|
|
|
04 May 2008, 04:00 PM
|
#1 |
 ![الصورة الرمزية ][بنـBandarـدر][](http://www.m7shsh.com/vb/avatars/28899.gif?dateline=1206548039)
الرتبه: نقيب
تاريخ التسجيل: Jan 2007
الدولة: الأّذانّ بعّد الإّقــامّه <<سكراااااان
العمر: 23
المشاركات: 1,254
معدل تقييم المستوى: 8
![][بنـBandarـدر][ عطوه فرصة](images/eyeeasy/reputation/reputation_pos.gif) |
اعلمها البوسات كل يومٍ 000 فلما اشتد برطمها....
<
مسسسسسساكم بالخير يا هذولي ... هاااااتشو يرحمك الله ... الله ينعم عليك ... سهران طول الليل ... يحق لي سعودي وفاضي .. يوم جت الساعه سبع ونص الصبح لين النوم مبوبز على راسي ويقول لي بتنام وانت ماتشوف الدرب ...وبكل ادب رديت عليه .. ابشر زي الالف انام لاني ماارفض لك طلب.. قلت للنوم ياطويل العمر... ماودك تسير علي عقب الظهر خلني انام نومه وحده .. عيا علي ..و كلمه مني على كلمه من النوم احاول اتصبر لين الظهر عشان تصير نومتي تقييله .. المهم ماطاعني النوم وقالي نم لين الظهر همن قم صل همن قيّل على راحتك ... ماامداني اكمل سالفتي معه ... لينه منسدح علي بكامل قواه العقليه.. وامغطها نومه من سبع ونص الصبح لين المغرب ... يوم قمت المغرب بالسلامه قالي النوم " ياخوي صدق انك ماتنعطا وجه " ... ( ياملحه مقابلني اربعه وعشرين تبن ) .. المهم اشوى انه انقلع عني .. مابغا يتركني .." شفتو الحب وش يسوي ؛؛؛ لحد يشرب حليب " الا تعالو وش دخل الحليب فالحب ..؟؟ :دلخ المهم يوم قمت رحت ابفرش ضروسي "( يقولون انها الموضه اول ماتقوم من النوم تفرش ضروسك ) " .. على طاري الموضه .. آخرموضه يقولون ... فرش ضروسك بمعلاق التلفزيون حط في طرفه قطعه من خيشة رز .. وفرش ضروسك بها ... والمعجون حط لك في ربع فنجال تايد وزد عليه شمبو برت بلاس اثنين في واحد المطور نرجع للسالفه ولا اقاطع كلامي .. جيت ابقوم من على الفراش .. لين الغمص مسوي مستعمره في عيني اليسار اما عيني اليمين صارت كنها مقلط عقب عزيمة حريم ... منيب اشوف الا بعين وحده فيها خفس .. هقوتي نامسه كاشته فوق ذا الغمص اللي يرد الروح وطاقه خيمتها فيه ... عاد انا من النوع اللي مايمشي الا بدرابيله .. البس نظارات ماتفرقها عن الدرابيل الا ان الدربيل ... فيه نوع ليلي ونظاراتي مهيب ليليه ... حدها فالقايله وتخب علي بعد .. العاده انطل نظاراتي جمب الابجوره " اشوى انه سراج " .. على طاري السراج .. وش ازين زيت ادهن به دمجتي .. ترا باقي لي خمسمية كيلو واط همن اخبط ... نرجع للسالفه ولااقاطع كلامي .. من زينه عشان اقاطعه ادور هالدرابيل مالقيتها ... قلت اكيد اني ناسيهن عند الكمبيوتر ... خلني اروح اتاكد .. المشكله منيب اشوف الكمبيوتر من ذا الغمص ... بس الحمد لله مره من المرات قعدت انا وخوي نعد كم خطوه من باب غرفتي لين الكمبيوتر .. وشهوله نعدها .. ابد فضوتن زايده (( قاضين ماهنا عقل يالله حسن الخاتمه )) قلت ياولد اذا ماامداني اشوف الجهاز بيمديني اشوف الباب ... وكل الطرق تؤدي للعماريه .. وعلى قولت الشاعر ...