السلام عليكم ورحمة الله وبركاته


مساكم الله بكل خير وسرور


قصيده قريتها دفاع عن هيئة الأمر بالمعروف والنهي عن المنكر واعجبتني ، مع اني الاحظ كثير من الناس شانين حمله على الهيئه وكثرة الايام هذي ، ولابد من حصول تجاوزات بس الحسنات تمحي السيئات .

وان شاء الله تعجبكم .


ماجور يافكري من الهم ماجور
ماجور من كثر الفتن والبلاوي


مهما حصل منتب عن القاف معذور
دامك على مد الجزيله رهاوي


سق الركايب واردع الظلم والجور
من موقفٍ كثرت عليه الحكاوي



خبر سمعته فالإذاعات منشور
ومسجلٍ وسط الصحف والمطاوي


الله يشلّ ايديك يا كاتب الزور
يالمنحرف راع البدع والرشاوي


حتيش لو أنّك مفكّر ودكتور
فكرك ملوّث من جميع النحاوي



منبوذ مالك فالوطن يالردي دور
دامك على هدمه تحث الخطاوي


وينك ووين حقوق الإنسان ياثور
تدعو لْتبرج لابسات الغطاوي


لاصار لاغِيره ولاعندك شعور
ماهي غريبه ياخبيث الدعاوي


اعمى وتتبع منهج العمْي والعور
في موطن التوحيد ويش أنت ناوي !!



امن العدا مدبّر ومنهي ومامور
ماباقي ألا أنّك تصدّر فتاوي



بإذن الولي خاسر وصاغر ومثبور
بتموت ماتلقى لفكرك حراوي



في هيئة المعروف مانسمع الشور
في فضلهم مُنزل كتابٍ سماوي


يعني لهم مبدا ومنهج ودستور
ماسطّره واحد من الناس غاوي


هم الذرا حمّاية الدار له سور
على الهدى مايخلفون الهقاوي



منصور يالنّاهي عن الشر منصور
من غيرك اللي فالمهمّه فداوي


ثبّت خطاك ، ومن هل الدار مشكور
وارض الولي ثم المليك النداوي



صقر العروبه لادعانا على الفور
لَمره ورَدنا مثل وِرد الظماوي


يجي جميع الشعب طابور طابور
كبيرهم وصغيرهم بالتساوي


لجل الشريعه دمّنا دايم يفور
ثم الوطن نشريه لوهو غلاوي


واهل الظلام اللي تبي تحجب النور
نقولها كلمه لهم مانراوي :



دام(ن)وطنّا مالكم وسطها دور
روحوا وراكم ياكلاب الشواوي







الشاعر: راكان بن محمد بن بدن



جزى الله الشاعر خير الجزاء على قصيدته الرائعة ونصرته للهيئة. وما هذه القصيدة إلا دليل دامغ على أن المجتمع بكافة شرائحه يقفون مع الهيئة ضد من يريد النيل منهم.

لجل الشريعه دمّنا دايم يفور
ثم الوطن نشريه لوهو غلاوي
مشكور..حبيب البي انتاآآآآآآآآآآآآآآآ

مشكور حبيبي على الرد الراقي

الله لايهينك زحمة

قصيده هادفه لك خالص تحياتي..

مشكور اخوي عسيب
ومرور راقي

صح لسان قايلها وناقلها

اللــــــــــه يعطيك العافيه

عندنا بس خربان خخخخخ

ههههههههههههههههه
رد ولا اروع حبيبي
الله لا يحرمنا منك ومن ردودك الاحلى

يسلمووووووو على القصيده مررره روعه