رواية عشاق من أحفاد الشيطان

**شوق** · 15 Apr 2008, 07:42 PM

كان ماسك خط من الرياض لشرقيه ...

وتصرفات وعود بباله .. مستغرب منها .. وماهو قادر يفهمها ..

هو يتوهم انه حسها ماتبغاه يتركها .. والا كيف ...؟؟!

هو بنفسه بيجيب عمه حمد مع زوجه عمه ام نواف ..
علشان عيونها كل شي يهوون ..

دق جواله رد بدون نفس وهي غارق بمشاعره وافكاره : الــــــو...

جاء له صوتها المايع بلهجتها الغجريه : هالـــو.. ريري..

رياض نسى كاترين وموعده معها ..: كاتريــــــن ..

كاترين بمياعه ..: شو بيك رياز بيبي .. يتولا هيك ..ماااشتاتلي ..
(( وش فيك رياض بيبي تقولها كذا .. ماشتقت لي ..))

رياض ارتباك و ضاع بدوامه مشاعره لها ولوعود : لاااا مافيني شي ..بـ ... بـس ... فقدت صوتك ..ا...ا...ا....اااكيييد اشتقت لك

كاترين : يالبي الكزاااب ليكني بنتزرك بالمطار وانتي ماشرفت
(( ياقلبي الكذاب هذا انا انتظرك بالمطار وانت ماجيت ))

رياض توه ينتبه لصوت الازعاج من حولها .. اخذ بريك قوي وصوت الفرامل صم اذنه من قوتهم : انا بالطريق ..

كاترين بخوف مصطنع ولهفه .. : ييئ بيبي شو هيدي الصوت .. سوا ع مهلك ..
(( يالله بيبي شنو هذا الصوت سوق براحتك ..))

رياض اول مره يحس بخوفتها ولفتها مصطنعين ..
حرك سيارته راجع لرياض عندها .. مشتاااق لها .. ومتردد يشوفها ...

**********************
عشاق من احفاد الشيطان ... روايه رومنسيه حزينه .. ... وخياليه
**************************

نهايه البارت الثلاااثين ..
الجزء الاول
اودعكم الله ...

**شوق** · 15 Apr 2008, 07:45 PM

الفصل الثلاثيـــــــــــــــن

(( باقات ورد ))

الجزء الثاني

.
.
.

تحركت عجلة الايام ..
شمس أشرقت وأغربت ..
قمر طل بين الغيوم بخجل .. واختفى ..

بالرياض .. وتحديدا بداخل مستشفى الـ؟؟؟؟ ..

روابي ناظرت بوعود المغطيه ومتعب اللي واقف عند الباب ..ناظرتهم بغيض ..
(( وش تبي فيه وعود هاللحين .. ))
حست بالغيره تملاء روحها وتحرقها ..
.. لكن ابتسمت مجامله وهي تضغط على نفسها .. : احتريك انا بالسياره يامتعب ..

متعب غمز لها : اوكـــــــي ..

حركت رجلها بثقل وخطوات بطيئه لبره الغرفه ..

وعود كرهت نفسها و كرهت رياض اكثر لولا الحاجه كان ماحرجت نفسها مع متعب ..

روابي سكرت بالباب بهدوء وهي معصبه .. ((عندها زوجها وجائيه لزوجي هاللحين ..))

متعب ابتسم لروابي بعد ماسكرت الباب : هلا وعود ياختي سمي ..

وعود ناظرت بالممر اللي يسبق الباب ..ومتعب واقف عنده مايشوفها .. : تسلم يامتعب بس بغيت منك طلب .. وان شاء الله برجع لك كل شي اول مايوصل ابوي ..

متعب استغرب : ماعليك وانا اخوك ومابيننا حساب ..وش بغيتي ..

وعود بتردد تناظر ايدها وضاغطه على كرامتها .. : بس بغيتك أ ..أ...أ... تجيب ابوي وامي من الشرقيه ..

متعب ابتسم وقدم الطاقيه لعند حواجبه ورتب شماغه على كتفه : ماطلبتي وانا اخوتس ..اقصد اخوك الليله مابات الا وهم هنا ....

