السلام عليكم ورحمة الله وبركاتــه

عندي دروس خطيرة لا تفوتكم يا بنات .. شوفوا اللي مقهورة, واللي تبي تنتقم , واللي تبي ترفع ضغط أخوها تتبع هالخطوات والله يقويكم...... :36_7_7:


*** عند التلفزيون ***

لا صارت فيه مباراة , والأخ متحمس اقطعي هالحماس وشلون؟!
أنا أقولك ..

شوفي إذا صار مبقق عويناته :36_1_7: وماهو لم احد يعني لو تجيبين صاروخ تفجرينه قدامه ماالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشة ولا تعطينه فرصه يشوف زين ,

لا قال: ابعدي.. قولي منيب فاضيتلك بنظف وامسح ، وبعدين روحي جيبي المكنسة واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

وإذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , وإلا سوي نفسك جالسه وتذكرتي أن الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


*** عند النوم ***

لا صار التمساح يشخر... نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على رأسه .. تخبرين أطفالنا أحباب الله خخخخخخخ

وإلا تعالي وهو في سابع نومه وارجفيه ذيك الرجفة اللي يفز مايدري عن نفسه إلا وهو جالس وبكل برود قوليله نبي نطلع ..


*** إذا المزاج صفر ***

إذا شفتيه ماله خلق ومو رايق ومقفلة معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفة... ماتدرين السالفة يا غالب يا مغلوب خخخخخخخخ

المهم.. اضحكي على شكله وإلا على جلسته وإلا على لبسه.. هو بيقول ترى منيب رايق اذلفي عني , أنتي لا تسكتين قوليله وإذا ماذلفت وش بيصير؟؟

عاد هو بيقوم ويورك وش بيصير على سنع انتي في هالوقت اقضبي أول درجتين توصلك لغرفتك وطلي عليه من فوق و قوليله ههههههههههههاااااي أهم شيء رفعت ضغطك وقومتك من جلستك !!


*** وقت الطقاق ***

لا جاء يوم وبراسك حرش وتبين تتطاقين انتي والتمساح لازم تجهزين نفسك من كل ناحية:

1/ اللبس: لازم تلبسين سبورت علشان يسهل الركض


2/ شعرك لازم تلمينه وتسوين حفله براسك ذاك اليوم تحطين أنواع الشباصات والمغاطات وانتبهي ولا خصلة تنزل منك,

ويا ليت يكون ذاك اليوم حاطه براسك حناء علشان مايتجرأ ويلمس شعرك خخخخخخخ

3/ مفتاح الغرفة خليه عندك الاحتياط واجب

إذا بدت المعركة حطي راسك براسه ولا تبينين له انك خايفه وبققي عويناتك فيه

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويا دار مادخلك شر بس نصيحة اقعدي يومين لايشوفك ولا تشوفينه لأنه يبي ينتقم لكرامته وبيوريك النجوم في القايله ..



***على فكرة أنا مالي خص إذا صار لكم شي *****
خخخخخخخخخخخخخخخخخخخخخخخ

طهياتي:
مهبولة100ٌ%:36_3_11: