بسم الله الرحمن الرحيم
كيف حالكم يا أعضاء منتدى محشش الكبييييير ؟؟
اليوم اظطريت اني اقول لكم قصة للعبرة و العظة
وليتذكر كل من كان غارق في المعاصي و الذنوب ليتوب الى الله ويسرع بالعودة
ما دام ان باب التوبة مفتوح قبل ان تأتي الحسرة ولا يستطيع الرجوع !
أنا شاب من الرياض عمري 20 عاما
وهذي القصة حصلت لي بالفعل قبل تقريبا ثلاثة سنوات
عندما كنت في السابعة عشر من عمري ،،
وهي تتكلم عن عدة امور اهما اللواط الفاحشة البذيئة ،،
اترككم مع القصة وابدأ :
كنت وقتها ادرس في الثاني ثانوي ومجتهد بدراستي ومبسوط بحياتي
و وعدني ابوي اذا نجحت للسنة الثالثة انه يشتري لي سيارة ،
عاد انا ما صدقت خبر ، طرت من الفرحة وصرت زي ما يقولون :(دافووور )
ومرت الايام وجت الاختبارات ونجحت و لله الحمد بإمتياز ،
وجت المفاجأة الموعودة (( السيارة )) طبعا ، اللي كنت انتظرها
من شهووور .
المهم قال لي الوالد وش السيارة اللي تبيها ؟؟
قلت له : كاامري ما يبي لها كلام !
وجت السيارة و كنت احس اني اسعد انسان بالدنيا !
وتعرفون انتم عيال هالايام يضيعوون مع شي اسمه ((كامري))
وكنت انا مع الاسف من الناس اللي يحبون الورعان ،
وحصل اني حطيت عيني على واحد منهم ، وصار شغلي الشاغل
الا ابي اتعرف عليه بأي طريقة ،
وصرت يوميا امتر بحارتهم راايح جااي ، راايح جاااي
ابيه ينتبه لي ابيه يحس الين قدر الله اني تعرفت لي
على واحد طلع يعرفه ،
كنت ابي اسوي حفلة ذيك الليلة من الفرحة !
ماكنت ادري وش اللي يبي يصير بعدين؟
وصرت احاول بالولد عشان يعرفني عليه ، و المح له ،
الييين وافق ، بس طلب مني شرط ، اني اعطيه شوية فلوس
عشان يسلك لي الوضع مع الورع ، قلت له : ابشر وهذي الفلوس
و من بكرة تواعدنا انا و خويي اني اقابله ويصير الولد معه عشان
يركبون معي و ندور و اتعرف عليه على راحتي ،،،
المهم قابلته على الوعد و كان الورع معه ، وركب خويي و الولد كان
مستحي ويصرف يقول مشغول ومدري ايش المهم اقنعنانه اليين ركب
معنا ، و تعرفت عليه وجلسنا نتمشى و نسولف ، المهم اني ظبت وظعي
مع الورع وكنت احس اني ملكت الكون يوم اني تعرفت عليه مدري ليه؟
من غير شعور كنت احس اني فرحان و مبسوط الى آخر درجة !
المهم صرنا نتواعد كل يوم وصار يركب معي بلحاله ، ونطلع ونروح
ونجي وكنت ما ابي احد غيره و اصرف كل االي اعرفهم عشانه
حتى ان اهلي يدقون علي عشان اوصلهم وانا قريب منهم و اكذب عليهم
و اقول انا بعيييد ما اقدر اجيكم ،،
ويوم من الايام قال لي الورع: ابي اسوق سيارتك ،
ومن غير شعور قلت له : عادي بس كل شي بحقه ،
كنت اتوقع انه يبي يزعل مني و الا يبي يقول لي لا ،
لكنه قالي : خلاص شف لنا مكان زين وسو فيني اللي تبي
بس بشرط انك تخليني اسوق سيارتك وقدام عيال الحارة ،
قلت له : مو مشكلة ،
المهم رحنا لكان بعيد عن البيوت و فعلت فيه الفاحشة !!
