اعز ناسي

22 May 2008, 01:37 AM

\
\
\
/
/
/
أنــا شــــاعر واذا ودك أنــا لعيونــك الـرســــام
أصيـد حـروف من بحري والونهــا باحســــاسي

أنـا الهايم وأنـا المغرم وأنـا العاشق مدى الأيـام
أنـا المجنـون في حبـك وتوجتـك أعــز نــــاسي

أنـا من لامني بحبـك أبــد عمـره أبــد مــاهــــام
سلبتي كل نبضـة قلب وصـرتي انتي أنفـــاسي

أحــارب كل عـذالك وأصيـر جنبك أنـا الضرغــــام
أبيع الدنيا لعيونك .. فـداك من راسي لســـاسي

لو أرحــل عنك يــاقلبي أضيــع بعـــالم الأوهـــام
يبات الهم في صدري ويشتت فكري هوجــاسي

تعال وقول في صدرك وش اللي يدور من أحـلام
وأقــول لبيــه يــاعمري سـم وزيــد وش نـــاسي

أذوق المـر من أجـلك وأدخــل غـرفـة الاعـــــدام
ولكن خوفي من باكر .. تــرا هذا الزمن قــــاسي

أبـد لاتسمع الــواشي وصـد عن كلمــة النمــــام
أنـا الوافي سليل العز أصيل المجد أنـا الـــراسي

رست رجلي على أرضــك وقطفت الحـزن والالام
تعال أشرب زلال الحب عصرته في وسط كاسي

ملكت لوصلك الدنيـــا وتراهـــا مو قصص أفـــلام
شريت الكون وأهديتك حيـاتي في طبق مـاسي

الا يــــالله يــــاربي. . يــــامن للغيــوب عـــــــلام
أنــا عبــدك ترجيتــك.. تحفظلي أعـــز نــــــاسي
\
\
\
/
/
/

زحمه جـرۉح · 22 May 2008, 02:15 AM

اقتباس:

أحــارب كل عـذالك وأصيـر جنبك أنـا الضرغــــام
أبيع الدنيا لعيونك .. فـداك من راسي لســـاسي

آبيآت خوقآقيه ..

تسلم بيتآ علىآ هآلآبدآع ..

لآعدمنآك ..

22 May 2008, 02:32 AM

يسلمك ربي

الابداع تواجدك الحلووو

المملوحـه · 22 May 2008, 03:50 AM

أذوق المـر من أجـلك وأدخــل غـرفـة الاعـــــدام
ولكن خوفي من باكر .. تــرا هذا الزمن قــــاسي

مشكــــــــــــــوووووور على القصيده روووووعه
يعطيك العافيه

(لك مني اجمل تحيه)