( اذا فاتك الصيد لايفوتك تنتيف ريش القماري ) .. وبحركه بهلوانيه تكنبست ودبج راسي فالجدار ... حسااافه ليتني استفدت من هالكنبسه في شي يمفع الامتين العربيه والمصرقعاويه ... الحين قوتي نقصت للنص .. عشان الحركه سبشل .." ابد منيب متأثر من الاتاري " ... ( وش اتاري والله اني محمض ) ... بس كان قصدي من الكنبسه قلت عساي اصدم فالباب ولا الكمبيوتر ... بس ماحصل .. ولو سويت الحركه مره ثانيه بموت عشان هالحركه تاخذ من قوتي النص ... وانا سويتها ومابقا في قوتي الا نص ... تذكرت فيه حركه ثانيه بس تاخذ من قوتي ربع ... عايدي يبقى عندي ربع اهم شي القى نظاراتي ... بس عيب هالحركه لازم اشوف على قد ثلاثه بوصه انش ... ( البوصه انش = وحدة قياس الخفيس اللي فالغمص ) .. وانا الحين منيب اشوف الا واحد ونص بوصه انش ... نعنبو بليسك من غمص .. ياجعل عدوي الغمص اللي مايخليه يشوف الا نص بوصه انش ... دورت حل عشان تكبر الفتحه اللي اقدر اشوف منها . مالقيت حل .. حاولت ابربس بعيني ماش الغمص اصلي .. مايتحرك ياااابس . .. قلت ابسوي نفسي نايم عشان تجي النامسه وتكشت مره ثانيه ... وتزيد الفتحه واحد ونص انش زياده .. وبعد كذا بتصير الفتحه اللي اشوف منها ثلاثه بوصه انش ... وبعدها اسوي الحركه اللي اقدر بعدها اشوف الباب ولا الكمبيوتر .. سويت نفسي نايم ... والله واشوف النامسه تدور حول المروحه ... مالها نيه تجي يمي ... لازم اغريها عشان تجي قلت ياولد اخبر النامس يحب اللون الاحمر " مافيه عرق ثور " .. عاد انا مافيني من الحلى قطبه ... يعني لاخدود ولا شفايف اقدر اغريها ... تذكرت اني متعشي رز مندي ... وعقبها جابو لنا حلى جلي بالفراوله قلت اكيد ان لساني احمر ... قمت ادلع " اطلع " .. لساني يوم شفتها بدت تناظرني.. " إغراء الاولين " .. قلت ياولد .. اصك المعروض الحين ولا اصبر شوي شكلي ابصبر شوي لين اخليها تندبج في غرامي استخرت الله وقلت خلني اتنيوم هي بتجي اكيد .. بس انهم يتغلون " كالعاده " المهم حسيت انها اندبجت في غرامي قالت لي ياعسل ممكن تحط المروحه على اربعه قلت لها ليش اربعه بالذات قالت ياروحي انا توني حاطه مناكير على ريشي وابيها تنشف بسرررررعه بصراحه انا خقيت على صوتها .. يهبببببل كأنه صوت ماجده الرومي وهي تغني كلمات خخخخخخخخخخ بغيت اقول لها عطيني بوسه .. ماش استحيت ... توني ماطيحت الميانه معها ... قلت ياولد خير البر عاجله ... خلني اقول لها واللي يصير يصير ... قلت لها ياناموسه يابعد مواصير قلبي ... ممكن تعطيني بوسه ؟ حسيت انها استاحشت من كلامي قالت لي وشلون اعطيك بوسه ماعرف اعطي بوسه علمني ولك علي .. اعطيك بوسه كبر الحمار قلت مايحتاج تعليم ... الطريقه سهله مرررره اعفطي براطمك وسعبلي عليها شوي عشان احس بخدودي انها رطبه ... همن لصقي براطمك في خدودي قعدت اتفرج عليها وهي تسوي نفس الطريقه اللي قلت لها وتجمع من هالسعابيل على ذا البراطم ... يوم قلت لها يكفي يالله هاتي البوسه * قالت ابشششر ... خخخخخختتتتففففففففف بعدها تذكرت قول الشاعر الفلبيني اعلمها البوسات كل يومٍ ... فلما اشتد برطمها تفلت بوجهي بس شكل عمرها فوق الثلاثين .. و بما اني شاب وماحب العجايز ... قلت لها ياناموسه اذا انتي بنت امك وابوك اكشتي في عيني ... وانا منيب نايم .. موب لين نمت جيتي تستقوين علي " شكل اعجبتها رجولتي وقوة مخارج حروفي " ... قالت لي تمون يانظر العيون ابجيب عدة القهوه وابجيك بالددسن