حلوه تكوش على الاداره ههههههههههههه

مشكور على الرد الراقي ومنور صراحه الموضوع بردك

ذريااات
الملك عبد الله بن عبد العزيز آل سعود
آل سعود
متعب الأول بن عبدالله
خالد بن عبدالله
متعب الثاني بن عبدالله
عبدالعزيز بن عبدالله
فيصل بن عبدالله
تركي بن عبدالله
مشعل بن عبدالله
فهد بن عبدالله
سعود بن عبدالله
منصور بن عبدالله
ماجد بن عبدالله
سعد بن عبدالله
بدر بن عبدالله
سلطان بن عبدالله
بندر بن عبدالله
فهده بنت عبدالله

بديت بسم الله علام الغيوب سبحانه المعبود رب البريه

سبحانه اللي يغفر الذنب ويتوب الواحد اللي عزنا في نبيه

وضح طريق الخير والخير مطلوب وحنا على دربه كتبنا الهويه

من عهد ابوتركي جمع شعب وشعوب لياعهد ابو متعب حفظنا الوصيه

الحاكم اللي مالك كل القلوب عبدالله اللي له من اسمه مزيه

العين عز الشعب وبالقلب مكتوب مكتوب اسمه داخل قلوب حيه

والباء باذن الله بيعيش محبوب لانه حكم بالعدل بين الرعيه

والدال دمعه للملك جت باسلوب تحكي مشاعر صادقه وطيب نيه

يومه حضن طفل يتيم ومسلوب ضمه على صدره بكف نديه

الالف ابو متعب سند كل مطلوب يحكم بشرع الله وسنة نبيه

واللام لاوالله مايعيش مغلوب في عهد ابو متعب تعيش الحمية

حمية الاسلام ماجت بعيوب ماهي حمية ناس بالجاهليه

واللام الاخر لا ماقالها بنوب واللي سأل يعطيه جزل العطيه

الهاء هد جبال ومن باسه تذوب وقت الشدايد مايهاب البليه

رجل يدوس الصعب ويفك مكروب قوله فعل يرقى بنا للعليه

يشهد له التاريخ والفعل مرغوب يومه جمع اخواننا تحت فيه

في وسط مكه جمع قلوب وقلوب جمع ابو عباس ويا هنيه

وتوحدة قلوب وانزاحت ذنوب وحكومة الوحدة رضت بالسويه

واليوم ابومتعب جمع كل يعروب في قمة رياض الزهور الزكيه

باالافتتاحيه كشف كل العيوب قال الخلل واسهب بحل القضيه

رسم طريق المجد وفتح له دروب وبين على وضح النقا كل سيه

شرح ظروف امه تكابدها حروب وفصل امور مااظنه خفيه

الطائفيه شر والحق مسلوب ودعى العراق لشجب هاالطائفيه

بصومالنا الام والاب مرعوب شبابها بالحرب صاروا ضحيه

وبسوداننا دارفور تشقق الثوب الكل فيها منتظر للمنيه

لبنان يشكي والجسد صار معطوب وحال العرب مايسر حال شقيه

لكن ابو متعب دعاهم ولا هوب يصعب علـيه يجمع اخ باخيه

نادى بوحدة صف بنيان مصبوب ونادى بطي اللي مضى الف طيه

صفحه جديده تجعل الحلم محسوب في واقع كله اماني قويه

دام ابومتعب قال ..كلماته تنوب ايه ابشروا بقدوم امه ابيه

حبك يابومتعب فلا منه مهروب لانك زرعت الحب بارض طريه

ماتوب من حب الملك لا ماتوب لنه حفر اسمه بقلبي هنيه

ياللي اعدت الشوف لعيون يعقوب احفظ ابومتعب وسلم يديه

تمت وصلوا عد ماهبت هبوب على نبي مايجي بالخطيه

أنا السّعودي

أنا السّعودي رايتي رمز الإسلام
وأنا العرب واصل العروبة بلادي
وأنا سليل المجد من بدأ الأيام
الناس تشهد لي ويشهد جهادي
دستوري القرآن قانون ونظام
وسنة نبي الله لنا خير هادي
امشي على الدّنيا وأنا رافع الهام
وافخر على العالم وأنا اجْني حصادي
إذا تأخّر بعضهم رحت قدّام
وإذا توارى خايفٍ قمت بادي
إن جيت ساحات الوغَى صرت قدّام
وان صرت بلْحالي فلانيب عادَي
واظهر على غيري إذا صرت بزْحام
عقيد قومٍ بالطّبيعة ريادي

صاحب السمو الملكي الأمير / خالد الفيصل

ألبست شعــــري

البست شعري غتره وبشت وعقال
وخليت تغريب المذاهب لغيري

في ساحتي للفكر مليون مدهـال
وبحري بمكنوز المعَرفـه غزيـرِ


مافي عروقي غير الإسلام مثقـال
أموت واحيا بـه قليـل وْكثيـرِ


اعتـزّ بالاسـلام والعـمّ والخـال
وعلى العروبه والاصالـه أغيـر


آباءنا واجدادنـا ذبّـوا الجـال
والّلي يبي درب المراجل يسيـرِ


موروثنـا مجـدٍ وفخـرٍ ومنهـال
نبني عليـه ونستحـث المسيـرِ


ماني بمفتونٍ بصرعات الاجيـال
مع كـل صيـاحٍ نهـبّ ونطيـرِ


لي رايٍ امشي به ولي عزم رجّال
ولي لابـةٍ إذا بغيـت استشيـرِ


آل السعود الّلي لهم كل ماطـال
ماينزلـون إلا الطويـل العسيـرِ


آل السعود مطّوعـة كـل عيّـال
مايضربـون إلا بسيـفٍ شطـيـرِ


آل السّعود الّلي لهم فيْ وظـلال
وان شدّت الاّيـام غيـمٍ مطيـرِ


صاحب السمو الملكي الأمير / خالد الفيصل

الأرض
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

صاحب السمو الملكي الأمير / بدر بن عبدالمحسن

عزالوطن
الله الأول وعزك ياالوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه .. ودرعه .. وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ظلام الليل لو ساعه
في السلم يشهد لنا عمار الأوطاني
وفي الحرب لأرواحنا للموت بياعه
حنا سياج الوطن عن كل عدواني
والجيش والأمن ساري العز وشراعه


صاحب السمو الملكي الأمير / بدر بن عبدالمحسن