وقصائد للوطن من شعر ريم الصحراء: الوطن حبنا له كل يوم يزود كل يوم نحبه ونتباها بغلاه حبنا له كبير فوق عالي الحدود يوم ذكراه غالي ما يقدر مداه يوم تاريخ مجده ننثر اغلى الورود نزرع الحب بأرضه لين عانق سماه نفتخر به ويومه من قديم الجدود نذكره ونتذكر شيخه اللي بناه شيخه الصقر جاله فوق جيشه يقود جيشه اللي سطا به وارهب الله اعداه مرت ايام صعبة واخو نوره يذود ما تهنا بنومه لين داره خذاه عزنا هو وطنا دام عمر الوجود نعشق أرضه وطينه ونتنفس هواه جعل ربي يحرسه من عيون الحسود جعل من جا يضره يخلف نواه
ومن قصيدة أخرى لريم الصحراء: يا حبيب الشعب يا غيث الجزيرة يا ذرى الديرة ويا محبوب اهلها ديرتك يالشيخ ياهي منك ديره ينبهر من شافها والا دخلها عزها الاسلام وخلاها كبيرة ديرة زانت وما تطلب وصلها يا قوي العزم من جالك تجيره لاجت الشدات ما غيرك بطلها تنصر المظلوم لو دونه عسيره تنقذ المقهور من خافي عللها حنكتك يالشيخ وافعالك جديره بالوصف والقول ما شافوا مثلها الفهد دائم وربه له نصير نيته لله واعماله وكلها المواطن في البلد عينه قريره الامن من عند خالقها شملها ديرة آل سعود والله ما يضيره هرجه الحساد ما وصلت املها من تخطى شرعنا رجله كسيره نردعه عن فعلته قبل يعملها
وهذه قصيدة للوطن من شعر نوال الراشد: مرحبا بالحرف في حب الوطن مرحبا واغلى تراحيب القصيد يا بلاد في ذرى العليا سكن منبع للنور والمجد التليد هو غلاك اللي كسب روحي رهن او دريت العمر في حبك يزيد بانقش الشيله من حروفي لحن كان يكفي او تبي دم الوريد في ترابك كم لهت كفي زمن ذكريات كنها لي يوم عيد
ويقول محمد بن عبدالله بن بعيث: يا رجال الوطن غنوا ليوم الوطن رمز عز البلاد ورمز توحيدها اهتفوا واعزفوا لاجله على احلى لحن ساعة والطيور تجيب اناشيدها مملكتنا بخير ولا يجيها وهن دامها في ذرا العوجا واليدها في ذرا محتمين الدار سر وعلن هم حماة الوطن في كيد اصاديرها طيب الله ثرى من هو نجبهم ومن اسس الملك والفتنة طوى قيدها
الى ان قال: قام عبدالعزيز وقادها بالرسن يوم جاها سليل المجد جاعيدها دافن البدعه القشرا ومحي السنن والشريعة رفع سيفه لتاييدها
وفي قصيدة للوطن يقول سعد الشليل: يا بلادي يا سند كل العرب يا محط انظار كل المسلمين اسمك المنقوش بحروف الذهب مملكتنا للفخر تستاهلين نرقص الحرفين في شوق وطرب بالمحبه والولاء متماسكين لو تبين ارواحنا قلنا وجب كلنا لك فدوة لو تطلبين كل من ينبوعك الصافي شرب يجذبه لك زود شوفه والحنين والمثل يا دارنا فيك انضرب بالكتاب وبالشريعة تحكمين
كما يقول عبدالله السلوم: اليوم هو يوم الوطن يوم الافراح يوم تجلى فيه معنى السعادة يوم غلاه مداخل كل الارواح في كل عام يزيد حبه زيادة له قصة توجه هدفها بالامداح متلاحم فيها الوطن والقيادة قصة بطلها ما توقف ولا ارتاح حتى بنى مجد الجزيرة وشادة حر يباريه السعد وين ما راح ان شاف طير يدرج الحوم صاده ياما سهر لين ابلج الصبح ينباح ما حط راسه فوق لين الوساده
ومن قصيدة الحميدي الحربي والتي تقول: الفكر حلق جاوز السحب يجتال بافاق مجد ديرتي تنتمي له صافح وهو في هالة الفخر يختال حقايق صافي الذهن تستميله قرا حروف جسدت صدق الافعال بقصة كفاح اللي غزا قبل خيله عبدالعزيز اللي بلا ند وامثاله من فجر ميلاده لساعة رحيله عبدالعزيز وخير ما عنه ينقال هو معجزة جيله وما بعد جيله سن الطفولة عاشه بعقل رجال عن اللهو هو مات فكره تشيله
الى ان قال: رايه براسه,, ما تردد ولا سال وش كثر عدوانه,, وويش اتعبي له من السيف غرب ما تسمع للاقوال كن المسافه كلها تنطوي له هجد,, وصابح طيبه الحال والفال بفتح الرياض اللي بها طال ليله وبدت زلازل تصفق الجال بالجال واهتزت عروش باهلها ثقيله لين احكم القبضة عقب كر وقتال وكل تبرا من عمله وعميله طاعوا وصارت وحدة مالها امثال فيها الولا للدين قبل القبيله ثم الوطن واللي لغيم الجهل زال رفع سراج العلم واشعل فتيله
الله يوفقك ويارب تكون الفائزالأول تستاهل كل خير وعقبال ماتكوش ع الإداره هههه تقبل مروري[/i][/color]
رد: ماذا يعني لك هذا الاسم(الملك عبدالله بن عبدالعزيز آل سعود)( هذا الموضوع مشارك بمسابقة منكم؛؛ ولكم؛؛ ) .
العرض العادي
