لك عيـن تتكلـم بعـد ما تسببـت""بجروحي وتسأل بعد ويش سويـت
اخطيت في حقي ولا كنك اذنبـت ""اللي يشوفك ما يقول انـك اخطيـت
انا احسب ان عقلك تعافى وقد طبت ""اثرك على نفس العقل مـا تعافيـت
ياثقـل دم اليـوم ليسمي السبـت""وياثقل دمك كل ما اصبحت وامسيت
انت اتحرى جيتي كـل مـا غبـت""وانا اتحرى غيبتك كـل مـا جيـت
اذنبت فـي عرفـك ولكننـي تبـت""الله يسامـح زلتـي يـوم زلـيـت
الصدر يتفجر بعـد حالـة الكبـت""انا اشهد ان صدري تفجـر ومليـت
اغسل يدينك اني اجيك لـو شبـت""معروف عني دام صديـت صديـت
الشاعر :: فيصل اليامي::
اغســــــلـ ايدين
رد: اغســــــلـ ايدين
العرض العادي
