اذا انسدت كل الطرق بوجهك!!!!

@_بـfـحـfـر_@ · 07 May 2006, 06:43 PM

السلام عليكم
انا عارفه انه وجودي في منتدى محشش مخالف للقوانين
وهي الواضح على المنتدى انه منتدى ضحك وفرفشه وناسه
وانا اسمي بحر
لكن بحر احزان
يعني ممكن وجودي بينكم يضايق الكثير الللي يبون الوناسه
لكن كل ما اقول بترك الحزن يجي شي بحياتي حزين
ودي اترك الحزن واعيش مثلكم
لكني مقدر
كل الطرق صايره مسدوده بوجهي وبكل شي
كل ما تضيق تضيق اكثر
الحمد لله على كل حال
كتبت هذا الموضوع لحتى اخفف شوي عن نفسي واشكي لصفحات المنتدى
واذا احد تكرم وقرا موضوعي جزاه الله خير
يارب وان ضاقت قلوب الناس من هم ـــــ فعفوك علي يارب احن وارحم
ما ابي اشكي لحد من اللي اعرف لأنهم بكل بساطه ماودهم يسمعوني
واذا سمعوني طنشوني او ضحكو علي او اسمعوني مجامله
تعبت واحترت ومليت
اااااااه يا رب ارحمني برحمتك
اللهم ان كان الموت راحت لي فامتني وان كانت الحياة خير لي فأحيني
الحين وانا اكتب السطر هذا من الموضوع وصلني خبر يسد النفس
عن طريق رسالة جوال
الله يرحمني برحمته
ودي اضحك بس شلون اضحك
ودي اتعلم الضحك زي سنه اولى ابتدائي لما يتعلمون القراءه والكتابه
او زي الطفل الرضيع لما يتعلم يتكلم وياكل ويشرب
الحمد لله اولا واخرا وظاهرا وباطنا
والله لولا اني مسلمه وديني الاسلام واعرف اقرا قران كان رحت وطيي من زمان
لكن القران يخفف علي
والصلاة تخفف علي
ومناجاة رب السموات اخر الليل تخفف علي
الحمد لله اني مسلمه واعرف ربي زين

طولت عليكم اعرف وبعد سديت نفسكم اعرف بس سامحوني

عبودعابرالحدود · 07 May 2006, 06:54 PM

من شاف مصيبة غيره هانت عليه مصيبته أصبري فوالله ان في ناس لو تدرين عن المصايب اللي عندهم راح يشيب راسك تأكدي بس أذكري ربك وخلك مثل منتي كل ماضاقت الدنيا فيك أدعي وصلي وأكثري بالأستغفار والله مايفرجها غير رب العالمين وبصراحة ما كان ودي أرد لكن تذكرت مصايب الدنيا لما جاتني تمنيت احد يوقف جنبي وهذا اللي اقدر اسويه لكي ما في غير الرحمن الرحيم رب العالمين يفكها وكل عسر بعده يسر إن شاء الله

أخوك / عبووود عابرالحدووود

الوحيد · 07 May 2006, 07:44 PM

الله يكون في عون الجميع

اللهم اشرح لي صدري وسيرلي امري

@_بـfـحـfـر_@ · 07 May 2006, 07:53 PM

عبودعابرالحدود]من شاف مصيبة غيره هانت عليه مصيبته أصبري فوالله ان في ناس لو تدرين عن المصايب اللي عندهم راح يشيب راسك تأكدي بس أذكري ربك وخلك مثل منتي كل ماضاقت الدنيا فيك أدعي وصلي وأكثري بالأستغفار والله مايفرجها غير رب العالمين وبصراحة ما كان ودي أرد لكن تذكرت مصايب الدنيا لما جاتني تمنيت احد يوقف جنبي وهذا اللي اقدر اسويه لكي ما في غير الرحمن الرحيم رب العالمين يفكها وكل عسر بعده يسر إن شاء الله
أخوك / عبووود عابرالحدووود

تسلم اخوي عبوود على ردك
هو انا ايش مصبرني غير مصايب غيري
الله يفرج عنهم مصيبتهم
بس الواحد مهما كانت مصيبته صغيره يشوفها اكبر شي
لأنه هو الوحيد اللي يعاني فيها