كانت هذي اول مرة اسوي فيها الشي هذا وكانت
اخر مرة بعد ،
انا اسمع اخوياي يتكلمون عن اللواط ويمدحونه لي لكن هذولا
رفاق السوء ،
اكتشفت ان اللواط قرف ، كرهته من قلبي حسيت اني بموت من
القرف اللي جاني هذاك اليوم ما صدقت ان الورع نزل من السيارة
يالله صرفته كان ناشب فيني ،
بعد ما كنت انا اللي ادور عليه صار هو اللي يدور علي
وصرت مع ابي اشوف وجهه من ذاك اليوم اللي سويت فيه الفاحشة معه ،
مدري وش اللي جاني بالظبط ، بس هذي الفاحشة وما تسوي ،
المهم صار الولد يدورني و كنت اتهرب منه حتى اخوياي استغربوا من وضعي
بعد ما كنت اتمنى شوفته ،
صرت اكرهه و ابعد عنه ولا ابي اشوف ولا حتى اسمع صوته !
و حصل اني قابلت الورع من غير موعد وكان راكب له مع واحد
و جاء يكلمني و يقول لي ليش صرت تسوي فيني كذا ويترجاني
ويقول انت اللي طلبت من الشي هذا ،
المهم قلت له بالحرف الواحد : انا ما ابيك انت ما اتفهم ؟؟؟
خلاص اللي بيننا انتهى ولا تعرفني ولا اعرفك فاهم ؟؟
قال لي طيب : بس انتظر اللي يبي يجيك .؟
وكنت اضحك واقول له وش تبي تسوي ؟؟
المهم راح الورع ،،
بعد يومين تقريبا جاني شخص من اللي اعرفهم ، وقال لي : انت وش سويت
بالورع ؟؟
قلت له ما سويت شي ، ليش وش اللي صاير ؟؟
قال لي الولد مشتكيك عند الشرطة يقول انك فاعل فيه الفاحشة
و الشرطة تدور عليك الحين ،
نزل علي الخبر زي الصاعقة ، حسيت ان اطرافي يبست ، حتى ما قدرت
اتكلم ،
ورحت ودخلت البيت وسكرت الغرفه علىنفسي وصرت ما اطلع من
البيت فترة يومين تقريبا ،
بعدها كلمني احد اخوياي على الجوال وشرحت له السالفة ، قال لي
طيب خلاص انا بشوف الموضوع و بكلمك ، وياااااليتني ما كلمته !!
دق علي بعد ساعة تقريبا و قال لي ترى الورع عرف مكان بيتكم
يعني لازم تطلع من البيت وتجلس لك في مكان ثاني الين ما تهدأ
الامور شوي !
وجاني الخبر هذا اشد من الخبر الاول !!
اطلع برا بيتنا وين اروح ؟؟
وين انام؟؟؟
وش لون اكل واشرب ؟؟؟
المهم تركت السيارة بالبيت و خليت المفتاح
عشان السيارة بيكون من السهل عليهم انهم يمسكونني بسرعة !
وطلعت من البيت على رجولي و انا اتلفت من الخوف !
وامشي امشي مدري وين انا رايح له بس امشي !
الين شفت لي حديقة و دخلت وجلست فيها وكنت تعبااااان
و قفلت جوالي ونمت بالحديقة وكان هذي أول ليله انام فيها برا
البيت وكانت بداية الضياع !
المهم صحيت الصبح و كلمت خويي صاحب الاقتراحات اللي اقترح
علي اني اترك البيت ، وقلت له اني نمت بالحديقة واني ما اقدر
اصبر على الحالة ذي ،
شوفوا رفيق السوء وش يقول لي ؟؟؟؟؟؟
قال لي وانا وش علي منك ؟؟
انا قايل لك تسوي المشاكل ذي ؟؟؟
المهم جلست اترجاه الين قال لي : خلاص فيه شباب ساكنين
بشقة وانت اسكن معهم ولا تطلع عشان محد يشوفك قلت له طيب
ومرني و وداني للشقة عند الشباب اللي قالي : ودخلت عندهم
و كنت مسكين على نياتي مدري وش السالفة ،
المهم راح خويي وتركني عندهم ، ونمت عندهم اول ليله
و الثانية و الثالثة ،
وبعدين بدأت الامور تبين لي !
