قريت هالكلام ونا موصدق عيوني..
عدتها مرتين وثلاث وعشر.. بجد هو راح وخلاني..
مستحيل يسويها عزوز..
لاء ليش يقول كذا..؟؟
ليش يقول انه يراسلني من سدير لييه لييه هو بعيد عني في الوقت اللي انا فيه محتااج لهـ ليه كذا ياعزوز..
يارب هو جاد في كلامه ولا لاء..
يارب خله يمزح يااربــ ,, والله مدري يارب شأسوي..
انا صرخت فيه وقلتله يبعد عني..
طيب هو سوا اللي انا قلته لهـ لييش كذا يارربـــ ..
فكرتــ شأسوي ووش ارد عليهـ ..
ارسلته مسج وكتبتـــ ..
(( هـلا عزوز..
من جدكـ انت !!
عبدالعزيز..
انت صدق في سدير ؟؟
اذا كنت صادق
فأنا بصراااحهـ مدري
شأقولكـ ؟؟
بس الله يوفقكـ لغيري..
ويساعدني القى اللي
يسد مكانكـ..))
ارسلت الرساله ونا يدي ترتجفـــ ..
مدري بصراحه وش خربطت ووش كتبت ماغير اظغط بالازرار ونا قلبي معهـ مو مع الرسالهـ ..
انتظـــــرـرـرـرتـــ لفترهـ ونا عارفــ ومتأكد ان عبدالعزيز مستحيل يسويها حتى مايقول انا رايح..!!
بس بجد ماني بداري شأسوي لان عزوز اعرفهـ مهما صار مستحيل يكذبــ ..

جا مسج ثاني روعني.. وفتحتهـ بسرعه..
ونا انتفظ .. مدري وش الي جاني.. بس ماهتميت لان ابغى اعرف وش قال عزوز..
كان مكتوووبــ ..
((عرفته في دقايق..وفي دقايق حبيت
ونا من ما عرفته افلمت
ذا اللي تشوفونه الجلسه معه شريت
سواليفه وقلبه العالم بها جننت
المشكله اني عليه اخطيت
وهو تحملني بس لاني عليه اجرمت
كرهني..
صدقوني غيره ماحبيت
ناصر كذا أحسك معي اذنبت
رغم اني انا اللي شبيتها وبديت
بس تعودت منك قلب يمسح لااذنبت
كرهت نفسي وندمان ليش كذا سويت))
قريتها واعتصر قلبي معها حسيت ان كلماته صادقهـ بس قويت قلبي..
صحيح ان الفرص ميب كثيرهـ بس دامه جا..
راح احسسه باللي سواهـ لي لحد الان مستحيل انسى نظراتهـ
صح اني مافهمتــ وش قصة الرساله اللي تو..
ووينه هو لجل يطلبــ ان اسامحهـ بس ارسلتــ
((عزوز افهمني ولاتلوووم..
انت جرحتني وجرحك عميق..
انا خلاص قلبي تعب من السقووم..
لان من جرحني كان اعز صديق..
خلاص ياعزووز ناصر لاتلوووم..
كل شي بهالدنيا يجيه شي ويعيق..
بس اعذرني ماابي ترجع وترجع معك الهموووم..
لان بشوفتك اتذكر جرح الاعز صديق..))
حسيت اني قاسي شوي بس ابي الظروفـــ تعلمهـ لجل ينتبه في المرات الجايهـ .. مامرت دقيقتين الا وتجين رساله منه..
((ناصر ترجيتك تسااامح
انا من بعدك كفر ما اسوى..
لاتصير خيل وبقوه تجامح
قول سامحتك لجل اقول اشوى
تكفى نصوور جرحي سامح..
والله تراي بدونك شي مااسوى))..
اللي كان مخليني اعرف انها من قلب لان عزوز كان يكتب اشعار فكنت عارف انها من تسطيره و مو من شخص ثاني..
ونا نفس الشي كنت اكتبـــ فكانت رسايل من قلب لقلبــــ ..
تقطع قلبي ونا اقرا الرساله بجد ما احب احد يترجاني ويذل نفسه عندي بس قويت قلبي للمره الثانيه وارسلتـــ
((عزووز ليتك تحس بجرووحي
ليتك تحس مره باحزاني
كنت حبيب قلبي عيني ورووحي
بس اللحين قلبي منك يعاني
اعطيتني نظرات هدت صرووحي
واللحين ادور على غيرك شخص ثاني))..
انتظرتـــ فترهـ وحسيت انه يأس مني.. لكنه عاود ارسلـــ
((هذا قدرنا يانصور احبك..
نلتقي ونفترق حبايب
فديتك يالظالم فيني خاف ربك
خلاص مرني للقبر وترا الكفن معي جايب
والله يسهلك يالحبيب دربك
ع الاقل معي لاخر الطريق و..
السموحه يااغلى الحبايب..))
قريت رسالته وحسيت فيهـ رحمته ودي ارجع له واجلس بجمبهـ ..

عرفت من كلامه انه قريب وماسافر بس انه في مكان لحاله..
رجعت ارسلته ونا اظغط على قلبي..
((ودي اسامح قلبي الكبير..
بس تعبت منه وابرتاح
لانه خلاني بجد شي صغيير..
وابفتح لغيره قلبي بمفتاح
يسرك يعني حد يقولك حقير!!))
انتظرت لفترهـ ونا اناظر للبحر واحس ان ودي اصيح واني مختنق لاني بجد حسيت اني آدمي مايعرفــ يتصرفـــ تمنيت امي واخوي خالد يكونون بقربي واسألهم شأسوي..
بجد انا محتااار.. اكملــ كذا لجل يحس باللي سواهـ...؟!
بس هو ماقال كذا إلا لأنه حاااس..
ولا...؟؟ مدري يارب شأسوي.. جت رساله قاطعت تفكيري فتحتها بسرعه وقريت وقلبي يدقـــــ ,,,
((لا تخليني اندم..
كافي ندمت كثيييير..
في كل حال يابعدي تسلم
لاني جرحتك ياقلبي كثييييير
مافيني غير ان اندم..واندم
ونابدونك يالاخوطير كسير))
خلاااص هنا حدي حسيتــــ انه اكتفى وانا بعد اكتفيتــــ
عزوز وينكــ ليتك بقربي وتحس باللي احسهـ انا والله تعبان ومدري شأسوي.. وينكـ دايم تقول ودي مرهـ اوقف معكـ تعال وينك ابيكـ..

حاولت اخذ نفس ماقدرت حسيت اني مختنق.. حسيت ولاول مرهـ اني ما احس بأني احس,,,..

عـــــــــــــــزوز..
يآاا خ مايفهم..
مشتااق له الظالم ليش كذا يعذبني.؟؟
ومايحس فيني..!!
لهالدرجه هو خلاص ينسى كل اللي بيننا يااخ يقطع ابو عزة النفس اللي كذا.. يااخ حتى لو عندي عزة نفس ماراح اخليها تفرق بيني وبين صديقي مهما استمريت لازم ارتخي..
اوفففف بس منه ،، احس ان اللي يصير قصه وبتنتهي يعني يا انا ياهو بنرجع..
مهما طولنا ياناصر بيجمعنا الوقتــــ ان شاء الله<< "شكل عزوز طموح شوي"

كنت منسدح ع الرمل ونا اقر كتاباتهـ ليش هو كذا قاسي عليّ..
كان دايم يقول اني بزر وماكنت اقتنع بكلامهـ ..
بس بجد انا اليوم بزر محتاج لأحد يكون معهـ .. انا والله ولا شي بدووونهـ ليش يسوي كذا..
هي الدنيا مبدأ .. يا ابدأ يايبدأ ..
لو كابرنا ماراح نحصل على نتيجهـ..
بس نصووور ليه تسوي كذا ليش تقولي كلمه فوق طاقتي..
ليه تناديني بالمريض..
يعني انا علشان مو قادر اسيطر على نفسي كذا يقول ولا علشان انا اتعالج يقول مريض..
يعني اللي يغلط مايصحح غلطه؟!
تعودت منك شخص يسامح وينصح وش اللي قالبك ومغيركـ,,

قمت لاني كنت منسدح ونفظت الرمل اللي على جاكيتي لاني كنت حاطه تحت راسي ولبسته..
رغم الرطوبه الا ان الهوا في الليل يكون بارد..
انتبهت ان فيه سياره منذ مبطي جتــ ناظرت لها وقف قلبي..

بجد كانت سيارتهـ .. سياره ناصـرـرـر..
عرفت انها هي الفرصه اللي تكلم عنها سالم..
وقررت ان ما اضيعها.. ناظرت اللوحه ابتأكد.. إلا.. هي ..
مستحيل اغلط فيها..
قمت ونا طاير فرررح صح هو حطمني بردهـ
بس تحملت لانه صديقي وماودي اخلي تفاهاتــ تفرقنا..
كنت ابركض لمه وألمه..
بس وقفتــ وعدلتـــ لبسي لجل مايقول عني مخفهـ..
مجرد ماوقفت حسيت ان رجلي ماتشيلني..
كنت اناظر السياره من ورا والباب حقها مفتووووح..
شفت ايدهـ راميها عند البابــ وماسك نظارتهـ ,,
كان يسوي هالحركه اذا تعبـــ ,, ودي كان اشوف حرارته اسأله كان تقضى للجامعه ولا تو..
قويت نفسي وقلت بسم الله ومشيتــ ..
كانت المسافه قريبهـ بس حسيت اني امشي وامشي ومازلت بعيد,,

ناصـــر..
ياربــ اشكرك من كل قلبي..
لاني عرفت انه موجود..بس هو ليش قال كذا وينه فيه اللحين..
حسيت ن شي مر من مراية سيارتي..
في واحد كان يمشي.. وكأني اعرفهـ ركزت بالمرايهـ إلا هو,,
يارب لايكون بس اتخيل من كثر التفكير..
طلعت من السيارهـ ووقفت ,, ناظرتهـ وكان هو,,

"الــــتقت عيون الاثنــــــــــــــين"..
ابتسم عزوز.. ووقف مكانه.. اما ناصر فكانت ملامحه جادهـ ومستفهمه وكأنه يقول"وين اللي يقول في سدير"..
قربـــ عزوز اكثر من ناصر..
وناصر ماكان يسوي شي غير انه يناظر الآدامي اللي قبالهـ
قاطع صمت وسكوت الاثنين عبدالعزيز..
وقال:نـــاصر..
ناصر:هلا..
عبدالعزيز:نقدر نتكلم..
حس ناصر ولاول مرهـ انه مايعرف عزوز او يعرف اللي يفكرفيه فهز راسه موافق..
ركب ناصر السيارهـ ولحقه عبدالعزيز.. ومشوا فيها..
مرت دقايق صمممــــت واحترم ناصر سكوت عبدالعزيز..
وما علق..قام عبدالعزيز طلع سجارته وهو يتنهد.. فتح الشباك ثم ولعها..
خلص السقارهـ غمض عيونه وطفاها في فخذه"ع البنطلون"..
وناصر مازال ساكت ويراقب بهدووء.. واخيرا تكلم عزوز

عبدالعزيز بعد ماتنهد:ناصر.. السيناريو اللي يسير طال وشمّخ..
ناصر ببرود:هه بديت تلاحظ
عزوز:ناصر ارجوكـ فكر بعقلانيهـ
ناصر وهو مكشر بحواجبه:لاتعلمني كيف افكر
عزوز:صدقني ما ابغى اخسركـ
ناصر:يسرك يعني صديقك يكذب عليكـ"قصده ع الرساله"
عزوز: صدقني ماكذبت عليك جعل لساني القطع لو سويتها..
انا بجد يوم طلعت من الشقه الساعه ثمان رحت لسدير وسلمت على امي ويوم قلتلها اني تهاوشت معكـ قالت لي انك دقيت عليها واقنعتها وقالت لي اروح اسامحكـ .. صدقني ناصر وشلون تبي حتى ما اجي هنا واشكركـ..
بصراحه ماقدرت اطول.. وقلت لامي ان بكره الجامعه بتبدا واني بس جيت اسلم..
وودعتهم وجيت هنا الساعه اثنعش..
ناصر:انت ماتحس باللي تسويهـ تحسب الدنيا كذا على مزاجك
عزوز بترجي:انسى..
ناصر:انا مو زيك اذا بغيت انسى نسيت,, عزوز انا مستحيل انسى

ناظرهـ عزوز بنظرهـ كانت دايم ومهما يصير تخلي ناصر يوافق..
ناظرهـ ناصر باستحقار ولأول مره وقال:خلاص نظراتك ماعاد تهزني..
ذاك اول ياعزوووز..
اللحين انا ونتــ كل واحد منا لازم يدور طريقهـ
حط عزوز يدهـ على يد ناصر اللي كانت ع القير..
وقال:ناصر ارجوـوـوـوك من كل قلبي ياناصر.. ليش كذا تبي تهدم اللي بيننا.. خلاص انسى.. بكرا الجامعه واول يوم ما ابغى اصير زي الدلخ امشي بالحالي..
لو مانسيت راح تتعبـــ ارجوك ناصر.. لاتصير كذا..
ناصر باصرار:عبدالعزيز.. انا كذا وكذا ما اتغير.. ودام ماعجبتكـ دور على غيري..
عزوز:تحسب انت اللي سويته شوي.. انت جرحتني واتعبتني بكل حرف كتبته.. ناصر اذا كنت انت حسااس..
ترا حتى انا لي احسااس..
ناصر كلنا غلطنا ولازم نعترفــ والله لو كابرت ونا كابرت ماراح نجتمع..
ارجوك ناصر.. هذاني اترجاااكــ ..
يعني لازم الواحد يفقد صديقه لجل يحس بقيمتهـ..؟؟

وهنا خنقت العبرهـ ناصر وحس ان ودهـ خلاص يرجعون لبعض بس انه كان يفكر وشلون يخلي عزوز يندم كل لحظه وكل دقيقه ع الي سواهـ له..وكان هذا هو غلط ناصر يوم قال: عزوز ارجووك افهمني خلاص لين متى انت تتغابا..
خلاص قلتلكـ اللي بيننا انتهى.. انت نظراتكـ تجرح ماتحس فيها.,

<FONT face="Mudir MT"><FONT color=#000000>عزوز:و%

وهنا خنقت العبرهـ ناصر وحس ان ودهـ خلاص يرجعون لبعض بس انه كان يفكر وشلون يخلي عزوز يندم كل لحظه وكل دقيقه ع الي سواهـ له..وكان هذا هو غلط ناصر يوم قال: عزوز ارجووك افهمني خلاص لين متى انت تتغابا..
خلاص قلتلكـ اللي بيننا انتهى.. انت نظراتكـ تجرح ماتحس فيها.,
عزوز:وانت نظراتك تذبح,, وماتحس فيها
ناصر: قلتلكـ خلاص لاتترجى..
عزوز:تكفى طلبتكـ
صرخ فيه ناصر وناظرهـ بحقد وقال:انت ماعندكـ كرامهـ ..
حس عزوز انه خلاص انتهى وانه بجد جرح كرامته ومن مين..من اعز شخص عرفه في حياته.. تبلد عزوز وحس ان مافيه كلمه بالعالم توصف شعورهـ..
عـــزوز..
هه سالم ليتكـ تقول لناصر موب انا "لاتضيعها".. حقدت على ناصر وكرهتـــ اسلوبه.. مدري ليه هو يسوي كذا..
و وش اللي يبي يوصل لهـ قلتله:ناصر.. وقف السيارهـ
قال:وبنص الشارع..
قلت:خلاص ما اظن ان فيه مكان يقدر يجمعنا ثاني..
ماكان ودي اقول كذا كان ودي اليوم نرجع سوا ع الشقهـ بس ماتوقعت ان في قلب ناصر كل هالقسوهـ ,,والحقد
وقف ناصر السيارهـ وهو مستغرب مني..
فتحت الباب ونا متضايق ولا ودي اطل في وجهه,,.
وقفت عند باب السيارهـ.. وطيت راسي وقلت لهـ
((ناصر.. في كل الاحوال بتظل احسن صديق عرفتهـ ونا للمرهـ المليون اشكرك على الايام اللي وقفت فيها معي.. وصدقني ماراح القى احسن منك.. ونا لهالحظه مو قادر انسى في ثانيه الدقايق اللي عشناها سوا.. بس لاتظن مرهــ ولو مقدار ذرهـ ان ارجع لك ثاني))..

سكرت الباب ودموعي في عيني.. واللي خلان اتحسف ان ناصر شافها.. والاكثر هو تحسفي ع اللحظه اللي فكرت فيها اجي واعتذر لناصر هو موب داري كيف انه اثر فيني وانهـ جزء كبير في حياتي و اني راح افقدهـ ,,
حتى لهجتي.. سرت كثير اتكلم قصيمي..
راح اتعبــــ لين انساكــ .. بس ناصر دامك قوي وبتتحمل غيابي..
اوعدك الايام بتعلمني انساااكــ... مشيت بالشارع زي التايهـ ..
لقيت تاكسي.. ركبته ومشيتـــ ,, وقلتله يودين للسكن,,
طلعت جوالي..
كتبتــ رسالهـ وكنت اقول انها آخر رسالهـ ابكتبها لهـ وبتكون الوداعيهـ زي ماكنت مخطط ببالي.. قمت كتبتــــ له
(( غلطانهـ امي..يوم ع الطيب ربتني..
تحسب ان ناسي زي ناسها طيبين..
قالت سامح كل من عليكـ يخطي..
الناس تخطي وهم عن القصد ساهين..
مسكينه امي..من غير قصد اظلمتني,,
مادرت ان الطيب وحدهـ المسكين
هذا يايما واقع زمااااني..
اللي يضحك معي اليوـوـوم..بكرهـ
يطعني بسكيــــــــــــــن ..)) ارسلتها لهـ ثم..
فتحت قائمة الاسماء..واخترت على اسمهـ سكرتـــ عيوني... ومسحتهـ
لان خلاص بديت احاول اتعود على ان امسح وجود ناصر في حياااتي..
ما ابي افتح جوالي..واشوفـ اسمه.. كافي خياله ماراح يخليني انساه ابد..

