بتقوم تخاصمني الاقي امه قامت ومسكت الولد ضرب ضرب .. يا لئيم .. يا كذاب .. اش حتسوي لما تكبر

قلت الحمد لله انه في احد شاف ولا مقتول مقتول ذاك اليوم

وخلصت الحكاية

ولي باك مع الموضوع بشكل عام

سلام

حكاية روح · 20 Sep 2008, 03:57 PM

إقتباس:

المشاركة الأصلية كتبت بواسطة بنت الشيوخ

ياهلا والله وغلا

مشتآقه لكم حتى وانا معكم مشتآقه:inlove:

شلون الغالين :36_3_11:

إقتباس:

وحنا مو مشتاقلين لك << ياويلك منها
قصدي حنا ولهانين عليك حيل خخ

عاد مشى شهر رمضان بسرعه الله يعيده علينا وعليكم اعوام عديده وازمنه مديده:36_1_4:

إقتباس:

انا اشهد انه صدق اليوم عشرين ؟؟

من جد هالشهر احس انه مر بسرعه غير كل سنه>>>طيب متى ناويتن تخلصين سواليفتس يالحبيبه

شسمه ترى ماعندي سالفه <<<اجل وش تبين رازتن خشتس

بس
شسمه

ودي اسولف معكم شوي:خجلان:

تذكرون :يومننا صغار مآآآآآره

وش نوع الايسكريم اللي نحبه :fire:

اذكر كان عندنا بالحاره عجوز تعبي توت بأكياس وتفرزرها وتبيع علينا الكيسه بريال:ma:

إقتباس:

شوفي لا اخفي عليك انا كان عقليتي تجاريه من يوم ماكنت صغير باختصار تري انا بعت فيه هالايسكريم خخخخ

يوووووووووووووووووووووووووه

عليه طعم خووووووووووقاق وكله كوم والخشه لاغدت حمراء كومن ثاني<<<بالعافيه تبي تحط روج

وتذكرون :بعد يوم يروحون اهلنا يصلون التراويح بالمسجد
العيال يلعبون كوره بالشارع:36_7_7:
والبنات يلعبون خطه عند الباب:ma:

إقتباس:

انا اشهد تذكر الشيخ الفلاني كان يطردنا قبل صلاه العشى وحنا نلعب كوره والمشكله الملعب جنب المسجد بالظبط بس خساره هالايام صار الملعب موقف للحديقه اللي جنبا

الخطه=هي انك تجيب فحمه اوطبشوره او اي شي يكتب :bi:

وترسم فيه مربع تسسسسسسسسسبير كبر راس سلفر<<<سلخير سلفر

إقتباس:

حنا نسميها حجله

وبعدين ترسم فيه مربعات صغار وترقمها من 1الى 10 وهات ياتنطيط والله من مرتن شقيت فستاني مع قوه النطه وجتني قبصه من امي خلت دميعاتي تبطبط بس ع الصامت عشان مايضحكون علي اخواني

وتذكرون بعد :yaaaahooo
الجيران اول خاصه الرجال دايم عند بعض واحيانا لابغوا يكشخون فرشوا بالشارع فرشه وشخصوا بالقهوه والشاهي:ma: عاد اللي مطلعن سيقانه :ma: واللي منسدح ع المركى واللي يصب الشاهي واللي يسولف :ar:
اذكر كنت انا وبنت جيراننا اسمها هيا:cupidarro
نمر من عندهم واذا شافونا قالوا:

هييه يابنت

عيب البنت تطلع الشارع روحوا لبيتكم>>>>وا عليا خايفين علينا:ma:

والحين يخلف الله الجار مايدري عن اسم

إقتباس:

جاره

إقتباس:

عاد تصدقين بالله حارتنا وش كبرها ماعرف الا اللي يقربون لي وبعض من انسابنا
لان اغلب الساكنين مستاجرين << تبي تعلمهم ان بيتك ملك
ثم يتغيرون السكان

حتى الجو سبحان الله والطلعات كل شي برمضان حلو

له ******ه سبحان الله وراحه نفسيه تخليك فعلا تفتقد كل يوم منه يمر مااستغليته في ذكر او طاعه اوركعه اوسجده تقربك من الله

ماودي اطول عليكم بكثر الهرج والذكريات >>>ماقصرتي وش باقي ماقلتيه

عاد ذكريات رمضان ماتخلص ولانشبع منها:inlove:

وقبل لااضف عفشي بقولكم

لنا فتره واحنا نشوف ابدآعاتكم وموآضيعكم بالدكه عسى الله مايحرمنا منكمclap:

فقلت يابنت ورى ماتورينهم بعض الصور اللي بجهازتس>>>مبسوطه الاخت بجهازها

نشوف الصور:36_15_24:

اموت ع الخط وتداخل الوان السياره:fire:
بس تهقون الاكياس وش فيها قلبي يقول فيها استغفر الله هروين>>>وانتي وش فهمتس بهالسوالف:ma:

إقتباس:

لا الهروين ماتنحط هنا هذا ميه بالميه قات << الله يهديك النكس اثرت حفيظتي

اهل العقول في راحه
تهقون داخل الاستراحه لميس ويحيى

إقتباس:

لا فيها عدنان ولينا

ياحياه الشقى وش مرقيها فوق
لاتكون ناويتن تنتحر يالله سترك:fire:

إقتباس:

مسكينه ضنيت لها وشفقت عليها خخخخ

فآصل ونوآصل:36_15_25:

دعآيه نقاب ابو سحاب

شوفوا يابنات وش اخر ماتوصلت اليه الموضه

وانتي رايحه بالسياره وطلبتي عشاء سفري

او بمطعم ولافيه سواتر ومظطره تكشفين

او مسافره بالسياره وودك تتقهوين ولاقدرتي تكشفين

بلا لثام بلا نقاب بلا فتاق:ma:

تعالي شوفي وش جبت لتس معي@!@

وش رايكم في السحاب متعوب عليه^ـــــ*

والا عاد هاللي بتاكل هي وضروسها مدري وش باقي ماطلع خطيط فوق الخشم وقضينا>>>>>يسمعون بالستر

إقتباس:

خخخخ حلوه ذي بس ممنوعه من الهئيه << وش دخل الهيئه الحين

انا بالنسبه لي مستغنيه الحمدلله اقعد ميته بجوعي ولاافق خشتي تسذا:ma:

