السلام عليكم

اولا اشكر كل من طالبني بنشر جديدي

واحتراما لكل من طالبني ابنشر اليوم اوراق متساقطه من قلب طارق البراهيم

وهي عباره عن ابيات ومطالع قصائد لي ومسجات

اتمنى ان تحوز على رضاكم

اولا مطلع قصيده رثائيه بجدي الله يسكنه الجنه

لاواهني القبر باللي سكن فيه $$ أكبر فخر له يحضن عظام جدي

الى ان اقول

أحيان اشك ان النصايب تناجيه $$ وارجع واكف الدمع بأطراف يدي
أبكي قهر لوني نصيبه وأراعيه $$ وأشكي عليه الهم وأبيح سدي
أقول له طارق ترى البين طاويه $$ ضاعت حدود الصبر من دون حدي
وأسمع صدى صوته ليا قال لبيه $$ صوت عروق القلب عقبه تندي

ولها بقيه



وقصيده اخري برثاء جدي

مطلعها

أنا اشهد انك ياقصر مابك احساس $$ دامك ثمان سنين صامد بدونه
أثر الحجر ياناس مايفقد الناس $$ وأكبر دليل البيت لو تنشدونه


وهذه ابيات لم انشرها ولكن كنت قد وضعتها بتوقيعي بالمنتدى

لو كان في قلب الجفا ذرة أحساس $$ ماتخنق الرجال عبرات الاشواق
ولو كان باقي للفرح فيني أنفاس $$ ماطاح دمعي لا ولا خاطري ضاق
أرحل مع أحزاني على مركب الياس $$ ودمعات حبري تمتطي بيض الاوراق


مطلع قصيده ماكان ودي أنشرها لأنها تحمل انكسار عاشق مالقى اللي يحترمه ولكن للذكرى حق

انا اسف على ازعاجك ولكن حرة فيني $$ تسوق ايدين عاشقها تدق ارقام جوالك
أمانه قولي لقلبي ترى طارق معنيني $$ ترى طارق يذوق اللي ابد مامر في بالك

لها بقيه احب ان احتفظ بها



اخاطب احد اصحابي بعد ان وجه لي اللوم

يالخريصي لو لمحت اللي لمحته بالبقاله $$ والله انك ماتلوم اللي غدى جفنه سهير
شفت لي عجية تخجل وصوف البرتقاله $$ طفلة يجهر سناها من له اعوام ضرير

والباقي غير صالح للنشر



مسج كتبته لأحد زملائي باللهجه العراقيه بدون ان اتقنها ولكن كان محتاجه

وشبيك عيني للزعل صرت تشتاق $$ مدري تغلى لو تجرب غلاتك
تدري خيالك يمتلك فيني لعماق $$ وتدري تذوبني بهمسة شفاتك
بدرب التغلي يبتدي درب لفراق $$ وماكو احد يجمع شتاتي وشتاتك

طبعا مافيها اخطاء املائيه بس عشان اللهجه تكون واضحه


بيت ماحبيت اكمله وهو يتيم الى اللحظه

ياعرب من فيكم اللي مارضع طعم المذله $$ او فقد معنى الكرامه تحت رايات السلام


وأخيرا مطلع قصيده


قم يانديبي من على بيض الاوراق $$ واقطن على صفحة جهاز ان سبعين
اسكن رسايل تنتقل عبر الافاق $$ وأرجوك لاتسأل على وين ومنين
وليا حفظت اللي يقولن الاعماق $$ خذ عشرة أرقام تضم العناوين



أتمنى اني كتبت مايرتقي الى ذائقتكم

كل الود والاحترام لكل من عطر متصفحي

أخوكم / طارق البراهيم العنزي