نــــــــاصر..
شفته وهو يبعد عني..
ماهان علي اتركـ صديقي يروح بتاكسي ونا هنا بجمبهـ
بس ماقدرت اسوي شي حسيت اني حيوان يوم قلتله كذا بس اللي كان مصبرني اني واثق من رجوعنا لبعض دام حبنا مستمر حتى بعد الهوشهـ ..
فكرت باللي سويتهـ وتذكرتــ نظراته الحادهـ يوم يقول..((بس لاتظن مرهـ .. ولو مقدار ذرهـ .. ان ارجع لك ثاني))
حسيت انه جاد.. وانه بجد يقصد حروووفهـ ندمت بصراحه اني رديتهــ لاني راح اظطر في المرهـ الجايه ان انا ارجع لهـ..
فكرتـــ فيها كثير وقلت صعبه ياناصر انك انت ترجعلهـ كانت المشكلهـ فيني ونا اعترف فيها ان مهما يصير ويصير اللي يصير الا كرامتي..
مستحيل اجي اتأسف لأحد بسهوـوـولهــ ..
ناظرت قدامي شفت التاكسي يبعد .. ويبعد .. ويبعد..لين ماصرتـ اشوفهـ ..
ظغطت على اسناني ونا منقهر من نفسي لاني ظيعت فرصه كبيييرهـ وماراح ترجع بسهولهـ .. وماحسيت بنفسي الا يوم سمعت بوري السيارهـ اللي وراي لاني موقف بنص الخطـ ..
رحت وشغلت سيارتي متوجهـ للسكـــن ,, ياحبي لهالسكن اللي خلانا نجتمع
بس انا للحين ماني قادر اطل فيهـ لان بكل زاويهـ فيه اتذكر الثنائي.. ناصر وعبدالعزيز ..
كل مامشيتــ من ممر ومكان اتذكر موقفــ ,, صعب ياعالم اعيش بدونهـ
صعب وبقوـوـوـوهـ ..
عبدالعـــزيـز..
وصلت للسكن..
بعد ماخليت سالم يدفع لي حق التاكسي قلتله ع اللي صار واقترحت عليهـ ان اسكن عنده فترهـ مؤقته لين يظبط حالي..
وهو جزاه الله خير ماقصر وافق وبطيبة قلبـــ ..
اما انا فتغيرت ميه وثمانين درجه.. سرت ثقيل دم وممل.. حتى الضحكه سارت نادره في حياتي
توظفت في شركة تأجير سيارات علشان اساعد سالم..فكنت اخذ من الراتب مية ريال واعطي الباقي لسالم..
ماسرت زي اول طلباتي كثيرهـ.. تغيرت وكثييير..
حتى اليوم الاول في الجامعه مارحتــ .. كنتــ شايل هم اقابلــ ناصر..
لكن في اليوم الثاني رحت ويا عادل والشلهـ.. قابلت ناصر..نحف كثيير وتغير.. احسه احيان يستحق لانه هو السبب في اللي يصير..
كنت بصراحه ما اخفيكم سر ادوره في المحاظره بعيوني وكل ما اشوفه ارتاح كنت غالبا ما القاه معنا دايم مسررح..
سرت ما اهتم له ولا اعطيه أي اهتمام..
كنت بالاول اتحاشاه لكن الحين عندي وجوده زي عدمه
ماصرت زي اول ارتبك لا تلاقت عيني بعينه ولا ّلاكنت قريب منه
سار ناصر بعد الي سواه شي غير مهم في حياتي..
كنت ادخل القاعه اسلم ع الشباب اللي اعرفهم واللي ما اعرفهم اما هو حتى ماكنت اطل فيهـ .. ماصرت كذا ياناصر الا يوم وعدت نفسي ان اصير كذا.. ولا انا ونفسي صعب عليها ومستحيييل تنساااكـ
مهما يصير الا اني ماراح انكر العشره اللي بيننا ولو كانت خمس ايام..
كنت على هالحال او بمعنى اصح اجبر نفسي اكون كذا.. لين جا اليوم اللي خلاني احس بصديقي..
حتى صديقي سرت استغرب يوم انطقها..
كنت بأحد المحاظرات وماكنت جالس بجمب عادل والشباب كنت مضيعهم وكنت متحمس مع الدكتور وماني لمهم.. لين حسيت بواحد يهزني من كتفي.. رديت عليه بدون ما اطل فيه لجل ماينتبه الدكتور.. فسمعته يقول: (هيه يا اخو العيال اللي هناك يأشرون لك من اليوم تكلمهم..)
ناظرت للعيال إلا اشوف مجموعة مهبل يأشرون ويكتبون كلام بالهوا..
مافهمت عليهم,,
راح رفع سالم ورقه وكتب عليها بالاسود وبقلم عريض ..((والله يالها فقدهـ ذي الصووورهـ من زمان ماشفناكم سوا))..
بصراحه انا يااالله اقرا الكلام من خطه الشيين والمعوقــ وما اسمع الا صوت هواش من الدكتور ويطلعه برا لانه الدلخ رافع الورقه فووقــ..
ضحكت عليهـ وكل الموجودين ثم جلست افكر في اللي قريته..
كان كاتبـــ
((والله يالها فقدهـ ذي الصووورهـ من زمان ماشفناكم سوا))
جلست اترجمها في مخي مافهمتـــ بس يوم تذكرت من زمان ماشفناكم سوا.. عرفت انه يمكن يقصد اللي جالس بجمبي.. طليت لهـ .. وفتحت فمي زي المنهبلــ .. فقلت لاشعورياً:والله من زماان عنك ياااانك مغبر..
ناظرني نظرهـ بااهته ثم رجع يناظر الدكتور.. عرفت منها اني سخيفــ
لكني بجد قلتها ونا مو حاس.. مايحتاج اقولكم انه نصووري..
وشوي توصلني ورقه من عبدالملكـ وكاتب فيها..((ياواااد ياحركتااات انتا .. بالله لاتضيعها وش ملحكم ياشنبــ تدننون))
كان ودي اصطرهـ هو والدوبي اللي بجمبه ناظرتهم لقيتهم ماسكين بعض كل واحد محوط رقبة صديقه بيدهـ ويأشرون بيدهم الثانيه حركة حبتيين"كأنهم بيتصورون"
ضحكت عليهم من قلب وضحكت اكثر يوم طلعهم الدكتور برا..
كانوا بجد مسوين جو في الجامعه.. يطيروون المعلومات من مخ الواحد..
يوم راحوا جاني شعور غريييب ولاول مرهـ من فتره نسير انا وناصر بمكان لحالنا وبجمب بعض..
زفرتــ وتوترت .. حس فيني.. سرت اتحرك كثير كل شوي اعدل جلستي.. واهز رجلي بشكل وتر اللي حولي..
كنت انا كذا لا توترتـــ لازم اوترهم معي..
وشوي حسيت بيد دافيه"كنا في بدايات الشتا"تمسكـ يدي..
ناظرت لصاحب اليد كان ناصر والله جد ياني فاقده ومشتاق لهـ .. ناظرته"يعني سلااامات"..
قالي بصوت واطي وهو يناظر قدام لجل ماينتبه الدكتور
.. ((بيصير بيننا كلام آخر الدوام))..
هزيت راسي موافقــ ,, فارتخت ايدهـ شوي شوي وتركني..
تدرون وش جا في بالي وقتها انعاد شريط حياتي في الشرقيه من يوم قابلته ويوم مسك يدي بالمستشفى.. وتذكرت بعد يوم جرح مشاعري وماقدرها مرتين في يوم واحد..وكيف تركني زي التايه بالشوارع..
اناظرهـ بحقد كل ما اتذكرها..
إلا ان كانت في صورهـ له في بالي مستحيل انساها وهو مبتسم يوم كلمني بالسيارهـ وقالي (عزوز.. دام عندنا رب ..ابد مافيه كرب)..
وطيت راسي وحطيت يدي عند فمي وهفيت عليها لانها كانت بارده وسكرتها كنت اسوي هالحركه كل مابردت يدي لان الهوا اللي يطلع مني دافي.. يمكن تعتبرونها غبيه الا اني كنت احب اسويها..
المــــــــــهم..
انتها الدوام ونا واقف عند باب الجامعه تذكرت موعدي مع ناصر..
إلا ان جا واحد وقالي ان فيه واحد ينتظرك ورا الجامعه اسمه محمد..
عاد انا رحت ركض له ونا مرتاع لاني ما اعرف واحد اسمه محمد غير اخوي..
نسيت ناصر..يوم عرفت انه هو محمد اخوي..
كلمني بسرعه وقال ان امي مريضه مرررهـ .. وتبي تشوفني..
انا ماقدرت اتحمل وحسيت رجولي ماتشيلني..
مسك محمد يدي.. وراح ع المطار وحجز مقعدين في اول طياره مقلعهـ علشان نروح لامي..
كان محمد متوتر اكثر مني وسبحانه ربي كانت نفس حركتي عندهـ كان يهز رجله..
رحت انا كلمت سالم وقلتلهـ اني رايح لسدير وابكلمه في اقرب وقتــ يوم سألني وراه قلتله امي مريضه شوي..
سكرت ونا خايف مررره على امي وكل ما اسأل محمد.. يقول مدري والله ياعبدالعزيز.. فجأهـ طاحت علينا وارتفع عليها الظغط ونا اللحين جايك بعد ماقالت انها تبي تشوفك،،
عاد انا حدي توترت وصرت في صالة الانتظار ادعي ونا خايفــ وكان كل شوي واحد من اخواني يدق يقولنا كيفها اللحين..
لين دق علي رقم غريبـــ ..
كنت ناوي ما ارد.. بس قلت يمكن واحد من اخواني ونا ماسح رقمه بالغلط..
واول مارديتــ اشر لي محمد يعني اعلنوا عن رحلتنا..
رحت رديت ونا مستعجل..قلتــ
الو..هلا..مين معي..
رد:هلا عزوز انا ناصر..انت وينكـــ .. احتريتك بس ماجيتــ
قلت ونا مستعجل:هلابك ناصر.. اسمع انا مااقدر اكلمك اللحين ..
قاطعني:وليهــ ماتقدر ..
قلت:ناصر آسفـ مقدر عندي ظرووفـــ ..ياللهـ باي..(وسكرت حتى بدون مااسمع ردهـ)

ورحت ركض ونا الحق محمد بثوبي حق الجامعه حتى ماغيرتــ لبسي..
ونا بالطيارهـ ماغير افكر في امي..ونسيت ناصر حتى ماجا في بالي
كنت ادعي ونا خايفـــ ان يصير لها شي.. لاني بصراحه وبالذات الايام الاخيرهـ ماكنت اشوفها كثييير..