وهنا ابيكم تغمضون عيونكم وتتخيلون معي

تخيلوا انكم تدورون على برنامج ويالله بالعنا والتعب لقيتوه

وصرتوا تحملونه ومابقى عليه شي ويكتمل التحميل

وفجأه

طلع لكم هالبزر

:bi:

وش بتسوووووووووووووووووون :doh:

عني انا بعد الى العشره عشان اكتم القهر

وبعدها بروح ابوسه على هالنظرات اللي تاخذ العقل :ma:

إقتباس:

سبحان الله فيه شبه مني يوم اني كنت صغير << بالله اقول ضف وجهك

خخ
انا مو مسوي شي لاني متعود من ليان ومهندس الغفله ابو زيدان

وبس ابشركم خلصت *ـــ*

شاركونا بذكريات الطفوله في رمضان

ولاتحرمونا فرحه ردودكم

مسكت معي ونزلت الموضوع على عجاله

اعتذر لو ماكان بالمستوى اللي يليق بقرائنا الاعزاء

احلى واعذب واجمل وارق تحيه

بنـت الشــيوخ:36_3_11:

ردينا على الموضوع والحمد لله << طيب وش تبي نرفع لك البيرق
تسلمين بنوته على الموزوع
ولي باك ان شاء الله مع ذكريات الطفوله
سلام ياصاحبي

TOP · 20 Sep 2008, 06:12 PM

لو اشوف البزر سوي كذا
لاتوطاه
الين
يطلع
امعاءه
وبنسبة لرمضان ذكريات و الله ايام فله و وناشة
اذكر كان جمبنا بيت ينبني وفي رمل ابيض وبعضه يجي متماسك عاد انا و اولاد الحارة نمسك و في الشارع و اهلنا في الصلاة
وشغالين على السيارات و البيوت وكان ففيه حفريات طبعا الحفريات يجي معها الصبة و الحبل الي يحطون عليه البلاستسك الاحمر و ناخذه ونحط في حصى وبعدين نرمية و يطلع فله
مكشورة

Nks · 20 Sep 2008, 08:29 PM

إقتباس:

ياهلا والله وغلا

إقتباس:

مشتآقه لكم حتى وانا معكم مشتآقه:inlove:

هلابتــس اكـــثر ...

والله وحنااا أكثر ... بس خليهااا على العيد انتشاااوف ههههههههه

إقتباس:

شلون الغالين :36_3_11:

تمااام الحمد لله <<< عد نفسه ابو الشباب من الغااالين

إقتباس:

عاد مشى شهر رمضان بسرعه الله يعيده علينا وعليكم اعوام عديده وازمنه مديده:36_1_4:

اللهم امين ...

إقتباس:

من جد هالشهر احس انه مر بسرعه غير كل سنه>>>طيب متى ناويتن تخلصين سواليفتس يالحبيبه

ااايه وش دراتس حدر هالسبلت وناااايمه لادوام ولا مثله .. بس الوعد

السنه الجاايه ان شاااء الله .. نشوف هو سريع مثل هالسنه والا لا

إقتباس:

شسمه ترى ماعندي سالفه <<<اجل وش تبين رازتن خشتس

زين اللى جت منتس ماااهى مناااا

إقتباس:

بس
شسمه

شسمه ...انتى قوولى وانا اقول وراتس

إقتباس:

ودي اسولف معكم شوي:خجلان:

اهاااااه وهذى انسداحه ... سووولفى يااابعدى نسمعتس

إقتباس:

تذكرون :يومننا صغار مآآآآآره

ااايه نذكر ... حتى أنا اتذكر وأنا ابو شهر

إقتباس:

وش نوع الايسكريم اللي نحبه :fire:

اذكر كان عندنا بالحاره عجوز تعبي توت بأكياس وتفرزرها وتبيع علينا الكيسه بريال:ma:

يوووووووووووووووووووووووووه

عليه طعم خووووووووووقاق وكله كوم والخشه لاغدت حمراء كومن ثاني<<<بالعافيه تبي تحط روج

هههههههههههههههههههه اثاريتس عجوز يااابنت ...أنا لاحق على

التسعيره الاولى 2 بريااال

إقتباس:

وتذكرون :بعد يوم يروحون اهلنا يصلون التراويح بالمسجد
العيال يلعبون كوره بالشارع:36_7_7:

الله الله ... وماااتحلى فرفرت الشوارع بالسياكل الا بصلاة التراويح

إقتباس:

والبنات يلعبون خطه عند الباب:ma:

الخطه=هي انك تجيب فحمه اوطبشوره او اي شي يكتب :bi:
وترسم فيه مربع تسسسسسسسسسبير كبر راس سلفر<<<سلخير سلفر

عزالله انتس صااااتزه ... بالكبر كبر راســــه

بس كاااانت ذابحتنااا الغيره منهن ودنااا نلعب واللعبه حقت بنااات ...

نجى مسرعين وانواع الجلنطااات على للعبتهن ..ونطردهن وندخلهن ابيوتهن

<<مسوين هيئه بدون جمس

إقتباس:

وبعدين ترسم فيه مربعات صغار وترقمها من 1الى 10 وهات ياتنطيط والله من مرتن شقيت فستاني مع قوه النطه وجتني قبصه من امي خلت دميعاتي تبطبط بس ع الصامت عشان مايضحكون علي اخواني

هههههههههههههه وهذاك تسمينه فستاااان ... ااايه ماااعلينا كملى

إقتباس:

وتذكرون بعد :yaaaahooo
الجيران اول خاصه الرجال دايم عند بعض واحيانا لابغوا يكشخون فرشوا بالشارع فرشه وشخصوا بالقهوه والشاهي:ma: عاد اللي مطلعن سيقانه :ma: واللي منسدح ع المركى واللي يصب الشاهي واللي يسولف :ar:
اذكر كنت انا وبنت جيراننا اسمها هيا:cupidarro
نمر من عندهم واذا شافونا قالوا:

هييه يابنت

عيب البنت تطلع الشارع روحوا لبيتكم>>>>وا عليا خايفين علينا:ma:

والحين يخلف الله الجار مايدري عن اسم جاره

ههههههه بالشرقيه مازال الوضع على ماااهو عليه ....

