وتبقى "ست الصبح" .. بانتظار صبحٍ لا يجيء !

،

،





،

،


تخيل إننا هالحين ست الصبح !

وأنا من أربع أنتظركـ !

على ميعادنا كل يوم

على خبري على خبركـ !

وتخيل من هذاكـ الصبح

إلين اليوم ..!

كم مرّ صبح ؟!

وكم مرّ عام ..؟!

دخيل مرايتي يكفي

ملامح انتظاري قُبح !

بربكـ كيف انت تنام ؟!

وَ أنا ليلي أمنّي نفسي بـ فجر وملامح شمس !

وأنا صبحي متعلق ... والعقارب واقفة ع الـ خمس !

وَ ...

خمس

وَ ..... ست !!

وشف كم عــــــــااااام ..

ولاجاء بخاطِركـ إني على جال انتظاري شبت !

ولا جاء بخاطِركـ إني بغيابكـ غبت !

دخيل الساعه لا توقف ..

وأنا أتعذب بـ جمري !

دخيل الساعه لا تمشي

مشى عمري !

وَ ... ست

وَ .....

سبع........!

وغدركـ طبع

ياخلّي !

وَ .. ثمان

ياااااااااااارب ..

رغم بعدكـ ... هوااكـ إدماان !!

وَ .. تسع توقيتها بينكـ!

تعب ...

وينكـ؟!

وجع..

وينكـ..؟!

شف كم عام يا ظالم !

سهر ماذاقته عينكـ !

وَ ..عشر من عمر مايجفاكـ؟

عشر أشعلتها شمع و دمع

ما كفّاكـ ؟!

ألمّ..

ملّيت شكل الباب .. ملّ عيوني الشبّاكـ !

قهر ..

كم راح من عمر اللقاء ..؟!

يومين .. ساعه .. شهر ..؟!

وَ.....

مرّ الدهر !

وانت بعيد ..

وأنا دونكـ قضى عمري وعيوني معلقه ع الوقت !

جريمة انتظاري ..

تبت !

وبقى في العمر بس يومين ..

وأنا مدري

بهم أبكيكـ ..

أو

أبكي قلب يبكيكـ

وإلا ألعن الاثنين !
















تخيل إننا لـ الحين ست الصبح !