هههههههههههههههههاي الله يرج ابليسكم من جد مجرمين ياحليلي وانا صغيره ماسويت مثلكم اجرام على اصوله
بقولكم جريمه سويتها انا واخوي مع بنت عمي كان عمرها سنتين تقريبا
الزبده انا واخوي اخذناها نبي نلعبها ونونسها من الطفش اللي بنا كنا نفحط في منزلنا الكائن ونمر من عند الغساله بالمطبخ اللي بابها على جنب المهم كأنها ملاهي وحنا نحطها بها وتاخذ فره بس ماكملت الثانيه الا امها طابه علينا وتمردغنا تمردغ على مستوى تفلت العافيه الحمد لله ربي رحمها والا رايحه ملح
والحين تطالب عند حقوق الانسان رافعه علينا قضيه تبي تاخذ بثأرها تقول هذا تعدي على نفس مؤمنه مطمئنه وهذا انا احاول امنعها بس لاحياة لمن تنادي رافعه قضيه رافعه الله لايعوقها بشر >>>زلعي اهب يالشر

والجراااااااااااااايم كثيره اذا تذكرت شي برجع واكتب

يسلمووووووووو على الموضوع

يسلمو ع جميع المشاركات وبانتظار المزيد

والله عندي جميع الانواع للجرائم بس الذاكره لك عليها

بس اذكر مره كذبت على اهلي وقلت شفت راس واحد ميت بالارض اللي جنب المدرسه وهياااااااط واضافات مجانيه من اللي يحبها قلبك وراحوا للارض مالقوا شي قلت ايه نسيت اقولكم جت الشرطه والاسعاف والمطافي مدري المطافي ليه ذاك الوقت كنت وقتها بثاني ابتدائي

ومره قلت لهم اخذوا المستوى وانا نسيته بالدرج راح اخوي اكبر مني سادس ابتدائي وكنت وقتها اول ابتدائي طبعا مالقى شي اصلا ماسلمو المستويات
ورجعنا البيت بدون مانجد شي ولا تعليق ولما راح اخوي للمدرس تبعنا اليوم اللي بعده قال اصلا ماسلمناهم شي


ومره كنت انا واخوي اللي اصغر مني عشان اتحكم فيه واختي كانت اكبر مني بس ماتفهم علي كنت شيطوون كنت رايحين لبيتنا اللي بالرس بالقصيم وقلت لهم وش رايكم نمثل دور المطافي طبعا هم حمير وقلت نشببالبيت وثم نطب ع بيت جيرانا ونسرق زي الرسوم المتحركه وانتي يااختي تمسكين فينا قالت طيب شبينا الحديقه اللي قدام ونطيت انا واخوي واختي علقت ماتعرف تنط ولما نطينا لقينا عندهم مراجيح وقعدنا نلعب وننقز واختي تصيح وحنا مو فاهمين المهم جا الوالد وجت المطافي عن جد وطفوا البيت وابوي هاوشنا بعد مااعترفت اختي وحصلت لي تلميخ وتفقيع وتكفيخ شي لا ينسى بس انبسطت

وعلى طاري السرقه كنا بالخفجي مره يومنا وراعين وكان راعي البقاله شايب(( الله يرحمه)) وحسووود مايعطينا شي ويضربنا اذا سرقنا

واكتشفت انه ينام وحنا حمير نقومه قررت مع عيال الحاره نسرقه وانا ادخل واتسلل واسرق وسرقت واخذت جيم كولا بوقتها كان شي

ورجعت وسرقت واستانست محد درى عني الا وانا اسرق عسكريم ع قولتنا زمان الا اللي يشدني مع رقبتي ويرفعني وينزلني والتفت فيه وانا ميت رعب الا هو ولد الشايب كان يخووف الحاره كلها طبعا شحطني على البيت وابوي هاوشني وتفاهم معهم