إقتباس:

حتى الجو سبحان الله والطلعات كل شي برمضان حلو

له ******ه سبحان الله وراحه نفسيه تخليك فعلا تفتقد كل يوم منه يمر مااستغليته في ذكر او طاعه اوركعه اوسجده تقربك من الله

ماودي اطول عليكم بكثر الهرج والذكريات >>>ماقصرتي وش باقي ماقلتيه

عاد ذكريات رمضان ماتخلص ولانشبع منها:inlove:

وقبل لااضف عفشي بقولكم

لنا فتره واحنا نشوف ابدآعاتكم وموآضيعكم بالدكه عسى الله مايحرمنا منكمclap:

ولا منتس طااال عمرتس ...

إقتباس:

فقلت يابنت ورى ماتورينهم بعض الصور اللي بجهازتس>>>مبسوطه الاخت بجهازها

كل شى والا فيه شي مشفر خخخخخخخ:36_1_42:

إقتباس:

نشوف الصور:36_15_24:

اموت ع الخط وتداخل الوان السياره:fire:
بس تهقون الاكياس وش فيها قلبي يقول فيها استغفر الله هروين>>>وانتي وش فهمتس بهالسوالف:ma:

ههههههه اما هروين ...وبكياااس طحين من جد ماااتجى بنوووته

التذكره حقت الهروين الله يبعدتس انتى والسامعين عنهااا

بــــ 500 ريال

يعنى الشمه رايح جاااى يقولون لهااا 2 واى ...

وانتى معبئه اكياااس يااابت ...

وانتى النعنع وانتى الخس وانتى حبيبت قلبى وبس وين شعبااان

عنهااا يغنيهااا

إقتباس:

اهل العقول في راحه
تهقون داخل الاستراحه لميس ويحيى

هذا الحاااارس متأثر بالمسلسل وطق الاسم على باااب غرفته

إقتباس:

ياحياه الشقى وش مرقيها فوق
لاتكون ناويتن تنتحر يالله سترك:fire:

ههههههههههههههه هذا شكله مدير البنك مبخشش موظف الخزنه

علشااان يسلفه لأخر الشهر من الخزنه بس يااافرحه ماااتمت ...

إقتباس:

فآصل ونوآصل:36_15_25:

وش عندهااا رانيا برغووووث

إقتباس:

دعآيه نقاب ابو سحاب

شوفوا يابنات وش اخر ماتوصلت اليه الموضه

وانتي رايحه بالسياره وطلبتي عشاء سفري

او بمطعم ولافيه سواتر ومظطره تكشفين

او مسافره بالسياره وودك تتقهوين ولاقدرتي تكشفين

بلا لثام بلا نقاب بلا فتاق:ma:

تعالي شوفي وش جبت لتس معي@!@

وش رايكم في السحاب متعوب عليه^ـــــ*

والا عاد هاللي بتاكل هي وضروسها مدري وش باقي ماطلع خطيط فوق الخشم وقضينا>>>>>يسمعون بالستر

انا بالنسبه لي مستغنيه الحمدلله اقعد ميته بجوعي ولاافق خشتي تسذا:ma:

هذا شغل العولمه كل شى على السريع ... الله يستر بس من غيره

إقتباس:

وهنا ابيكم تغمضون عيونكم وتتخيلون معي

تخيلوا انكم تدورون على برنامج ويالله بالعنا والتعب لقيتوه

وصرتوا تحملونه ومابقى عليه شي ويكتمل التحميل

وفجأه

طلع لكم هالبزر

:bi:

وش بتسوووووووووووووووووون :doh:

عني انا بعد الى العشره عشان اكتم القهر

وبعدها بروح ابوسه على هالنظرات اللي تاخذ العقل :ma:

نفس ردت فعلى بس بوووستى بطريقه ثااانيه :36_6_2:

إقتباس:

وبس ابشركم خلصت *ـــ*

شاركونا بذكريات الطفوله في رمضان

ولاتحرمونا فرحه ردودكم

مسكت معي ونزلت الموضوع على عجاله

اعتذر لو ماكان بالمستوى اللي يليق بقرائنا الاعزاء

احلى واعذب واجمل وارق تحيه

بنـت الشــيوخ:36_3_11:

والله يااابنت الحلال لو تحطين هــــذا بس :36_3_11:بموضوع بيطلع اخقاااق مو عاااد تحتسين

لاعدمناااتـــــــــس معزبتناااا ....

بنت الشيوخ · 21 Sep 2008, 12:53 AM

إقتباس:

المشاركة الأصلية كتبت بواسطة Silver Wolf

لي باك خصوصا مع اللي يسحب السلك

وذكريات رمضان ما تخلص

بس لما اخلص من القردة اللي عندنا ... عندنا قردة وبتقول دكتورة

ااااااااااه لو ماحد في الكلاس غيري ... كنت جيب واعذبها واحاول افرد جلد يدها عجوز ابليس

لاعاد خلتنا نصوم ولا عاد خلتنا نطالع في التايلاندية <<< ياحياتكم لو تشوفوا التايلاندية وهي ما ادري اش تبي بالالوان اللي لابستها وقاعده تقرضم اطافرها عشان الدرجة اللي جابتها .. احسها بتوصل مرفقها على اخر الكلاس

ههههههههههههههههههههههه
يارجال حرام عليك صوم اش بك ع العجوز:ma:

وبعدين اش سالفتك مع التايلنديه هاااه :bi:

وش رايك تصمم لها موديلات تكشخ فيها بدل منت مبقق عيونك فيها<<<وانتي وش دخل اهلتس

بس لايغرك الالوان اللي لابستها هذا اللي خلها تطلع من الاوائل """

ومن ناحيه اظافرها اوصف لها زيت الخردل كويس ويعطيك رده فعل كويسه بعد ماتذوقه :bi:

ننتظرك ياباشا وماانحرمش

لي بآآآآآآآآآآآك مع بقيه الردود

clap:

غدوووش · 21 Sep 2008, 04:43 AM

ياهــــــــــــــــــــــلا بقبق عيني << قسم أشوووف أحد قايلها في هالمنتدى غيري لأوريه نسمعين سحااابه ..:36_6_2:

إقتباس:

ياهلا والله وغلا

مشتآقه لكم حتى وانا معكم مشتآقه

شلون الغالين

بخير جعلك بخير ...

