عندما قالت ليلى لقيس " كل تراب بس " !

متستس · 26 Jun 2008, 01:40 PM

(سلسلة فضائح مشاهير الاولين )

كلنا نسمع بقيس وليلى من اول ما انولدنا وكن محد في هالدنيا حب الا هم

وصاروا مثل ينضرب به في العشق والتميلح فيما بينهم مع ان ذيك الايام مافيه الا خيول وبعارين وحمير مهوب مثل الحين بنوراما وبنتلي ولكزس واغنية اصالة مقصورن عليها << مدري وشدخلها

ورغم ان الظروف كان لكم عليها ايام قيس والرجال مايعرف لا شماغ ولا كوبرا ولا غالوقه زرارين ولا جزمه تلمع كنها لمبة شارع

الا ان قيس الله يصلحه ماحقر روحه و مابطل هياط واشغل عربان اهل ليلى وصج امهم بقصايده اللي نصها سارقها من خالد الفيصل <<<

قيس في عز شبابه كان يشرب البلاك سك وقدام الله وخلقه ولا كانت الهيئه تقول له شيء ولا عمرهم بصموه على تعهدات وكل هذا لانه يعرف في الامارة جندي متزهلن له لو صارت جريه وقايلن لقيس " اقحن بيديك ورجليك وماجاك علي" فعلاً من امن الأدب اساء العقوبه <<

انتهينا من المقدمه واغلبكم يمكن يسمع بقيس وليلى ويحسبها قصة حب وبس وماكان يعرف الديتيلز اللي شرحته لكم هنا <<<< ارووووووح مفك صلصه على ديتيلز

اللي بغيت اوصله لكم من خلال موضوعي الماصل ان فيه اسرار صارت في هالعلاقة وللأسف الكاتب ابن الكلب اللي كتب قصتهم اخفاها يقال له يبي يخليها علاقه تلق من الحب والصفاء ولا يبي يحط الاشياء اللي صارت بالخفاء

وراح اكشف لك موقف بسيط من الف موقف صار ومحد درى به !!

قيس في سنتن من السنين الله يهدية راح سكران لبيت ليلى ومسوي في امها بيرقى على السور هو وخلاقينه اللي تحوم التسبد والقاروره في يده من سعة الوجه

ومسوي يمون على ليلى وانها حبيبته وبتسكت له

كانت ليلى ذيك الليله (الله على السجع) < كل تراب وكمل

كانت ليلى عليها الدور في تغسيل المواعين وخلقان اخوانها وتمسيح بلاط البيت وكنز التمر مع جدتها سوميدران

<<< جدهم مخربها وماخذ روسيه من حانه في اخر الشارع

المهم البنت نايمه ومنهد حيلها وماتشوف دربها من الدوخه اللي فيها

ويجيها هالمقرود كاتبن له بيتين شعر لو يدخل بها في مسابقة شاعر المليون حقت البزران تفلوا بوجهه

وقاعدن يرقى على جدران البيت اللي يشوفه من بعيد يحسبه من قرود الهدا

الين وصل دريشة ليلى وطلع يدينه من كمومه وربط الكموم في شبك الدريشه عشان يصير فاك يدينه ويمسك البطل والورقه ويقصد لها !! مهوب عاقل "قيس بن هذال العتيبي "

ويقعد يطق القزازه عشان تقوم ويتميلح لها شوفيني راقي عشانتس والبنت حايمة تسبدها ولو يجي ابوها لمخته بشنطة المكياج ذيك المربعه اللي كنها تجوري

والمهم الرجال يطق ويطق ويطق الين قامت وطرشت جنب السرير من الغثيان من كثر الازعاج والطق

وتقوم وتلقط الابجوره اللي جنب سريرها واللي كانت مصنوعه ذاك الوقت من حصا لان مابعد اخترعوا السرميك << وشدخل

وتفتح الدريشه وقالت وشتبي لعن الله ابو شنبك ياكلب نعنبو خيرك ماتشوف الوقت كم ؟؟؟؟ ماتستحي على وجهك انت ؟؟

اوكيه قلنا نحبك وعطينك جوك بس مهوب تاخذ وجه وتوذينا في بيوتنا يالبثر يالمهايطي يا وصخ يا حقير <<< اوف اوف بحق ياقيس

قيس مع اللخمه مد لها البطل وقال خذي جغمه

ومابعد كمل اخر حرف من كلمة " جغمه " اللي هو حرف الهاء !! الا والابجوره تطير كسرها من يمين ومن يسار من ضربتها في جبهته ويجي على ظهره هو وبطله وورقته

وتبقى كموم ثوبه مربوطات في شبك الدريشة والرجال ينزف في حديقتهم

وابن الحرام مافكت السكره ولا اغمي عليه

والله ياروسهم صاحيه اول لو يشرب وايت وسكي ما اغمي عليه مهوب مثل الحين لو تشمع عذق نعناع خمس دقايق ارتفعت ومعد تدري من جنبك

الزبدة وقال لها من تحت وهي بتصك الدريشة يا ليلي اسمعي هالبيت طرى لي وانا في الهواء وحفظته قالت ((اقول كل تراب بس )) وطس لبيتكم لا انادي اخواني من الملحق يدفنونك في محلك !
قام قيس وتلفت يمين ويسار لايكون فيه احد شافه او يصور وينتشر البلوتوث حقه والكل يدري عن هالسالفه يوم ارتاح ماشاف احد نقض ثيابه وطلع مع الباب وهو متلطم...

القصه مذكوره لي من واحدن جد جد جده كان من شلة اخوان ليلى وكان موجود ذيك الليله في الملحق وطلع يطير الشراب وحضر السالفة وهم مايدرون

انتهى

ريـم آلـ ح ـلآ · 26 Jun 2008, 02:02 PM

خخخخخخخخخخخخخخخخخخخخ

لله يرج عدووينك يآشيخ

بس كله كوووووووووووووووووووووم

وجغمة وكل تراب كووووووم
تاني خآلص

اجالي حبهم خرابيط هاه

ولله مخرآبيط لا حنا
خخخخخخخخخخخخ

منور ولله

ومشكور ع رد

متستس · 26 Jun 2008, 02:08 PM

اقتباس:

المشاركة الأصلية كتبت بواسطة ريـم آلـ ح ـلآ

خخخخخخخخخخخخخخخخخخخخ

لله يرج عدووينك يآشيخ

بس كله كوووووووووووووووووووووم

وجغمة وكل تراب كووووووم
تاني خآلص

اجالي حبهم خرابيط هاه

ولله مخرآبيط لا حنا
خخخخخخخخخخخخ

منور ولله

ومشكور ع رد

عشان تدرين ويدري غيرتس ان العشاق القداما ماكلين تراب مهوب حنا بس

ولايهمك اللي تسمعينه عنهم واللي مكتوب تراه كلام على ورق والا الصدق ملاعن وتفال

بالله ذيك الايام احدن فاضي يحب ؟؟؟

العالم ميته جوع وينامون في كهوف وتحت عسبان نخيل
وحر وذبان ولعنت جدف ومسوين حبيّبه !!

انا ارفض ان الحب قديم واجزم انه انخلق مع البلك والتكييف
والسمنت

يعني يوم جت البطره وصار الجو خقق وطلعت الابجورات والعطور والسرير والراحه فضى الواحد يفكر وشوله انخلق له قلب

هذا والله اعلم <<< مدري وشتبي من الحياة انت

[« م ــآلـي شبيهٍ »] · 26 Jun 2008, 02:21 PM

ههههههههه الله يرجك يـآآخبل

وربي فطست ضحك عليك هههههه

اهم شيء انهآ قالت كل ترآآب

تعجبني ذي السنعه بس شيء جديد ان اللغه العربيه
فيهآ كل تبن<<مصدقه لأخت

متستس · 26 Jun 2008, 03:39 PM

اقتباس:

المشاركة الأصلية كتبت بواسطة دمعــ بعير ــة

ههههههههه الله يرجك يـآآخبل

وربي فطست ضحك عليك هههههه

اهم شيء انهآ قالت كل ترآآب

تعجبني ذي السنعه بس شيء جديد ان اللغه العربيه
فيهآ كل تبن<<مصدقه لأخت

ويرجك بعد انتي

وبعدين ماشاء الله عليك تقدرين تردين وانتي فاطسه << مصدق

والتبن وانا اخوك مخلوقن من اول الدنيا وكانوا الناس ياكلونه اول من الجوع وكان ينحط مع الرز زي الجرجير

نورتي يافتاتي وشكرا لكي << من اللي يقول اني منيب ذرب ولا رومنسي تكفون هاتوه يقرا

زحمه جـرۉح · 29 Jun 2008, 10:59 AM

هههههههههههههه

اقتباس:

مهوب عاقل "قيس بن هذال العتيبي "

آكششششششششششخ ..

آحلآ شيء بالقصه

خربت قصتهم لعنبو بليسك

منور

لآعدمنآ موآزعيك اللي متل هيك

تح’ـيآتي

~{ بَـ‘خٍ’ـرّۉٍشً ..! · 29 Jun 2008, 12:13 PM

مـتـسـتـس // هـلا بـ طـلـه خيـو ..,’
.
.

أنـا مـن يـوم قـريـت عنـوآن الموضوع وأنـا غـآسلـن فخذي مـنـه // ..
أنـا مـآ عجبنـي الا الجنـدي ,, والله أنـه كفـو ,
أجـل //..

اقتباس:

وقايلن لقيس " اقحن بيديك ورجليك وماجاك علي

<< يـآهـو فـآقـع ضحـك ..
.
.
و الله الـرآس اللـي علـى قيـس ..
قصـم أحـس رآسـي قـآم يصـدع << مـآيعـرفش يكذبشي << يسمع بـ المصري ..
و الله أنـه شنبـه ذي ليـلـى ..
أجـل قـآلـت لـه (( كـل ترآب بس ))
زيـن مـآنآدت أخوآنها اللي بـ الملحـق , و الله ليكسرون عينـه << سقهـا منآك ..
بـس شكلـهم دآخليـن جـو مـع فيلـم ولا مبآره << يسمـع بـ الجو ..
.
.
متـسـتـس ,’ لبـى قلبـك الفسفـوري ..

!..Anime shn · 29 Jun 2008, 02:23 PM

ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههه
هههههههههههههههههههههههههههه
ههههههههههههههههههههههههه
هههههههههههههههههههههه
ههههههههههههههههههه
هههههههههههههههه
ههههههههههههههه
ههههههههههههه
ههههههههههه
ههههههههه
هههههههه
ههههههه
هههههه
ههههه
هههه
ههه
هه
ه
ه
ه

الله يرجك رجا مبرحا

خخخخخخخخخخخخخخخخخخخخخخخخخخخخخخخخخخخخخخخخخخخخ

الله يسلمك وسمنك

لا عنمناك

هههههههههههههههههههههههههههههههههههههههههههههههههه هه

الله يقطع عدوك

هههههههههههههههههههههههههههههههههههههههههههههههههه هههه
عمري ما ضحكت ها لكثر