قصيده اعجبتني

فأحببتها لكم


يغفر الله للحبيب اللـي رحـل للدوحـه $$ وغادر بلاد الكويت ولاعرف منزالـه
راح ماعطاني خبر عن هجرته ونزوحه $$ مـن بـلادٍ مايعيـن بالخليـج أمثالـه
بالبدايه قلت كـذب وقصـةٍ مطروحـه $$ لين شفت البيت تبكي به سكون أقفالـه
وإنصدمت وجظ قلبي وإبتدا ساموحـه $$ وإبتديت أقول وش يبقى لي وش يبقى له
مابقى لي عنده إلا صورتيـن ولوحـه $$ ولا بقى له عنـدي إلاخاتـم وسلسالـه
وإنتظرت لشهر كامل عقب ذيك الروحه $$ أي حي يقول لي وينه وكيـف أحوالـه
مار مابه نور بيّـن يستـدل بضوحـه $$ لابريـد ولاإتصـال ومنقطـع جوالـه
وإقتنعت إني ضحية دمعتي وجروحـه $$ وإبتدت الآمال تضعف في مجي مرساله
وإبتدت فرقاه تفضح روحي المفضوحه $$ وإبتديت أجر آهاتـي علـى هالحالـه
آآآه من فرقا الدلـع بالطلـه المملوحـه $$ وآآه من فرقا الغنـج بقفايتـه وإقبالـه
وآآآه من فرقا صباح الغره المصبوحه $$ وآآآه من فرقا براءة وجهـه المحتالـه
وآآآه من فرقا رجاحة عقله الملموحـه $$ وآآآه من فرقا الخبال اللي سوات خباله
وآآآه من ضحك يسيح بحـةٍ مسيوحـه $$ وآآآه من خمر السوالف فوق حبة خاله
وآآآه من كسرة إحكاه الكسره المسموحه $$ وآآآه من خثرة إلسانه يوم ينسى حالـه
وآآآه من ليلٍ يبي يطري علي مزوحـه $$ وآآآه من عين الشقا ودموعـي الهمالـه
دمعةٍ من دون شرح ودمعةٍ مشروحـه $$ ودمعةٍ تزعل علي ودمعةٍ ترضـى لـه
ودمعةٍ تغلـق مـداه ودمعـةٍ مفتوحـه $$ ودمعةٍ تسعى معاي ودمعةٍ تسعـى لـه
علموه إن زلته هذي ماهـي مدموحـه $$ وعلموه إني بحالٍ مـزريٍ يرثـى لـه
وعلموه إنـي مخـادٍ للحمـام ونوحـه $$ وعلموه إني بغنـي لـه علـى موالـه
وعلموه إني بشر يمشي ورا مصلوحـه $$ وعلموه إنه يرسخ كلمتـي فـي بالـه
من يطاول عزتي فوقه هدمت صروحه $$ لو يكون الشيخ وإلا واحدٍ مـن عيالـه
وعلموه الوايلي نفسه ماهـي مشفوحـه $$ مايميل الراس لو دايـم يميـل عقالـه
وعلموه برجعته لـي لايتعـب روحـه $$ دامه أقفا من رضاتـه سمـح الله فالـه
وعلموه إني بعالج نفسـي المجروحـه $$ وابعتصم في طرح واحد من قديم أمثاله
الله أكبـر يازمـن تطـورت منفوحـه $$ عقب ماكانت مجرد غرفتيـن وصالـه

لمبدع / مطلق النومسي