نــــــــــاصر..
قآلـــ .. بيـــجي..
اخلــــــــف في وعدهـ ونسآني..
مو عــآدتهــ!.. ينسى اني على ..الـــوعد..
انتظــــــــــــر..
اكييييييد مو منهـ اكيد..
أرجع آردد
وآعيد..
هي ااالــظروووفــــ
آآآهـ منكـ يالظروووفــ
ياترى هـ/اللحين وينهـ..؟
يالهفتي..
ياترى عينه مشتاقهـ لشوفتي..
هو بالطريق..
ولا بعيد..
انا بمواعيدكـ غريق
ارجع واردد واعيد..
اكييييد
مو منكــ اكيييد.. هي الظرووفـــ
آآآهـ منكـ يآظروفهــ..
[متى ترجع عزوز .. اشتقتـــ لكـــ ]..
ليتكـ تدري وش هي قمة القهر..
عرفتــــ انك مسحت اسمي بجوآلكـ
انا ماعاد صرتـــ اهتم..
انا ابي نرجع خلاص..
انا ماني بصابر..
انا مهما صبرتــ بـــ ش ــــر ..
ولي طاقتي..
انا ماعاد اقدر بدوونكـ اعيش..
انا هجرتــ من بعدكـ الضحكـ والسوالفـــ
انا هجرتــــ من بعدكـ الشلهـ .. انا تعبت مع
كل ليله تمر بدونكـ .. كنت لانمت بالسرير
اعتبرهـ انجاز..
كان صوتك يطاردني حتى في صلآتي..
عرفتــ ياعزوز ان هذا كلهـ
من حبكي لك .. وني راح اتعب اذا استمريت
عزوووز
دامنا عرفنا ان صعب نستمر كذا..
خـــلآص ليه مانرجع.. ليهـ ! مخليها مسافات وصعبهـ
انا مستعد انسى واظحي باللي تبي بس نرجع..
صدقني لو انت شعورك ميت تجاهي انا مانسيتكــ ,, انا لو ماشفتك ما كان بالقاعه جلست بجمبكـ ..
انا دش مافتحت من بعدكـ انا صرت عبارهـ عن اكتئاب ماشي بالارض.. هذي بإختصار حالتي بدونكـ ياعزوز
يرضيكـ صديقكــ بهالحال..
انا فكرتـــــــ كثير بكلامكـ .. يعني لازم الواحد يفقد صديقه لجل يحس بقيمتهـ ؟؟
خلاص انا استسلمت في هاللعبهـ ..
انا اليوم ابي نرجع سوا وينكـــ ! ليهـ ماجيتـــ انتظرتكــ ..
تأخرتـــ علي ومو من عادتكـــ ,,
عزوز,, صدقني انا مهما كابرتــ الا اني اعترف لكــ اني انا بدونك ولاشي .. صدقني..
انــــــــــــــــا من اليوم اللي تركتني فيــــهـ ونا ابصم ان ناصر ولا شي..
بدووونكــ انا واللهـ ولا شي..

عـــزوز..
اخيرا وقفتــ الطيارهـ .. نزلنا ركض انا ومحمد وبالذاتـــ ان مامعنا شناطـ ..
وقفنا عند مكان استقبال المسافرين ننتظر تركي يمرنا..
كنت واقف بتوتر انا ومحمد..
وكانوا فيهـ بنات بعبايات اشكل والوانـــ وكانوا يسولفون بصوت عالي وعباياتهم مفتحه يعني نص لبسهم شفناهـ ..
كان واللي ما اخفيهـ عليكم وعلى نفسي ان محمد يخقق..
وبصراحه كنت ولا شي عندهـ كان احلانا وبشهادة الكلـــ ,,
كانوا ماغير يمرون من عندهـ ويعلون اصواتهم وهم يضحكونـــ انقهرتـ من حركتهــم..
ناظرت محمد وكان معجبني سكوتهـ ورزتهـ كان رغم انهـ اخوي الا اني اعتبرهـ قدوتي بالحياة..
شفتهـ يلف وجهه للجه الثانيه لجل مايشوفهم وسمعته يقول بصوت واطي..
[اللهم جنبنا الفتن ماظهر منها وما بطن]..
بصراحه اعجبني ردهـ وكبر في عيني.. يعني بصراحه ماتوقعت ان وسط هالمحمد تفكير كذا.. كنتـــ متشتت مرهـ افكر في محمد ومرهـ في امي ومرهـ في كتبي واوراقي اللي تركتها عند باب الجامعه,, ومرهـ في سالم الي ماطمنتهـ ..
لين مرت سيارة تركي اخوي اللي كان بثالث ثنوي.. وخذنا للبيتــ ..
ركبته ورا وقمت اسوق ومحمد بجمبي..
سألناهـ عن امي قال انها تحسنت شوي الا انها مازالت تعبانه
قلتلهم:ماوديتها للمستشفى؟؟
قال تركي انها راافظه مرهـ وماتبي تروح..
دق محمد على برجس وسألهـ عن امي وقال انها تعبانه وصار يصب من انفها دم .. "لاتستغربون اخواني كانوا كثار"..
توترنا كلنا بالسيارهـ ثم وقفتها على جنب وقلت لتركي يسوق عني لاني بصراحه ماعرفت اسوق من يوم قالي,,..
وصلنا البيتــ وكان سلطان ينتظرنا عند البابـــ ..
مسكين حتى ماسلمنا عليهـ دخلنا ركض للغرفهـ ..
حتى ماطقينا البابـ قابلنا في طريقنا مرة سلطان.. بس حتى مااهتمينا كان اللي شاغلنا امي..
دخلنا وكان برجس واحمد بجمبها وكان احمد يقرا قرآن عند راسها..
جيت لمها وخميتها قلت يما.. سلامات ماتشوفين شر..
قالت:الشر مايطاكـ ان شاء اللهـ ..
جلست اصيح عندها وهي منسدحه بالكنبه.. لاني بجد شايف انها تعبانه وخايفــ افقدها وبالذاتـــ ان كنت اقل واحد بأخواني يجلس معها..
قلت لها:يما قوو خل اوديك للدكتوور..
قالت:لا ياولدي ابي اموووت هنا بينكم وبجمب عيالي..
قلت:يما الله يهداك وش ذا الكلام.. يالله جيبوا عبايتها
قالت:لا ياعبدالعزيز.. الله يخليك لي انا ابي اشوفكـ واشوفكم كلكم"ناظرت خواني"..
اذا رحت للمستشفى بيحرموني منكم..
قلت ونا امسح دموعي:يما عن ذا الهرج..
قامت تكح.. ونزفــ انفها من جديد..دليل على ارتفاع الظغط..
خفت عليها ورفعتها على يدي..
ماكان ودي اكسر رغبتها بس مو لصالحها..
ساعدني احمد.. وخلينا تركي يجهز السيارهـ ومشينا كنا انا ويا احمد ورا.. ومحمد وبرجس قدام,,
اما سلطان وزوجته وتركي لحقونا بسيارهـ ثانيهـ..
كان انفها ينزف اكثر.. ونا خايف مو عارفــ شأسوي..
فصخت شماغي وحاولت اوقف النزيف مافاد..
حاول احمد يهف في انفها لجل يدخل الاكسجين.. ثوبي تغرق دم كان نزيفــ مرعب ويخوفـــ كانت امي تنتفظ بيننا..
وكل شوي نقول لبرجس يسرع اكثر..
وشوي ارتعنا بنزيفـــ من فمها.. مدري وش اللي جاها او وش كان فيها.. انا بصراحه خفت من الدم كان شي مو طبيعي..
حاولنا نوقفه ماقدرنا..
امي تبي تتكلم ياعمري وهي خايفه..
صوتها فيه غرغرهـ من الدم اللي يطلع من فمها..
ماسمعنا وش قالتـــ سرت احاول اخفي دموعي لجل ماتقلق..
دقينا ع المستشفى يجهزون سرير لها..
اغمى عليها.. انا صرت احاول اصحيها واحمد يدخل لها اوكسجين
اسمرينا ع هالحال وكل شوي يدق سلطان يتطمن على امي والمسكين كل شوي نروعه..
وصلنا المستشفى وكلنا نزلنا متربشين ثوبي صار نصه احمر..
انا بصراحه خفت اكثر يوم شفت الدم.. واحمد بنطلونه تغرقـــ..
رحنا نمشي وسط الاسياب وفي العنايهـ المركزهـ ع طول..
كن لحالنا مسوين زحمه بالمستشفى .. وكانت زوجة سلطان تصيح..
لان امي كانت مرهـ حبوبه معها وتحبها وتعتبرها بنتها..
صرنا كلنا قلقانين..
لين طلع الدكتور وهو متوتر..
نشبنا كلنا فيه وقلنا له نبي ندخل..
عيا لا ندخل الا واحد واحد.. ثم بعد اصرارنا دخلت انا واحمد وبرجس.. اما محمد تفاجأت منه لانه كان يخافــ من هالمناظر ومايقدر يتحمل انه يشوف قدامه دم..
دخلنا عليها وكان مغمى عليها ومحوطه بأسلاكــ ونسمع حق نبض القلب يووهـ ياكثر ماهو يوتر..
جينا وسلمنا عليها كلنا وجلسنا ندعي.. واحمد كعادته جلس يقرا قرآن عندها..
تذكرتــ ناصر وهو يقول: (دام عندنا رب ابد مافيه كرب)..
سرت ادعي طول الوقت ونا خايفـــ بجد افقد نور حياتي ,, ..
سمعنا طق خفيف عند الباب .. طلعنا انا وبرجس اما احمد جلس عندها ودخل سلطان وتركي.. قلت لمحمد يدخل..
استغربت لما رفض!!!!
لان متسحيل احد يجهل معزة امي عند محمد..

قلتله:محمد ادخلــ والله اخافــ ان بعدين تندم..
قال:لا تتفاول بالشر.. ان شاء الله بتقوم بالسلامهـ
جا تركي وقال ان امي قامت وتبينا كلنا..
دخلنا بسرعه لا يشوفنا الدكتور..
جينا حولها وهي تتنفس بصعوبه ومع الاسلاكـ اللي داخلهـ بحلقها..
سألت عننا واحد واحد..
وقلنا لها اننا حولها واننا معها وانه ان شاء الله ماتخاف..
كان محمد واقف عند راسها.. نادته.. ومسكت يدهـ وقالت لهـ
(( محمد..انتبه على اخوانك ياولدي هم امانه اخليها عندك))
دمعت عين محمد كان موقف اثر فيني وبالذات انها اول مرهـ اشوفه فيها يصيح وقال (عمرك ان شاء الله طويل يما)..
قامت نادت سلطان وقالت ..
سلطان انتبه على نفسك .. لااوصيك على ريم.. ذي تراها زي بنتي حط بالك عليها..
وقامت تكح.. كان ودنا نقولها ترتاح وماتتكلم لكن ماحبينا نسكتها..
بدت تنادينا واحد واحد.. وتوصي فينا..
نادت عبدالعزيز فز قلبي.. مسكت يدها وضميتها قلت لبيه يما..
قالت:عزوز ياولدي.. حافظ على صلاتك وانتبه لصداقاتكـ "قامت تكح"انتبه من عيال السوء.. وكمل دراستكــ ابيهم يقولون ولد حصه تخرج من جامعه الملك فهد حتى لو كنت ميته..
ظغطت على يدها وقلت يما لاتقولين مثل هالكلام..
لفت وجهها جهت تركي وكان اصغرنا وقالت له ينتبه على نفسه ولا يسرع بالسواقه,,..
ماتحملت وبديتــ اصيح .. كلنا الرجال..صرنا ضعيفين قدام هالصدر الحنوون اللي احتوانا..
صارت دموعنا كثيرهـ وماقدرنا نخبيها عن امي..
قالت: انتم رجال.. ابي عيالي الي جبتهم صدق رجال ومايصيحون ابيكم سوا وماتتخاصموون ابيكم دوم سوا مع بعض.."وهي تكح قالتـ :سلطانـــ .. عبدالعزيز.. تصالحوا ياولادي..
بدأ صوتها يتغرغر وماسمعنا وش قالتــ حسينا انه روحها بتطلع حاولنا نسوي شي ماقدرنا..
نادينا الدكاترهـ..
ماقدروا يسون شي.. سارتــ امي تذكر الله وبصعوبه نسمع اللي تقولهـ
تقلبتــ عينها..كان منظر مرعبـــ ..
تشــــــــــــــهدتـــ الغـــــــــــــآليهـ و .. وماتتــــ
كلنا يوم سمعنا حق نبض القلب وقف سكتنا وصار صمت رهيب بيننا ناظرنا الدكتور بعد ماشيك عليها..
نزل راسهـ وقال:انا لله وانا اليه راجعون لله ما اخذ وله ما اعطى..
قاطعته ونا اصيح:دكتوور يعني ماتتــــ
قال:احسن الله عزائكم..
عاد انا انهبلت وماني قادر اصدق معقوولـ،، راحت من الدنيا وخلتنا..
طيب لميين وحنا ماعدنا غيرها
رحت لم سريرها ونا مو مصدق كلام الدكتور مسكت يدها..
قلت: يما.. يما.. ارجوووكــ يما ردي علي انا عبدالعزيز
يما.. لاتتغلين علينا.. يمى انا اعرفكـ الايام الاخيرهـ تنامين كثير..
يما يالله قومي.."صرت زي المجنون مو قادر اصدق"
جا تركي من الجه الثانيه وحط راسه عند يدها وقام يصيح..
اخواني سلموا على راسها وطلعوا برا الغرفهـ
جا محمد ومسكني من كتفي وقال :خلاص مايفيد.. الغاليه راحتـ
قلتله:راحت ولمين خلتنا؟؟..
لاء اكيد تستهبل انت كلكم تمزحووون..
هي اللحين بتقوم.."صرت اشهق من كثر الصياح..
وجالس اقلب وجهها اقومها"..قلت:الله يخليك يما قوومي والله ماشبعت منكـ .. يما يالله قومي علشان تشوفيني يوم اتخرج..
يما يالله..قومي.. هذاني رجعت من الدمام وابي اجلس معكــ
"بديت اصيح اكثر يوم ماردت علي"..
يمااااااااا الله يخلييك ردي عليّ..

انهرتـــ يوم ماسمعت لها نفس وطحت بالارض ونا مو قادر اوقفــ
جوا الدكاتره بيودونها للثلاجه..
تعلقت بالسرير حقها..
وقلت:لاااا.. خلوها ماماتت.. اللحين بتقووم خلوها.. انا اعرف امي نومها ثقيل.. لااا مارااح تخلينا اكيد بتقوم اللحين..
قاطعني الدكتور:استغفر ربك وش الكلام اللي تقولهـ .. ادعي لها كانك تحبها جد..
جلست بوسط الممر ونا مو قادر اتحركـ ولا اشوف الطريق من الصياح
شفت اخواني يمشون.. واشروا لي يعني يلا..
حاولت اتركى على الجدار..
حتى الجدار ماقدر يشيلني.. ساعدني احمد ورحت معهـ للسيارهـ ..

يااربـــــــــــ انا اليوم
فقدتـــــــــــــ شخص غآلـــــــــــــــي عليّ وشلـــــــون ابعيش بدونهـــــــ..
سألتكــ تصبرني وتسااعدني يآاااربــــــــ

لهالحظه ونا مو مصدق..
بالسيارهـ ساير زي المحشش اخربط واقولهم..
واللهـ ماتستحون كلكم تركتوها بلحالها..
لين ناظرني برجس وقال:عزوز خلااااص كافي اسكتــــ
محمد:عبدالعزيز .. هذا مو شي بيديننا كلنا لها..
نزلت راسي مستسلم للصياااح ونا اتمنى ان احد يقومني ويطلع كلهـ ذا حلم..
رجعت للبيت رميت نفسي على سريرهــا ونمت مع التعبـــــــــ ,,

ســـالم..
سمعت طق ع البابــ
رحتــ ابفتح قلت يمكن عزوز جا..
فتحته لقيتهـ النصفــ الثاني لعزوز.. كان هو ناصر..
قلت:هلا واللهـ ناصر.. كيفكـ ..ادخل يارجال..
سلمت عليهـ ودخلنا سوا..
جلسنا بالصالهـ قلت:نصووور وينك يالقاطع من يومين مانشوفكـ ,, ونت ووجهك معصقل ناقص نحف على شان تنحفـــ
قال وهو يبتسم:وش تهقاناي اسوي.. كان عبدالعزيز هو اللي يجيب شوكلاطات وخرابيطـ يوم راح ماعاد صرت آكلها ونحفتــ .."سكت شوي وقال"بسيطه خخخ
قلتله:بسيطه..!!؟
قال وهو يتنهد:لا والله ماهي بـ بسيطهـ بس احاول اتعود..
قلتله:وكيفكـ اللحين..
قال:والله بخير.. وينه هو مااشووفهـ ؟؟
قلت:دق علي من ساعتين وقال انهـ مسافر..
شفت ناصر ارتاع وقال:مساافر.. وينه لهـ ..
قلت:مدري عنهـ اظن سدير.. يقول امهـ تعبانه
قال:جد والله ياقلبي عليهـ
..اسمع ورا مانروحــ لمهـ ونشوفها..؟؟
قلت:تستهبل انت وش علاقتنا بها لانعرفها ولا شي..
قال:طيب ع الاقل نشوفــ كيفها اللحين..
قلت:ليه يعني كذا شايلـــ همها!!
قال:موبــ على شانها على شان عزوز اللي ماخلتهـ المشاكل وين ماراح..
قلت:لحد الان تحــبهـ ..
قال:هذا سؤال ماينسأل..
شوفـــ سويلم ـلو جا يوم وقلتلكـ اكرههـ فتراي نصاابــ صحيح دايم اقولها بيني وبين نفسي.. لكن انا شخصيا ماحبيت ـشخص كثر ماحبيت هالعزوز.. احاول اكرههـ واحاول انطقها ,, لكن حتى قلبي عيا لايوقف معي وماقدر يستوعبها
قلت:خلاص اجل بنكلمهـ بس اصبر لين اجيبــ الشاهي..
وقمت للمطبخ..
حطيتـــ الشاهي واذن العصر قمنا وصلينا..

عــزوز..
قمت على صوت برجس وكان يقومني اصلي العصر وعيونهـ حممر..
تذكرتـــ امي رجعت ورميت نفسي على سريرها ونا اصيح.. لحد الان مو مستوعب انها بجد ماتتــ ..
جيت اقوم ابتوضا..
مر محمد علي وهو الثاني شكل كان توهـ يصيح وقالي:
ما ودكـ تغير ثوبكـ ولا عاجبكـ منظر الدمان عليه..
قلت منزل راسي ونا احس العبره خانقتني يوم تذكرت من هو صاحب هالدم اللي بثوبي:لاء..شوي وابفصخهـ ..
"نزلت دمعه من عيوني لاني ماتخيلت في يوم ان ابفقد امي"..
حسيت بمحمد نزل طاقيته"غطى عيونه" يوم شافني وراح..
كلنا فقدنها وصعب علينا نعيش بدونها.. للأسفــ توني احس بإني مقصر معها وندمت كثير يوم تهاوشتــ وياها وحمدتــ ربي اكثر يوم سامحتها لانه لو ماصار كان تحسرت كل هالمدهـ ..
رحتــ ويا اخواني وصلينا العصر ودعيتـــ لهــا كثير.. واكثر ماقطع قلبي يوم يجون الجيران وشيبان الحارهـ يعزوني..
تخيلوا.. كنتـــ دايم اسمع امي تعزي فلان وفلانهـ اليوم هم يعزوني عليها.. تخيلو.. امي حبيبة قلبي يعزوني فيها..
ودي اصرخ فيهم ودي اقول لاء.. ماماتتــ بس حتى لو قدرتــ العب عليهم ماراح العب ع الواقع.. كنت كل مايجي احد يعزيني فيها اصيح معهـ ..
جو عماني وخوالي وقاموا يعزوني واخواني..
صدق كان جووو كئيبـــ وممل..
اذكر اني كنت بالعزايم دايم انحاش من البيت لجل امي ماتقول رح جيب العشى ولا جيب كولا.. ولا اذا قالت وصل فلانه وفلانهـ ..
اما اليوم فانا اتمنى تناديني..
اتمنى اسمع صوتها.. احس اني حيوان يوم تركتها بالحالها.. احس بالذنب كل مااتذكر انها بثلاجه المستشفى..
تخيلوا.. امي حبيبتي بوسط ثلاجهـ ,,, لاء لييه كذا ياابشر ليه ياعالم..
ليش ماهي بجمبنا وليه ماهي معنا.. ليش اخرتها بثلااااجه..
قمت اصيح بالمجلس وبزاويه والناس تعزي ونا ماني بلمهم..
اذكر دايم بالاعياد اسأل امي اذا قالوا لي "من العايدين" وش اقولهم.. واذكر يوم راح مني العنقز بالمتوسط اسألها وش اقول لو قالوا"الحمدللهـ ع السلامه" كنتــ غبي وكانت هي تعلمني..
اما اليوم فأنا محتاج لكــ ابي اسألك وش اقولهم لو قالوا..
"عظم الله اجرك في امك" .. وش اقولهم لو قالوا "اجبر الله عزاك"؟؟
يما وينكــ ؟؟ علمييني وش اقووولــــ ..
"حطيتــ راسي ع المركى ونا احاول انام علشان انسى.. اليوم ماهمني احد لا ضيوف ولا غيرهـ انا اليوم انسان فقدله اعز انسان"

عجــزتــ انا يايما بالصوتـــ اعزيــــــكــ ..
تخنقني العبرهـ وجفتـــ دموعي..
لو البكا يرجعك يايما كان ابكيك ..
لاشــــك درب الموتـــــ مابهـ رجوـوـوعِ..

نــــاصر..
خلصنا الصلاة انا وسالم وردينا للشقهـ ..
سالم:عن اذنكـ ناصر ابروح شوي للماركتــ اشتري جالون مويهــ البرادهـ فاضيه وابقشلي شوي خرابيط للعشى..
قلتله:ايه عادي خذ راحتك لاتشيل همي "كنا نمون على بعض"..
سالم:توصي على شي..
قلت:لا يالعنز سلامتكــ ..
سالم وهو رايح للباب:هين يالتيس انا اوريكــ..
ضحكتــ عليه وسكرت الباب من بعدهـ ..
مسكت جوالي ودقيتـــ على عزوز يمكن تقولون وشلون ادق عليه وهو ماسح رقمي من جهازهـ ..
حتى انا ماكان رقمه عنديـ بس كنت حافظهـ ..
انا خلاص من هاللحظه ماراح افكر باللي راح وراح احط كل اللي بيجي قدامي.. راح اعيش يومي لمستقبلي..
ومستقبلي خططته وبنيتهـ مع عزوز.. وماراح اواصل احلامي الا ومعي وبجمبي هالعـــزوز..
انتظرتـــ ع الخط وانتظرتــ ماكان يرد..
استمريتـــ ابيهـ يرد.. وشوي صار يعطيني مشغولـــ انطفى حماسي وحطيتــ الجهاز ع الطاولهــ ..
سرت من الملل اراقب الساعهـ والآحق بعيوني عقاربها..
سمعت جوالي يرنــ طرت لمه ابي اشوفــ وكان هو عزوز ماخب ظني فيهـ ودق..
فرحت وبسرعه رديتــــ لان ماابي اللي يصير يطلع حلم

قلت:الو..
سمعته وهو يكلم اللي عندهـ"وصوته بوه بحه":شوي وجاي لكم..
ثم قال:الوو .. هلا..
قلت:هلا وغلا عبدالعزيز.. كيفك ؟؟
قال وهو يتنحنح وكأنه يبي يظبط صوته:هلابكـ اكثر..
قلت:هاهـ شلونكــ عزوز..
قال بصوتـ حزين:نصور.. والله حالي مايسر لاعدو ولاصديق..
قلت ونا مرتاع:مايسر.. وليهـ ياساتر..
قال:لحظه ماأسمعكــ "يكلم اللي معه" ياهوو وطو اصواتكم"وبصوت واطي" حتى بالعزى سوالفــ ..
انا وقف قلبي يوم سمعت عزى قلت: عزوز وينكــ !!
قال وكأنه ابعد عنهم:اووفــ ياناصر..بس ليتك تشوفــ ويني انا اللحين..
قلت:عزوز.. اللهـ يخليك.. انا والله من آخر يوم بالعطلهـ ونا متعذب ويا ظميري.. خلاص انا آسفــ عزوز ..ارجووكـ سامحني..
تنهد وقال:هه وينك ياناصر اووولــ وين كلامك ذا ورا ماسمعته يوم جيتكــ انت ياناصر جرحت شخصي وكرامتي.. انت ياناصر خليتني استحقر نفسي يوم فكرتــ اعتذرلك انت ياناصــ ..
قاطعته:خلاص بس لاتقوول.. عزوز.. حنا لو استمرينا كذا ماراح نرجع لبعض
قال وهو منكسر:وليهـ !! هو ضروري نرجع لبعض!؟
قلت منفعل:ووشلوون مو ضرووري..انت بس قولي كيف مو ضرووري..
قال ونا احس من صوته ان شي ساير لهـ :ناصر.. ارجووكــ افهمني.. انت بنفسكـ قلتــ ((كل شي بهالدنيا يجيه شي ويعيق))..
انت قلتلي((اعذرني ما ابي اشوفك واتذكر بشوفتك جرح الاعز صديق))..
انت ياناصر لو قلت انا كثيير حطمتني وآلمت قلبي شوي عليكــ ,,
قلت ونا احس اني ابصيح:خلاص طيب انا آسفــ والله انا آسفـــ ..
قال:آسفــ ماتكفي.. اللي سويتهـ مو شوي..
قلت:اسوي لكـ اللي تبي.. انت آمر ونا اطامر.. انا بأي طريقه مستعد بهاللحظه ارضيكـ
قال وهو يصيح:ناصر.. انتــ وش راح تقدر تسوي..
قلت: والله انك غالي عليّ ومابي اخسركــ
قال:ناصر.. ارجووكـ انا محتااج لك ابيك بهاللحظه بجمبي.. ناصر انا خلاص بهالدنيا حياتي سارت اكتئابــ ابيك بجمبي لجل اضحك.. ابيك بقربي لجل افرح.. ناصر .. انا بس ابي قربك وابيكــ
قلت:ونا بأي طريقه اليوم بجيكــ.. "دمعت عيني"
وقلتــ عزوز دام بس ذا طلبكــ انا مستعد اسويهـ لكـــ .."مسحت دموعي"
وقال:ناصر.. ارجوك لا تتأخر عليّ ناصر انا محتااج لكـــ "وقطع الخط..
ناظرتـــ للسماعهـ لاء.. راح.. لييه لييه راح باقي مااكتفيت من صوته.. ناظرت لجوالي لقيتــ الشحن انتهى..
انقهرتــ لان ماكان معي فلوس لجل اشحن.. غسلت وجهي..
ودق سالم البابـــ فتحت لهـ واخذت جواله وكلمتــ عزوز..
عرفتـــ ان امهـ ماتت.. بصراحه عن نفسي صحتــ صح اني ما اعرفها ..بس مجرد ما انت تعرف شخص وتسمع عنهـ ثم تسمع صوتهـ ثم تعرفـ انه مات بيوم الا وتتأثر..
رحمتـــ عزوز وقال ان بيصلون عليها المغربـــ والدفن قبل العشا..
سكرت ووعدته ان اصلي معهم اذا كتبــ لي اللهـ ..
كنت حزنان على ام عبدالعزيز وفرحان لان تصالحنا.. بجد حسيت اني انسان قاسي.. لاني بصراحهـ لو كنت مكان عزوز يمكن ماسامحته عرفت ان قلبهـ طيبـــ وينسى بسرعهــ ,, وعرفت اكثر ان بداخل هالانسان اللي ناظرني بقوهـ وكلمني بشموخ وقال ان بنفترق..قلبــ طيب وصغير.. اخيرا عرفتــ داخلكــ ياعزوز..
كلمتـــ سالم وقلتله وهو ياحليلهـ فرح مرهـ وتأثر بموتـــ ام عبدالعزيز.. وقالي اروح لسدير وانه بيكلم الاساتذهـ والدكاترهـ بالجامعهـ عنا..
ماصدقتـــ انا ورحتـــ لسدير..
ماحسبت المدهــ ولا الوقتــ اللي راح بالطريق وحتى ماحسيت فيهم..

خذت معي شنطه صغيرهــ .. وحطيت اشياء بسيطه معي..
اتصلتـــ على عزووز وقلتلهـ يوصفــ لي بيتهــ .. وصف لي لين صيدليه وقال لي انتظرهـ عندها ماتتخيلون وش كثر مشتااق لهـ صح هي ميب فترهـ طويله بس بالنسبهـ لي طويله و مرررهـ ..
شفتـهـ من بعيد وجاي بسيارهـ لحالهـ من بعيد شكيت هو ولا لاء.. بس يوم شفتـــ طريقة الشماغ (اللي حوسه شوي)عرفت انه هو..
نزل من السيارهـ كانتـــ كامري الفين وستهـ..
كان ودي اصفقه يوم يقول بيغيرها لاني كنت احب هالسيارهـ..
شفته جاي لمي وشكلهـ متظايق وحزين وكان وجهه يضيق صدري لاشفته كذا..
وقف قدامي ومد ايدهـ .. ابتسم وبصعوبه لاحظتها مالمته لان في وضعه صعب ع الواحد يبتسم..
وخرتــ يدهـ وخميتهــ بقوهـ
قلتله:يالدووبــ هاللحين انا مشتاق لكــ بقوهـ وجاي انت بس تمد يدكــ ..
ضحك على خفيفــ وقال:ارفق خلاص كسرت عظامي..
قلتله بعد مافكيته:عزوز.. بجد انا آسفـــ
قال:خلاص انس اللي راح..
قلت ونا اهز راسي:ان شاء اللهـ .. "مرتــ لحظة صمتـــ"
ثم قلت:اجبـــر الله عـــزآكــ ..
نزل راسه تقطع قلبي عليهـ وقال:ناصر شأقولكـــ .. ووش اقول للي يقولون كذا.. كنت دايم أسألها اذا ماعرفتـــ .. وش اقولك هاللحين..
وشلون ينجبر هالعزى.. امي عضو فيني وانكسر.. وشلون ينجبر.. وشلووون.."رمى نفسه علي وقام يصيح وكأنه بزر"
حسيت ان شي ثقيل بحلقي.. العبره خنقتني وماعرفت ارد عليهـ
قلتله ونا مختنق:قولهم..ولي – آمـــيــن-
قال بصوتــ واطي ومتحطم:آمـــين..
رحنا سوا للسيارهـ وكنا ساكتين طول الطريقـــ ابطينا ع هالوضع لين دق جوال عزوز..
رد عزوز:هلا.. انا بالسيارهـ .. خلاص اللحين جاي.. قولولهـ لا يروح يالله سلام.."وسكر"
قال بصوت واطي:اوووفـــ ..الله يعدي هالايام ع خير..
قلتله:وش فيه
قال:لا بس دق تركي يقول ان خالي جا من بريطانيا ويبي يعزيني..
قلت:ومين تركي..
قال:ذا اصغر اخواني بثالث ثنوي.. راح تشوفهم كلهم..
هزيت راسي وناظرت للشباك ونا مسرح وقلت بقلبي سبحانك ياربــ خليتنا نجتمع بدون اختيارنا ثم افترقنا بدون اختيارنا وحنا هاللحين نرجع لبعض وباختيارنا..
ناظرت لصورتي المنعكسه ع الشباكــ وابتسمتــ.. صحيح ان ظروفي انا وعزوز تختلف كثير.. الا اني وياهـ راح نحاولـــ نستمر لآخر لحظهـ ..

ناظرتهـ ,, وهالمرهـ اول مرهـ يسوق هو بي وبسيارتهـ هو..
حطيت يدي اليسار فوق يدهـ وهو ماسك الدركسون وقلتلهـ عزوز..
نــاظرني"يعني نعم"ثم قلــــتــ :
صحيح ان مانعرفــ حنا وين الخير لنا واللهـ كتبه لنا وينـــ ..بس ابي منكـ وعد.. ان نبقى سوا ومايفرقنا شي غير الكفــــن..
ناظرني وهو يبتسم ونا اشوف الدموع بعيونهـ :اوعدكـ ان شاء الله بس لاتجيب طاري الموتــ ثاني..
تركتـــ ايدهـ ونا ادعي الله ان نبقى سوا دووم مو يوووم..

مرتـــ الثلاث ايام الاولى حقت العزى صعبه على عزوز كان ماينام كل يوم ويقعد بس يصيح ويصلي ويدعي لامهـ كان كل شوي يفتح دولابه ويطلع ثوب متغرق دم يخمه ويصيح.. كنت كل مااشوفه ادخل الحمام واصيح..
تعرفت على اخوانهـ وكانوا كلهم حبوبين نفس القلبــ لهم كلهم..
حبيتــ احمد من بينهم كان اخلاق وشي بصراحهـ ..
اما تركي كان نسخه مصغره من عزوز كان يقلده بلبسه وحركاتهـ ..

رجعنا للشرقيهـ بعد خمس ايام لان صادف آخر ايام العزى ربوع فرحنا للشرقيه الجمعه..
ومن ذاكــ اليوم اللي تصالحنا فيهـ ونا ويا عزوز ماعاد رجعنا ولا تكلمنا في موضوع الهوشـــهـ..
كانت هوشتنا سبب في ان مانتهاوش ثاني عرفنا قيمة بعض..

رجعنا من جديد ورتبنا ملابس عزوز بدولابي..
رجعنا ننام بالسرير سوا زي البزارين.. كل واحد بجههـ ..
رجعنا نستهبل زي اول وناكل كثير ونا عن نفسي زدت ثلاثه كيلو..
سار السكن حماااس ورجهـ وماننام الا بآخر الليلـــ ..
و اذكر مـــرهـ من المـــراتــــ ..
كنت"ونتو بكرامهـ"ابي الحمام..
دقــ جوالي وكان عادلــ عاد الدوبي نشب سوالفــ نص ساعه ونا ابي اصرفهـ مافي امــــــــــل..
اخيرا صكر الدوبي ورحت ركض "ونتو بكرامه" للحمام وكان الباب مردود..
وشوي اسمع صوتــ صراخ مرعبــ خلان الصق بالجدار من الخوفــ
تخيلوا وش طلع (كل ما اتذكرهـ يجين ضحك)..
كان القرد عزوز يتروش بالحمام وناسي الباب مفتوح عاد انا تسدحت ضحك بوسط الحمام وهو المسكين على اعصــابهـ..
كان يصارخ ويبيني اطلع انا من الضحك عجزت اتحركــ..
بس دقيقهـ لاتخافون "كــان حاط الستــــارهـ"
ماقدرت امسك نفسي وطلعت لشقة سالم دخلت الحمام ونا اضحك وسالم المسيكين يبي يعرف وش السالفهـ ونا ماغير اضحك ومو قادر ارد علــيهـ ..
طلعت من عنده ورحت لشقتي لقيته لافــ المنشفه ع خصرهـ وحاط ثانيه صغيرهـ ع رقبته وشعرهـ متغرق مويه ومعصب مني..
راح لبس ملابسهـ ثم رجع يلاحقني ونا وياهـ زي البزارين يلحق وراي وندور حول الكنبهـ ..
قلتلهـ ونا ماسك المخدهـ اغطي وجهي لان يبي يرمي علي كرتون المناديل..
:خلاص ياعزوز.. تعبتــ
قال وهو معصب ويضحك:واللي سويته شووي,,..
وخرت المخدهـ وطلعت لساني ونا ورا الكنبه وقلتــ احسن..
راح رمى على وجهي الكرتون وكانت رميه موفقه طبعت في خشتي..
رحت لحقته ومعي مخدات الكنب ورميتها كلها عليه ولا وحده جت فيهـ وهو ضحك ضحكة انتصار ونا اقول بقلبي هين يالدووب انا اوريكــ..
رحت اخذت سلكـ الفديو.. الاحقه..
راح دخل للحمام وسكر الباب ونا اسمع صوت كركبه بالحمام..واقولهــ :يالخوااف..اطلع
فتح الباب ومعه سلك الغسالهـ .. انا انحشت ثم تذكرت ان معي واحد لكن حق الغساله اقوى"مجربه ونا صغير"..
وماوقفنا الا يوم جا عبدالملك وسوى بيننا صلح ووقعنا في ورقه ان مانستخدم الادوات الحاده مره ثانيه كان ملوكي يستهبل ضحكنا عليه وقلنا له ان حتى حنا كنا نستهبلــ..
قام يلاحقنا وحنا ننحاش منقهر "يعني ضيع وقته ع الفاضي"..
مـــرتــ اياام وايــام كانت حلوهـ بوجود عزوز معي..
لين جا يوم وسألني مرهـ عزوز من هي او هو "حبي الاول والاخير" اللي دق على جوالي.. عن نفسي انحرجـت في البدايه ثم قلتله انها خطيبتي..
فرح هو واستغربــ وقال احس انك صغير وقام يضحك علي وهو يقول بعذرك ساير رومنسي.. وماخلان الا يوم حلفت له بالمصحف ان اول ولد يجيني اسميه عبدالعزيز..دايم يضحكني على خبالهــ
والحلو بالسالفـــه ان حتى عزوز كان خاطب وحدهـ بس ماكان رسمي بس كذا كلام..
رحتـــ استغليتــ الفرصهـ واقترحتــ عليهـ ان يتقدم لاختي
علشان نصير نسايبـــ حتى لو افترقنا بالمدنــــ ,, والدوبي حمر وجهه يوم قلتلهـ واول مرهـ اشوفه مستحي.. "وافقـــ" ثم قالي بالليل قبل لا ننام انهـ حبــ اختي من يوم سمع صوتها.. انا بجد استانست لاني اعرف ان ماراح القى احسن من عزوز رجل لأخـــتي..
وحسدتــ هالآدميه الدووبهـ اللي رح تعيش معهــ ..
فرحنا لهـ كثييير ومااوصف لكم فرحة الشبااب يوم دروا اننا تصالحنا

عبداللهـ جابت زوجته ولد وسماهـ ناصر.. كنت مررره فرحان وحبيت ولده كان يدنن ويشبه ابوهـ .. بس كان احلى ^_*
ســـالم..سافر لكندا يدرســـ حزنا مررهـ عليهـ وفقدناهـ بس كان يحاول يرضي وينفذ رغبة ابوهـ
عبدالملكــ الدوبي طلع يكلم بناتـــ واللي كشفه ولد اخته عادل وكلم امهـ اللي هي اخت ملوكي,,وصارت سالفهـ .. بس عدت على خير..
عادلــ .. كان مستانس لانه قهر خالهـ وكانوا دايم يتهاوشون.. وهو بعد الثاني تقدم لبنت خالتهــ ,,وملك عليها بعد..
استمرينا انا ويا عزووووز سوا وزي ماقلت لكم..
حاولنا نعيش باقي حياتنا على وعد قطعناهـ وهو ان مانفترقـــ لين يجي الكفن ويفرقنا..

رجع الفرح والضحك لحياتي.. وصرنا بالجامعه شلهـ والكل استغرب يوم عرف اننا كنا اصدقاء.. بس كان ناقصنا سالم اللي تركـ بصمته وراح وخلانـــا..
كنا رجه بمعنى الكلمهــ .. ترك عبدالعزيز الدخان بدون مايتعب لان الايام الاخيرهـ انشغل عنه فتركه بسهولـــه..

كان هذا هو صديقي عزوز اللي كلمتكم عنهـ واستمتعتــ بطرح قصة معرفتي لهــ من يووم ماشفته اول مرهـ جاي من المطار..

كانت خمس ايام حلوهـ وبعدها تهاوشنا يومين او ثلاثــ لكن هاليومين او الثلاثــ خلتنا سنييين مستمرين سوا..
عرفــت بالآخر ان حلو لما يكون عندكــ صديق والاحلى لما تقدر تحافظ عليهــ ..
انا اليوم انتهى دوري بعد ماسطرت كلماتــ وحروفــ صحيح ويمكن تكونون حبيتوا عزوز مثلي.. لكن صدقوني عزوز بالواقع غير..
حبيت بالنهايهـ اكتب كلماتـــ لأخوووي اللي ماجابتهـ امي وصحيح ماتعطيه وتوفيه حقهــ بس ع الاقل اكون حاولتــــ ..

عزوز.. تدري انكــ ماكنت اختياري..
وتدري اني كثر محبتك شخص ماحبيت..
وتدري اني اخترتـــ رجوعك وكان ذا قراري..
لاني عرف وشلون اعتذرلك بعد مااخطيت..
انت روحي ودنيتي وبدونك ابسوي تفجير انتحاري..
ولا تقول لو سويتها ليش كذا سويت..
انت ملكت قلوبنا وذا شي ع القلوب اظطراري..
انت بقلبي و بقلوبنا قول وش سويت؟؟
الله يديمك لي ولايخلينا نتهاوش اجباري..
ياخوي انا على قلب احد زيك ماقد خقيت..

وليتــ اكون ارضيتك عزوز..
صحيح اني موب شاعر ولا اعرف اخط شعر بس هالمرهـ مشاعري اللي رتبت هالكلام موب انا..
كثير كنتـــ اسمعـــ منــــ الناســــ
((ليس من الصعب ان تضحي من اجل صديق لكن من الصعب ان تجد الصديق الذي يستحق التضحيه))
بس انا اليوم اقول للعالم.. لقيتهــ ..لقيته الي يستحق ان اضحي بكل شي علشانهـ لقيتهـ صديقي لقيتـــه وهذا هو عــــزوز ...

اخوكم :ناصـــــر..

عـــزوز..
نـــاصر.. وش اقووولكــ انت اسعدتني كثيير بحاتي غيرت اشياء كثيره فيني اشياء كنت اظن انها ماراح تتغير.. بينت لي العكس..
علمتني.. ان ربنا كبيييير..
علمتني..كيفــ ان الواحد مهما اخطاء لازم يعترف بخطأهــ ويصلحه انا من اليوووم راح احاول ارد لك جمااايلكـ اليوم ماراح اقول فضايلكــ لاني عرفت ان شخصك مستحيل يتفظل على احد وان كل ذا من كرمك وطيبكـ ,,
ان كنت حبيييت شخص فصدقني هو انتــــ .. كانت امي الله يغفر لها ويرحمها تدعي لي بصديق دايم معي يوم كنت متشتت بصداقاتي..
اتوقع انه انتـــ الشخص والصديق اللي الله جابكـــ لي.. انا ياناصر يتيم صرت يتيم يوم ماتت امي.. لكن أاكد لك انك انت امي وابوي ودنيتي كلها..
بصراحه ماكنت متوقع اقابل احد بطيبتك صح قسيت علي وعليك قسيت لكني متأكد انه شيطان مو اكثر او انها عين حاسد علينا..
ناصر انت شخص ربي جمعك فيك الحلاوهـ والأخلاقـــ
نصووور انا مثلك لادورتــ صدقني ماني بلاقي..

هذي هي قصتي من يوم عرفتـــ ناصر وحاولت ابين فيها لكم
في المرات اللي مسكت فيها الكيبورد وكتبت معهـ الايام والمواقف اللي سارت بيننا وكيف فهمنا بعض في ايام وفي ايام لاء..
اتمنى من كل صديقين او اكثر بآخر القصهـ ان لايسيؤن الظن في بعضهم.. حنا اليوم تصالحنا انا ونصوووري..
بس مو كل مرهـ تسلم الجرهـ ووصيتي لكم..
لاتغلطون زيي انا وناصر..
غلطنا الكبير اننا كابرنا وكثير.. ونا بعد اقول بالآخر يمكن تكونون لمتوا ناصر بمواقف كثيره بالقصهـ ,, لكن صدقوني هو انسان طيب وحبوبـــ ولو عرفتوهـ زي ما انا عرفتهــ ماكان راح تلومونه..

اخوكم:عبدالعزيز

انتهـــــت القصهـ وتوقفت كلماتــــ ناصر وعبدالعزيز..
وانـــتــــهت معهم قصتي..
اخيـــرا انهيتـــــ هالقصهـ ..
بدايهـً .. احمد ربي واشكرهـ لاني اعتبرهـ انجاز انا اليوم رح اصير قارئهـ لردودكم وآراكم..
مهمتي بالكتاابه انتهتـــ مدري وشلون اوصف شعوري..
بصراحهـ راح افقد عبدالعزيز وناصر اكثر من أي شخص حب هالشخصيتين لانهم بصراحه عاشوا معي كل لحظه بحياتي..
كنت قبل لا انام دايم افكر فيهم.. كنتـــ انقهر اذا خليتهم يتهاوشون.. لكن بالنهايهــ اقولــــ دامها قصتي راح اخلي النهايهـ سعيدهـ وبيتسامحون
صحيح بالبدايه يوم كتبت القصه تحطمت من صديقة اختي يوم قالت..((دام ق