بسم الله الرحمن الرحيم



أغراب ليش بيلتقوا أحباب
وأحباب ليش بيلتقوا أغراب

حبيت قدملكن هالقصيده كتير رائعه
هيي قصيدة باللهجه السوريه
حبيت أقدملكن شي زغير من بلدي
بتمنى تعجبكن




كان عمري يا حياتي راح
ولما زماني دلّني عليكي
حسّيت إيامي اجو سواح
وعم ينزلو عَا شط عينيكي
ومهما المناظر يسحرو العينين
السواح منهن يمكن يملّو
ويمكن يفلّو بيوم وبيومين
لكن عيوني وين بيفلّو
إنتي حياتي وبعشق هالنظرات
بعيونك الحلوة بلياليكي
وشِعري الحنون وبحة النايات
ما بلاقيهن تا لاقيكي
وسواحك النهدات واللهفات
ودمعات ببكيهن تا اسقيكي
بعد البكي ما بيرجعو الدمعات
مطرح ما وصلو بينتهو فيكي
* * *
يا ريت حدّك بنتهي يا ريت
ولا كل مدّي تصيبني كريزه
ولاتوقّفيني قبال باب البيت
متل سايح ما معو فيزه
وحياة عينيك اسأليلي الباب
الخفتي تا يحكي عَنك سكوتو
ليش منك يطعم الما داب
وليش اللي داب بقلبك بينحرم منو
وأغراب ليش بيلتقو أحباب
عَا باب عم بيقلهن فوتو
وأحباب ليش بيلتقو أغراب
وعَا بعضن بيبقو رح يموتو
* * *
ويوم الحياة بعمرنا مشلول
متل المريض الناطر الساعة
يطلّع حزين بساعتو ويقول
قديش بعد بعيش يا ساعة
يا ريتنا منفل سكرانين
متل النهور البين لبساتين
شبابيكنا من الورد وجراحو
وبوابنا وراق الندي الحلوين
وقلوبنا من الخوف يرتاحو
وتخلص عَا خد الباب كلمة مين
لا الرايحين نشوفهن راحو
ولا الراجعين نشوفهن جايين




تحياتي

يعطيك عافيه

الله لا يحرمنا من جديدك

اختك
شموخ

أهلين حبيبه ألبي
بيسعدني مرورك

يسلموووووووووووووو عيني كلك ذووووووووووووووووووووق

اهلين جرح المشاعر
ممنونتك
يسلمواعيني