بلا ملاغه وتعالو اقرو قصتي

غنج على شوى لعانة · 24 May 2008, 05:55 PM

بـدايتن أحب أرحب بجمهوري الكريـم (وجهن يقلد شارع المليون )
بمـا أني أنزل موضوع علشـان قررت أقولكم قصـه >>> مافهمتوا شي طيب
من واقعي الخنفشاري

لا تجـي دقـه تقول وش خنفشاريه وش قصدك والا يجينا عاد الشايب يقول احسن مافي الموضوع مقدمتس ..

فـي يوم من أيـامي العصيـبـه والتـي أشتد فيها جـو الربيـع الجميـل ..

قـرروا أهلـي وعمـاتي السفـر لأبها والطايف والشرقيـه وكم مدينه ..
بينـما نحن نجهـز قراابيعـنا وكعادي انا أخذ جـوالي والسمعـات وأوراق ذيك الملونه اللي تجيـك مربعه والا قلوب اللي تتلزق على الدفاتر تكتب ملاحظه وتلزقها في الدفتر( كيفني وأنـا اشرح ) .. هذي اللي يستخدمها طرطنقي في تدبيس المواضيع .. أيـه أيـه ذي مغيرها ..

خبـركم أخذ ذا الاوراق اخاف أكتب شي ولا شي
والا الـ أوبيزيت صيحيح (اوبزيت توني متعلمتها ) اللي يجيب معناها أحط له نجمه ..
أحمدوا ربكم ماقلت بيوتفل والا الثانيه مدري وشي خخخخح
المهم ..
سيـتم الانطلاق الساعـه الثانيـه ليلا ألى منطقـه الشـرقيـه والقعود في الشاليـه لمده يومين وبعدها الانطلاق الى أبـها بالطيـاره ..

الكـل جهز عفشـه .. يافلان خذت فنايل وسراويل .. انتي خذتي عبايه البـر .. خـذو مقـص اظافر .. ثووب أبوك لا تدخله الشنطه لا يتعفط

أختي الصغـير : أبـوي ماجبت لنا شيبسات علشان ناكل في الطريق
ولا شريت مكسرات وفصفص ..
أبوي : كلش في الطريق امشو بس انتم أركبو تأخرنا وأخرنا اللي معنـا

ركبـنا السيـاره ..
أبوي : غنوج .. / غنوج: لبيه
أبوي : سطام.. / سطام : سـم يبـه
أبوي : احمد .. / احمد : نعم (وجهن يقالي جدي )
أبوي : شهووده / شهوده : امه ابه(يقلاي ماتعرف تتكلم )
أبوي : مرتـي العزيزه / مرته العزيزه : موجوده يابو سطام
أبـوي ما نسينـا أحد .. ننطلق ؟
الكـل : توكلنـا ..!

وبينما مسكنا الخط وقفنـا عند محطه .. شرينا عفش السفره ..
قمـت أنا طقتني الشفاحه مابـي أجلس في سيارتنا . ساعه الصدر مع سياره عمـي .. وبناته عشان اسولف معهن ..

نزلت ورحت لمهن بعد ما عطيت ابوي خبـر ..
المهـم بعـد ماوصلنا الشرقيه وجلسنا في الشاليه يومين .. وبعد ما انطلقنا للطايف ثمن رحنـا أبها .. قررت العائـله انهم يرجعون بسيارتهم من أبها للرياض ..

(ترا كـل اللي فوق مقدمـه )
تجيـكم السالفـه الحيـن ..
خبـركم ما اطيق سيارتنا كل اللي فيها مبزره .. أبـي سيارتن فيـها بنات كبري ..

بعد ما طلعنا من أول أبـها ..(علما بأن واحدن من اقاربي مابعد مشى من ابها )

وقفـنا عند محطه .. اللي يبي يغسل عشان يصلي العصر .. واللي راح يشتري اكل ,. والي راح الحمام ..
وأنا حظرتـي رحت الحمـام .. ومغطت أومهاا كنه جايزن لي الحمـام

بعدين طلعت ورحت تسدحت في المسجد .. أحتري أحدن يقول يلا كلن ركب وبمشي .. ألا أنـا أقول واناظر واشوف الساعه الساعه 5

لاء مو معقوله للحين جالسين في المحطه .. لالالا (وطقتني ام الركب )

وأطلع بكـل هدوء .. أناظر يمين يسار كود انهم ما نسوني
واناظر مافيـه أحد .. لااااا وراحت حياتتس يا غنيج ..
وأمشي واحس أن ذا العالم تقول ان ذي ضايعه اخاف انسرق (وجهن شاكن في عمره )

أدخـل البقـاله مافيها الا مطوعن يشتري والباقي هنود
أدخل الحمامات كلها فاضيـه مافيـها أحد
أدخل المسجد مرتن ثانيه .. مافيـه احد
أروح حمامات الررجاجيل ومسجدهم .. مافيه ألا يمني يصلي مدري يتسنن ..

