وش قصة الأطفال نشوفهم أذكياء وإذا كبروا تتقفل عقولهم ! ! o o

29 May 2008, 01:06 PM

( سلام الله على كل من زار صفحتي )

يوم كنا أطفال ماشاء الله علينا كنا أذكياء بس مدري وش صار فينا

وشفنا أطفال كانوا مثلنا أذكياء بس بعد ماكبروا مدري وش صار فيهم

لا والله أتكلم جد !

لو تلاحظون في الدول الآسيوية والأوروبية والأمريكية وشلون تطورت في مجال الصناعة ومجال الطب وكل مجالات العلم بتعرفون وش صار فينا

أكيد السبب واضح وهو طريقة تعليمنا

معروف علمياً ان الطفل لديه نسبة عالية من الذكاء يحتاج فقط لتطويره

ولو تلاحظون الأطفال عندنا قبل دخولهم للدراسة كيف وبعد مايدرسون كيف ؟

قبل الدراسة نلاحظ انهم يدركون ماحولهم في بداية طفولتهم وفي السنة الخامسة أو السادسة من أعمارهم نلاحظ انهم يفهمون بعض الأشياء ويحسنون استخدامها

مثلاً : نشوف بعض الأطفال يعرفون يستخدمون الكومبيوتر ويعرفون الحروف الإنجليزية وبعض كلماتها ونشوف بعضهم عنده مواهب في تركيب وصناعة بعض الأشياء الخفيفة وحتى في ألعاب البلايستيشن نشوفهم يعرفون يتصرفون في ألعاب المغامرات وعندهم مهارات في اللعب

كل هذا يدل على ذكائهم فقط يحتاج إلى تطوير

لكن بعد دخولهم المدارس ...

أولى ابتدائي ,,, لازال يحتفظ بذكائه

ثاني ابتدائي ,,, بدأ ينقص ذكاءه شي بسيط

ثالث ابتدائي ,,, ينقص الذكاء شوي

رابع ابتدائي ,,, بدا يتنح هههههههههههه

وهكذا ...

تدرون وش السبب ؟

السبب إن تعليمنا يعتمد أكثر شي على الحفظ دون الفهم في السنوات الدراسية الأولى

( الكومبيوتر إذا حفظت فيه ملفات كثيرة يعلق وبرضه العقل يعلق كل ما حفظ فيه أشياء مالها داعي

)

أنا ودي أعرف شي واحد !

وش الفايده اذا حفظنا ( مع الفجر مع النور وحين يقوم عصفوري )

أو حفظنا ( لا تخافي لا تخافي نحن أبطال المطافي )

هذا هو تعليمنا من يوم عرفنا أنفسنا إلى ألحين

ليش مايعتمد تعليمنا على الفهم ويسعى لتطوير ذكاء الطفل مثل اللي يسوونه الآسيويين والأوروبيين والأمريكيين والنتيجة تطور في الصناعات وتطور في الطب وكل مجالات العلم

أترك لكم المجال للنقاش وطرح آراءكم وتعليقاتكم

دمتم سالمين

العاطل · 04 Jun 2008, 05:18 PM

الاهل

والتعليم

هم الاسباب الرئيسيه لغبائنا

لا تنميه مواهب ولا اهتمام بعقول الاطفال

امـ كـشـهـ · 04 Jun 2008, 06:06 PM

التعليم هو ساس المشكله .. لان لو مدرسه اهتمت بالاطفال صح وفرت لهم
منهج دراسي متجدد ومدرسين عندهم طرق للتواصل مع الاطفال غير الضرب والقسوه ..ولو كان في تواصل بين الاهل والمدرسه
ترى التعليم ما ياثر بس ع الذكاء حتى على شخصيه يعني لما طالبه مثلا تنحرم من انها تجيب معها فرشاه اسنان ومرايه ومشط او ينقال لها ممنوع تهتم بشكلها..ولو عاندت تاخذها المدرسه ع المديره ولا تعلن بالاذاعه انها بنت مخالفه ..يعني استغفر الله اسلوب مبزره و المشكله من ما يتغير من سنين

05 Jun 2008, 05:34 PM

هلا والله منور ياالعاطل يارب تحصلك وظيفه موتقعد كذا

أم كشه منوره خيتووووووو بس ماقلتيلي ليه فرشاةالأسنان
فرشي أسنانك في بيتكم وماله داعي تاخذيها معاك والا بتعلمينهم
إنوعندك فرشاه ههههههههههههه

امـ كـشـهـ · 05 Jun 2008, 10:18 PM

ههههههههههههههههههههههههههههه اي عندي فرشاه وبعد كهرابائيه ام 35 ريااال وقلت حرام ما اكشف فيها عليكم وش على بالك ههههههههههههههههههههههههههههههه لا خيوو بس بنت اختي مركبه تقويم ومبتلشه مع المراقبه حقتهم ما تبيها تجيب معها فرشاه اسنان ولا حتى مرايه ...وبنت بعد ماتاكل تتضايق تبي تفرش وكل يوم مشاكل مع المراقبه فهمت علي خيوو

وش قصة الأطفال نشوفهم أذكياء وإذا كبروا تتقفل عقولهم ! ! o o

الخط الساخن