،،:: ليتهم وسط المدارس ماعطونا ذا الحروف ::،،

عندكم تلفزون؟؟؟ · 18 Jul 2008, 02:28 PM

علمونا في المدارس كيف نقرا ذا الحروف.

علمونا كيف نرسم كيف ننقش بالنحاس..

علمونا كيف نكتب كيف نبدع بالوصف.

كيف نبحر بالمعاني كيف نأخذها التباس..

علمونا كيف نصبر كيف نقوى هالظروف.

كيف نبني هالمواقف إستجابه للحواس..

والحقايق علمونا كلها سمع وشوف.

علمونا وعلمونا كل شي بالمقاس..

وإن حفظنا كافئونا وإن نسينا بالكفوف.

كل موقف له طريقه والجزاء هو الأساس..

فوق هذا سلمونا ولامنعوا عشق يلوف.

ولاعطونا درس قاسي يمنع القلب النعاس..

يمنع القلب يتمادى ثم ياخذنا حتوف.

بين موت وبين شوق وبين لذة سم كاس..

اتركونا للمشاعر نحترق لوعه وخوف.

نحترق بطول مسافه كلها شوك يداس..

واتركونا في الصحاري ثوب مشقوق الكتوف.

يحتوينا قيظ حب في عذابه مات ناس..

ليتهم ماعلمونا بس عطونا بالوقوف.

درس ماشي به نماشي قسوة الحب ويباس..

ليتهم بس علمونا كيف نطفي نار جوف.

كيف نمنع ذا الخفوق ونتركه بأرض مساس..

مايجيبه الود لحظه ولانغني بالحسوف.

ولانقول شلون عشنا والعمر ماله قياس..

هي أماني والأماني حلمها فينا يطوف.

إن خذتنا بالحقيقه ماخذتنا بأختلاس..

وليتهم وسط المدارس ماعطونا ذا الحروف.

ولاعطونا كيف نرسم كيف ننقش بالنحاس..

شيغي · 18 Jul 2008, 02:49 PM

هي أماني والأماني حلمها فينا يطوف.

إن خذتنا بالحقيقه ماخذتنا بأختلاس..

تسلم عليها
تقبل مروري

عندكم تلفزون؟؟؟ · 18 Jul 2008, 02:53 PM

منوره

مشكوره على المرور

جميلةومحششه · 18 Jul 2008, 04:03 PM

فوق هذا سلمونا ولامنعوا عشق يلوف.

ولاعطونا درس قاسي يمنع القلب النعاس..

يمنع القلب يتمادى ثم ياخذنا حتوف.

كلمات رائعة من شخص مبدع
ومتذوق للشعر
يعطيك العافية تلفزيون

عندكم تلفزون؟؟؟ · 18 Jul 2008, 04:39 PM

الله يعافيك

ومشكوره على الرد الراقي

فـلـ هـ ـا وربكـ يحلها · 18 Jul 2008, 05:30 PM

ليتهم ماعلمونا بس عطونا بالوقوف.

درس ماشي به نماشي قسوة الحب ويباس..

ليتهم بس علمونا كيف نطفي نار جوف.

كيف نمنع ذا الخفوق ونتركه بأرض مساس..

صح لسانك

يسلموووووووووووو