قلـت وجع مالي الا ادق عليهم .. وأناظر ولا شنطتي مهيب معي أكيد اني تاركتها في السياره .. اناظر جيوبي كود انـي داستن ذا الجوال فيـه
مافيـه أمـل ..

وأروح أجلس على ذيـك العتبـه وانا اقول .. ونسوتس أهلتس يا غنوج
وأأأهن على أأه .. وأقعد أفكـر .. معقـول بعد شوي انا بنخطف ..
بيجيني هندي لالا .. أكيد عاد شقته قريبه .. لالا .. ويبدا الوسواس فيـني
لا مفـر أهلي ماشيـن من ساعتين وما فقدونـي أكيـد مافقدوني

أكيد أبوي يحسبني فـي سيـاره عمـي وعمي يحسبني في سيـاره أبوي
أأأأأخ وشلون أوصل لاهلي الحيـن .. قـلت مالي الا اتصل على أهلي ..
وأروح البقـاله واقول صديق ممكن تلفون .. طقته علامه تعجب كبيييره

وانا اقول ياغنوج درى عنتس انتس ضايعه !!
لالا درى انتس لحالتس بدون اهل هنـا !!
واخذ التلفون وانا ارقل .. وادق صفر قال لالالالا هذا مافيه سفر (صفر)
قلت يقطع شكله يناظر يديني ويناظر وش بدق

بعـدين قلـت أها ثـانكيو خلاص انا روح لبابا واخذ جـوال بابا .. )محدن سألتس وين بتروحين )

قـام عطاني نظره ضحكه خبيـثه .. وأنـا اللي بغيت ذاك الشي في سـروالي

وأروح أجلس ورا المحطه وأبـتسي وأبتسي .. لا مفر لا مفر
مهووب فاقديني ألا لا وصلوا الرياض .. تهي تهي
اأيست من الحيـاه .. !
صـار وجهي شاحب أسودن يروع من الروعه اللي فيـني
قلـت مالتس الا تجمعيـن حصى كود ان احد لا هجم عليتس ترجميـنه
وجمعت لي حصى في جيبي ..
أذن المغـرب .. قلـت بروح أتوضـا واصلي وادعي ان الله يفرجهـا
رحت توضيت صليـت ودعيت

وقعدت في المسجد واددعي وادعي (حالتي صعبـه )
المشـكله مافكرت أطلب جـوال من أي أحد خايفتن يدرون اني ضايعه ..
المشكله مدري وش احتري جالستن احتري اهلي يجون
المهم طلعت من المسجد قلت باخذ لي لفه شوي <- بدت تسعسع
مادريت ألا هندي البقاله ناصيني .. قـال انتي ساكن هيـنا ..
قلت أيـه يلا رح قـال هينا اصلا مافي سكن .. انتي وين اهل قلت مالك دخل قال انا معلوم اهل انت راحو يلا تعال عشان انت مسكين مافي نوم تعال في شقه مال انا عشان يرتاح ..

وأقعد ابتسي من الروعه واقول رااااااااحت حياتس ..
مـادريت ألا أشوف واحد من اقاربي وتطير عنوني من الفرحـه

أيـه والله وشلون ماجا على بالي ذا . وشلون ماجا على بالي متعب.؟. أنـا داريتتن انه ممابعد مشى
وهـذا هو وصل وقف عند المحطه يا سبحان الله .. كنه داري اني منطولتن لحالي هنا

وأرككضض ولا ذا الهندي يحسبني منحاشتن منه قام يركض وراي بيمسكني .. .. خرشت متعب بطلتي في وجهه خخخ قال هاو تسبـده انتي هنا .. ممابعد مشيتوا وانا اللي اصيييييييييييييييييييييح فكني من ذا الهندي .. المهم قاموا يتطاقون شوي .. وقال اندزلعي وش منزلتس من السياره في محطه كلها هنود .. وانا يامتعب سالفتي سالفه اهلي مهوب فيذا .. ولع عيونه ..

