اهلاً بكم في عالمي << بلا مصالة من اولها يرحم والديك
بخش في الموضوع كومبليت << ياشين اللي يسمع كلمه ومايدري متى تنكتب

لي 3 ايام اتسدح في السطح واطالع في السماء ومنها امسح بلاط السطح بظهري ومنها اسوي حمام شمس << حمام شمس مين انت وجلدك اللي كنه جلد فيل

خذتني الهواجيس وقمت اركز في الشمس ابي اعزل شكلها الدائري في عز الظهر ! وقمت اعاطس الين صار خشمي يتقلقع كنه ضرس بزر
وصار لي يوم ماشوف اللي قدامي طبع قرص الشمس في عيوني وانا مفتح وانا مغمض نفس الشيء اشوفها بكل مكان حتى وانا متغطي بالبطاينة

ادري اغلبكم يقول وشدخلنا الحين !!!
اللي دخلكم يا عيال بليس هو الأتي <<< خير وراك قلبت عليهم الحين !

لما عشت هاليوم كله ماغابت الشمس عندي وقعدت مصبح كل اليوم والناس نايمين وانا لابسن ثوبي وطالعن للعمل الساعة 3 الفجر احسب الدنيا نهار
دعيت على الشمس وقلت جعلتس تنكسرين ان شاء الله << نجفه مهيب شمس

يوم طابت عيني وقعدت بورقه وقلم وقمت اخطط كيف اكسر الشمس وانهي الدنيا منها << لعن الله ابو شاربك ياشيخ
مالقيت شيء يقدر عليها الا اني اخلي القمر يقابلها وجه لوجه ويتلازخون ويتكسرون كلهم !!
لاني جبت البندق وقمت اثور وماش ماوصلها الرصاص << ليت رصاصه رجعت عليك وفكتنا منك
قمت ووقفت ساعتي على الساعة 12 عشان تثبت الشمس في مكانها الين يطلع القمر <<< اذكى بغل في الوجود
ويوم قعدت ساعتين فكيت الساعة عشان تكمل الشمس طريقها وعشان يتقابعون في التقاطع اللي يمرون معه << شارع التحلية مهوب السماء "

وابتسمت ابتسامة بليس وقمت افرك في يديني واناظرها واطلع صوت ضحكة دركولا واقول هيّن ثواني بس ونسمع تكسر القزاز يانذله
وانا قاعد اتخيل الوضع واتخيل ان الكره الارضيه بتمتلي كسر قزاز وبيتجرحون الناس وبتمتلي سطوح العالم قزاز وبيدعون علي العجز !!
والشغالات بينكرفن وقفت برهه << لو مايجي من هالموضوع الا هالكلمه تيزي

قلت خلني افكر في بكره وشلون بنعيش !!
والله واتذكر محل ابو زميلي حق نظارات شمسية وعايشين عليه !! وقلت بكره بيخسر ومحدن شاري منه لان معد فيه شمس وبيجي يتسلف مني وبيشغلني في نفسي

واتخيل ان الدنيا ضلام ومكاين الكهرب مهيب متحمله طول العمر تشتغل وبتطفى وبنصير ضلمه في ضلمه ومعد اقدر اشوف زوجتي اذا جيت ابوسها مع اذنها
<< نفسه يعرس عشان يعض شحمة الاذن ويصرخ في اذن زوجته عشان تطن <<< طن الله راسك يا الوصخ يالقذر

تخيلت ان العالم بيصيرون كلهم يشتغلون اوفر تايم 24 ساعة لانهم معد يقدرون يحددون وقت الدوام الرسمي من الاوفر تايم

تذكرت ان الشمس هي اللي تفوّح موية البحر وتجيب المطر <<< يجيبه ربك يا حمار كان هذا كبرك وتسمي عملية التبخر تفويّح
وطبعاً اذا ما امطرت مايطلع فقع ولا يربعن الضبان << ولا ماقلت مايطلع شجر وينتهي الاكسجين يا ثور !!

لذالك ابيكم تتخيلون معي وشلون بنصير بدون شمس !!
انا الحقيقه من الروعة قمت وقدمت ساعتي ساعتين لقدام ورجعت الوضع على ماهو عليه والحمدلله مرت بسلام
لكن مايمنع لو حسيت بإرائكم انها ممكن تكون حلوه وفيه ايجابيه اكثر من السلبيه من كسرة الشمس راح اوقف الساعة ويصير اللي يصير

<< اطلع ينعن ابو من قال لك نزل موضوع


ومضه
اسمع يا كارتر يا ابن الكلب يكفي تخفيس في طبقة الاوزون بصواريخكم اللي تحطون لنا منها قنوات
ودامكم خفستوا جهه من طبقة الاوزون والحين الكره الارضيه تنسم معها بشويش كنها كفر فيه مسمار وبينتهي اكسجينا
وبنتوهق فياليت تكلم الدشير حقين الدول الثانيه اللي قاعدين يطلقون صواريخ فيها قرود
يارب لك الحمد والشكر بس عشان يشوفون يموتن ولا لا
وتتجمعون كلكم تحت خفس الاوزون وتستخدمون هالفتحه بس عشان تطلع معها صواريخكم ولا يصير كلن يطلق صاروخ ويخفس على كيفه
من جد احس بيجي يوم وابطلع للسطح وابلقى شيء زي البلاستيك المقوى طايح على خزانا وخزانات العالم كلها
واللي هو طبعاً الطبقة حقت الغلاف الجوي ومعد يصير فيها طيارات وينتهي حلمي
اني اقابل نانسي واباشر عليها بعلك نعناع <<< يلعن ام الامنيه البايخه

دقيقة بالله قبل لاتطلعون !!!!!
منهو كارتر ؟؟؟؟؟
سلام

هوووووووووع

يــــــــــــــــــــــــــــــامتستس

وش هالافكاار

بـــــــــــــــــرب وررآآآقعــ

والله انك منسم يا متستس تفكيرك ارهابي طيب طيب اعلم عليك الشرطه<<<تراه بالمباحث

يمسكون ويودونك لم الشجن حقهم ويضربونك ويخلونك تصيح ومايودونك الملاهي ولا يعطونك حلوه <<<قلب بزر

***متستس كان قلت لي ترى عندي لك فكره جهنميه بت ايه تهبل وش رايك نخطف الارض بس لا احد يدري انت شف فكر بالموضوع وقلي خلاص!!!!!!!!!!

طـــــــــــابــت ايــــــامــــــــــــــكـ

ياعليك افكار جنهميه يامتستس

شكلك ارهابي ننبر ون وش رايك نتعاقب انا وانت مره انا ومره انت الي يشوف الشمس ويصيدها خخخخ

والا بقولك سر ضلل ع الي تحت بس مستس غيره نوو

"]"]اصير صقيقتك المخفيه ولاتعلم الخنفشاريR]

تصدق انا تصير لي الحركه ذي اشوف الشمس وتقعد بعنوني مده وياذن المغرب واحسبه حنا بالنهار ياخي مشكله ولازم ندبر حل خخخخخ

هههههههههههههههههههههه

يعطيك الف عافيه يا متستس على الأفكار الغريبه

وما افول الا الله يعين زوجتك المستقبلية عليك