يانور عيني

سعود الشاكي · 15 May 2008, 01:16 PM

بسم الله الرحمن الرحيم

هذي اول مشاركه لي في قسم الشعر

صحيح لي كثير من القصائد الشعريه لكن استوقفت عند هذي الابيات للشاعر المرحوم محمد الاحمد السديري وحبيت انقلها لكم واتمنى ان تحوز على رضاكم كاول مشاركه وان شاءالله راح اطرح لكم بعض من القصائد الخاصه فيني

الابيات
يانور عيني ما تفيد التحاسيف لا صارت الفرقا طويلن مداها

اللي انكتب بالوح ما فيه تحريف والعاقل اللي قدرة الله رضاها

بالك يجن دموع عينك ذواريف العين جاها من السهر ماكفاها

بالعون ماقصرت ياغاية الكيف مير الليالي قصرن في وفاها

ولا تحسب الدنيا تجي دايم بريف كلن يموت وحاجته ما قضاها

وسلاااااااااااااااااااااااااااامتكم

سعود الشاكي مدينة الرياض حي البديعه

جبتها عالجرح · 15 May 2008, 02:30 PM

اقتباس:

يانور عيني ما تفيد التحاسيف لا صارت الفرقا طويلن مداها

اللي انكتب بالوح ما فيه تحريف والعاقل اللي قدرة الله رضاها

بالك يجن دموع عينك ذواريف العين جاها من السهر ماكفاها

بالعون ماقصرت ياغاية الكيف مير الليالي قصرن في وفاها

ولا تحسب الدنيا تجي دايم بريف كلن يموت وحاجته ما قضاها

نقلك يدل على احساسك

الف شكرلك

نتمنى ان نرى قصائدك

يعطيك العافيه