إقتباس:

شسمه ترى ماعندي سالفه <<<اجل وش تبين رازتن خشتس

ودي أقولها بس مستحيه منك .. ههههههههههههههههه:36_11_6:

إقتباس:

تذكرون :يومننا صغار مآآآآآره

وش نوع الايسكريم اللي نحبه

اذكر كان عندنا بالحاره عجوز تعبي توت بأكياس وتفرزرها وتبيع علينا الكيسه بريال

يوووووووووووووووووووووووووه

عليه طعم خووووووووووقاق وكله كوم والخشه لاغدت حمراء كومن ثاني<<<بالعافيه تبي تحط روج

وش ذا بنووته أنتي من أي عصر .. من الحجري وإلا الفرعوني ...

قديمه بقووووووووووووووووه .. يوم الناس كااانو يصومون بالليل ..خخخخخخ

هذا ما أذكره ... << يحليها السعنونه ..

أخوااني الكبااار لاحظي الكبااار هم اللي يذكروونه ...

لا أحنا نسوووي حركه خطيره ... نحط فيمتو في بياله ونحط جوااها ملعقه صغيره ...

وفي الفريزر .. بعدين يطلع كنه المثلجااات اللي ألحين .. دائره فيمتو والملعقه نمسكها به ..

ياحليلنا قسم من وأحنا صغااار وأحنا نظيفين ...:36_7_7:

بس تدرين طعمه في الأكشن اللي يصير ... لأن أمي تهاوشنا إذا حطيناه في الفريزر يحوووس عليها الدووونيا ..

وكل شوي فاتحين نشوف جمد أو لا ..

يعني كله من أوله إلى أخره سرق ..

بس والله مدري ليه أمي تحاارب الايسكريم من أول ... وألحين هي تشتري كراااتين .. :36_1_11:

<< ودها ترووح تسأل بس تخااف تتذكر أمها العقده ويرجعون على طير ياللي ..

إقتباس:

وتذكرون بعد
الجيران اول خاصه الرجال دايم عند بعض واحيانا لابغوا يكشخون فرشوا بالشارع فرشه وشخصوا بالقهوه والشاهي عاد اللي مطلعن سيقانه واللي منسدح ع المركى واللي يصب الشاهي واللي يسولف
اذكر كنت انا وبنت جيراننا اسمها هيا
نمر من عندهم واذا شافونا قالوا:

هييه يابنت

عيب البنت تطلع الشارع روحوا لبيتكم>>>>وا عليا خايفين علينا

والحين يخلف الله الجار مايدري عن اسم جاره

وقسم ما أحسد أخوااتي إلا على هالحركه ...هههههههه

نص عيال الحااره أصدقاهم هههههههههههههههه .. وتعالي شوووفيها ألحين إذا شاافته في الشااارع ..

قسم إلا شووي ترووح تسلم عليه ...ياحليله تغير ... كبر .. أنا مدري هي عجزت وهي مرشووش بنشاء ....:36_11_6: عجااااايب ..

وتعالي شووفي الذكريااات ..

بس برااااءه ذاااك الوقت .. وإلا أشيااااء تفشل ..

لعب وحركااات ورووحات وجياااات وكل وااحد يسوي عنتر يدااافع عنها ...

بس والله من جد أنا مثل وحيده ما أتذكر أشيااء كثيره .. فديتنا وحيده سعنونااااات ..:inlove:

هههههههههههههههههههههه

وأنتي في الشااارع شووفي الشااحناات أشكااال وألواان .. وكل وااحد كاااتب شكل ..

بس هذا شكله بيااع خضااار نعنااع وخس << وشلووونك سلفرووووووووو..

إقتباس:

بس تهقون الاكياس وش فيها قلبي يقول فيها استغفر الله هروين

وقسم ما عندك سالفه ... الهرووين أصفر شوي ... هذا كوكايين .. ههههههههههههههههههههه:fire:

هي وشي أصلااا ... كل هذي قطووووه ...ياسااااتر ..

هههههههههههههههههه

عاااادي بقوم أركب اللي فكه وأرجع مره ثاانيه ... من سجلت في محشش وأنا تصير هالحركه يعني مو غريب ولا أول مره .. << كم مره تقول ليت البيااع قدااامي كان تصفقه .. مدري وش دخله الضعيف ..

إقتباس:

وبس ابشركم خلصت *ـــ*

شاركونا بذكريات الطفوله في رمضان

أنتي والله شرهتيني وفتحتي مووضووع ما لقيت له جوااب ..

ليش ما أذكر طفولتي البريئه .. << يعني فيه طفوله مو بريئه ..:ev:

إقتباس:

ولاتحرمونا فرحه ردودكم

مسكت معي ونزلت الموضوع على عجاله

اعتذر لو ماكان بالمستوى اللي يليق بقرائنا الاعزاء

شوووفي هو داامه باللون الأزرق ونصه أبتساامااات فهو زين قرينا وإلا ما قرينا ..

تسلمييييييين بنووووته ..

والله لا يحرمنا منك ...

.
.
.

بنت الشيوخ · 21 Sep 2008, 07:22 AM

إقتباس:

المشاركة الأصلية كتبت بواسطة تـوووفـــي

هلآ ومرحبـــآ بك ..

تشتآق لك العــآآفيهـ يــآآرب ..

بخير دآمــك بخير يالغــآآليهـ ..

دووووووم يارب
وعسر ربي مايحرمني طلت عيونك:heart2:

آي واللهـ .. آمين يــآآرب ..

وربي دوبهــآ آختي الصغيرة تسآل آمي .. يومـ جلست آمي تحسب .. طآرت عيونهـــآ ..

قآلت تخيلوآ مآبقى شيء غير آسبوع ونص تقريبـآ والعيد ..

من جد الآيــآآمـ صآرت تمشي بسرعة .. :(

والله كله من اعمارنا
الله بس يجعلنا ممن طال عمره وحسن عمله:36_1_44:

خذي رآحتك .. ^_^ ..

لبى روحك:خجلان:

خخخخخخخخخخخخخخخخخ ..

آهمـ شىء الروج الآحمر ..

آنآ هذآ آذكرهـ كآن عمي يموت فيهـ ودآيمـ يجيب منهـ ..

بس اللي آحبهـ آنآ وإلى الآن .. اللي يجي في كرتون خمسة بريـــآآل ..

