سيبتهـــــــــــــــــا ليه ؟!

fr3un · 09 Apr 2008, 01:52 AM

زمــــــــان كان فيه أخ أو أخت داعية إلى الله لكل من حوله كان أول محس بلذة الرجوع لربه وبلذة القرب منه وأخد الخطوات إلى تقربه فى الطريق لربه وأصحابه وأهله وكل اللى حواليه كانوا يسألوه ليه كده إيه إللى خلاك تعمل كده كان أخونا أو أختنا يتكلم عن المعانى الجميله إلى هوه حاسسها وإزاى قيام الليل جميل وإزاى حلاوة الذل لله فى الدعاء فى سجوده وإذا إنه كان محروم من لذة القرأن بألأغانى وإزاى وإزاى ....إلى كل المعانى الجميلة إللى كلنا بنحس بيها فى اول إلتزامنا وقربنا من ربنا ... كنت تلا قى ( الأخ أو الأخت) متقدرش تقعد أو يقعد وفى معصيه موجوده قدامها أو قدامه يا غما يتكلم ويبين الغلط أو يقعد ساكت و لو قعد يبقى متضايق من المعصية ومن المكان ومن وجوده فيه .... ( كان داعيه من غير ما يحس) ..إزاى ؟؟... كانت دعوته لكل إللى حواليه بالمعانى الإيمانية إللى هوه حاسسها وعايشها... كان بيحكيلهم عن إللى بيحبه بجد

وفترة من الزمن ....تقوله يا اخى أنزل كلم الناس سيبك من كل العوائق إللى حواليك ولا عايز تبقى من أصحاب { وإن تتولوا يستبدل قوما غيركم ثم لا يكونا أمثالكم} ... (يقولك مش قادر أنا ضعيف / أنا عايز إللى يدعينى أصلا / إسكت دعوة مين انت متعرفش حاجه عنى ربنا يسترنى) ...وتلاقى الأخ ولا فرقت معاه منكر مش منكر ... أغانى فى ميكروباص او تاكسى ولا بنت واقفه مع ولد فى أحد وقفات السفاله المعتاده ولا كلام ولا أى حاجه مكسوف يتكلم أو خايف يترد عليه بكلمه تزعله أو تنزل من قيمته ( وكأن نفسه أرفع قدرا من نفس النبى إللى كان عمه بيمشى وراه فى أسواق مكه ويقول لا تسمعوا له إنه كذاب) ...وفهم { لا يضركم من ضل إذا إهتديم} على حسب ما هواه فهمه إنه مادام هوه كويس يبقى كله تمام ... ويمشى فى طريق نقصان الإيمان للحضيض ...

نقولك يا اخى وأنا أسف عليك ... المعانى إللى أنت عيشتها فى أول إلتزامك لما راحت منك معتش عارف تكلم الناس عن حاجه لأنك معتش حاسس باللى أنت كنت حاسس بيه فى أول إلتزامك .. ووهمت نفسك بالضعف وحد العلم وحد التربيه ... ولا أنت حتى سعيت لحد العلم او التربيه إللى تتحرك بيه بين الناس ...أخاف عليك من أية { رضوا بأن يكونوا مع الخوالف }.... وخايف عليك من الكذب وتقولى أنا نفسى أدعو أصلح نفسى وتطلع الأية التانية { ولو أرادوا الخروج لأعدوا له عدة}....

كنا دايما بندرس فى كلية التجارة فى الإقتصاد فى الطلب إن الطلب بيوجد مع وجود المستهلكين الراغبين و القادرين على الشراء ... فالجنة موجوده وولكن هل هناك راغبين أو قادرين ....قد يكون هناك راغبين زى إنسان عايز يشترى عربية غاليه ( bmw) بس ممعاهوش فلوسها هيشتريها إزاى ... وانت عايز الجنه معاك إيه عشان تدخلها ؟؟!!

أسيبك تراجع حساباتك .... وتنظر فى حالك وتاخد خطوة عملية تنصر بيها دين ربك إلى كلنا بندعى حبه ولا أجد ما أقول لى ولكم إلا (أفلح إن صدق) أفلحنا إن صدقنا فى حبنا لربنا ولرسولنا ولعملنا لدين ربنا ...

سيبتهـــــــــــــــــا ليه ؟!

دكــــــة الـنـكـــــــس (( خـش ومـش ))