على العموم جزاك الله خير على ردك على موضوعي
والله يفرج همك
وهم كل مسلم

ساهر الليل · 08 May 2006, 01:35 AM

[align=center][grade="0000FF 4169E1 00BFFF"]بسم الله الرحمن الرحيم

أختي العزيزة ( بحر )
السلام عليكم ورحمة الله وبركاته

في البداية أحب أن أذكرك بقول الله سبحانه وتعالى
( ألا بذكر الله تطمئن القلوب ) والحمد لله أنك مما قرأته
مواظبة على قراءة القرآن الكريم وأداء الصلوات .. وهذه
بحد ذاتها هي الصلة بين العبد وربه وأوصيك بالدعاء أكثر
أثناء السجود بأن الله يفرج عنك همك وكربك وحزنك فهو مستجاب
أكثر وأقرب مايكون العبد لربه أثناء السجود .. فأكثري من الدعاء
فسبحانه مجيب لدعوة الداعي إذا دعاه .. وندعو الله لك أن
يفرج عنك همك وكربك وحزنك وأن يبدل الله أيام أحزانك
إلى أفراح بإذن الله ..

ونهدي لك أختي صفحات منتدانا الغالي والتي نشاركك فيها
بأن كل ماتعسر عليكي موضوع أو ضقتي فتعالي هنا وأكتبي
على هذه الصفحات فستجدينا إن شاءالله كلنا آذان صاغية
وأخوة وأخوات لك نتبادل سوياً الآراء والأفكار ونشاطركم
الأحزان والأفراح .. ولا تجعلي الخجل يقف حاجزاً بينك وبين
أسرتك الأخرى هنا .. ندعو الله أن يفرج همنا وهمك ويبدل
حزننا وحزنك بكل مايرضاه ونحمده على ماأعطانا ..
وأخيراً تقبلي فائق إحترامي وتقديري ..

تحيات أخوك: -(( ساهر الليل ))-[/grade][/align]

@_بـfـحـfـر_@ · 08 May 2006, 03:37 PM

اشكرك على كلماتك الرائعه يا ساهر الليل
وجزاك الله خير
كلمات تعيد الامل
جزاك الله خير ويسر لك كل امر في الدنيا والأخره
وربي يعطيك العافيه

موية نــــار · 10 May 2006, 12:56 AM

حبيبتي الدنيا زائله

ولا يبقى الا وجهه الكريم

اذا كثرت همومك اذكري الله وكبري مخدتك وارقدي

<<<<<<<<< تنكت هي وخشتها

اختي الحمد لله انتي حالك احسن من غيرك باذن الله

ولو كل واحد كتب همه ورماه للبحر كان البحر بكى على حال البشر

اتركي عنك شيل الهم على كل كبيره وصغيره

وتذكري قولة تعالى " ان بعد العسر يسرى ان بعد العسر يسرى "

لا تقولين خلاص باعيش بهم وغم وانا حياتي كلها نكد

كلنا نقولها

بس اوقات نقول الحمد لله

هذا كله فيه لك تخفيف من الذنوب

لا يشاك شوكه الا باجرها

شنو الشوكه وشنو المها ولا شي

وسبحان الله افرحي ان ربك يحبك ويبي يخفف عنك ذنوبك بالامتحان اللي يمتحنك فيه كل فتره ويمكن كل يوم مصيبه

ربك يبي يعرف قوة ايمانك لا تنسي هالشي

اتوقع انك متعلمه وفاهم هذا كله

بس من باب التذكير لان الانسان ينسى

ولا تنسين يا قلبي ان بعد هذا كله تفريج للهم والغم

( لا اله الا الله العظيم الحليم لا اله الا الله رب العرش الكريم لا اله الا الله رب السماوات ورب الارض ورب العرش الكريم )

( لا اله الا انت سبحانك اني كنت من الظالمين )

( اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدن وقهر الرجال )

لا تنسى هالادعية الثلاثه

كرريها بكل وقت وباي ساعه

والله يفرج همك حبيبتي

وهذي باقة ورد اتمنى تكون حقيقيه

واقدمها لك يا الغاليه

واي شي تحتاجينه احنا هنا اخوانك واخواتك

اشكي وابكي وسوي اللي يريحك لا يردك الا يدينك

ليل البعد · 12 May 2006, 02:24 AM

اختي بحر

واضح من كلامك مدى الالم اللي انتي حاسته

بس والله لو بيدي كان شلت همك

واعتبريني اختك حبيبتي ولا راح اتضايق من شكواك

بس صدقيني ياكثر اللي يضحكون وداخلهم هموم الدنيا

اذا قعدتي تهمين على كل شي ماراح تعيشين سعيده

حاولي تتغاضين و توسعين صدرك

واسال الله من كل قلبي ان يفرج همومك .. اختك ليل البعد

@_بـfـحـfـر_@ · 05 Jun 2006, 03:45 PM

الف شكر على الردود اللي تثلج الصدر

اذا انسدت كل الطرق بوجهك!!!!

افراح واحزان المحششين