رجـم الهـوى اللـي لعـن كوثـر جماهيـره

عــز الله أنّــه مايستـاهـل تـعـب سـاقـي

أتعـبـتـهـا فــــي مـراقــيــه ومـشــاويــره

ذي جـرتـي نــازل .. وذي جـرتـي راقــي

لبيـه يــا (ســاره) .. ولبـيـه يــا (منـيـره)

في مهبل الناس مدري ويش أنا لاقـي !!

صــدر الشمـالـي عليـهـن فـــك أزاريـــره

الـلـي مـــن آدم وحـــوّا مـابـعـد ضـاقــي

جـن المدينـه عـلـى غفـلـه مــن الـديـره

وتــورّطــن بالرومـنـسـيّـه والأشــواقــي

مـايـكـتـبـنّ أسـامـيـهــن بـالـطـبـاشـيـره

بيعلمـنّـك عـــن الـمـوضـه والأذواقـــي !!

وجـيـهـهـن طـالـعــات مــــن الـكـوافـيـره

مـن كثـر الألـوان كنْهـا (سبحـة عراقـي)

مـافـيـه داعــــي أجـامـلـهـن بتـكـشـيـره

وأقـول مشتـاق .. لـو مانـيـب مشتـاقـي

ماهـن بكفـو السهـر .. والحـزن .. والغيـره

ودموعي .. وشعري الموزون .. وأوراقـي

(كرت أحمر) و (باب طيّاره) و (تسفيـره)

في (قلعـة الوادريـن) و (بألـف طقّاقـي)

الـهـنـدي و وايــتــه !! والــعــود وبـعـيــره

هـــذا مـــدوّر ذهـيــب !! وذاك سـوّاقــي

لـو مـا أنصفتنـي سنيـن العـمـر الآخـيـره

ماطبّقت عينـي أحداقـي علـى أحداقـي

قفلـت سـيـرة عـلاقـات .. وبــدت سـيـره

الـلـي عليـهـا الـكـلام وهـقــوة الـهـاقـي

أبـرك ضيـوف الهـوى !! وأغلـى مساييـره

ريحـانـةٍ تقـطـف اللهفــه مــن أعمـاقـي

ماهيـب مـن قـوم : (ابـو دقّـه وتسكيـره)

مـن قـوم : (لاحاسبـت ماتاخـذ البـاقـي)

لـهــا عـلــى الـزيــن تهـلـيـلـه وتـكـبـيـره

أنعم من الـورد اللي فأوّل الساقي

مـهـيـب أمـيــره لكـنْـهـا جـنــب الآمـيــره

ذات الحسب والنسب والمستـوى الراقـي

مـن (أغنيـاء الـريـاض) ومــن (هوامـيـره)

شركـات أبـوهـا بضايعـهـا فالأسـواقـي !!

يـومـي لـهـا الغـصـن وتغـنّـي عصافـيـره

والأمــــر يـنـقــاد لـرضـاهــا ويـنـسـاقــي

غـيـداءٍ سـهـم عينـهـا مـــن قـــوّ تـأثـيـره

مخسـرٍ سـوق الأسهـم عـنـد الإغـلاقـي

الـبـدي والهيـكـل الـلــي مـاتـبـي غـيــره

(أصطب) و (أستبنتين) و (قير علاقي) !!

مــازيّــن أخــلاقــي الــطــب بـعـقـاقـيـره

لــــولا عقـاقـيـرهـا مــازانــت أخــلاقـــي

مـن قبلهـا الـحـظ مــن جـفـره لدحـديـره

لـيــن أوعـــزت لـلـزمـان وحـــرر وثـاقــي

وأعتضت عن قوم : (ابـو دقّـه وتسكيـره)

باللـي : (ليـا حاسـبـت ماتـاخـذ البـاقـي)

من آبدآع ~ْ{ مدغمـ ابو شيبهْ