السلام عليكم ورحمة الله وبركاته

حياكم الله ها انا اعوود من جديد بعد طوول غياب

بكل صراحه انا ماني عارف ابدا موضوعي

لكن الموضوع يتعلق بفكرة وما ادري ايش اقوولها فكرة او اختراع او احلام يقظه او خيال واسع

خلوني اقولكم السالفه الي صارت معي وعاد انتم احكموو

طول الله اعماركم انا لي تقريبا غايب 5 ايام قضيتها الله يسعدكم بالديره الي تبعد عن المدينه حوالي 80 او 70 كيلوو



طبعا ديرتنا كلها جبال وسبق ان وريتكم صور منها بعدة مواضيع وهناك اكيد صعب وصوول الماء والكهرباء يعني الي عنده مويا هناك هاذا بنعيم طبعا احنا حالتنا هناك غير باقي البيوت بالديره الاغلبيه على الابار احنا ماعندنا لا بئر ولاغيره طيب كيف نوصل المويا للبيت انا اقولكم ؟؟



بيتنا يعني مو بعيد مره عن مصادر الماء مثل البيوت الي بعدنا قريبين شوي فا البيت تقدر تقوول بشبه وادي وصعب توصل وايتات الماء ( سيارات الماء ) للبيت بسبب الخط الوعر والزلق يعني احنا بالقوة ننزل سياراتنا ويدينا على قلوبنا المهم طول الله بعماركم قداام البيت فيه جبل كبير براس الجبل هاذا فيه خزان ماء طريقتنا بتعبئة خزان البيت ننزل الماء من الخزان الي في راس الجبل لخزان البيت عن طريق ليات ومواصير

هنا مربط الفرس

الليات هاذاي دايم تتقطع وحالتها حاله لمانجي نعبي المويا نشووف نجووم الظهر منها
نوصل ونشيل ونحط ومواصير وتوصيلات




فا امس عبينا المويا ونزلناه بسلام للبيت تقريبا من قبل العصر الي بعد المغرب واحنا شغالين فيها تعبنا تعب موب صاحي



فا لما جينا نرتاح اخوكم الساهر راح يسوي كاسه شاي نعناع ويروق بها فا لما سويت الشاي جيت حصلت الشباب جالسين بالدكه على السواليف والحركتات فا جيت انا جلست طلع جوالي من جيبي واشوف المكالمات والرسايل شوي ولاجا ولد عمي الي مسميه انا سبايدي هالكلمه قلت لكم عنها ووش قصتها بمسن المنتدى المهم جاني

قال والله تعبنا من هالحاله ياخي نبي نشووف لنا حل قلت له طيب عطنا حل من عندك




قال انا عندي اختراع لو يتصمم والله يرحينا اختراااع عجيب يعرف كلمة اختراع قلت له عطنا اختراعك ؟



مسكة كاسة الشاي وشربت قال انا اقولك نجيب جهازين قلت ايه , قال واحد ارسال واحد استقبال عجيييييييييييييييييب كل انووواع الاستفاهمات جات براسي وش الي جهاز استقبال وارسال ومن وين قلت الخلق غير ولد عمي احمد والله تتطور الشعب هاذا حتى جوال مايعترف فيه

قلت له ايه اسلم قال نحط جهاز الارسال بالخزان الي فوق <<< ول ول ول هاذا وش بالع

وجهاز الاستقبال بخزان البيت <<< اقولك هدي اللعب انا ما اتحمل

قلت ايه كمل

قال ونرسل المويا بالبلوتوث


انا هنا انسكب عليا الشاي ماني عارف اضحك ولا ابكي ولا اعطيه كف
ههههههههههههههههههههههههههههههههههه
المهم اني اخترت اني اضحك من قوة الضحك تممدت على الارض ما احتملت وش الي ماء ينرسل بالبلوتوث

قلت ايش فيك انجنيت انت

قال على الي يطل بوجهك انت وش عرفك انا لو اقدم اختراعي لكاكا هارا باليابان اخذ جازة نوبل للسلام
هههههههههههههههههه

قلت له اقلك طير وكل فطير واطلع من راسي

ورحت اخذت لي احلى شور

المهم وطلعت صليت العشاء واحلى نووووومه قبل ما انام جلست افكر بالاهبل ذاا

قلت معقوووووول تصير هههههههههه واجلس اهلوس مثله وقمت اقتنع هههههههه

المهم شلتها من رااااسي وانام


المهم ياشباب المنتدى

مارايكم هل من المعقوول انه يصير متل هالشي يوم من الايام ؟؟؟؟

اريد ان اسمع اجابتكم


الساهر