سلخير

ومرحبا وحياكم الله وش اخباركم وتمسو على خير<<<مسرع


ياااااااااااااااااااااااااااااااااااااااااااوك ياوالله الحر اللي ماقد جانا من زمآآآآآآآآآآآن:fire:

تقول وحدتن من العجز مشخصتن جنبها قبل امس في عرس تركي ولد بنت عمي <<<<بتعلمهم انها راعيه واجب:ma:

المهم تقول وهي تمقل فيني وكأن احد قايل لها طلعي الفروق السبعه اللي في خشتي :bi:

وانا اناظرها بكل براءه مع قليل من الخباثه مدري عندتس عيال اتميلح قدامتس والا ماوراتس الا الدجه :ma:


المراد انها تقول وهي صارتن عينها وتاكل حلى والله وانا امتس ماجانا حر مثل حر هالسنه لاويقولون بيجي اعظم:surprise: طبعا هي يوم نطقت اعظم طاح شوي من الحلا في فنجالها وتجي هاك الرشه اللي اخترقت عيني في ذرات الهواء سافااااااااافطه الطبلون بسرعه 5656797656 في الساعه<<<لااحد يدقق


الا والله يوم عدلت جلستي وصريت خشتي وعلى طول ع المرايه اخاف انها رسمت خريطه الصومال على خشمي:bi:

بس والله مشكله هالعجز الواحد اذا جلس معهن يايقلبون راسك بكثر الحتسي والا تقلق اهل امك من هذي ومتى اعرست ومتى حملت:fire: يقولون اختها مطلقه وبيتهم اجار <<<<وانا مدري الحق ارد على اسئلتها والا اشوف اللي يرقصون واترزز معهن

طبعا بتجي اوووم القمل غدوووش وتقول وش قعدتس جنبها :ev:

بقولتس يالفاهيه هي اللي جت وقعدت معنا على طاولتنا :bi:


^


^


كوووووول اللي فوق ماهو الا مقدمه بسيطه عن موضوعي ولو ان ماله علاقه بالمقدمه بس عادي اهم شي الاخلاق وحب الوطن والفلفل<<<<سلفر شلونك:big:




يالله الحين جاكم الموضوع كل واحد يعدل جلسته ويتواسى:ma:

توفي وخري دمجتس عن برلنتي ماشوفها

سحابه وخري شوي عن وحيده وراتس راصتها :bi:

المعزب خل عنك تصليح الجمس لاحقين عليه



قدر الله علي قبل كم يوم ودخلت السوق مع جوجو وكان معي جوالي ومحفظتي فيها مبلغ 4000 الاف ريال ويعلم الله نيتي وش كنت بشتري فيها بس الشكوى على الله وخآتم كان علي وفصخته ودخلته بالشنطه

لاني تذكرت الحديث اللي يقول او فيما معناه (من اخرجت ذهبها عذبت به)
دخلت السوق كان على آذان المغرب جوجو راحت تشيك على محل وانا انتظرت بالكراسي مادريت الا وحده وقفت جنبي اجنبيه ماقدرت احدد جنسيتها بس كلامها يدل انها متسعوده مضبوط ولها سوابق:bi:



طبعا عليها حجاب ونقاب مغطيه وجهها وقالت لي :
لوسمحتي كم الساعه؟؟

انا رفعت يدي بشوف الوقت بعدها حسيت اني مو في وعيي مدري بس في اقل من دقيقتين فتحت مالقيتها ولقيت شنطتي مفتوحه:fire:

جوالي انسرق

الخاتم انسرق

المحفظه انسرق منها المبلغ والحمدلله ماخذت بطآقاتي clap:

حاولت انا واختي ندورها نتصل ع الجوال ماترد وبعدين اغلقته:ao:

سبحان الله في لمح البصر قدرت تخدعني وتاخذ اللي معي واكيد انها طبقت هالسالفه على كثيييير غيري

مدري نوع من السحر او التقمير مثل مايقولون بعض الناس او التخدير:vt:

مدري بس ماحسيت فيها ابد وهي تفتح شنطتي ؟؟؟


الشاهد من القصه كلها:

#انتبهوا لاانفسكم وانتم طالعين اي مكان عام وتذكروا ان مثل هالاشكال واجد

#احرصوا على قراءه المعوذات (فالله خير حافظا وهو ارحم الراحمين)


#لاتحاولون تكونون لحالكم مهما كان ولو كانت اختي جنبي هذيك اللحظه مااتوقع انها بتتجرء


#لاتثقون في اي احد مهما كان خآصه بمثل هالاماكن

#ابتعدوا كل البعد عن حفظ صوركم الخاصه بالجوال

#احرصوا على الستر والخوف من الله ومرآقبته في كل مكان وتذكروا (احفظ الله يحفظك)


موعظه:


مانراه في الاسواق والاماكن العامه يندى له الجبين من حال بعض البنات الله يهديهم والله الوحده كأنها رايحه زواج مو سوق الكحل والشدو والاكسسوار والبرمودا ياعالم انتبهوا لبناتكم والا تحملوا ماجاكم<<<<<<راسبه راسبه في التعبير الله لايعوق بشررر:bi:



ادري طولت عليكم بس حبيت انبهكم واحذركم

واسلم عليكم وانزل موضوع ولو ماعندي سالفه بس لعيون الغالين اللي طلبوا مني:blu:


الله يرد لنا كل غايب واجازه سعيده وكل عام وانتم بخير والمنزل مبارك ومبروك النجاح>>>>>>مابقى شي ماقالته:ma:



يالله اخلي المايك لكم clap:

واذا عندكم مواقف مشابهه او سمعتوا اوصآر معكم مثل هالنوعيه لاتبخلون علينا

خلونا نفيد بعض ونسولف معكم<<<<<ايه هذي اللي تبينه يااووم السوالف


4000الاف تحيه لكل من شرفني بحضوره <<<<قاطعه قلبها الاربعه:bi:


ارق واحلى تحيه


بنت الشيوخ ,,,