اكتشفت انهم راعين حشيش و اسكار وبلاوي !!
وبديت اخاف منهم ، لكن وش اسوي ؟ مجبور على الشي هذا
وبدوا هذولا الشباب يحاولون فيني عشان اطيح في البلاوي هذي
وكنت ارفض ، و لاحتى افكر اني احشش او اني اسكر !
وبعد فترة قصيرة تعودت على اني اشوفهم يسكرون
ويحششون ،
وقلت بنفسي خلني اجرب اذا ما اعجبني الوضع ، تركته ماني خسران شي،
ما كنت اظن اني بغيت اخسر حياتي بسبب التجربة هذي !
المهم جربت اني احشش وكان يزينون لي رفقاء السوء الشي هذا
ويقولون لي اخيرا صرت رجال ؟؟
وصرت مدمن عليها وكنت ما اطلع من الشقة عشان ما تمسكني الشرطة
وكنت احس اني عايش بسجن لكن وش اسوي ؟؟ لازم اني ارضي بالشي هذا !
وفي يوم من الايام بعد ما خلصت الفلوس اللي معي طلبت قلت لهم
ابي زقارة حشييش ،،
وش قالوا لي رفاق السوء ؟؟؟ ((بعد ما كانوا يحاولون يدخلوني عالم المخدرات))
قالوا هات فلوسك ؟
قلت ما معي ؟؟
قالوا مالنا شغل فيك ، دبر فلوس ونعطيك
قلت طيب !
بعدين عرض علي احدهم انه يسوي فيني الفاحشة ويعطيني
اللي انا ابي !
فقمت من غير وعي وضربته على وجهه كف حسيت ان يدي
انكسرت من قوته !
فجأة كل اللي بالشقة العيال قاموا علي !
كلهم كانوا ناوين يسوون فيني الفاحشة الله يلعنهم !
وبسرعة من غير تفكير فتحت الباب وانحشت من الشقة
وصرت اركض و اركض اليييييييييييييييييين ما تعبت وحسيت بالموت وقتها
بس المهم اني قدرت انحاش منهم ،
و جلست لي بمكان بعيد عن الناس اليين جاء الليل وطلعت ورحت ادور لي
على حديقة حتى اني ما ادري انا وين فيه وانا في اي حي بس كل االلي
اعرفه اني امشي ولا ادري وين انا رايح !
ولقيت لي حديقة ونمت فيها الين الصبح !
وقمت الصبح كل الللي افكر فيه وش لون ادبر الحشيشة و الوسكي ؟؟؟
واطلع الجوال واكلم لي كم واحد الين دبروها لي ولا كان معي فلوس
وعطيتهم جوالي بدل الفلوس !! الله يلعن المخدرات ، الله يلعن المخدرات !
المهم و تمر الايام و تخلص العطلة وانا جالس مشرد بالشوارع ،
واهلي مايدرون عني وين انا فيه و هل انا حي ولا ميت وش اللس صار لي ؟؟
الله يهديني بس حتى ما اتصلت عليهم ولا كلمتهم ولا جيتهم !
وحتى ابوي ما بلغ الشرطة عني ولا علم احد اني مختفي
غير عيال عمتي لانهم اقرب ناس لنا ويعرفون اسرارنا زين ونعرف اسرارهم !
وبدأت الدراسة وانا جالس مشرد وضيعت الدراسة على نفسي
وحصل يوم من الايام اني وانا بالشارع قابلت واحد من عيال عمتي
مدري وش اسم الحي اللي كنت فيه الظاهر حي النسيم او زي كذا
بس اذكر اني من اثر المخدرات اللي صرت ادبرها اغلب المرات
بسرقة الجوالات او اي شي عشان ادبرها كنت امشي حافي
من غير حذيان وفي وقت الظهر بالشارع وقابلت ولد عمتي
وجاني وسلم علي وانا مدري من هو جالس ساعة اتذكر من هو ؟
الين عرفته ، وقال لي اهلك يدورونك حرام عليك امك بالمستشفى وابوك تعبان
ليش انت سويت كذا بنفسك ، ؟؟
وانا ما فكرت بشي من اللي قاله على طووول هربت منه
وحاول يلحقني بس ما قدر !
