.

ســــلآلآلآمـ معطر بأنفـآآس رمضان الطاهــرهـ وبجميع انواع العطور الفاخرهـ على اهل الدكه ومن حولهم ومن تعلموا فنون الجحدهـ ومن هم بالاصل كانوا معلمين لها نعم فلا تزعلون مني لان العتب من المحبه

فكم أنـآآآ متعجب منكم اشد العجب!!! فلماذا وليش ووت وهو كل ما يخطر على بالكم من علامات التعجب ليش تقرون المواضييـع ولا تردون وتناقشون الكاتب ولو بشي بسيط يعني تقولون له والله موضوعك سامج يعني ابداء رائي ليه هــآهـ ليه :a:

وين ايام زمان يرحم ايامن اول كان الواحد اذا كتب موضوع يردون عليه ومن بكره تلقاهـ مرسلك فوق الرد يقولك والله ان تتعشى عندنـآآآ ايه زمان اول

فمن هذا المنطلق اريد ان اقول لكم شي مميـز ويمكن هالخبر توكم تسمعون فيه ترى الردود ماعليها رسوم جمركيه ولا عليها ايه شي من هذا القبيل عشان كذا الي يبي يدخل عشان يقراء ويزيد معرفته من غير ما يرد ابي اقوله ترى لا تتعب نفسك وتدور الفايدهـ عندي شوفوا النك وتبون تعرفون انا وجه فوائد أكيـد أيــه <<< ما يبي يحطم نفسه :ma:








والله الموضوع الي ابي اتكلم عنه هو الــــفــــضـــاوهـ وتأثيرهـآ النفسي على الانسان خاصه وعلى مجتمعه عامه أمش يابو رمش والله وطلع من حتسي مدري من وين طلع








الفضاوهـ :: هي انك تصير فاضي يعني لا تسوي شي الا انك تكون موجود من غير فايده يعني زيادة عدد يعني مهمش موب كمالة عدد لا زيادهـ يعني فوق البيعه

:: فوائد الفضاوهـ ::

1 : انك تكون مستعد لكل عمل يسااهم في مايعود عليك بالوناسه وعلى غيرك بالمضرهـ


2 : انك تلعن ليل ونهار من الناس ولكن هذي فايدهـ لانك تبي تحتسب الاجر وبيكون رصيدك عالي من الحسنات

3 : انك تكون من المميزين وقت اجتماعات الاهل والا الاصدقاء والا مهما كان اجتماع تكون انت الوحيد المميز بينهم وملزق على مقفاك كلمة { فــآآضـــ$$ـــي }


4 : انك بتكونتمتد طاقتك وقت ما الناس تعمل وتكرف واذا رجعوا من اعمالهم تكون انت اخذت ما يكفيك من الراحه لازعاجهم التنكيد عليهم وتنكيلهم اشد الويلات

:: أضــرآر الفضــآآوهـ ::

1 : انك بتكون منبوذ من الناس وشخص غير مرغوب فيه الا وقت المشاكل << بس اذا جوك اجحدهم لانهم اول جحدوك


2 : انك بتكون ضايق صدرك على طول لا راح تفك هالضيقه الا بالعمل لان الوناسه الي من الازعاج الي تسويه وناسه وهميه لاتتعدى ولا تصل الى طريق قلبك



3 : انك بتكون مفلس وطفرن على طول يعني ماكل تراب فالعمل زين

{ خـــــــلاصـــــة الـــــكــــــلام }





أنه الواحد ياليت لو يلقى له عمل ويقتل وقت فراغه بشي يعود عليه بفايدهـ أحسن من الجلسه والازعاج وكسب الذنوب وانت موب ناقص ولا تقول والله ما لقت عمل اذا دورت بتلقى بس انت أجتهد والله بتلقى اهم شي حاول ولا تيأس لانه اليأس اذا دخل في قلب الادمي مات

{ موضوع جانبي }

ابي أخذ رايكم فيه بكل صرآآحــه وش رايكم فينن أصلح أكون { مصلح أجتماعي } ادري لو عليكم بتقولون والله ما نحطك ولا بنشري عند سوق الغنم

ختــآآم هالكلام انه دخلت ابي اكتب موضوع ولا كان فيه شي جاهز في بالي فلقيت نفسي فاضي قلت اتكلم عن الفضاوهـ لانه انا احد المتضررين منهــآآآ واتمنى انكم تقبلون الموضوع ويصير عليه أقبــآآآل ..

وأن بدر مني خطأ أو احد قال اني جرحته بالكلام بهاذا الموضوع اقوله وبكل قواي العقليه { على تبن }










ســــــــلآلآلآمـ :bye1[1]:












.