حقي اللي فيه الخيمة .. وابجي اكشت في عينك .. انا استانست وشكلي حبيتها مدري احس ان مواصير قلبي .. تصبصب غرام لها .. والله توني ادري ان الناموس وفي ... مايخسى الا الكلاب والله ان الناموس اوفى منه ... صحيح انها تفلت بوجهي .. بس كله يهون عشان الحب المهم جتني بخيمتها ومن زين حظي كشتت بنفس العين وجمب الخفس اللي اشوف منه عشان لين دقت اطناب خيمتها بتصير جمب الخفيس الاول ... وبعدها وعدك يالباب ابشوفك . لاحظت شي وهي تدق الخيمه ... قاصه شعرها كاريه عقب هالملاحظه تأكدت انها عجوز ومحمضه (( اطلع للسطر رقم 14 وتعرف معنى محمض)) اشوى ى محد انتبه لي ونا ازين صروالي الفوشي بس عليها ريش يفتح النفس حاطه في اطرافه مناكير موف ... يابعد عمري يالموف ... " على بالي فاهم " ... اشهد اني ذويق غصبن عني كلها دقيقتين وقلت لها ياخاله ... الله لايهينتس ضفي عفشك .. ترا الجوازات بيجون وشكل مامعتس اقامه ... هي سمعت طاري جوازات .. وهي اللي تفطس علي من الضحك قالت لي الله يقلع بليسك يالقروي يالمصدي ... الله يخلف على امن جابتك ... الجوازات معد لهم سنع.. الحين الدبره عند حقين اللومينا ..هم اللي يروعون (( يخوفون )) حتى حطو لهم عند كل اشاره صندقه . قلت لها صندقه..؟؟ وش يبيعون فيها بليله قالت لا يالدلخ يرتاحون فيها ... عشان يقولون للمواطن والمقيم ... نحن مرتزين هنا لخدمتكم وسلامتكم ... صح لساني منتيب عاقله ياناموسة قريح ... صايرتن شاعره ورومانسيه على غفله ... لايكثر بس وانقلعي لاافقع عيني وتروحين فيها وطي انتي وعفشك هي بصراحه راحت بس عشان المناكير ماتخرب المهم عقب ماراحت .. قلت لازم اسوي الحركه الثانيه اللي تاخذ من قوتي ربع عشان اشوف الباب ... قلت ياولد لازم اسجد سجود شكر لله وقم وغسسل خشتك ورح وصل اللي فاتك ولاتنووم مرتن ثانيه الا وانت جوعان .. . . . . . . . . .. . . . . . (( لاتنام بعد الاكل مباشره خاصتا اذا كان اللي مسويه البنقلاديشي حق الاستراحه والاستراحه صايره في جنوووب الريااض )) ** ترى النظارات ما البسها الا وقت القراءه فقط الحمد لله على سلامة رجوعي وان شالله اني منيب مطول الغيبات ... على رجعتي قلت خلنا نرجع للعشق القديم الدجه ونسدح موضوع صدز انه ماااصل لكن ميخالف عن قوولة رجع ولا كتب شي ياعساه يجوز لكم سي يو عليكوووووووو وتحياتي لشغالاتكم . |
![][بنـBandarـدر][ غير متصل](images/eyeeasy/statusicon/user_offline.gif)
|
    
|
 |
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أنواع البوسات عند الأطفال بالصور .. | الحلم الكبير | صور المحششين | 15 | 23 Dec 2007 09:28 PM |
| تبكي الشياطين ولا نبكي نعم سورة ابكت ابليس الشيطان الاكبر فلما نحن لا نبكي لما | sabaanehq | اسلاميات | 3 | 25 Sep 2007 11:25 AM |
| منتدي محشش اصبح فاااااااااااااااشل.............؟؟؟؟؟؟؟؟؟؟؟ | مـزآج ـي .. | التحشيش العام | 13 | 18 May 2007 05:53 AM |
| مقتل9 جنود أمريكيين في يومٍ دامٍ للاحتلال بالعراق | m7shsh.com | مقالات و متفرقات من موقع طريق الاسلام | 0 | 07 May 2007 12:50 AM |
| أم رأت ولدها يشاهد فلما اباحيا فماذا فعلت؟؟؟؟ | hmmn | قصص المحششين | 16 | 02 Sep 2005 09:48 PM |
العرض العادي