وعود ابتسمت اخذ من طريقه روابي بالحكي : الله يوفقك ... مشكور ورايتك بيضاء ..ماتقصر ..

وضرخت بداخلها .. (( والملعون هذاااك .. انتظرته يجيب اهلي وماشفت وجهه.. الله لايرده ..))

**********************
عشاق من احفاد الشيطان ... روايه رومنسيه حزينه .. ... وخياليه
**************************

:بس هذي الابره ماقدر اعطيك اياها بدون علم زوجك ..

شموخ ارتبكت وقالت بهدوء طبيعي ..على قد ماتقدر : هو مريض رجله مكسوره ومايقدر يتحرك ..

الدكتوره السعوديه السمراء .. هزت راسها بتفهم : طيب ليه ماجبتي معك احد امك اختك ..يساعدونك ..

شموخ بضيقه : ماعندي خوات .. دكتوره يله وراي اشغال ..

الدكتوره ابتسمت : وليه معصبه واعصابك مشدوده استرخي ..

شموخ ابتسمت : لااا عادي ..

اخذتها الدكتوره لسرير الابيض وجلست شموخ متصلبه ..ابتسمت بخوف : ماتالم كثير ..

الدكتوره مددتها على السرير الابيض : هاا يامدام شموخ ..اتوقع انك جائيه وعارفه الابره هذي كيف ..؟؟ وكيف مفعولها ..- ضحكت بخفه - العيال يبغالهم تضحيه ..

ابتسمت شموخ لدكتوره وهي واثقه من قرارها .. لازم تاخذ من فيصل ذكره قبل لايروح ويتركها وحيده ..
تبغى تجيب طفل يسليها ويبعدها عن وحدها .. تربيه وتشغل نفسهافيه ..
والاهم تناظر فيه وكانه فيصل ..
مستعده تستحمل الالم الابره واللي اقوى منها ...
بس ماتضل وحيده لاخر العمر..
بتفدي طفلها بعيونها ..

الدكتوره تطمنها : لاتخافي مثلها مثل اي ابره عاديه . ..صحيح بتحسي بالم شديد بس بيخف تدريجي ..
.
.
.
دخلت لسياره وهي تحس دقات قلبها سريعه مرره ...
بعد الابره ..
ارهاق مالي جسمها كله ..
الم يقطع فيها ... ندمت على تسرعها ماتوقعته لهذي الدرجه ..
صدرها يطلع وينزل بقوه ..واضحه ..

جرت رجلها جر وهي تطلع لدرج .. مرهقه لابعد حد ..

دخلت لجناحها .. وماكان فيه فيصل ..

رميه عبايتها وشنطتها باهمال ..

ودخلت لغرفتها .. تدور السرير والراحه ..

تمددت على بطنها ..

تبغى تنااام .. توبه تعيد التفكير بالقرار الغبي .. الالم مالي جسمها ..

ابره علشان تجيب عيال واللي يسمعها يقول عقيم ..ملعون ابو العيال اذا معهم كل هالالم ..

ماحست بشي حولها .. وراااحت بالنوم ..

.

.

طلع من الحمام .. واستغرب وجودها .. قالت انها بتطلع وعندها موعد بالمستشفى ..

جفف شعره بالمنشفه ..ولبس بدله بسيطه ..بيطلع لخالد خويه شوي .. ويراجع الدكتور ينبهه مايعطي لابوه اي اوراق ..

رش عطر ومشى بيطلع .. لكن عيونه كانت عند شموخ ..
رجع لعندها .. وكسرت خاطره نايمه على بطنها بوضعيه غلط ..

سحب الغطاء من تحتها ..بهدوء لكن شموخ تحركت وهي تهمس : لاتتركني ..

عقد حواجبه وناظرها لهالحين نايمه .. غطاها بهدوء .. وهو يتذكر حنانها عليه ..

شموخ انسانه بمعنى الكلمه ..لكن .. الظروف صنعت منها شيطان يدمر اللي حوله ..

باس جبينها بهدوء وهو يهزها بلطف : شمــوووخ شمــوووخ ..

