تقرير عن رحلتي الغبية لجاكرتا او لمطار جاكرتا

المشاركة الأصلية كتبت بواسطة ازرق وقلبي ابيض

بسم الله الرحمن الرحيم
حجزت من مكتب الصرح قبل حج السنه الماضيه مقعدين لجاكرتا طبعاّ انا وواحد من اخوياي من سكان جدة وقبل الرحله بيوم تقريباّ وصل خويي من جدة طبعا خط الرحلة كان الرياض جاكرتا الرياض على خطوط الجارودا سعر التذكرة تقريباّ 2600ريال أنا اذكر اني رحت لأندونيسا عام 1996م . وكان من اكبر غلطاتي اني رحت على الجارودا .. وصلنا مطار الملك خالد فبل الرحلة بدقائق وكلعادة اخر ناس نركب الطيارة اقلعنا بسلام... الطياره كانت بيونج 747 ومقاعدنا كانت في الدور اللي فوف وقدامنا باب الطوارئ يعني افضل مكان تقريباّ في الدرجة السياحية الأقلاع كان الساعه 11 او 12مساء ماأذكر بالضبط الروحه كانت حلوه في كل شئ وراح الوقت وماحسينا فيه وجوالي كان مليان على الاّخر ام بي ثري واغلب وقت الرحلة والميوزك شغال كنا نقعد على مقاعدنا واذا ملينا تربعنا على الأرض وتكينا على الباب الا يوم جاء المضيف وقعد يقرقر على روسنا طنشناه شوي وبعدين رجعنا وجلسنا على مقاعدنا ساعه او ساعتين و قربنا من جاكرتا وصحيت خويي يشوف الجزر الصغيرة اللي فبل جاكرتا ويشوف الديرة من فوق كانت الساعة تقريباّ 7او8 صباحاّ بتوقيت السعودية وكان الجو ولا اروع المهم وصلنا مطار جاكرتا طبعاّ كل واحد فينا لابس ثوب وشماغ وأّخر رسم نزلنا من الطيارة وأنواع الأبتسامات الا يوم وصلنا كونتر الفيزا تفاجأت الا والموظف يقرقر على راسي ومختصر كلامه يقول ان المدة اللي باقي في جوازك شهر واحد وينتهي وشروط الفيزا الأندونيسية لازم تكون المدة المتبقي في جوازك 6 شهور يالليل الليل
من شروط اي دولة .. ما عدا دول الخليج .. انة يبقى في صلاحية جوازك .. اقل شي 6 شهور ومن صلاحياتة انه يرجعك على أول طيارة .
المهم قلت له طيب وش الحل. قال تعال معي لضابط الجوازات يمكن لو تدفع له 200 دولار يمشي الفيزا ويختم دخول جاكرتا قلت اوكيه يالله وصلنا المكتب وكان عند كونترات الجوازات المهم دخلنا المكتب لقينا 3 او 4 موظفين عند الضابط اللي أخذ الجواز وقاعد يقلبه في ذيك اللحظه كنت انتظر الضابط يطلب اللي يبيه المهم كان يرد لي الجواز ويقعد شوي ويطلب الجواز ويقعد يقلبه طبعاّ انا مافهمت الموضوع زين كان يبيني احط له الفلوس في الجواز وانا كنت متنح وقتها المهم قعد شوي وقفلت معه وقال لازم ترجع السعوديه ! ياهوووووووو من جدك انت؟؟ واحاول يمين شمال المهم ابن الذينا رفض كل المحاولات وكلف امن المطار يراقبوني الى وقت اول رحلة متوجهه للسعودية وكانت اقرب رحله اليوم الثاني الساعة 11 صباحا بتوقيت جاكرتا
طلعنا من المكتب مع واحد ورحنا للسوق الحرة اللي في المطار وريحنا على المقاعد وأخذت الفرصة وأتصلت على السفارة السعودية ورد على موظف خدمات الرعايا السعوديين عطيته موضوعي وقال هذي انظمة دولة ومانقدر نسوي شى ولا نقدر نجدد جوازك الا من السعودية قلت له والحل قال مالك الا تدفهم بفلوس المهم توني بكمل له السالفه الا ويطفى جوالي البطارية فاضيه (والله من الميوزك اللي في الطياره) وجوال خويي طافي من بدري يالله اخر الدنيا وفي مشكلة وجوالاتنا طافيه وكل واحد معتمد على الثاني في الشاحن اللي نسيناه انا ناسي الشاحن قبل اطلع من البيت بدقايق وخويي موصي اهله يحطون الوصله في شنطته وقلبنا الشنطه كلها ندور على الوصله مالقيناها شوي وقال الأندونيسي عطوني 100 ريال بروح احجزلكم غرفه تريحون فيها قلت له يالله نطلع مع بعض قال لا انتوا ريحوا شوي على الكرسي وبرجع لكم اعطيكم رقم الغرفة طلع نصاب ابن الكلب طلع مافيه غرف اساساّ في الدايركت طلع مطار غبي بعنف المهم ابن الكلب مارجع
ومن الحره اللي فيني رحت ابرد اذكر اني شربت اربع علب سفن في دقيقه
والمشكلة خويي غشيم في الديرة وبأختصار ماعمره طلع من السعودية ولا حتى البحرين ولا عنده ولا كلمه انجليزي والا كنت ابيه يروح يستأجر غرفة يومين او ثلاثة على مايمدني ارجع السعودية اجدد جواز وأرجع له بس مجرد ماأقترحت عليه رفض الموضوع نهائياّ
وللحديث بقيه ان شاء الله