‏"‏Love story‏"‏
==قصة حب بقشه ==~~~

ذاك اليوم طلعت أناوجدتي لسوق الحراج اللي قريب من حارتناعلشان نشتري أقدورللمطبخ لأنهاكلهاأحترقت بسببي لماكنت أتعلم الطبخ يعني لوتشوفون المطبخ كأنه من مخلفات الحرب العالميه الثانيه مع إني أقنعت جدتي تجيب شغاله بس قالت مانبي هااليهود جدتي عندهاأي أحدمايتكلم عربي يهودي...(بدوووون تعليق)!!
المهم وبينمانحن نتجول في أنحاءالحراج...(قويه بينماهذي وشلون نطقتيها)...!!وكناواقفين عندبياع القدور..!! وإلاذاك الأطخم وأقف وأنامسبله عيوني ورايحه مع هاالمزيون اللي قدامي الصراحه أول مره أحس إني أنثى وودي أحط مناكيروألبس كعب وقلبي ينبض بوبوبوبو...
(هذاكلب موقلب)!!
يعني مررررره الجو يساعدعلى إنولاد قصة حب بالحراج بين أكوام الغباروأصوات البياعين وووو....ويكفي إن معاي جدتي...("جدتي ياجدتي طويلة كاالنخلتي"هذي أنشودتي المفضله أيام الإبتدائيه)..!!
وحسيت كأن قلبي بيطلع من حلقي وكأني أبستفرغ...وطلع صوت زي المسلسلات يقول {إنه الحب يابنت}...
وبياع القدور مادرى عني على باله سطل زباله عاد أنا لازم ألفت إنتباهه قمت طحت بوسط القدور وجرني كأني غنمه وجلس يضف أغراضه.. عادأنانعمت صوتي بكل ماأستطيع من قوه وقلت بكم طقم القدور..وأعطاني ذيك النظره وشوي ويجيني مرض مزمن بسببها مع إن عيونه نقط كأنها عبس بس الحب يسوي العجايب وأنا وبرقعي اللي فتحته كأنهادريشة مقصف أعطيه ذيك النظرات شكله أنغرم فيني وطلعت أغنية"فوق هام السحب" (إيش دخلهاماأدري يمكن خلل فني)!!
عاد عيوني ياما شتت دول.. وفرقت جماعات... وهدمت بيوت... وسببت مجاعات...(هذي أمريكا مو عيون)...!!
وأحسن شي إن جدتي عمياعلشان ماتدمرحبي...
(هذي قنبله موجده)!!ويعطيناالقدورببلاش..!!ورجعناأناوجدتي للبيت والله كسرخاطري شكلناخسرناه... وأول مادخلت البيت أخذت قدرصغيرمعي للذكرى ورحت لغرفتي وتدهنت بفازلين طبعا" أناماكنت أتدهن إلاباالأعياد بس ألحين غيرحبيت وأخيررررا"حبيت..وأنادي بنت جيراننا من ورا السور ونجلس على الجدار ندخن طبعا" تسرق زقايرمن أخوها و علشان تعلمني حركات الحب لاتظنون إن هي تحب لا بس هي تشوف الدش عندمرت ولدعم خال جده(ياخال أبوي حك ظهري)!! هذولاك متطورين وعندهم مكرويف...(إيش دخل المكرويف ماأدري بس علشان تعرفون إنهم صدق متطورين)...!!
عادأول درس أعطتني بنت جيراننا النظرات بس عيوني ماتساعد فيها حوله شوي بس عمشاتقول هذا حور موحول بس انا ماأقتنعت وعلمتني كيف أنعم صوتي بعد هذا مافيه فايده لأن صوتي كأنه صوت مكيف خربان...
بس عمشافقدت الأمل إني أفهم لأني لازم أول أستوعب إني بنت بعدين أتعلم أصول المغازل...!!(إنتي أول أستوعبي إنك بشر)...!!
عاد ذاك اليوم طلعت أبرمي الزباله باالشارع وأنامن النحاسه أنشرالزباله في وسط الشارع علشان البلديه يحللون رواتبهم وبينماأنامنشغله في الزباله إلاروميوجاي على جمس أحمرقديم زي حق الطقاقات وصوته يسمعه اللي بآخرالوطن العربي بس الحيوان شوي ويصدمني وأناأركض وهومسرع ولماقرب مني فتح الشباك وتفل وتنحنح شكله يتميلح قدامي...(أجل لوبيتعامل بخشونه إيش يسوي)...!!قال ياحلو وإلا بنغالي يمشي قريب توقعته يناديه بس راح البنغالي ومافيه إلاأناباالشارع كأني ورقه في مهب الريح(قووويه)...!!
قالي ليش ماتردين صمخا قلت أناأسمي موياحلوأنت وصالونك ليش ماتحمل معك حجاج أنت سيارتك أتفشل أشوفهاكيف عاد لوأركبها(ألعن أبوالأسلوب هذا وهوحب)..!!قال أسكتي يامره لاأنزل وأمحطك باالعقال عادأنا أعطيته ذيك النظره اللي تقط البعرصي من الجدار وركضت لبيتنا وصبخت باالباب بس هوماراح إلى ألحين أسمع صوت صالونه وأذكرإن عمشاقالت لازم اللي يحب يصيح وأقعدأصيح بغرفتي ليش ماأدري بس علشان يكون حبي صادق(يوه تذكرت صادق راعي الخضره الله يذكره باالخيرأذكرأناوجدتي شرينا منه كوسه وقلناله نعطيك فلوس بعدين وسحبناعليه أدعوإنه يسامحنالأن مافيه أمل نعطيه فلوس لأننانسينا)!!!