شموخ فركت عيونها وفتحتهم ..: فيصــل ...

فيصل بهمس : يله انزلي للغداء ..

شموخ غطت وجهها وقلبت للجهه الثانيه : مابغـــى ابغى انوم

كملت نومها .. فيصل طفى الانوار .. وطلع من الغرفه ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

تضرب اصابعها ببعض..
السبابه اليمين بالسبابه اليسار ..
وعيونها بالارض وعلى الغرفه الا بعيون نجود ..

تحس بلسانها ثقيل : اممم والله مادري منحرجه منك نجوده بس ..

نجود ابتسمت وهي تضربها على كتفها .. : ندوووش مع وجهك يله احكي ..

بلعت ريقها : اممم بغيت منك سلف لحد ماترد على هواجس ..تعرفي مامعي ولا ريـال مـ

نجود قاطعتها وهي تضحك : هههههههه هاللحين كل هذا علشان سلف ..
لاتستحي مني الله يقطع شيطانك ..ابشري بعطيك اللي تبي وبلا احراجات ..

فتحت درج واخذت منه فلوس بالجنيه المصري ..: خذي اللي تبغي ..لك اللي تبي ..افااا ندوش لاتستحي مني ..انا أختك ...

ندى ناظرت بالفلوس وهي تضغط على اسنانها (( الله يرحمني من المذله ..))
: والله من دونك مادري وش كان حالي ..بس هواجس ماترد وماني حافظه رقم بيتها ..

نجود : ياليت تقدري تعيشي من دوني .... تنازلت لك عن الغرفه وصرتي لوحدك وانا اخذت الغرفه الصغيره ... وياليتوا عاد يبان فيك..

ندى : آآآآآف يالمذله ..طفشتيني .. ماصارت الغرفه هذي ..

نجود: يله بدلي خلينا نطلع مع البنات واحمد ..

ندى : اوكي دقايق ..بـس ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

**شوق** · 15 Apr 2008, 07:46 PM

بداخل المطار ..
واعلانات وصول الطيارات ومغادرتها ..
وضحك ودموع ..

ودع ريان .. سامي وهو يضحك على هبال اخوه ..ويبتسم له بحزن ..لو عنده ثلث قدره سامي على الضحك وهو بوسط احزانه ..

عقيم .. وزوجته اللي ملك عليها بدون علمها ماتطيقه.. و يسافرلها بقلب قوي ..
..وكوابيسه الفضيعه ..بكل ليله ..
ويضحك ..

لكن هو متاكد من قدرة اخوه الفضيعه بصيد البنات .. ومراح يعجز عن بنت فراشه ..

جلس بكوفي بالمطار وهو يحتري موعد طيارته ..بيرجع لدبي ويربي هذي المغروره اخت رياض ..

اشر للوتر : لوسمحت ..قهوه ساده ..

هز راسه الوتر وثواني كانت القهوه التركيه بريحتها المره قباله ..

شغل سيجارته بتوتر .. واخذته الافكار لرياض ..
وين ماتكون هي ..
مصدر عذابه وسعادته بالارض ..
وش حالها هاللحين .. ؟!
مبسوطه مثل ماتركها والااا متضايقه ..؟!
من هذا فيصل اللي متزوجته ..؟!
وكيف يتعامل معها ..؟!

ناظر بجواله .. وفكر يدق عليها ..
لكن تراجع عن فكرته الغبيه .. وكتب لها مسج ..

كتبه اكثر من مره ومسحه .. ماتعجبه كلماته .. يتردد يرسلها ويحس بسخافة نفسه ..

غمض عيونه واخذ نفس طويل يستنشق فيه ريحه القهوه ..ويملى رئته بهواء نظيف .. والسيجاره بايده ..

وقريحته الشعريه تلح عليه يكتب كلمات توصف مشاعره ويرسل لها ..

كتب بسرعه رهيبه وارسل .. قبل لايتراجع ..
لكن الحظ ضده ومعانده ..
ناظر بجواله بضيق (( لم يتم الارسال ))
مافي شبكه .. جد نااس متخلفه حتى بالمطار مافيه شبكات ..