وانا ايه صدز اهلي راحو من العصر وانا ملطوعتن فيذا ..
قال روحي اركبي السياره وبعدين اتفاهم معتس

ياتسبديه :مععععععععصييي اروح لحالي عشان يخطفني ذا الهندي الوسسخ السافل المنحط

متعب : ولع عيونه .. تسبده أعتـرفي .. سوالتس شي
تسبده : لاء وقسسسسسمن لاء
قال امشي قداممي عالسياره

ورحت وركبت ورا قال يالتكرونيه سواقن عند ابوتس انا تركبين ورا كني هندي
قلت طيب طيب ايه هين مافيه مايجوز تشوفني تراني اتغطى عنك .. .. ثمن قعدت اصييييييييح قال خير خير
قلت حتى انت يالسافل تفكيرك حمـار ..
قال والله انتي اللي تفكيرك منحط احد فكر باللي تفكرين فيه
بس ما تنلاميـن .. حـلوو اللي خايف على نفسه

شغـل السيـاره ومشى . قال وش قصتتس انتي .؟
قلت له كـل السالفه ..

ورحمنـي قال طول ذا الوقت هنا
وانتي اصلا صاحيتن تنامين في مسجد !!

قـال خلاص مع انـي مواعدن الشباب اني اوصل للشرقيه عندهم مجتمعين .. وطلعات وفله الا اني اوعدتس ارجعتس عند اهلتس

وانا اللي بغيت احب راسه بس تذكرت انه مايجوز وان ذا متعب اللي اتغطى عنه واعيباه

تذكرنا كلنا اننا تمادينا .. خيـر أسولف معه ومافي السياره الا انا وهو

فجأه وانا افكر واقول خلاص انا بأمان قال

أنشق الاديتر مدري الرديتر .. ذا مغيره
يعني لازم يانرجع ابها يا ننطق ساعاتن طوال
أنـا قلت اللي تشوفه اهم شي اني معك موب منطولتن لحالي ..
ضحـك .. أنـا هنـا حسيت اني بديت أموون ..
ديورنا لأبها .. راح لاقرب شقه عند الورشه وقال اللي يأجر الشقق فيه شقه فاضيه غرفه نوم + صاله صغيره + حمام .. قال خلاص استاجرت

وحطني في الشقه وودى السياره .. كـانت الساعه حول 8 .. جاب عشى وجا ..
وعطاني حقي وقال ذا عشاتس قلت متعب أبـي جوال . قال معصي تدقين على اهلتس .. خل نشوف متى يفقدونتس ..

قلـت أبشر دامك ولي أمري لين انقلع عند اهللي

( لهذه اللحظه أهلي مافقدوني )

جـا بعد ساعتيـن .. قـال أمشي اركبي مشينا للرياض
ركبت وجا وركب..
قال : أسمعيني زين يا غنيج
قلت هاه اسمع << علبالي بيقولها تراني حبيتس
قال : أنـا ويـاك متزوجيـن ترانا
قلت : وقسم بالله ماتزوجنا
قال : اهجدي لو بيوقفنا تفتيش وش بيدريه انتي وش
انتي زوجتي بس ناسين عقد الزواج ..
قلت أبـشر وانا مرتك
عاد فق الخشـه زوجي ..

المهم زانت السياره ومشينا ودق أبـوي على متعب .. قال اننا ماندري وين غنيج وقال هي معي

أبوي عطاه كم سبه يحسبه خاطفنـي ..

ورجعت لأهلي سالمتن مسلمـه ..

وأثركـم مااااش >>> ماش ولا حلبه >>> المطلوب
تصدقون أي شي ..
بس كـل هالقصـه من وحي خيالي ,, أعطي نفسي جو شوي في الاكشن

الكـادر . نزلت موضوعي (وجهن فرحـان )

اتمنى تعجب خششكم الموقره

بعدين الي ماتعجبه ينطم ..

<< نفسيه البنت

وبس

وياحبيل شاطح

8
8
8
8
وش تحس به ذي

غنج على شوى لعانة · 24 May 2008, 07:22 PM

غنوجه

مشكوووووووووووووووووووره حبيبتي على القصه

صراحه اكشن خشيت جو معتس

<< ترقص نفسها عشان تصير تكتب قصص من كثر الشجيع

والله تقهرون محد كتب رد تقرون وتطلعون جعلكم للماحي الي يقرا وما يرد

<< نفسية البنت بقوه

يالله حيه قصدي مشكوره غنوجه

<< انهبلت

شطوحه باللهي وش رايك بالأكشن بس بدون غيره يا حــــــمار

rere_z · 24 May 2008, 07:39 PM

ههههههههههههههههههه
الله يحرق شيطانك وانا اللى خفت عليكى من الهندى
بس بصراحة قصة فلة
تسلم ايدك
ومنتظرة جديدك

أبوقاحز · 24 May 2008, 08:01 PM

والله اندمجت مع القصة اندماج مههب صاحي

بس والله تنرحمين

يا أنك أكلتيها أكله

خخخخخخ

أحس أنك تحلمين بالهندي

خخخخخخخ

مشكورة مشكورة مشكورة ولا تحرمينا من جديدك يا(غنووووجه)

د. شاطح · 27 May 2008, 02:11 AM

اقتباس:

المشاركة الأصلية كتبت بواسطة غنج على شوى لعانة

لا تجـي دقـه تقول وش خنفشاريه وش قصدك والا يجينا عاد الشايب يقول احسن مافي الموضوع مقدمتس ..

صرآآآحه هالشايب عنده ذوق ,, وانسان احسه يحب المقدمات والتقودوم والتطور ,,, بس هالشايب مدري وش طاعونه

هههههههههه

اقتباس:

المشاركة الأصلية كتبت بواسطة غنج على شوى لعانة

فـي يوم من أيـامي العصيـبـه والتـي أشتد فيها جـو الربيـع الجميـل ..

اشتد البرد,, اشتد الحر,, اشتد الصيف

هههههههه بس اشتد الربيع

هههههههههههههههههه من جد تضحك

طيب ليبتون متى يشتد <<<فصل مخه ,, اختي صاحبة الموضوع بامكانك اعادة فيش المخ مكانه لرجوع هذا المستخدم لحالته الطبيعيه

اقتباس:

المشاركة الأصلية كتبت بواسطة غنج على شوى لعانة

بينـما نحن نجهـز قراابيعـنا وكعادي انا أخذ جـوالي والسمعـات وأوراق ذيك الملونه اللي تجيـك مربعه والا قلوب اللي تتلزق على الدفاتر تكتب ملاحظه وتلزقها في الدفتر( كيفني وأنـا اشرح ) .. هذي اللي يستخدمها طرطنقي في تدبيس المواضيع .. أيـه أيـه ذي مغيرها ..

قرابيعنا ؟
وش معناتها <<انت علمني معنى طرطنقي وانا اعلمك معنى قرابيع

ههههههههههه

<<<شوفي ضحكته واعرفي اللعانه اللي فيه ,, يدري بس يبي يفسفس القصه حبه حبه

اقتباس:

المشاركة الأصلية كتبت بواسطة غنج على شوى لعانة

سيـتم الانطلاق الساعـه الثانيـه ليلا ألى منطقـه الشـرقيـه والقعود في الشاليـه لمده يومين وبعدها الانطلاق الى أبـها بالطيـاره ..

الكـل جهز عفشـه .. يافلان خذت فنايل وسراويل .. انتي خذتي عبايه البـر .. خـذو مقـص اظافر .. ثووب أبوك لا تدخله الشنطه لا يتعفط

ههههه تذكريني بامي يوم تقول انتبهو لا ترمون ثوب ابوكم ابسطوه زين فوق الاغراض
واخواني يقولون ان شاء الله يمه من عيوني ابشري ويرمونه اول شئ ويحطون فوقه كل الاغراض <<<ابو النذاله

اخر شئ يروح للغسيل بعدين الكوي
ههههههههههههههه

اقتباس:

المشاركة الأصلية كتبت بواسطة غنج على شوى لعانة

ركبـنا السيـاره ..
أبوي : غنوج .. / غنوج: لبيه
أبوي : سطام.. / سطام : سـم يبـه
أبوي : احمد .. / احمد : نعم (وجهن يقالي جدي )
أبوي : شهووده / شهوده : امه ابه(يقلاي ماتعرف تتكلم )
أبوي : مرتـي العزيزه / مرته العزيزه : موجوده يابو سطام
أبـوي ما نسينـا أحد .. ننطلق ؟
الكـل : توكلنـا ..!

مرتي العزيزه,,, موجوده يابو سطام<<امداه ينساها وهي جنبه

هههههههههههههههههه

باااقي لي رجعه للقووووصه الختييييره

غنج على شوى لعانة · 27 May 2008, 02:32 AM

بعد ماقضيت انت وخشمك ذالمايل

برلنتي · 27 May 2008, 05:50 PM

ههههههههههههههههههه

دخلت جو مع قصتك الخنفشاريه يا مدام متعب

موزوع نيوس من كاتبه انيس

تقبلي مروري
برلنتي

د. شاطح · 28 May 2008, 12:08 PM

اقتباس:

المشاركة الأصلية كتبت بواسطة غنج على شوى لعانة

بعد ماقضيت انت وخشمك ذالمايل

اتحداك مايل يمين ولا يسار <<لا على فوق

ههههههههه

طيب

خلاص خلصت بس استهبل عليك

بعدين خلاص ما عاد نغار من عقب ذاك اليوم

خلاص

بلا ملاغه وتعالو اقرو قصتي

قصص المحششين