قصيدة كتبها شاب عمل حادث سيارة و والدته كانت

معاه .. الوالدة توفت و هو اصابته كانت خفيفة

.. و هذي الأبيات قالها للي يواسونه





يواسـيني وانــا الميت وحالي يجبر الدمعات
تسيل من الذي فيني ويبكي وهو يواسيني

وانا ابكــي واتنهد وارسـم بالحــزن لوحــــات
يجبروني عشان امشي ورجلي ما تمشيني

قتلت رعــايتي بيدي قتلت الحب والرحمات
حرمت النفس من حقها وانا ابكيها وتبكيني



وكنه حلم قــدامي يقيدني من الصرخـــــات
ابي اصحى ولكني عجزت القى ال يصحيني

فــداك القلب يايمه ومهما قلت من كــــلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني



تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني



عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني




يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انــــا مقوى ابــــكيك اذا انتي تبكينــــي

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني



صح لسانك ومشكوره
على هالتميز الواضح منك في القسم

تحياتي لك واحتراماتي

مشكوووووووووور اخوي تلفزيون
على كلماتك
الرائعة والمشجعة

مشكوووورررره اختي على هذي القصيده الرائعه والجميله التي تحمل فيه الحزن على فقدان اغلا البشر عند كل انسان وهي الام

كما فيه من عبره لمن يعتبر لاقول لافات الفوت ماينفع الصوت والله يرحمها برحمته ويرحم موت المسلمين جميعن انشالله


اخوك الحربي

الله يرحمها ويرحم اموات المسلمين

يعطيك العافيه خيتووو

موضوع رائع

تسلم يدينك

دمت بود

بصرآآحه كلمآآت تحزن والله ..

آلله يرحم آموآت المسلمين ..

يسلم هالذووق والله خيتوو ..

لآ تحرمينآ جديدك ..