" الرجاء من الساده المسافرين على رحله 657 .. التـ

تافف براحه .. واخيرا .. لاااازم تتاخر كل رحله ..نفسه مره يضبطوا موعد الرحلاات ..

اخذ شنطته الصغيره ومشى ببرود ..

مد جوازه بملل ..

ناظره الموظف لثواني .. بعدها اشر له : لوسمحت وقف على جنب شوي ..

ريان استغرب اول مره يحصل معه كذا : ايــــش .. ليه ..؟؟!!

الموظف اشر لشرطين بعيد وهو يسكر الجواز : انت ممنوع من السفر ..

ريان بصدمه : ممنوع ..

وقفوا ببدلهم الخضراء قباله : لو سمحت تفضل معنا بدون شوشره ..

ريان بعصبيه : اي شوشره ..انا وش عامل .. انتم اكيد غلطانين ..

واحد من الشرطه ناظر بالجواز : اخ ريان فارس الخيال صح ..؟

ريان بثقه : ايوه ..وشكلك ماتعرف من اكون ..

: اجل محنا بغلطانين .. وتفضل بالراحه احسن لك ..

مشى معهم مستغرب وش هالمصيبه هذي ..؟
وش اللي عمله ..

فهم من كلماتهم لبعض ..
انه متهم بغسل اموال ..

غسيـــــــل اموال ..
وش هالحكي..!؟

**********************
عشاق من احفاد الشيطان ... روايه رومنسيه حزينه .. ... وخياليه
**************************

**شوق** · 15 Apr 2008, 07:47 PM

تابـــــــــــــــــــــــــع ...

لااا الحمدلله يمه اقدر احرك ايدي ..

ام هواجس ابتسمت بتردد :الحمدلله على سلامتك يمه ..

هواجس ابتسمت بهدوء : الله يسلمك ..

ام هواجس بترد اكبر : يمه هواجس ..أأ.أأ

هواجس تعرف امها اذا بنفسها شي وماتقدر تقوله ..
ابتسمت تطمنها : يمه عليك الامان قولي

ام هواجس: امم .. زوجك صحى ..

هواجس رفعت راسها بسرعه : صحـــــى ..

ام هواجس : ويبغى يقابلك.. يقول يبغى زوجته ..

هواجس بهدوء : ليــــه ماقلتوا له اللي حصل ..

ام هواجس : لااا ابوك يقول هو اليوم احتمال يطلع من المستشفى ..

هواجس اخذت نفس طويل : احسن يمه تقولوا له ..

ام هواجس بنظره تامل : واقوله انك كنت مع هذا

هواجس ناظرت امها بلوم : يمـــه .. خلاص اذا الله يسامح انتي مراح تسامحي ..

ام هواجس: لان ابوك يفكر الحادث لوحدك مايدري ..

هواجس غرقه عيونها : يمه تكفين قولوا لسعود .. يمكن يسفرني يعالجني ..

ام هواجس تنهدت : ايوه انا اقول كذا بعد .. بو ماهر مايقصر معك ..

هواجس هزت راسها مبسوطه ان بوماهر صحى .. مفتقدته كثير ..
: يمه نادي نور مفتقدتها ..

عفست ام هواجس وجهها : نور.. اتريكها بحالها هذيك كبريت الله يهديها..

هواجس استغربت : ليه ..؟

ام هواجس تنهدت : مادري وش فيه زوجها مايحكي تلفون ولااا يسال عنها ..

هواجس طاح الجوال من ايدها وتكسر بالارض الرخاميه ..
تذكرت يزيد ..كيف نسته الفتره اللي فاتت ..
الايدز ..
مات .. يمكن مات هاللحين ..

ام هواجس ناظرت بالجوال : لله يهديك هواجس قلتلك لاتمسكي شي ثقيل لهالحين ايدك ماتتحمل ..

هواجس ماكانت مع امها قالت بصوت بعيد : يمه دقي على جوال يزيد ابغى احاكيه ..

ام هواجس : مايرد اختك حاولت حتى ابوك سال عنه بشقته قالوا مو فيه ..