لآ آحد ينط ويقول آبو هدية .. لآ هذآ بدوون .. بس زيهـ بكرتون جمآعي .. :bi: ..

وإلى آلآن آعرف بقآلة تبيعهـ .. بس من جد طعمهـ خطييير .. :خجلان: ..

هههههههههههههههههههههههههه

ايه عرفته هذاك اللي يجي منه الوان
عاد انواع الطقاق انا واخواني من اللي ياخذ الاحمر او اوالاورنج:bi:
بس عليه طعم خوقااق صدز

الا تعالي:ar:

وينها فيه هالبقاله بروح اشتري منه تقل اشتهيته:ma:

آي آذكر .. واللهـ يخلي نجومـ الليل كآنت هي والثومهـ حدنآ .. ..

يوووووووووه

اووما الثوم كلام ثاني ابشرتس سوينا تعتيق موب صاحي في جدار اهلي من الثوم انواع الالوان:s19:

وهـ بس

الدنيا حلوه ياقدعاااااااااااااان:fire:

خخخخخخخخخخخخخخخخخخخخ ..

عآد آحنآ بحآرتنـــآ .. إلى آلآن الشبآب اللي فيهـــآ يجتمعون برآآ .. وكرة طآئرة وحركآت .. من جد يآبختهمـ واللهـ لآيفرقهمـ ..

مو آحنـــآ .. <_< ..

ماشاء الله عليهم
عز الله حسيتوا صدز بالجو موهاللي عندنا كلن زابن في بيته قسم ماتدرين ميتين والا حيين:ma:

ههههههههههههههههههههههه ..

آمــآآ جوتهـــآ لميس ويحيى ..

يختي قسمـ بالله صآروآ يقهرون الوآحد .. كل شيء سموهـ بذآ الآسمـ ..

مرهـ يعني لذي الدرجة ميت ع المسلسل ..

الوآحد يتآبع بس مو لذي الدرجة .. !!

لكن زي مآقلتي آصحآب العقول في رآحة .. !

اي والله عاد كله كوم وخبال الحريم والرجال كوم ثاني لاقال الرجال لمرته يازين لميس ليتها بدالتس
وهي قالت ويازين مهند بعد ليتك تجي ربعه:j:
ههههههههههههههههه

عز الله خربوا وش هالاجيال اللي بيربونها ياحسره وهذا تفكيرهم

توقعي ليهـ لآ .. ؟!! ..

بس توقعي آكثر آنهــآ بالفوتو .. خخخخ

كل شي جايز وانا اختس:ma:

ههههههههههههههههههههههههههههههههـ ..

<< ميتهـ ضحك ..

آمحق نقآب واللهـ .. ..

طيب تخيلي لبستيهـ ومآآنتي آكلة .. باللهـ كيف بيكون شكلك ..

واللهـ كآنهــآ وحدهـ كآنت تهرج كثييير .. وقآمـ شخص وسكتهـــآ بذآ القفل .. :bi: .. هههههههههههه

ههههههههههههههه
عجزت اتخيل نفسي لابسته
توفي شرايتس اجربه عليتس

لآعآد تضحكين علينــآ .. !

قفلت ومآشفت شيء .. حتى الشآشهـ مآعآد آشوفهـــآ .. <_< ..

<< الحمدللهـ والشكر ..

ههههههههههههههههه

لبى اللي يسمع الكلام:heart2:

واللهـ بصرخ عليهـ .. وآخليهـ سيدآ يروح عند آمهـ ..خخخ

واللهـ نظرآتهـ تخليك تضحكين وآنتي معصبهـ من شغلهـ .. هع

/

ياقلبي عليه قسم نظراته خوقااااااااااق الله يحفظه:blu:

واللهـ آنآ كنت آحب آطلع مع آبوي العصر .. نروح نتمشى بالسيآرة .. ونرجع مع الآذآن ..

من جد كنت آنبسط يآحليلي .. :bi: ,,

طبعــآ كل سنة برمضآن عآدة .. يوم 29 نجمتع في بيت جدتي .. ويكون الفطور عندهــآ ..

واللهـ لآيقطعهـــآ من عآدة حلوهـ ..

بس للآسف في آشيــآآء كثيير آنقطعت .. زي مآقلتي .. ومآعآد نشوفهــآ ثآني ..

واللهـ يعيدهـ علينـــآ آعوآمـــآ عديدة يــآآرب .. ..

الله
حلوه طريقتك >>>ودها تسير على جدتها بس متوفيه الله يرحمها واموات المسلمين:36_1_44:

يعطيك العآفيهـ بنووتهـ عالموضوع الروووعـهـ ..

وكثري لنـآ من موآضيعك المستعجلهـ .. ..

لآهنتــــــي .. :)

يافديت قلبك انا

لاعدمت طلتك وردك قسم انه يشق الوجه شقclap:

لاتحرميني هالطله حبيبتي :36_3_1:

بنت الشيوخ · 21 Sep 2008, 07:36 AM

إقتباس:

المشاركة الأصلية كتبت بواسطة وحيدة الدرب

رمضااان وآآآهـ من رمضان

عاد انا ما اذكر رمضان ببيتنا القديم ليش ما ادري

رغم انه عمري وقت ما نقلنا يمكن سبع سنين

اسم الله عليتس وراتس ماتذكرين
لايكون دابجتن على راستس وانتي صغيره وفقدتي جزء من الذاكره

المهم في بيتنا الجديد طبعا كان بحي راقي

ما كان لنا الا ننثبر بالبيت

<<< كرهت الاحياء ودها تعيش بحارة شعبيه

حتى انا قسم اذا مرينا من عند بيتنا الاول شوي وابتسي اتذكر الاماكن اللي كنت العب فيها
وبيوت جيراننا والبقاله اللي كنت اشتري منها

ايييييييييييييه زمان:oh:

عاد الحين السنتين اللي راحت بدوا الاولاد عمدنا شغل الحواير في رمضان

بليله وما ادراك ما بليله وطراطيع وحركات حلوووة

حلو معناته عندكم ذكريات حلوه

البليلامااشوفها الا في الاسواق الشعبيه شوي او على الدايري تلقين واحد صافط على جنب ويبيع

بس لها طعم غير خآآآصه مع الشطه:fire:

يا حسافه عمري اللي ضاع بدووون ذكريات

ما ادري ليه وربي اشياء كثيه وانا صغيرة مو فاكرتها

وربي لو اقولكم اني مو فاكرة صحباتي كيف اتعرفت عليهم

يمكن ما تصدقووووني

تهقووون عندي فقدان للذاكرة الا زهايمر مدري وش يسمووونه

<<< دخلت تتحسف على ذاكرتها الخربانه

ههههههههههههههههههه

ياعمري انتي

طيب قلبي كثري من الزبيب يقولون ينشط الذاكره مره:bi:

بنووته هالايسكريم ذا احنا عندنا بالصيفيه مو برمضان

اجل احنا برمضان ياعيون بنوته:inlove:

اماااا الصور كله كوووم والبزر ذا بلحاله كوووم

يمكن لو صارت هالحركه عندي ازنطه مع رقبته وافتك من اذيته والا اجلس انتف شعري

ما اتحمل ترى دلع البزران ابد

احلى ياقويه

حرام والله نظرات عيونه ماتساعد على ضربه:bi:

ولا استراحه سنوات الضياع

اجل هذاك اليوم لقينا انا واخوووي عماره قديـــــــــــــــــــــــــــــــــــــــمه وشبابيكها الله يعلم بحالها

مكتوب عليها شقق عذااااب وسادحين الرقم تحت اللوحه

<<< تحسفت انها ما صووورتها

ههههههههههههههههههههههههههههههههههههههههههههههههههههههههههههههههه

عرفتها

هذي حقت عذوبه اللي معنا بالمنتدى فشلتنا الله يفشل عدوها اقول لها رمميها تقول باتسر

>>>>>نوير شلونتس:ma:

بنوووته موضوعك فلته بس قهرني لان ما عندي ذكريات اشارككم فيها مدري هو انا بسم الله علي كنت هاديه وفحالي مالي في احد

او زي ما قلت لكم شكلي فاقده الذاكرة

ياعمري انتي

شوفي قلبي مو كل شي نتذكره صعب علينا بس فيه اشياء تبقى راسخه حلوه صعب الواحد ينساها بسهوله

الله يرد لك ذاكرتك حبيبتي وحاولي احيانا تسولفين مع الوالده وتخلينها تذكرك بشقاوتك وانت صغيره يمكن تساعدك شوي:inlove:

آآآهـ ما ارق الرياض <<< ابو نووورة الناس صايمه خخخخ

واهل الرياض

وخص نص بنت حليوة وكبرت وصارت ابلا اسمها مي

ياويل حاااااااااااااااااالي

وين اروح انا

متعوب عليها خص نص

اممممممموآآآآآآآآآآآآآآآه لعيونك:36_3_15:

عسى ربي يسعد ايامك ياقلبي

حبيبتي طلتك اسعدتني ولو اني حسيت فيها انك مووحيده حقت قبل بس ماعليه ياعمري
دايم تذكري نعمه النسيان وعيشي يومك بكل شي حلو فيه

لاعدمتك:inlove:

بنت الشيوخ · 21 Sep 2008, 07:50 AM

إقتباس:

المشاركة الأصلية كتبت بواسطة silver wolf

أنا رجعت عشان اقولكم قصتي مع البزر اللي يسحب السلك

ارحب يالله حيه حياك سلفرclap:

هذا مرة يوم خلصت الثانوي وقعدت عاطل في البيت لمدة اسابيع .. اخذت كتاب مخطوط وقعدت اطبعه على الكمبوتر .. وتخبرون ذيك الايام اللي معاه ويندوز ثمانية وتسعين ذا يعتبر معاه اختراع خرافي ... <<< الغريب ان سحابة للحين معها ويندوز 98 <<< كيفك سحااااابووو .. امون وانا اخوكي

هههههههههههههههههههههه

الله يصلحك بس وانت وش عرفك :ma:

الموووووووووووووهم .. قاعد اكتب اكتب اكتب .. ثمان ساعات متواصلة .. وبصراحة كنت غشيييييييييييييييييييييم ولا ادري واش يعني كمبيوتر .. وانا في خضم الكتابة .. ويجيون الصغار يلعبون جنبي

متعوووووب على خضم بالله من وين جايبها:ma:

جات واحده بنت اختي يا حليلها .. تقولي خالو اش تثوي .. قلت لها اخيط فستان

ههههههههههههههههههههههههههههههههه

اقرب مخرج
طيب ممكن تخيط لي معاك واحد>>>>مبسوطه ع الفجريه لاتلومها

ورجعت تلعب

جاء ولد اختي الخبيث .وعمره ثلاث سنين. وجاء يقولي خالو اج تجوي؟؟

ههههههههههههههههههههههههههههههههههههههههه

ياعمري عليه

اوووما اج تجوي اي لهجه هذي:36_11_6:

قلت له انقلع من هناك بس

قال فين الفجتان .. قلتله انقلع ناقص استهبال جدتك انا

المووووووووهم وانا اكتب اكتب .. شوي رجعت راسي على الكرسي اريح اطالع الاقي الشاشة انطفت .. اشوف الاسلاك تمام... اروح جري عند التوصيلة .. الاقي الخبيث هذا ماسك السلك ويطالع فيني بنظرة قلها انتقام

يالللللللللللللللللله

8ساعات مدري يمكن انتحر الله يستر :36_1_2:

لسه اخذت نفس عميق عشان اصرخ فيه .. الاقيه رما نفسه على الارض وهاتك يا بكى .. وصراخ ويتقلب ويصرخ .. خلاص خلاص يا خالوووو

انا وقفت زي الاهبل .. والاقي الوالدة جاية طاااااااااااايرة على سرعة الفين وتبعدني من فوقه .. وجات اختي تقولي اشفيك على الولد وانا اقولهم والله لسه ماكلمته .. ولا احد رضي يصدقني

ياحليله الولد طلع متخرج بالتمثيل >>>يشبه مين سلفر :bi:

....................
.................................

