بنجووووووور بأحلى بخوور

حياكم الله يابعد تسبدي وهالموضوع إهداء من القمر ((عـــذاب)) الــى كل الحلا والزين (( دقات قلبه ))



(( أرتكبت جريمه يوم تسان عمــري ياعمري 18 سنــه ))

اكيد كل مننا مسوي له جريمه لاحد يجحد يا تسذبه كبيره يا ترجيم على عيال الجيرن يا سرقه ياخطف""" لكن مثل جريمتي ما اعتقد احد سواها خصوصا البنات:inlove: بقولكم سالفتي ويعلو على وجنتي الاحمرار من الفشيله والخزي :blu:مره انا ومامي رايحين للمستشفى كان عندها موعد وانا مخاويتها بزعم سنعه (من جنبها :ma:) خلصنا ورجعنا للبيت وكانت الساعه 10 صباح وكل اللي بالبيت موب موجودين باستثناء الشغالات واخوي عزوز ماراح للمدرسه سلمكم الله السواق نزلنا عند باب بيتنا وحط رجله يروح يجيب مقاضي موصيه اخوي فهدالمراد ابي افتح باب الشارع ادور المفتاح موب موجود في شنطتي """واسال امي تقول ماجبت غير البوك والجوال [البوك =محفظه ماليه]<---سجلوا عندكم:loool:

قلت في (ذاتي )هلاهلا قالت امي وش فيتس قلت هاه وابلع ريقي واتلفت يمين ويسار قامطه من الوالده (لانها ان عصبت ماعاد تشوف الدرب )قلت يمه المفتاح موب معي قالت وشو مادري الا شنطتها اللي تسنه بلكه تمشي مليون وتلصقها في جبهتي <---اليمه الضربه خصوصا لاجتك على غفله:punch: واروح ادق الجرس محد حولنا ادق على البيت محد يرد وادق على عزوز برضو احلى سيفون ونومه وانا والوالده في الشارع وخزيااه:36_1_38: قمت اناظر يمين يسار قلت يابنت محد حولتس نزلت عباتي على كتفي وتلطمت بالطرحه واتسلق على الباب بحكم الزخارف مساعدتني اتسلق تسني طرزان <----متخلين الوضع"""

المهم ياطويلين العمر والسلامه على بالي مجازفه واصله نص المرحله الاوهي َ الوصول الي القمه خذت نفس وتوني بنزل واتمقل زين اناظر جهة الباب من داخل مافيه زخارف يعني توهقت ما فيه الا اطب وبيني وبينكم المساحه شوي طويله وصرت منسدحه فوق الجدار ياتسبديه وينك ياسبايدر مان:36_1_38: قلت يماااه امي تضحك ونفس الوقت ودها تصفقني لانها مادرت عني وانا اتسلق خنقتني العبره عاد شفت ابو جيران طلع من بيتهم من الروعه مادريت الا وانا خابطه على خشتي والغبار على عباتي ويدي تمخشت ( خدووش ) كنها خريطه لو يجي كراني بفلها :ma:<--- ياهالكراني اللي ذابحتس

المووهم افتح الباب والوالده قلت شكلها يتصطرني لقيتها فاقعه ضحك قلت يمه هذا جزاي اجازف وابر فيتس قالت ادخلي يالخبله وحسابتس جووا :mad: <--- ماتحطمت ابد بس هذا جريمتي اللي كل من درى عنها تحمد ربه على نعمة العقل وانتم بعد تحمدوا ربكم ترى الهزوه بلوه :frown:


-----------------------

(( وخزيــــــــــــــــــــــــــــــاااااااااه ))

اذكر العام كنت بزور اخوي فوفو في مستشفى العسكري كان مسوي حادث وكان مره تعبان عاد كان وقتها علي اختبارات كل اهلي سلموا عليه الا انا لان اكون لما يروحون نايمه المهم جاء يوم قلت والله لاروح اسلم عليه لازم اشوف اوخيي ودقت على اخوي عزوزي قلت تعال ودني بروح اسلم على قال خلي السوق قلت مايدل ولا معي احد بيروح جاء وخذني وكان لابس كت وشورت:ea: لانه كان يلعب كوره يوم دخلنا قال ممنوع يااخوي هالزي اللي انت لابسه :ma:عاد انا شطحة السالفه قلت وين غرفه رقم **** وصف لي المكان وقلت لعزوز خلاص انتظرني في السياره بسلم عليه وانزل ماراح اطول^_^ المهم رقيت وشفته سلمت عليه وقطع قلبي بحاله وكنت اسولف معه واسأله كيف صار الحادث ومن كان معه المهم كنت مره متاثره بس اكابر ولا ابين له حزني:36_1_38: وكل كلمه والثانيه اقوله ياعمري ياعمري:frown: المهم دق عزوز قال يالله بسرعه انزلي قلت طيب وسلمت على اخوي وحبيت راسه ماامداني اصكر الستاره عليه الا ودموعي تصبصب اربع اربع:36_1_38: طبعا كان جنبه شايب بينهم ستاره تفصلهم المهم اناا طلعت ولازم امر من عند الشايب لانهم بغرفه وحده المهم كان قدام سرير هالشايب كنبه وكان جالس عليها رجال الظاهر انه ولده وكان حاط يده على راسه شكله ضايق صدره وانا اجيكم مدرعمه مااشوف الدرب من الدموع واوطي رجل الرجال انا حسيت بمطبه واتمقل زين """الا والقي رجل الرجال راحت فيها:ma: وانا لا شعوري قلت ياعمري اسفه:36_1_5: هو طارت عيونه وش ذي اللي تقول ياعمري انا ماعاد ادري اصيح على موقف اخوي والا اللي وطيت رجله والا قايله له ياعمري (التماااس في المشاعر :bi:)المهم احط رجلي مع الاصانصير الا ويلحقني الرجال انا قمت اتنافض وش يبي ذا يلاحقني من الروعه نزلت اخررر دور :bi:واطلع الا وش هالمكان الغريب اذكر ماجيت من هنا """ويطلع لي سكيورتي ويبتسم في وجهي ويقول انت وش جابك هنا قلت ابي اطلع:خجلان: قال كم تعطيني واعلمك:ma: <----- ينكت ويا جبهته اللي تسنه مدراج ملعب :ma:
قال ثاني مره لا تضغطين الا رقم واحد قلت شكرأ واحط رجلي واطلع ماصدقت يوم لقيت سيارتنا قال اخوي هااه انبسطي يوم شفتي فهد قلت الحمدلله:36_1_5: <---وفي نفسي والله لو تدري وش صار لي تفصل رقبتي عن جسمي:bi: ,,


عاد الحين دوركم يابعدي اسدحوا لنا مواقفكم تحسونها جريمه ولكن بعفويه:big: <--- تبرر موقفها

طبعا مايحلي الموضوع الا بطلاتكم يالغالين

احلى تحيه عسكريه


عذووووبه هانم:cool: