السلام عليكم ورحمة الله على الجميع عشان محد يزعل ويقول وراك ماسلمت علي .<<<<<<تكفى يالعصبي اقول اخلص علينا بس.....


المهم خلوني ادخل سيدة في الموضوع عشان ما أطول عليكم ولا على نفسي>>>(وش عنده المهم.......طول الوقت دوران وتقشيم فصفص) لأنه باقي وراي أنواع المشاوير>>>>(طيب وش مجلسك ياروحي)

فيه كلمات وعبارات كثيرة انتشرت بين الناس وأكثرهم يقولها وهو مايدري وش معناها وهي أصلا حرام وبعضها يؤدي للشرك والعياذ بالله ومنها:

-بعضهم يقول(الدين لب وقشور) وهذا مايجوز لأنه المعروف ان القشور مافيها فائدة بينما الدين كله فائدة.

-بعضهم يقول(فلان شكله غلط) وهذا مايجوز لأن اللي خلقه رب العالمين عز وجل وأنت تصير تسخر من خلقة رب العالمين

-البعض إذا جاء زواج وشاف المعرس>>>>>(يالله وأنا طالبك جعلي أعرس قريب) قاله بالرفاه والبنين وهذا مايجوز لانها تهنئة أهل الجاهلية أولا ولأنه ذكر البنين دون البنات ثانيا وهذا فيه تكريم للمرأة في الاسلام>>>>(بعدين تجونا يالحريم وتقولون نطالب بحقوق المراة........نبي نسوق.....ونبي ونبي>>>شكله يبي ينطق)

-قول بعضهم(أدام الله أيامك) وهذا مايجوز لانه من الاعتداء في الدعاء ولانه دوام الايام من المستحيل والدائم هوه الله كما قال رب العالمين((كل من عليها فان ويبقى وجه ربك ذو الجلال والإكرام))

-بعضهم اذا جا يسولف قال(يعلم الله أني فعلت كذا) وهذا مايجوز لانه لو كان يكذب فإنه يتهم رب العالمين بالجهل والعياذ بالله

-بعضهم إذا جيت تنصحه وهو على منكر ولا معصية قال(أنا حر في تصرفاتي ) وهذا مايجوز لأنه مافيه أحد حر في المعصية أولا وثانيا لأنه قال انه حر ومعناه انه قبل مايكون حر كان عبد او مقيد وهذا معناه انه كان خرج من تقييد عبودية الله له الى حرية الشيطان والعياذ بالله



ودمتم سالمين>>>>>>مسوي مهم انت ووجهك قصدي يالله نشوفكم على خير