غمضت عيونها بقوه وهي تسد فمها بقوه علشان ماتشهق ..
مــــــــــــــــــــات ..

اختها ترملت بسببها وعلى ايدها ..

ام هواجس خافت : هواجس وش فيك .. تعرفي شي عن يزيد ..

هواجس مسكت دموعها وقالت بهدوء وهي تحاول تتماسك : لا ..

انفتح الباب بسرعه ودخلوا نور ونواف وملاك متحمسين ..: لوووووووووولللللللل ..

ويقولوا كلام متفرق مافهموه .. ويضحكوا ..

ام هواجس : نور وش فيكم ..

نور ضحكت بفرح : امس ملكــــــت ندوووش ..

ملاك : يجنن عيووونه عسليه ..كانه شاعر .. وطويل

نواف بهدوء وبرود : المهم يرجعها هنا ..

هواجس استغربت : ندى هنا بالسعوديه ..؟؟!!

نواف : لاااا بس بيجيبها هنا ..

نور بحماس جلست عند هواجس : توقعي مين ياهجوســـه ..من مات في دباديبها .. وحنا ماندري ..

هواجس ناظرت بنور وهي مبتسمه .. وحست بالم بقلبها ..وحقاره لنفسها
قالت بشرود : من ..؟؟

نور : سامي الخيال هذااك اللي وصلنا من فتره ..تذكررري ...

هواجس : اهااا – فتحت عيونها على وسعهم وشهقت – سامــــي ســامي ..

نور ضحكت عليها : ايوه سامي ساميي ههههههههه ياحليهم والله

هواجس ضربت خدها بهدوء .....
ندى قالت لها انه معهم بمصر وبعدها ماحكت معها من زمان ..
:وكيف حللواا وهي بمصر ..

نواف بلامبالاه : عادي اخوه المـ؟؟؟ عنده وسطات يقول وخلص الموضوع ..

هواجس : اهااا ..

اندق جوال نور بجيب بنطلونها .. قالت بسرعه وهي تطلعه : اكيد يزيد ..

هواجس بلعت ريقها ..

نور كانت مبسوط تفكره يزيد .
لكن حست بخيبه امل وهو تناظر بالشاشه (( عمتي ..))
ردت بهدوء : هلا عمتي

ام نواف : هلااا نور شخبارك ..

نور: الحمدلله ..

ام نواف : انتم بالبيت ..؟!

نور استغربت : ايوه ليه ..؟؟

ام نواف : من ساعه ادق ومحد يرد علي .. افتحوا الباب انا وام حمد برى ..

نور : يوووه محد فتح لك الخدامات الحمير ..

ركضت تفتح لعمتها نزلت من الدرج بسرعه وهي تقاوم دموعها متى بيحس فيها يزيد ويدق ..

.
.
.

جسمه عرقان وجهه احمر .. تعباان مره ..
مايقدر يقاوم بعده عن المخدر.. لكن لازم يتعالج ..

أكل من الفواكه اللي قباله .. وهو يقاوم الالم اللي يحسه ..

هاللحين احسن من اليومين اللي فاتوا كان بحاله هستريا بدونهم ..

نفسه يتطمن على نور ..

ماقدر يطنشها اكثر ..دق عليها واللي فيها فيها ..

.
.
.

نور تناظر بالخدامه اللي تصب القهوه لجده .. والجده كيف معصبه عليها ..
: يااحافظ ..وش ذي القهوه ماليه الفنجان .. الناس ماتملاه

نور وهواجس ضحكوا عليها : هههههه

نواف : يمه فلبينيه وش يدريها ..

الجده : فلينه ومن جايب فلين هنيه ها ..

نور تصرخ لها : هههه يمه يقولك فلبينيه .. يعنـ

قاطعها صوت الجوال ..بنغمه نوكيا العاديه ..
رفعته بطفش .. بس ابتسمت من قلب (( يزيــــــد دق يزيــــــــد ))

ركضت بسرعه لبره وهي ترد ..: يزيـــــــــــــــد هلاااا وغلاااا ..

يزيد ايتسم لصوت اللهفه باسمه : هلا حبيبتي كيفك ..

نور حالفه ماتبكي اذا سمعت صوته ولاتبين له انها مهتمه بس غصب عنها ..
قالت بزعل : وينك .. ليه ماتدق ..اذا ماتبغاني قل ..

يزيد ضحك : ههههههه – مسك صدره بالم – لااا ياقلبي والله ابغاك وتهقين حياتي بدونك تسوى ..

نور : اجل وينك ..؟!

يزيد اخذ نفس طويل وهو يناظر بغرفه المستشفى في المانيا : اياام وراجع عندي شغل وبرجع ..

نور: وليه ماتاخذني معك ..

يزيد : نوااارتي لاتصيري حنانه .. خلاص كم اسبوع وبرجع ..

نور عصبت : كم اسبــــــــوع .. وش تعمل هناك ..يزيــــد انا موبزر عندك انا زوجتك قلي وش عندك هنا .. متزوج ..

يزيد كتم ضحكته ..: متزوج .. افااا نوارتي انا اناظر وحده غيرك ... لااا والله مافي بقلبي غيرك ..

نور ابتسمت وقالت بدلع : ايوه اضحك علي ..

يزيد : والله العظيم وعلشان ترتاحي كم اسبوع وارسلك تجي عندي نعمل شهر عسل غير هذاك

نور ارتاحت : اوكـــي بس ها تحاكيني كل يوم وكل دقيقه ..

يزيد : اكيد .. وهاللحين قولي لي وش كنتي تعملي ..؟!

نور: اممم عمتي عندنا وجدتي .. وكلهم .. حنا ببيت هواجس اقصد عمك ..

يزيد : ايوه وش عندكم ..

نور : تعرف هواجس تحتاج امي .. وملاك ببيت عمتي طوال الوقت .. اجلس لوحدي بالبيت ..

يزيد : صح اجلسي معهم .. حبيبي ابسكر هاللحين ..مـ

نور قاطعته بعنا د: لاااا انا ماصدقت حاكيتك .. لااااا

يزيد تنهد وهو يحاول يقنعها تسكر ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

**شوق** · 15 Apr 2008, 07:48 PM

مدمن قهوه وحلاء قليله فيه هالكلمه ..
طول ماهو جالس يشرب قهوه ويحلي .. يضيع وقته باي شي يسليه ويبعدها عن افكاره ..

بس كل زاويه كل ركن بهالبيت يذكروه فيها .. ضحكاتها البرياءه .. ابتسامتها الغبيه .. دموعها المظلومه ..

ارتجف الفنجان بيده وهو يتذكر حكيها له .. ماتسامحه بعد مايكتشف برائتها ..
اصعب شعور تكوني بنت بنوت ويتهموك بشرفك .. او حد يشك فيه ..

ناظرت نوره برجفت اي تركي بالقهوه وعيونه على الكنبه اللي دايم تجلس عليها سجى ..
تنهدت بضيقه ..على سريرها ... وبزرها بيدها ..
حال تركي مو عاجبها ابدا .. بدون وظيفه ..ومطلق .. وماهو بمهتم انه عطالي ..

تمنت ان هاجر حولها هاللحين مو بالقصيم .. كيف تطلع اخوها من حاله ..

ام تركي تعطي تركي فنجانه الخامس وهي تسولف مع شذى وماحست بشي ..

نوره : يمه ..

ام تركي : هلا ..

نوره : لاااا هنتي أعطي بدر لتركي ..

تركي التفت وناظر بولد اخته الصغير مره .. وحس بغصه بحلقه .. ماكانت نوره الاخت اللي تعين وتصبر كانت تزيد الجو توتر بينه وبين سجى ..

لاااا

مايحقد عليها بس مصدوم منها .. وماخذ على خاطر ..

اللي كانت صديقتها قبل ماتكون اخته .. تركت غيرتها من سجى تحركها وتكرها فيه اكثر ..

رفع بدر وهو يسمي ماله يومين من ولدته .. لونه اصفر مرره .. بيطلع ابيض عيالهم ..

ابتسم وهو يتخيل لو انه يجيب من سجى .. كان ولده طلع كتوت وياخذ العقل ..

بلع ريقه وهو يبلع معه غصاته ..

مشتاااق لها .. لضحكاتها .. عنادها الطفولي .. حركتها بالبيت واول مجهوداتها بالطبخ الفاشله ..

ومشتاق لطبخها اللي غطى على طبخ غيرها ..

شذى قاطعته وهي واقفه على راسه وتناظر ببدر : لااا حظ تركان انت الوحيد اللي مسكته من امس وحنا هواش معها نبغى نمسكه ..

ابتسم لنوره بعتب ..عارف مكانته بقلبها بس زعلان منها .. : ايوه يابنتي انا تركي ..

ام تركي : قل امين ياتركي ..

تركي عارف وش بتكون دعوة امه .. يارب يرزقه ولد مثل قريب ..قال بهدوء: آمين

ام تركي : الله يعوضك عن بنت ابليس اللي كنت ماخذها .. ويرزقك ببزر من بنت الحلال اللي تستاهل لك ..

تركي بعصبيه خفيفه مع حده : يمـــه راحت بخيرها وشرها .. خلاااص اذا بتدعي مره ثانيه عليها ماني بجلس معك .. كل ماشفتي خلقتي دعيت على بنت الناس .. وانتي ماتدري ان ولدك ظالمها ..

نوره وشذى ناظروا ببعض من عصبيته اللي مالها مبرر ..

اما ام تركي ماسكتت : وانا صادقه وش اللي جالك من وراها غير الفقر والبهدال ..

تركي حط بدر بحضن امه متنرفز : ايووه الفقر .. الا يوم تركتها افتقرت وحالتي حاله .. الله يرحم ايامها كنتم ولاملوك من خيرها ..- نار بنوره وعيونه بعيونها لااا وطالعين نازلين سب وشتيمه فيها .. وكانها بنت شارع ..انا ظلمتها وانتم ماقصرتوا كملتوا عليها ..

شذى بلامبالاه جلست : اللي يسمعك يقول انها كانت قسيسه ..

تركي عدل جلسه والكبت اللي فيه انفجر على شذى ..
قال باستهزاء : لاااا قسيسه من سجى .. اعووذ بالله .. هي بنت شوارع . . – صرخ بعصبيه – ماكانها هي اللي كانت تطبخ لك غداك وعشاءك يانسه شذى والا تنظف وصخ خوانك وهي ماهي ملزومه ... ماكانها لبست ثوب غير ثوبها .. ونامت على ارض لو انتي كنتي بمستواها وعيشتها مارضيتي تناظريها حتى .. تاففت بس سكتت وتحملت وكل هذا – كمل بين اسنانه وبقهر – علشاني وانا الغبي ماحسيت .. كابرت بغباء ..وعناد ..لو انـ

قاطعه صوت جواله ..(( رد رد يالخايس لافقع وجهك ..))
عرف نغمه متعب .. وناظرها لثواني عاقد حواجبه ..ير والا لااا ..

كان صدره يطلع وينزل من القهر اللي فيه والمجهود اللي بذله بالصراخ..

طنش مارد على متعب ماله خلقه .. له فتره يطنشه مايرد عليه .. خايف منه ومن زعله ..

اما ام تركي ونوره وشذى كانوا ساكتات .. ولا وحده منهم نطقت بكلمه ..
وش يقولوا وش الحكي اللي ممكن يشفع لهم ..

تركي قفل جواله ورماه بجيبه وهو يسحب الريموت بعصبيه ويغير المحطات ..

والتوتر مع الهدوء مالي الجو.. محد يبغى يحكي وينفجر تركي اكثر ..
هم عارفينه اذا عصب شين ..

تركي كان يحاول يمسك اعصابه ويهدي دقات قلبه السريعه ..
حس براحه قليله بعد ماطلع اللي بصدره وراحته بتكتمل اذا رجع لشغله ..ورجع سجى ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

وقفت ندى عند باسكن روبز وهي محتاره وش تختار ..
عيونها تنتقل بشهوه ..لتوفي ..و .. الشوكلت ..وا المانحومع الفانيلاو لليمون .. والا فانيلا ساده ..