وراح يبشر ابوي علي ايش يبشره ..؟
راح يقول لابوي ابشر ولدك عايش ما مات !
وابوي انبسط وقتها قال طيب وينه ؟؟
وين وليدي؟؟
قال ولد عمتي : انحاش مني لكن بلقاه انشاء الله !
ومرررررت الايام و الشهور وانا عايش مشرد بين خوف من الشرطة
وبين خوف من اني اقابل احد من اهلي لانهم عرفوا السالفةَ!
تخيلووووا !!!!
أربع شهور تقريبا عايش مشرد بالشارع و اهلي ما يدرون ويني
انا عايش انا ميت وش اللي صار علي ؟؟؟؟
وكنت اشحد من الناس فلوس عشان اكل وعشان ادبر المخدرات
و النوم ادور لي اقرب حديقة و انام فيها ،،
وعايش على هالحال !
الين جاء يوم من الايام صحيت من النوم آخر الليل وطلعت من الحديقة
وكنت عطشااان ورحت للمسجد عشان اشرب ماء من البرادة
واذا بسيارة الشرطة كانت مارة من الشارع اللي كنت امشي فيه
وقف و قالي وين اثباتك ؟؟؟
تلعثمت وقلت ما معي ؟
قال وش اللي مطلعك هالوقت و وين ساكن و .. و.. ؟
اسئلة كثيرة حاولت اني انحاش منه لكنه مسكني ،
ووداني للقسم وعرفوني هناك ،
و قالوا لي انت عليك قضية منتب طالع منها بسهولة !
المهم نمت عندهم بالتوقيف وكانت ليله حلوة !
على الاقل لقيت اكل وشرب وضفوني من الشارع ومن الشموس!
ومن بكرة جابوا لي ابوي ، وشافني وجلس يصيح على حالتي
ويقول وينك ياوليدي المدرسة فصلوك السنة ذي منتب دارس ،
ووش انت مسوي بالولد حراام عليك ضيعت سمعتنا !
وانا مدري وش اقول ، بس افكر متى يمشي مليت من كلامه !
أعوذ بالله ، المخدرات تخلي الواحد متبلد و فاقد للإحساس
المهم حولوني على مستشفى الامل لمدة شهر عالجت ،
بعدين رجعت للسجن وحكموا عليه بسنة كاملة ،،
ومع الواسطات ويمين ويسار خفضوها الي ستة شهور ،
لاني انكرت اني مسوي شي بالولد وحاولوا انهم يضغطون
علي لكني اعترفت بالنهاية ، وودوني لدار الاحداث ,
وجلست 6 شهور فيها كانت علي زي 6 سنوات ،
كانت شي مقرف انك تعيش بعزله و بسجن لا تطلع مع الناس
ولا تروح و لا تجي !!
المهم بعد الستة شهور طلعت من الاحداث ولقيت امي مريضة مسكينة
والناس بحارتنا صاروا ينظرون لي نظرة على اني مجرم ،،
وكل هذا بسبب الورع اللي سويت فيه الفاحشة
كل هذا اللي صار لي بسبب اللواط الله يلعن اللواط و الفواحش كلها،
وضاعت علي سنه من عمري من غير اي فايدة اجنيها من هالفعلة اللي سويتها !
واخذت عهد على الله اني اتوب
ولا عاد ارجع للواط ولا عاد افكر بالمخدرات ولا امشي مع اي انسان فاسد
ورجعت لدراستي و لله الحمد ورجعت اموري على ما كانت عليه ،
ودرست ونجحت و الحمد لله و وفقني ربي بأني دخلت الكلية
والي الان وانا ادرس بالكلية ،،
والحمد لله اني قدرت ارجع زي ما كنت الحمد لله اني ما توفيت على ذيك الحال
المزرية !
والحمد لله على كل حال !
هــاذي نــهايتة الواطـ ؟؟
سلااااااااام
العرض العادي
