[align=center]]

شلونكم وشخباركم ،،، انشاء الله تمااااام

من الجميل أن نتذكر ونقلب في صفحات الماضي ،، وبالأخص المواقف الطريفة والجميلة التي تحدث وتطبع في اذهاننا ذكريات رائعة كلما تذكرناها نضحك على انفسنا منها ،،
لاتخلو مدارسنا من هذه المواقف الجميلة ،، دعونا نقلب في صفحاتنا ونعود لذكرياتنا ونشارك بعضنا فيها ..............





من المستحيل ان نقول نحن لانحب المدرسه فالمدرسه كانت المنزل الثاني لنا نلتقي بأحبتنا ونلهو ونمرح معهم فلم تكن المدرسه للدراسه فقط فلقد كانت ملقى الاحبه كذلك ،،، فما رأيكم انتم ؟ هل توافقونني الرأي ؟



تختلف المواقف الطريفة في مدارس الأولاد عن مدراس البنات ،،، فأتمنى من جميع الأعضاء أن يشاركون في هذا الموضوع وكل عضو يخبرنا بأجمل موقف مر عليه ومازال يتذكره



فمنا من يحمل مواقف للمدرسين او مواقف لأصدقائه ،،، شاركوني حبايبي في الموضوع حتى نشعر بأن هذه الأيام مازالت راسخه في عقولنا ونتمنى أن تعود يوماً كلما تذكرناها

فلنرى ماتحملون من ذكريات ،، وأتمنى ان تستمتعوا بهذا الموضوع


ولاتبخلون علينا بمشاركاتكم اللطيفه





مع خالص حبي وتقديري لكم

( نبـــ المشاعر ــــض )
[/align]

يسلموووو على المووووضوووع الحلووووو


ويشرفني اني اكون اول من يبدا..

في احد الاياااام كنت ادخن سيجارة في احد افنية المدرسة فجأ اللي امامي صنمواااااا-يعني ماتحركووووو ولااااحركة..

انا طنشت-يعني ماعطيت بالي لاحد-واحد من الشباب اللي امامي قلي مروان؟؟ خلفك المدير انا احسبهم يكذبوووون ولااا بخوفوني

قلت لعن ابوة على امة والله مافكرت فية-اقصد المدير-وهو يسمع علي وانا مروق على السيجارة والشباب يضحكون بس انا لفيت بروح

الفصل ولا المدير خلفي...

هههههههههههههههههههههههههههههههههههههههههههههههههه ههههههههههههههههههههه

تدرون وش سوابي المدير:

1.ضربني بيدي 20ضربة بسلك حديدي.

2.وقفني عند مكتبة اسبوعين-من اول الدواااام لين اخرة-.

3.كتبني تعهد-اقرار-اني ما اسويها وان سويتها يختم على الملف الدراسي حقي بالشمع.

4.كنت بأخر ماسة حطني اول ماسة عند الباب.

5.حرمني الاختباااارات الشهرية لاني سبيت امة وابوة.

هذي اللي ماني قادر انساهاااااااااااااااا طول عمري لان الموقف على الطبيعة موووو زي لما ينقاااااااااااااااال


تحياتي..

مروان واهلك وش سوبك

وبعدين يالذكي انت تداوم عشان تحرس مكتبه طوال اسبوعين ياخي كان غبتها والله انك محشش خخخخخخخخخخخخخخخخخخ

يعطيك العافيه نبووووووووضه

لي عوده بأذن الله

هلي مااادرووو عني

واذا دروووو عني اخوي اللي اكبر مني قسم بالله لنومني في العناية المركزه -غرفة الانعاااااش-

عشااان كذا انا رضيت باللي جاااني..

هههههههههههههههههههههههههههههههههههههههههه

[align=center]الله يسلمك اخوي مروان ،،، مشكور على المشاركه الحلوه

صدناك خخخخخ ،،، من النوع اللي يدخن

أتمنى مشاركة باقي الأعضاء

أنا بعد باقولكم موقف من المواقف اللي مرت علي

على أيام الثانويه كانت البنت الأولى على صفنا دايماً تقرى الدرس وتحضره قبل ماتدخل المدرسه الصف وهي مسكينه كانت مندمجه في الكتاب ورافعه رجلينها على الكرسي بدون النعال والبنت اللي جالسه بقربها اخذت النعال وعلقتها فوق السبوره ولما دخلت المدرسه الصف وسلمت الكل كان واقف الا هالبنت قاعده تدور النعال يمين ويسار والمدرسه تقولها ماتوقعتج ماتحترمين مدرساتج على الأقل احترمي وجودي وردي السلام بدل هالحركات وهي منصدمه ومب عارفه شتقول ولما المدرسه شافت النعال قالت مين اللي حاطها فوق السبوره والبنت مسكينه قالت للمعلمه ممكن تعطيني نعالتي والمدرسه ردت عليها ليش انتي تسوين هالتصرفات انتي بنت مجتهده ومثاليه ماتوقعتج جذي وهي ولانطقت ولا كلمة من الإحراج مع انها مظلومه لكن لما خلصت الحصه صارت الفوضى على هالموضوع ،،، بس ماقدر انسى هاليوم الحمدالله ماكان هالمقلب فيني [/align]

أنا عاد مقالبي في المدرسة ما تخلص

وبقول لكم المقلب اللي أتذكره


هذا في الالكورس اللي فات قبل الإمتحانات بفترة قصيرة


أخذنا أنا ومجموعة من أصدقائي والله ما ادري شقول اسمهم

أوكي بقوله بالفصحة "متفجرات" كراخيات وفي الحصة الثالثة تسربنا من الفصل

مثل ما يقولون وأخذنا الكراخيات والولاعة ورحنا يم حجرة المدرسين و ولعنا الكراخية

ووقفنا بعيد نتطمش، لما إنفجرت ضحكنا ضحك على اللي سوه الأساتذة من الخوف اللي صادهم

عجبتنا السالفة ولفينا على الفصول ورمينا كراخيات في معظم الفصول، عاد في كل

فصل الرد غير، في فصل كان الأستاذ منتبه، شافنة ولحقنا وأكيد أحنا ما وقفنا له

هالمدرس كان دب ومو قادر يركض وأحنا نركض ونضحك عليه

آخرتها رحنا إتخبينا وما لقانا

وصاح جرس الفسحة وتخبينا مع الطلاب

بس والله تعبت من الركض

تســـــــــــــــــلمين يالغالية على المووضووع الحلو الي مايجي الا من عضوة حلوة



المهم انا راح اقول لكم موقف ماراح انساه طول حيااتي


ايام الثاانووي وخااصة في اول ثانووي يووم الاحد شهر خمســــة

===== ماينسى ابدا هههههههههههههههههههههههه

المهم كانت الحصة الخامسة وكنت نايم بااخر الصف لان كان ظهري يعورني شووي مع صداع المهم

كانت الحصة الخاامسة دخل مدرس انجليززي كان جنسيتة توونسي المهم كان دفش شووي

واكره شي عندة الي ينام بصف المهم شافني جاء وقف فوق راسي وعطااني بقووس وربي قوي مع

ظهرري المهم من قوة البقس ماحسيت من الي طقني رفستة برجلي ولحقتة الكتاااب في جبهتة وربي

المهم وربي تاااذى الرجاال ونادى المدير والمدير نادى الوالد والله لا يوريكم


فصل من المدرسة اسبوعين مع خصم 7 درجات من السلووك ===== هذا من المدرس
اما من الوالد الله لا يوريكم



اسف على اني طوولت

ويسلمووووووو على الموضووع

خخخخخخخخخخخخخخ

وربي ايام الدراسة ما تتنسي ومقالبها كثير في المدرسين والمدير

واحلى مقلب جلست اضحك فيه حتى دمعت عيني من كثر الضحك هو :

مرة كنت في اولى ثانوي

وكان عندنا مدرس عربي يرفع الضغط فقررنا اننا نسوية فيه مقلب

كان ديما يجيب كرسي ويجلس ويشرح وهو جالس
المهم اخذنا كرسي وحطيناه مكان ماهو يجلس وفكينا مقعد الكرسي وحطينا سجادة صلاة فوقه وغطينا المقعد بالسجادة عشان ما ينتبه انه ماهو موجود المقعد

وفعلا دخل المدرس وبكل ثقة جلس على الكرسي وطاح من الكرسي ههههههههههههههههههههههههههههههههه

وقتها حسيت ان المدرس حقد وجلس شهر كامل يدور على اللي سوى هذه الحركة وطبعا بمساعدة الدوافير اللي ما يصدقوا خبر على طول على المدرس
واخذنا كم فلكه في الرجل قدام المدرسة كلها مع كتابة تعهد بعدم تكرارها

ومن المواقف المضحك كمان في الثانوي
كنت واقف اقلد مدرس الفيزياء وكنت اقلد حركاته كثير والشباب اللي معاي يضحكوا فجأة سكتوا وانا كنت مندمج مع الدور واشرح واهدد مثلة بالضبط
سألتهم لا تكونوا صدقتوا اني سعد ال..... ( اسم مدرس المادة ) وواحد من الشباب يأشرلي على الباب وطالعت لقيت الاستاذ سعد في وجهي ههههههههههههه ارتبكت وماعرفت وش اسوي قام
وطبعا على المدير واستدعاء ولي امر الطالب وتعهد .

والله المقالب والمواقف المضحكة كثييييييييييييييييييييييير وان شاء الله لي رجعة مرة ثانية

[align=center]اسعدني تواجدكم ومشاركاتكم الحلوه بالموضوع

والله أيام حلوه ،، ماشاء الله كل واحد يحمل مواقف ومقالب روعه ،،، إنشاء الله بس ماتبخلون علينا طلعو كل اللي عندكم وونسونه


وين البنات ماشفنه مقالبهم ؟؟؟

حيرووون ===> البنات بعد يسوونها هالحركات خخخخخ

$$فتى اشيقر$$ ===> صج موقف محرج والله ماتصور لو كنت مكانك شنو بيكون موقفي هههههههه

عاشق المها ===> تسلم على مشاركتك الروعه ،، ننتظر المزيد

[/align]

اطرف موقف حصلي <<== ياكثرهم
ان اول ايام الاختبارات كنت جالسه مع صديقاتي وانا جالسه اراجع وماوعيت الا كوب كافي طاح على راسي <<== تخيلو في الساحه وقدام البنات
بقيت ابكي بس مسكت نفسي عشان مايضحكون على زياده ومن الحره دعيت ان الي طيحت الكوب اذا كانت بنت تسقط في ماده واذا كانت استاذه تطيح قدام البنات كلهم <<== انقهرت
الموقف طازج توه صايرلي في هذي الاختبارات
<<== المدرسه رحبت فيني بطريقتها ههههههههههه