الفاضي يخش يشوف مسرحيه ابو حاتم

ابو حاتم · 06 Jun 2008, 12:59 AM

بسم الله الرحمن الرحيم
اسعد الله اوقاتكم بكل خير
اليوم بخاطري اسولف سواليف من مقالبي وتمثيلياتي
انا احب التمثيل من يوم كنت صغير من ايام المتوسطه والثانويه وهي تجري بعروقي
المهم
فيه واحد من اعز اخوياي اسمه ابو حمد
بيني وبينه اذا نبي نسوي مقلب في شخص اقوله كلمه جنيف
اول مقلب
كنت مره انا وهو وولد خالي وصديق رابع معنا بصنعاء
ركبنا في مايكروباص وخليناه يوصلنا للفندق وبالطريق قاعد اسولف مع السواق وهو قاعد يقول لي انه محاسب باحد المستوصفات الخاصه بالصباح وبالليل على الباص حقه
المهم الرجال احترمنا وحنا كذلك
فقال لنا بكره تعالو استاذنو لي من العمل وانا بمشيكم ووريكم صنعاء
جاء بكره واستاذنا له وتمشينا اول وماخلنا لنا مكان الا وورانا
وحطنا باخر الليل بالفندق
وقال بمركم بعد بكره
وحنا قلنا لبعض بعد ماراح من عندنا هذا يبي ينصب علينا
بيحطنا بكره ويطلب حق الباص بمبلغ كبير
قعدنا نفكر وش السواه
من بكره مرنا بعد العصر
وتمشينا
قلنا له ترى بكره ماشين نجران
الرجال قعد يفكر ويقول لنا ياشباب والله بشتاق لكم لاتقاطعونا وكلمونا
حنا نقول له ابشر
وكل دقيقه والثانيه يقولها لنا بشتاق لكم وواصلونا ولاتقاطعونا
فجاه شهقت شهقه غير متعمده
وكملتها على انها بكيه
قال لي ابو حاتم وش فيك
قلت يامحمد ( صاحب الباص)
وربي بنشتاق لك ياخي << سويت نفسي اني ابكي
فقال بس يابو حاتم خلاص
وانا زدت فيها حبتين من البكاء وهو يطبطب علي ويقول بس وفجاء
معاده يطبطب على والف واناظر فيه
الا وهو يبكي من قلبه
وابو حمد يقول بس يابو حاتم قطعتو قلوبنا وقام يسوي نفسه يبكي بعد << من اللي بيقرعهم من البكي
وصلنا الفندق وسمرنا
وقلوبنا تقول يالله سترك الحين كم بيطلب
ويوم قام من عندنا ووداعنا
ماطلب منا شي وطلع ذيب مو على اعتقادنا انه نصاب
نزل من الفندق وبعد المشوره اخترنا رقم مبلغ من المال وعطيناه ورفض لكن اغصبناه يشيلها غصب عنه

المقلب الثاني بنفس الادمي
ابو حمد زواجه كان بمدينه تبعد عن صنعاء 300 كيلو وكلمنا محمد راعي الباص يجي الزواج
صار يوم الزواج وخلص وباليل ابو حمد كان بالفندق بالدور 3 وحنا بالدور 2
فكلمت ابو حمد قلت تبي تضحك تعال
ونزل ابو حمد قلت يابو حمد تكلمو ثم بعدها انا بسكت شوي
ثم اسئلني وش فيك
المهم سويتها وقال ابو حمد وش فيك
قلت مافيني شي
ثم اهلها دموع كذبيه وهو يهدي فيني ومحمد يهدي فيني ويقولون وش فيك
وانا اقول مافيني شي
ثم سالني محمد يابو حاتم وش فيك
قلت ابو حمد
قال وش فيه
قلت تزوج
قال تزوج ؟؟
طيب وش فيها
قلت هذي دموع فرح ياخي وابكي وابكي
والرجال ماتحمل قام يعاوني بالبكي
قمت من الغرفه للصاله ولحقني ابو حمد ثم نقلبها ضحك سمعنا
قال وش فيكم تبكون ثم تضحكون
قال ابو حمد لا ابشرك هونتها على ابو حاتم
وانتهت قصتي
واللي عنده مقالب من ذي النوع يطرحها مشكور
سلام ياصاحبي

Nks · 06 Jun 2008, 01:23 AM

هههههههههه حسبي الله على ابليسك ياااشيخ لعبتوا بالضعيف ,,

اللى عاااجبنى فيه انه على الريح ههههههه

بس بينى وبينك مااالكم داعي رحمة بس عسى رقمه عندكم اذا بغيت انزل هناااك

الاقي واحد دلليله وأبن حلال ونبغى نستاااذن له ولا يهمك ههههههه

باااصل أخر الشاارع ولى رجعــــه يأبو حــاااتم,,,

سلمت ياااصاحبـــى,,,

بدويه بملامح مكسيكيه · 06 Jun 2008, 05:22 AM

مسكييييييييييييييييييين شكله يصدق بسرعه ههههههههههههههههه

بس حرام عيكم

ابو حاتم · 06 Jun 2008, 01:18 PM

اقتباس:

المشاركة الأصلية كتبت بواسطة nks

هههههههههه حسبي الله على ابليسك ياااشيخ لعبتوا بالضعيف ,,

اللى عاااجبنى فيه انه على الريح ههههههه

اقتباس:

الا اش اقول عنه خخخ

بس بينى وبينك مااالكم داعي رحمة بس عسى رقمه عندكم اذا بغيت انزل هناااك

اقتباس:

ولايهمك هو من اعز اصحابنا واذا بغيته كلمته لك وترى محترم شرواك

الاقي واحد دلليله وأبن حلال ونبغى نستاااذن له ولا يهمك ههههههه

اقتباس:

ايه اهم شي الاستذان وربي لو تدري وش كذبتنا لمديره تفطس من الضحك وتعرف ان حنا كذابين خلقه خخ

باااصل أخر الشاارع ولى رجعــــه يأبو حــاااتم,,,

سلمت ياااصاحبـــى,,,

معك سياره ولا اوصلك
خخ
سلام ياصاحبي

ابو حاتم · 06 Jun 2008, 01:19 PM

اقتباس:

المشاركة الأصلية كتبت بواسطة بدويه بملامح مكسيكيه

مسكييييييييييييييييييين شكله يصدق بسرعه ههههههههههههههههه

بس حرام عيكم

دوم هالضحكات
بس حنا نعتذر له بطريقه او باخرى
ويسلمو على المرور
سلام ياصاحبي

White angel · 07 Jun 2008, 10:21 AM

اولا هلا و غلا ..
ثانيا : على اسعد الله اوقاتكم ..احس اني فاتحة على الاخبارية ..
ثالثا : الله يرج عدوك قل امين ..
رحمته تصدق .هههههههههههههههههههه
يعطيك العافية