هذا اللي اتذكره اذا تذكرت شي برجع اضيفه

ويسلموووووووو ع الموضوع التوووووووووووووحفه

تحياتي

فالزمن الذي راح كنت عدوانيه

يعني افتكر اول جريمه مسويتها

قلت لولد عمي تعال نطير

والاهبل << يثق فيا

وبعد مالبسنا عبي الحريم

طرنا من فوق السطوح

طبحنا تعبير اصح

سوبر مان

انا بس انكسرت رجلي و طقم اللؤلؤ

وهوا كسر مضاعف فاليدين

والله يوم شيق <<< تعبير متعوب عليه

مساءكم لوووووووووووووووول
الزبده الموضوع يحمس وفيه جريات ماودك تذكرها
بس طرا علي موقفين
الأول :كنت بأول متوسط (الله يغفرلنا) وغبنا عن المدرسه أنا و واحد من العيال الله يذكره بخيروكانت لي سنه طايح بالدخان
الزبده كان ذيك الأيام رمضان (يالله تغفر لنا )
وقاعدين ندخن بموقف على شارع عام والحمضيات بيد كل واحد وسببالأفطارمسوين خرمانين دخان
مرواحد على كامري وحك بريك لانه قز العجه
ورجع وقال تعال وش إلي بيدك ؟
قلت حمضيات ليش !
قال ليش ياكلب ليش مفطر؟ قلت حنا ظيوف مستحين نفطر بيت معزبنا
قال تدري لو أني مستلم لأوريكم نجوم الظهر
قلت ياخي ماندري
قال تبي تفطر تنقلع بيت أمك
قلت أفا لاتطري أمي قال لا ولك عين بعد ياكلب
ألتفت على خويي والحمضيات ورى ظهري على طول وقف خويي لا شعورين صفقته بالحمضيات وهو داخل الكامري
وأنحش ماتنحش وأسمع صراااخه وراي يا كلااااب
وحنا ركظ الزبده ماوقفنا إلا على بعد كيلوين من الخرعه
ومن بكره نسولف بالمدرسه للزقرت ونفتخر وزودنا بعد أنه لابس لبس الشرطه وأننا ظربناه إثنيننا بالحضيات وسلامتكم والموقف الثاني بالحلقه الثانيه لاأني دخت من الكتابه
ولكم أطيب تحيه

موضوع رائع وفعلا اجرام ......................

ماعندي اي موقف إلى موقف واحد .......................أني اذكر كان نسيبي عنده

سواق رافع ضغطي ...............وابي اسويله اي شي

ما ادري ليه .................المهم انا وولد اختي فكرنا كيف ننكب ها السواق

ونسيبي كان يثق فيه مرررره ..............ووفكرنا كثير حتى لقيناها ........وشي؟؟؟

ان غرفة السواق السقف حق الغرفه ماهو طابوق حديد خفيف او ما يسمى (( الشينكو ))

وطلعا فوق انا وولد اختي وشايلين صخره كبيره وثقيله با الموت شلناها

انا اتكلم وحنا عمرنا مايقارب العشر سنوات .................

وطلعنا فوق السطح ..............ورمينا الصخره فوق غرفة السواق وكان الوقت الساعه

2 الفجر ...................وطلع السواق لابس فانيله علاقي ووزار ..........يركض يمين

ويسار مايدري وش إلي صار .................. وجته رجه غريبه من الروعه

وسافر ديرته للعلاج ...................وبعد 18 سنه وللحين ما احد يدري وش صار للسواق

وليه طلب يسافر بسرعه لهله وش إلأي خلاه يستجن بها الطريقه

ذكرتني في السالفه وانا ناسيها اصلا

موضوع رائع سي يووووووووووووووووووووووووووووووووو

هلا الله يحييك بالنسبة للموضوع جرايم متتعدى سرقات طبعا من الأهل ومضربات مع عيال الحارة هذا الي أذكره ورباك ستار رحيم

اماانا مافيه بزر من جماعتنا دخل بيتنا وطلع الا ووشمت له كم وشم في جسمه

بس اللي كرهتهم عيشتهم صح خواتي

كنب بثاني ابتدائي واختي توها مولوده شهر تقريبا

وامي كانت نايمه ومخليتها مع الخدامه وانا ما صدقت رحت ركض للخدامه واقولها عطيني دانه تقول لي لا وانا من القهر سحبت دانه مع رجوله واخمس فيها بالصاله
من الحماس صفقت براسها بباب مجلس الحريم وانجرحت اذنها
وخدامتنا تصيح وراي حراااااااام بعدين روح نار

طبعا امي بعد صياح الخدامه اكيد بتقوم وانواع التهزيئ اختها بس ما اثر فيني.

بعدها تقريبا ب3سنوات جاني اخت ثانيه ولازم احط فيها لمساتي الخاصه كان عمرها تقريبا سنتين كانت بالدف تمشي من سمنتها كنا بالمجلس انا واياها وشفت سلة الغسيل في عند الباب واروح اخذها وادخلها براسها شوي اسمعها تبكي طبعا انا ما اشوف راسها الا وامي جايه ركض وش صاير انا بكل برائه :كنت العب ديما يوم رفعت امي السله الا وشفايف ديما كلها دم قسمت شفتها اللي فوق نصين وانواع التهزيئ خذ وخل الين الحين وباقي اثر خفيف .


هذا اللي اتذكره بس انشاء الله ارجع اقولكم ذكريات المتوسط هذي شي ثاني

أول جريمه لي وانا صغير صلخت عامل