المهم كناجالسين أناوجدتي وخالتي انتعشى ودخل خالي قال أبشركم بكرى معزومين على عرس مسمار صديقي قلت فيه أحدباالعالم يصادق مسمار لاوبعد بيتزوج وش بياخذ مطرقه قال لاياغبيه هذا أسمه مسمارقالت خالتي بصوت عالي ستوووووب ورفعناإيدينناعن الأكل علشان انتجيوع لبكرى نخلي الأكل باالعرس(عادأنادايما"أروح للزواجات وأناميته جوع وودي آكل الناس وأتخيلهم رزولحم بس فيه ناس أتخيلهم دجاج وإذاأكلت تجيني دوخه)!! ويوم صحينامن بكرى طبعا"مافيه فطوركأنناصايمين ورحت أطلع الزباله وإذا بحبيبي وأقف عند بابنا عاد أناأسوي نفسي ثقل أعطيته ريال يعني مسويه فيهاماأنتبهت وأحسبه شحاذ بس النذل أخذ الريال ومد أيده ثانيه...!!عادأناعصبت قلت خيربغيت شي قال إيه أبي فول قلت ليه شايفني مطعم قال لابس تشبهين البنغالي راعي المطعم عادأنا أستحيت ورمشت بعيوني..(أكيد البنغالي لويشبهونه عليك زعل)..!!
قال إيش أسمك(جبتهاعلجرح)قلت أسمي جوليا قلت وأنت قال أنا أسمي رامي عياش(العن أبوالدلاخه)....!!
وفجأه طب عليناخالي وحناعندالباب نسولف ويمسكني رامي عياش مع يدي وأناأصارخ وخالي يجرني...ويصرخ جوليااااااااااااااااااا.....وأناأصرخ رامي عيااااااااااااااااش.....وخالي طايره عيونه من الأسامي الغريبه ....ونزل مطروظلمت الدنيا وطلعت موسيقى حزينه وطلع على الشاشه النهايه إخراج سيمون أسمر.....(أدري ماراح تصدقوني بس هذا اللي صار)!!
عاد رحنالزواج صديق خالي وجدتي وخالتي راكبين قدام وأنا مربطيني باالصندوق علشان ماأطيرمن الهوى ورامي عياش يمشي ورانا وراكبين معه الطقاقات اللي بيطقون باالزواج وأناعبايتي طايره من الهوى ولا أسمع شي ومغمضه عيوني وحالتي حاله وأخيرا"وصلناوأنزل بس تكرفست وقبل لاأطيح باالأرض مسكني حبيبي بيدينه اللي كأنهن خشب هذا لويتدهن بزيت ماينعمن...وندخل وعاد أناأتلصق باالطقاقات يعني أحميلهم الطبول وأضرب البزران اللي يرقون المنصه عادشكلي باالزواجات يخرع علشان كذا البزران كل واحد لاصق بأمه وطلعنامن الزواج وجلست أحمل معهم الطبول علشان حبيب الغفله مع إن شكله مايأهل أبدا"انه ينحب يعني هاالأشكال ينفع يكون شريطي أوبياع غنم أوحارس مدرسه أوسواق نقل جماعي...أماأنه ينحب قووووويه........بس إيش أسوي الجود باالماجود.....وسمعت وحده من الطقاقات تناديه رويشد......وجلست أضحك عليه شكله تفشل قال إيش قال رامي عياش...... عاد جت خالتي قالت بقشه وجع تعالي أركبي وأنامارديت عليهاماأبي رويشد ينتبه لأسمي بس خلاص مافيه أمل وياليت بس رويشد اللي عرف لاكل المعازيم والوطن العربي والدول المجاوره كلهم عرفو....وركبنا السياره علشان نرجع للبيت ولماوصلنا البيت قال خالي أبيكم بموضوع مهم وخطيرررر وجت موسيقى مرعبه ووقفت قلوبنا نص ساعه وأخيرا" نطق الدب قال أبشركم فيه واحد خطب بقشه وتسجد جدتي سجود شكر وخالتي أركضت مثل اللاعبين إذا سجلو هدف وخالي يرقص مثل العرضات طبعا" من الفرحه وأنا واقفه بينهم ومو مصدقه وأخيرا" بس شي غريب منهو اللي داعيه عليه أمه بوقت أستاجبه... قال خالي رويشد اللي خطبك ورمشت بعيوني بس رفضت يعني أبتغلى شوي بس النذل ولاهمه بعد أسبوعين تزوج قهرررر.....ليش مايصيرلي مثل المسلسلات اللي تقولي عنها عمشا.... يجي البطل يقول أنا حتجوزها وححارب الدنياعلشانك يافطنه وعاد يقول أبوه ححرمك من الميراث............
بس ماأعتقد فيه أحد يحب حب طاهر شريف...(هذولي أسماء سباكين).....!!
يعني هذاك أول يوم الدنيا دنيا.....ويوم الناس ناس....!!! أيام الكابتن ماجد وهايدي...أيام فك وأفك...



<<بقشه 2‎_‎3‎_‎2008

تسلمين يابقشه
خخخخخخخخخخخخخخ
وعقبال تتحقق امنياتك

جميله ومحششه

آآآمــــين الله يسمه منك هع

منوره حبيبت آآللبي ^^

ههههههههههههههههههه
حلوة القصة
مشكورة وننتظر جديدك

العفووووو

\\

^^

هع هع

هذا وانا اكتب حصري مالقيت تفاعل

وينكم يالربع

/

يالبى اللي يقرون ويطلعون بدون رد <<معصبه ..

ردو عطوني رايكم والله ترى والله لاالــ...<<<مشفر ..رقابه .. شرطه ..

ممنوع الرفع