فتحت صفحة محشش .. ولكن لم استطع الدخول بينكم فعلياً كما اعتادت اسرة الدكه ..
احاول اجرب اخطو .. لاسبيل للأقدام نهائياً !!
وانا حائر وتائه وقعت عيناي على اعلان لاحد المواقع موجود في صفحة محشش ..
ولاشعورياً ماوسي وقع على الاعلان وتجرأ بقدرة القادر وفتح الموقع !!
وأذ أجد نفسي في منتدى وفي قسم أستشارات طبيه يترأسه طبيب فوق المحترم .. طبيب حقيقتاً يبحث عن المساعده ومد يد العون بكل أخلاص وأمانه ..
الله يرفع من شأنه ويجعل اعماله في موازين حسناته .
عرضت عليه المشكله وسين وجيم بيني وبينه واخذ وعطي بيني وبينه وكان في متابعه وتواصل في ردودنا الين انتهينا ووجهني لأكثر من طبيب .. وذكرلي من بينهم مستشفى السعودي الألماني بجده ان عندهم كادر ممتاز جداً ..
رحت للمستشفى وحجزت عند طبيب استشاري أمراض الكبد الوبائي .. وعرضت عليه المشكله وعرضت عليه التحاليل اللي قالت اني مريض بالكبد الوبائي
( من مستشفى حكومي )
قال الطبيب فعلاً التحاليل اللي معاك تقول ان معك فايروس الكبد الوبائي .. ولكن ماهو موضح درجة الفايروس وهل هو خامل او نشط وهل هو كذا او كذا .. الخ
وانت تحتاج بالفعل لتحاليل اقوى خاصه بوظائف الكبد والدم علشان نعرف نوع الفايروس ودرجته .. الخ
طيب يادكتور انا تحت امركـ .. ماجيتكـ هنا الا للعلاج
ولعمل التحاليل .. لكن ودي اسألك يادكتور !
الدكتور : تفضل !!
انا على وشك زواج ونفسي اتطمن .. هل المرض هذا يعيق زواجي ؟
الدكتور : على حسب النوع ودرجته !!
يعني ممكن يعيقني ؟ ويعني المفروض اني اوقف وما اكمل في الزواج صح يادكتور ؟
الدكتور : ان شاء الله مايعيق .. لكن طبعاً انا لو مكانكـ كنت حوقف امور الزواج الين اشوف ..
وعلى فكرهـ المأذون مستحيل يملكلكـ بتحاليل مثل هذي !!
لان المأذون وقت العقد حيطلب منك تحاليل !!
طيب يادكتور .. الله يسهل امرنا
تمينا نبدأ في التحاليل يادكتور على بركة الله
سويت التحاليل وقال المختبر هذي التحاليل ماتطلع نتايجها الا بعد عشره ايام لانه تحليل شبه شامل ودقيق !!
يالله !! عشره ايام .. يعني كمان عشره ايام في قلق وتعب وهموم !!
ابغى انسى خلاص !! ماعاد اقدر على الصراع اللي فيني !!
( وكعادته ابن اختي .. رتب على كتفي وقال مشينا والله بيسهلها عشره ايام تروح بلمح البصر ان شاء الله ! )
بالكاد سحبت نفسي من المستشفى وعدت للبيت .. وكأن نفسي كانت تريد ان تبقى في المختبر لترى النتيجه لا لتبقى في البيت !!
عدت للبيت ومن وقتها وانا اتلو الصلوات والدعوات بأن يرفع عني رب العباد .
اليوم الأربعاء .. وأمس الثلاثاء مساءً كان موعد الطبيب لمعرفة النتيجه والبدأ في العلاج ..
ذهبت للمستشفى ومعي ابن اختي .. من شدة لهفتي مررت على المختبر اولاً وسألت النيرس قلتلهم انا سويت تحليل وكذا وموعده اليوم وودي اشوف النتيجه !
قال النيرس النتيجه في ملفك ماهي عندنا وقت موعدك بتحصلها في ملفك عند الطبيب !!
قلتلهم عارف .. وانا موعدي الحين بس ودي اتطمن قبل اطلع للطبيب .. شيكو على كشف النتائج او السجلات او اي شي :(
سحبني ولد اختي وقالي وراك عجول يبن الحلال الحين بنطلع ونعرف كل شي .. تراك اذيت الناس !
طلعنا للطبيب وانتظرنا الموعد .. جاء الموعد وجاتنا الممرضه ونادت بالاسم .. دخلنا على الطبيب ..
كيفك يادكتور اخبارك .. تكفى يادكتور عجل عطني النتيجه ترى ماعاد فيني صبر :(
الدكتور ادخل رقمي الطبي في الكمبيوتر وانفتحت صفحة ملفي .. جلس يقرا ويقرا ويقرا !!
الدكتور : انت وين عملت تحليلك الاول ؟
في المستشفى الفلاني الحكومي يادكتور !!
( طبعاً في غرفة الطبيب كان موجود الطبيب وممرضه وانا وولد اختي فقط )
الدكتور وهو يعيد ظهره على كرسيه المريح الهزاز وينظر لي وعلى وجهه ابتسامه منتظره ردة فعل !!
قال : بعد التحليل الدقيق اللي سويناهـ لكـ واللي نتيجته واضحه امامي على شاشة الكمبيوتر أنكـ أحسن واحـد في الغرفه الان يملك كبد ولله الحمد جميع وظائفها تعمل .. ( وأخذ يستطرد ) والدم عندكـ ماشاء الله تباركـ الله مورد ومنتج ومن هم مثلكـ تبحث عنهم بنوكـ الدم !!
انفاسي محتبسه خائفه تخرج .. والابتسامه لا سبيل ان ترتسم .. ( قاطعت افكاري وهواجيسي ومحاولة الفرح والسعاده بالظهور على محياي بسبب اصراري على أنتظار كلمة " لكن " من الطبيب ) !!
وقلت للطبيب : ولكن !!؟ الا يوجد " لكن " يادكتور ؟
الطبيب : بصراحه فيه لكن :(
( بدهشه قويه وخوف ورعب .. والممرضه وابن اختي صامتين من اول حرف بدأ ينطق به الطبيب .. غير انهم متابعين لحوارنا انا والطبيب .. وكلاً منهم مرتقب ردة فعل مني )
لكن ايش يادكتور !!؟
الطبيب : لكن لازم ياعبدالله أكون أحد المدعوين في زفافك بأذن الله ( قالها وهو كأنه يعتذر عن مداعبته بـ لكن )
وقتها عادت " هنـد " للحياة مجدداً ترقص وتلهو مع دميتها الصغيرة امام ناظري تنتظر ان ترتمي على احضاني وتقبلني ..
*
*
*
--------------------
هذا ماحصل معي بالأمس واعادني ولله الحمد لكم
--------------------
*
*
*
( واما بنعمة ربكـ فحدث )
اللهم لك الحمد والشكر كماينبغي لجلال وجهك وعظيم سلطانكـ ..
*************
لن أحصر .. أنتقي ماشئت من فائده في سطوري
ولكـ الحريه بالقراءه فقط أو مع المشاركه .
تشاااااو
وعـادت هند للحياة مره اخرى !!
اليوم
العرض العادي
