.
.
مرآآآآحب :yaaaahooo


تسيف الحآل؟؟
والله انا انسانه مالي بالمقدمات ابد .. ولهذا السبب اللي وجيه بدخل في الموضوع سيدا


طبعا السالفه صارت منذو مبطي ..


كان يازمان في قديم المكان بنت هبلا تحب المطامر .. وينادونها ياولده
اللي هي انا :ma:


<<ياحظ اهلتس فيتس !!


وقبل اربع سنوات قدر الله علي وتخرجت من الابتدائي
<<ورااااتس فرحانه ياحظي !!


ولعبوا علينا وخذوا منا 15 ريال وسووا لنا " حفل تخرج " كلب !!


كل وحده رابطينها بقطعة قماش وكاتبين مبروك التخرج ومشغلين لنا انشوده وحنا ندور بالمدرسه زي المهاااااابيل ..<<يقالنا مسيره يعني .. وتعابير الفرحه لاعبه في خششنا لعب !!


وطبعا دخلت المتوسط وانا للحين فيني فهاوة الابتدائي !!
اكيد تسائلتوا في عقولكم المفكره شلون كان شكلي اول يوم ؟؟؟؟؟؟؟؟؟


بالعربي وبدوووووون اي مجاملات
كنت
(كائن غريب):ghost:


لبست مريولي اللي كنه كيس زباله من وسعه <<تسمع بالستر !!
وشنطتي اللي كنها شنطة سفر .. كنت اسمعهم يقولون كتب المتوسط كثيره وصعبه !!
<<سؤال:وش دخل الصعوبه بالشنطه !!
جواب:اذا كانت الكتب صعبه معناها راح تكون كبيره <<ااوووووت !!


وكشتي رابطتها بمغاط سراويل جدتي اللي لونه اسود
<< والله مالقيت ربطه تلم كشتي الموقره !!


ولبست ذاك الشراب اللي واصل ركبتي .. يعني لو اطامر بالمدرسه مطااااامر ماشافوا شي !!


<<والله العظيم .. اخاف ارفع رجلي ويبين شي منا والا مناك همن احد يصورني وينشر الصوره بلوتوث همن تاصل لجماعتنا همن محد يخطبني واصير عانس همن يجيني حاله نفسيه وانحرف وعقبها انحاش من عند اهلي همن انتحر وكل ذا بسبب الشرااااااب !!!!



دخلت المدرسه ولاادري وين ربي حاطني .. شفت بنات المتوسط وخقيت""" !!
اللي لابسه مريولها بفازلين .. واللي فتحة الصدر واصله بطنها
وانا امشي واغض البصر !!
والا التسريحات والحوسه .. وانا مااذكر اني مشطت كشتي اصلا <<الله يسلم مغاط جدتس !!



وبعد اسبوووع تقريبا "لاحظت" انا بوه بنت معنا بالفصل ترمقني بنظرات ماتعجبن ابد
<<ياليت نركز كلنا مع بعض على ترمقني !!


اثاري البنت تبي تشبك .. وانا اقول وراها ذا الهبلا تبسم وتضحك كل شوي وهي ماتعرفن اصلا !!


والله وصارت تزعل اذا وحده من المعلمات رفعت صوتها علي
<<بحكم اني كنت دايم اتهزأ :ma:!!
وماترضى احد يزعلن من البنات !!


وصار فطوري كل يوم عليها بدووون مااطلب شي
وطبعا ذيك الايام كونت ثروه بحكم اني كنت اجمع مصروفي:show: !!


وكل ذا الحركات والحوسه وخويتكم مافهمت شي !!


عاد البنت حست اني مطوله لين افهم وان الارسال عندي زفت فارسلت لي ورقه كتبت فيها احبك ومن ذا الخرابيط !!


عااااااااااد شووووفووا خويتكم وش ردت !!


اول مارجعت البيت وادور من اوراق الرسايل ذي المزخرفه
واكتب لها هالرساله:


بسم الله الرحمن الرحيم
السلام عليكم ورحمة الله وبركاته
اما بعد:
حبيت اقولك شي واحد وهو:
احبك


مجنونتك
ريم عبدالعزيز محمد


<<كان رسمتي الكروكي حق بيتكم !!


وطبعا حطيت من ذا الاستكرات النجوم والقلوب اللي فيها لمعه :s19:!!


وعطيتها الرساله .. والبنت طايره من الوناسه .. وانا اقول بخاطري مسكينه محد يرسل لها رسايل !!


طبعا صديقاتي دروا بعدين بالسالفه لما لاحظوا حركات البنت وهزئوني لاني ماقلت لهم شي !!
<<شرهتكم عاللي تدري شساااالفه !!


عاد بعدين رحمتني وحده من صديقاتي وشرحت لي السالفه ..
انا هنا انجلطت: وش قلة الحيا ذي ؟؟ امي قالت المدرسه للعلم والتعلوم :s19:!!


قالت صديقتي : طيب هماك قلتي للبنت انك تحبينها ؟؟
قلت: الا بس ع اساس انا صديقات !
قالت: علينا .. عادي قولي ترى ماراح اعلم الاداره """ !!!!


وانا اللي ارتفع ضغطي وطلع نار من خشمي .. ووقفت كشتي على كثر ماهي موقفه !!


واروووووح لكم مدرعمه عند ذا البنت :
هييييييييييييييييييييي انتي ؟؟
التفتت البنت وطالعتني بكل حنان : هلااا حياتي ؟
وبما اني انسانه فاقده حنان نسيت كل الحماس وطفت النار اللي بخشمي :
اااااااااااا شسمه ذا اااااا ا
البنت:هههههه وشفيك؟؟
انا وبكل فغااااااره:ابي امشي معتس ؟؟
البنت: من عيووووني .
<<الله يفقع عيونتس قولي امين !!
ومشيت معها


واليوم الثاني تهاوشت مع صديقاتي على ذا السالفه .. يقولون تحبينها وانا اقول صديقتي !!


وجااااااااني نفس الحماس بس النار اللي بخشمي كانت اقوى :معصب:
واروووووووح مدرعمه للبنت مرتن اخرى:
هييييييييييييييييييييييييييييي انتي؟؟


البنت:هلا بروحي
"تبون الصراحه خقيت بس تمالكت اعصابي
انا: اقول بلا مهزله
البنت:اي مهزله ؟؟
انا: انتي عارفه
البنت : والله مو عارفه وش عنه قاعده تتكلمين !!
انا : اقووووووووووووووول <<ياعصبي !!
البنت:قولي
انا:ترى اعتبرك صديقتي لااقل ولااكثر <<ياقوووووووي !!


البنت طبعا زعلت ودموع وحوسه تقول يعني كنتي تلعبين علي !!
<<والله ماحق الا من لعب ببشعرها ذا العراده لعب .. همن مسح بخشتها بلاط حوشنا وفي امها خير خل تشوف ملامح خشتها مرتن اخرى <<يااااوحش !!


THE END:heart2:


.
.
.