الغش ( اللي بالي بالكم )؟؟؟؟؟

المالكي · 10 Apr 2006, 08:32 AM

الغش ( ألي بالي بالكم ) تعريفاً وصياغة

نتحدث اليوم عن الغش المدرسي علماً أن له من الإيجابيات الكثير فعلى سبيل المثال لا الحصر >>> أدعس يا إيجابيات

أولاً: تعريف الغش/ هو وسيلة لتخطي مرحلة من الاختبارات بطريقة ترضي الطرفين الطالب والمدرس متجاهلين الإدارة.

( خلونا نأخذ إيجابياتها و سلبياتها و وهقاتها بالعامية )

ثانياً: الإيجابيات:

1-يعني بدل ما يجلس المدرس فاضي ما عنده شغل وقت الاختبار الطالب يشغل أهله.
2-ومثلكم عارفين أن الجار له حق وإذا كان محتاج لازم ما تتردد عنه.
3-وكله كوم والصداقات ألي راح تكسبها من هالموضوع.
4-لا وإذا أنمسكت راح تكون مشهور وصورك راح تتعلق في كل الأماكن.
5-ومنها ما يلحقون عيال خالتك على الطق لأنهم بيكونون مشغولين في الاختبارات.
6-وترتاح من انتظار الشهادة والتوتر العصبي والنفسي ونظرات أهلك في البيت ووين ما تروح تسمع السؤال
المعتاد.... هاه بشر إنشاء الله نجحت .... وأنت تتميلح وتقول ( إنشاء الله ).
7-وبالمرة أجمع الدروس نفسها والدفاتر وتنظفها وترفعها عشان السنة الجايه.
8-وتكون السنة الجايه خلاص عارف المدرسين ويخلونك عريف الفصل و الدبوس بحكم الأقدميه.
9-تطوير مواهب الابتكار في أساليب الغش والرقي بها إلى أعلى المستويات.
10-سرعة عمل المخ خمسين تريليون عقدة في الدقيقة.

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ

ثالثاً: سلبياتها و وهقاتها:

1-ضعف النظر من القز والبحلقة ويتعب النظر زيادة إذا كان خط خويك فرعوني.
2-ألام في الرقبة والوسط ( الخصر ) للحركات المفاجأة إذا كان المدرس مشغول.
3-اضطراب نفسي وعصبي على حسب الحالة يا إذا كان الواحد جديد أو المدرس شديد.
4-وضع كبش فداء في حالة المدرس مسك واحد وقاله من معك ... عاد تجي الحركات قدام الشباب يرد على
المدرس... ما فيه معي... ويغريه الأستاذ بالنجاح وهو يرفض.... ( أخلاق المهنة ).
5-إذا كان الاختبار إنجليزي وأبو الشباب ما عنده سالفة من الغباء ينقل أسم خويه ( ترى موب أنا )
6-إذا كان ألي قدامك ( دافور ) وأنت تنغزه وهو مطنش وتحاول تطل ويغطي... هنا ودك يسمحون بدخول
النبيطه القصيميه وألا .... يا شفاااااااااط هذي لك وللبركس صديقي !!!
7-وصراحة وهقة إذا كان المدرس مسوي حركة أسئلة ( أ ، ب ) ولا علمكم وأنت قاعد تشف ألي في ورقة خويك
وجابك المدرس من بكره أنت وخويك وقالكم من ألي نقل من الثاني وأنت عاد تأخذك الحمية والدفاع عن
خويك وتقول أنا ... عاد يا يعطيك الحالك صفر أو أثنينكم.