في الليل يوم رجعت البيت .. دخلت الصالة الاقي الوالدة جالسة والخبيث هذا قدامها وكل البيت ... المهم رحمته وهو صغيرووووووووووون قاعد ويتكلم مشيت جنبه سلمت على الوالدة ومشيت يدي على راسة بشويش .. الاقيه طاح على الارض .. ويقول اه راجي ..راجي .. وهاتك يا بكى .. لسه الوالده بتقوم تخاصمني الاقي امه قامت ومسكت الولد ضرب ضرب .. يا لئيم .. يا كذاب .. اش حتسوي لما تكبر

هههههههههههههههههههههههههههههه

الولد عنده مشكله في حرف السين

ياقلبي عليه قسم حبيته من جد:inlove:

قلت الحمد لله انه في احد شاف ولا مقتول مقتول ذاك اليوم

نيتك طيبه عشان كذا بينت الحقيقه<<<قولي قسم:ma:

وخلصت الحكاية

ولي باك مع الموضوع بشكل عام

سلام

واحلى باااااااك ننتظره منك

يسعد ايامك

ولي بآآآآآآآآآآآآآآآآآك مع الغالين

بنت الشيوخ · 22 Sep 2008, 07:24 AM

ابو حاتم

يامرحبا مليون

إقتباس:

وحنا مو مشتاقلين لك << ياويلك منها
قصدي حنا ولهانين عليك حيل خخ

قل قسم

إقتباس:

شوفي لا اخفي عليك انا كان عقليتي تجاريه من يوم ماكنت صغير باختصار تري انا بعت فيه هالايسكريم خخخخ

هههههههههههههه

طيب بكم كنت تبيعه لايكون رافع الاسعار:36_15_24:

إقتباس:

انا اشهد تذكر الشيخ الفلاني كان يطردنا قبل صلاه العشى وحنا نلعب كوره والمشكله الملعب جنب المسجد بالظبط بس خساره هالايام صار الملعب موقف للحديقه اللي جنبا

الله يجزاه خير هالشيخ حريص عليكم
لاوالملعب جنب المسجد كملت :ma:
الناس من هنا تدعي وانتم من هنا تمزيع كور:36_7_7:

إقتباس:

عاد تصدقين بالله حارتنا وش كبرها ماعرف الا اللي يقربون لي وبعض من انسابنا
لان اغلب الساكنين مستاجرين << تبي تعلمهم ان بيتك ملك
ثم يتغيرون السكان

ماشاء الله متى شريتوه وبكم ومن ساكن معكم<<<<نشبت لااهله:fire:

إقتباس:

لا الهروين ماتنحط هنا هذا ميه بالميه قات

كش برى وبعيد:ma:

إقتباس:

خخخخ حلوه ذي بس ممنوعه من الهئيه << وش دخل الهيئه الحين

اجل تهقى ماعاد يمديني افصل مثله

إقتباس:

انا مو مسوي شي لاني متعود من ليان ومهندس الغفله ابو زيدان

الله يخليهم لك يارب:inlove:

إقتباس:

ردينا على الموضوع والحمد لله << طيب وش تبي نرفع لك البيرق
تسلمين بنوته على الموزوع
ولي باك ان شاء الله مع ذكريات الطفوله
سلام ياصاحبي

ههههههههههههههههههههههههههه

تستاهل والله البيرق clap:

ماقصرت وبيض الله وجهك

واكيد بنشتاق لباكك

لاتطول بوحتوم:blu:

ماانحرمش

بنت الشيوخ · 22 Sep 2008, 07:29 AM

إقتباس:

المشاركة الأصلية كتبت بواسطة TOP

لو اشوف البزر سوي كذا
لاتوطاه
الين
يطلع
امعاءه
وبنسبة لرمضان ذكريات و الله ايام فله و وناشة
اذكر كان جمبنا بيت ينبني وفي رمل ابيض وبعضه يجي متماسك عاد انا و اولاد الحارة نمسك و في الشارع و اهلنا في الصلاة
وشغالين على السيارات و البيوت وكان ففيه حفريات طبعا الحفريات يجي معها الصبة و الحبل الي يحطون عليه البلاستسك الاحمر و ناخذه ونحط في حصى وبعدين نرمية و يطلع فله
مكشورة

يؤؤؤؤؤؤؤؤؤؤؤؤؤؤؤؤؤؤؤؤ

ياشرير:36_1_2:

كل هذا بتسويه حرام والله ماشفعت له نظرات عيونه:ma:

اوووووما الرمل الابيض حكايه

انت تدري ان هذا لعب باموال الدوله وعليه عقوبه <<<<تمسكي بس:ma:

حياك اخوي

وياهلا وغلا فيك معنا بالدكه

لاتقاطع:36_1_11:

بنت الشيوخ · 22 Sep 2008, 07:56 AM

إقتباس:

المشاركة الأصلية كتبت بواسطة Nks

هلابتــس اكـــثر ...

تسلم والله طال عمرك:36_1_39:

والله وحنااا أكثر ... بس خليهااا على العيد انتشاااوف ههههههههه

صدز والله

عاد شسمه لاتنسانا من العيديات الله يسلمك :bi:
وتراني احوووووووب شوكولاطه باتشي صح بتخرب الدايت
بس الدنيا حلوه ياقدعان:fire:

تمااام الحمد لله <<< عد نفسه ابو الشباب من الغااالين

اكبر فخر للناس انك من الناس
واكبر فخر للارض ممشاك فيها

اللهم امين ...

ااايه وش دراتس حدر هالسبلت وناااايمه لادوام ولا مثله .. بس الوعد

السنه الجاايه ان شاااء الله .. نشوف هو سريع مثل هالسنه والا لا

ههههههههههههههههههههه

يارجال اذكر الله مازمان ماذقنا هالسرعه
عساها دوم مويوم:bi:

وانت ان شاء الله تاخذ لك اجازه حلوه وترتاح فيها من الدوام وغثاه
وكل شي باجره طال عمرك:خجلان:

زين اللى جت منتس ماااهى مناااا

الله يرجك طال عمرك فشلتني:ma:

شسمه ...انتى قوولى وانا اقول وراتس

قول خشب الحبس خمس خشبات
قولها 5مرات بسسسسرعه

اهاااااه وهذى انسداحه ... سووولفى يااابعدى نسمعتس

لالا

لاتنسدح اخاف تشرق خلك على جنب ازين:bi:

ااايه نذكر ... حتى أنا اتذكر وأنا ابو شهر

طيب سلف وحيده من ذاكرتك شوي<<<<هذي اللي جابت خبره:bi:

هههههههههههههههههههه اثاريتس عجوز يااابنت ...أنا لاحق على

التسعيره الاولى 2 بريااال

وش عنده ابو 18سنه
الفقها طال عمرك ماشي:ma:

الله الله ... وماااتحلى فرفرت الشوارع بالسياكل الا بصلاة التراويح

عزالله انتس صااااتزه ... بالكبر كبر راســــه

بس كاااانت ذابحتنااا الغيره منهن ودنااا نلعب واللعبه حقت بنااات ...

نجى مسرعين وانواع الجلنطااات على للعبتهن ..ونطردهن وندخلهن ابيوتهن

<<مسوين هيئه بدون جمس

اهاااااااا
هذا اللي فالحين فيه مطلعين عضلاتكم ع البنات
ومناك مصفقينكم عيال حاره الضبع<<<<<وش عندها الحلوه شطحت:ma:

هههههههههههههه وهذاك تسمينه فستاااان ... ااايه ماااعلينا كملى

اجل وشو
لايكون شايفني بس وانا مادري:ma:
قسم قسم فستان ونفاش بعد مدري ليش احوووب النفاشات
عشان شسمه

اذا جلست ادوووريطلع زي الورده<<<تسمع بالحركات

ههههههه بالشرقيه مازال الوضع على ماااهو عليه ....

ولا منتس طااال عمرتس ...

كل شى والا فيه شي مشفر خخخخخخخ:36_1_42:

احم احم

شسمه

وشو مشفره الله يهديك
ماعندنا الاسلامتك:ma:

ههههههه اما هروين ...وبكياااس طحين من جد ماااتجى بنوووته

التذكره حقت الهروين الله يبعدتس انتى والسامعين عنهااا

بــــ 500 ريال

يعنى الشمه رايح جاااى يقولون لهااا 2 واى ...

وانتى معبئه اكياااس يااابت ...

ماشاء الله
الاخ طالع معلم
طيب
الشمه رايحه وماجت وش يقولون عنها<<<<<قومي الله يصلحتس

وانتى النعنع وانتى الخس وانتى حبيبت قلبى وبس وين شعبااان

عنهااا يغنيهااا

اخاف هو اللي مألفها بس:bi:

هذا الحاااارس متأثر بالمسلسل وطق الاسم على باااب غرفته

ههههههههههههههه هذا شكله مدير البنك مبخشش موظف الخزنه

علشااان يسلفه لأخر الشهر من الخزنه بس يااافرحه ماااتمت ...

وش دخل المدير
هذي عنز الله يسلمك
اخاف ان تيسها معرس(ن)عليها اويلاه:g:

وش عندهااا رانيا برغووووث

:خجلان::خجلان:نوع من التجديد فقط لاغير

هذا شغل العولمه كل شى على السريع ... الله يستر بس من غيره

نفس ردت فعلى بس بوووستى بطريقه ثااانيه :36_6_2:

الله يستر يارب:j:

والله يااابنت الحلال لو تحطين هــــذا بس :36_3_11:بموضوع بيطلع اخقاااق مو عاااد تحتسين

لاعدمناااتـــــــــس معزبتناااا ....

:36_3_11::36_3_11::36_3_11::36_3_11::36_3_11::36_3_11::36_3_11:

هاااااااااه والحين طال عمرك وش طلع:ma:

تسلم تسلم المعزب

رد ولااحلى

قسم معزب ناجح بكل المقاييس

ردك ورايك بالموضوع يهمنا

لاتحرمنا منه:36_3_11::36_3_11::36_3_11::36_3_11:>>>عاجبتها السالفه:ma:

Silver Wolf · 22 Sep 2008, 08:12 AM

إقتباس:

المشاركة الأصلية كتبت بواسطة سروال سنه

أخواننا ألاءعضاء أيه المشرفين المحترمون

ألسلام عليكم برحمة الله و بركاته و بعد :::

أنه ما يسعفني ألحديث في هاذي الماقف الذي قد حصل في كتابه
من الموميزين لي ولاكن فيه عض اعضا ء

ليس محترمون ويعرف أبداع الكاتب ألذي كتب حاجه له فايده و
عن الذين مايعلمون كيف يسعدون الميضوع ألمفيد ///
و ولاكن مع ألأسف أن ألباب مسكوك في وجه ألمبدعين مثل العضا بنت شيخ //

ولاكن فيه أعضا ليس همهم أنهم لهم رايهم ومشاركتهم في مدخلاتهم
لاكن بس يخربون هاذي الميضوع على راس ألقاري وبس

أخواني :::

وهذا يريد بس تخريب وتحبيط العضاء بسبب أنه حسودي وليس فقط منافسه في مصلحه القاري
والذين يقرون ماقع النت هاذي الشبكه ألهايله في ألعالم ////

ولاكن أرجو آن لا تقرأ ألحريم و ألطفال و
ضعيفين ألقلوب هاذا المأوظع حيث هاذي موثر على ألنفسيه

وشكرن

وهذا سلفر مر من هنا ... ويقولك يا الحبيب او يالحبيبة روحي او روح تعلم املاء وتعال اتكلم

والله ما ادري كيف يعطوا العجم كمبيوترات تكتب عربي

سوري بنوته .. قهرني على ساعة الظهرية الماليزية ..

m!ss ana · 22 Sep 2008, 08:22 AM

مشكــــــــــووووووووووره عــن جـــد مررررررررررره روووووووعه
يعطــــيك العـــــااافيــــه

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: البحث المتقدم
أنماط عرض الموضوع
العرض العادي الإنتقال إلى العرض المتطور الإنتقال إلى العرض الشجري

المواضيع المتشابهة
الموضوع	كاتب الموضوع	المنتدى	مشاركات	المشاركة الأخيرة
خلفيات لشاشة الكمبيوتر يارب تعجبكم	امو و و لة قطر	منتديات المواضيع المسجونة	1	07 Jan 2006 01:27 PM
اغنية راشد الهدايا بطاقه فلاشيه يارب تعجبكم	.¤®°القبله الفرنسيــه°®¤.	منتديات المواضيع المسجونة	16	08 Nov 2005 03:04 AM

الان برنامج اخبار محشش متوفر للايفون و الايباد و الايبود حمله من هنا

الجو وروحآنيه شهر رمضان غيروفيه كم صوره يارب تعجبكم

الجو وروحآنيه شهر رمضان غيروفيه كم صوره يارب تعجبكم

الجو وروحآنيه شهر رمضان غيروفيه كم صوره يارب تعجبكم