تقبلو تحياتي اخوووكم المالكي

زعيم المحششين · 10 Apr 2006, 08:38 AM

5-إذا كان الاختبار إنجليزي وأبو الشباب ما عنده سالفة من الغباء ينقل أسم خويه ( ترى موب أنا )

ههههههههههههههههههه

والله حصلت كثييييييييييييييييييييييييير ينقل اسم خويه بالنص وهو مايدري انه كشف

نفسه بنفسه

بجد وسعت صدري بموضوووووووووعك يامالكي

ويسلمووووووووووووو على الموضوع الراااااااااااااااااائع كصاحبه

تحياتي لك

اخوك : زعيييييييييييييييييييييييييييييييم

كيكة فول · 10 Apr 2006, 07:14 PM

هههههههههههه

والله أنه كلنا سرنا نغش مايعدي اختبار الا ولازم أكون غشيت سهل صعب لازم اغش

يسلمووووو على الموضوع الله يعطيك العافية

.........................

زينة ابيها · 13 Apr 2006, 05:17 PM

هههههههههههههههههههه
و الله معلومات مهمة للغش
خزنتهة علشان تفيدني بالمستقبل

Nks · 15 Apr 2006, 06:07 PM

.....ههههههههههههههههه....يعطيك العافيه يالمالكي.

بس شف يالمالكي هالطريقه وهي للاسف أمريكيه الصنع.

أيام الكليه كانت جميع أختباراتنا بهذه الطريقه(open Book يعني ما أنت فاهم عزالله ماحليت....تقدر تجيب معك جميع مذكراتك وتتصفحها بالقاعه مع وجود مراقب واحد فقط ويسمح لك بأن تستعين بواحد أو أثنين من زملاءك.
بس طريقة الاسئله غير الموجوده بمراجع الماده ولكن الاجابه موجوده وأن لم تكن فاهم الاجابه وما تعنيه يعنى مو حافظ صم فسوف تجيب والعكس صحيح.

جرب الطريقه يالمالكي وبتوفيق.....لك عزيزي.

Mag8oo3h · 16 Apr 2006, 05:57 PM

ههههههههههههههه
يعطيك العافية على الموضوع يسلمو
والغــــــــــــــش سار دحين زي السلام عليكم وانا أولهم ههههههههههههههه

.................................................. ...
ô§ô¤* Mag8oo3h*¤ô§ô¤

نونة جدة · 18 Apr 2006, 05:14 PM

السلام عليكم ....
مشكر اخوي المالكي على الموضوع الفكاهي الرائع انت حتقول فيها اهو احنا خلصنا اختبارات نصفية صرلنا اسبوعين وطبعا اكيد دخل في الموضوع شي اسمو غش شوف انا اني اعتمد على الغش وما اذاكر شي لا .
انا اذاكر كويس بس عندي طبع لازم بكل اختبار انسى شي واكون حافظته صم بس انساه بالاختبار فيعني.... احم احم يعني اطر اطر اني اغش وعاد انواع الغش كلها تجيني وقت ما اطلب :اللي تبرشملي على يدها واللي عالطاولة واللي ترفعلي الورقة.....الخ .
المهم انا الحمد الله عمري ما انكشفت بس انا من رايي حرام وحدة تكون حالة كل شي وتغلط ربع ولا نص عشان نسيت معلومة بسيطة يعني الله يخلي الصحبات الدوااااااااااااااافير و الصديق وقت الضيق والحاجة لوووووووووووووووول

سووووووووووووووووووووووووووووووووووووري مرة عالاطالة .

مخموووش · 18 Apr 2006, 06:59 PM

خخخخخخخخخخخخ
يعطيك العافية أخوي المالكي
والله الغش لازم وخاصة في مادة الانجليزي بس الله لا يوريك بي درجتي الاسبوع الماضي أختبرت أنجليزي وعتمدت على صديقي وجبت درجة أعوووذ بي الله 18 من 30

اااااااااااااااااااااااااااااااااااااااااااااااااا ااااااء أبكي انا ابكي يا ليتني ما غشيت وجبت صفر

عموما مشكووور اخووي

الغش ( اللي بالي بالكم )؟؟؟؟؟

التحشيش العام