اممم وش تختار نفسها فيهم كلهم ..

ماحست الا بيده تسحبها وقبل لاتلتفت كتمت نفسها .. كانت تبغى تصره تستجد بالفلبيني اللي يبيع الايس كريم ..

همسه وانفاسه الا باذنها وقفتها :ندى انا سااامي اسكتي لاتقضحينا ..

ندى التفتت بسرعه وهي تسحب ايده اللي رتخت من فمها ..
اخذت مفس طويل وهي تناظر بعيونه الناعسه : ..وش هالاسلوب الابله تجرني كذا ..

سامي ابتسم : كنت ابغى احاكيك لوحدك بدون احد ...

ورفع نظره لاحمد والبنات ..

ندى : ومن انت علشان تحكي معي وشالمواضيع اللي بيننا .. تغيب اسبوع ومادري كم يوم وبعدها تحكي ببرود ابغى احكي معك ..

سامي: بالهداوه ياحلو علي ممكن نجلس ابغى احكي معك ..

ندى ناظرت بالناس اللي حولها داخل المجمع ..: انـــت ماخذ مقلب بنفسك .. انا ماحكي مع اشكالك ..

سامي : ندى همس دقايق بس ..

ندى حاولت تقاوم نظرت الرجاء اللي بعيونه بس ماقدرت ..: همس دقايق ..

ابتسم بثقه : اوكي خمس دقايق وعد ..

اختار كوفي شوب مسكر واضاءته خافت ماعجب ندى المكان بس سايرته لانها باختصار مشتاقه له ..وتحتقره ..

سامي سحب لها كرسي : تفضلي ..

ندى عناد غبه جلست بكرسي ثاني ..: اخلــص ..

سامي تردد يحاكيها هاللحين والا لا.. نفسيتها واخلاقها ماتساعد بس تذكر ان تعاملها مع كل الرجال كذا ..
جلس وهو مبتسم ..: في كيك هنا راح يعجبك ..

ندى بين اسنانها : ساااامي اخلص .. ماني بوجده من خوياتك ..

سامي طلع ورقه من جيبه .. فتحها ..ومدها له ..
: خوياتي هذاااك قبل والله يغفر لي اما انتي غير ..

ندى ناظرت بالورقه : ايش هذا .؟!

سامي : لاتخافي مافيها سحر ..

ناظرت ندى بالورقه ومافهمت منها شي ..قالت ببرود وعيونها تنتقل للورقه : اسمي الكامل .. و..و.. واسمك – نقلت بصرها لفوق - ومكتوب فوق عقد نكاح ..

شهقت بصدمه : عقد نكــــــــــاح ..

قرته مره ثانيه تتاكد وتدور المصدر السعويه وعلى سنه الله ورسوله ..

ارتجفت ايدها .. وريقها جف ..ناظرته تدور تفسير لان لسانها لزق بفمها ..

سامي قال بجديه وتفهم : ماكت ابغى كذا او بهالطريقه بس اضطريت .. لاني مابغى اضرك وابغاك لي بالحلال ..

ندى صرخت بانفعال : انت مجنــــــــــــــــــــون ..

سامي التفت حوله : ندى تعوذي من ابليس ومايستـ

قاطعته ندى وهي توقف وترمي الورقه بوجهه : اذا فكرت اني بصدقك فانت غلطاااااان .. واكبر غبي ..

مشت بسرعه لبرى الكوفي وهي تغمض عيونها بقوه .. الورقيه رميه وحقيقيه ..ارتجفت اكثر ..وهي تركض لبرى المجمع ..

حقيـــــــــــــــــر عملها واستقل موقف اهلها منها ..
.
.
.
سامي تنفس براجه كان متوقع جزمه او كف .. جاءته سليمه والجاي اصعب ..

.
.
دقت الباب بقوه .. وعلق اصبعها على الجرس بصعوبه وصلت لشقه ..

نجود : مــن..؟!

ندى بين دموعها : انا افتحـــــــــــــــي بسرررررعه ..

نجود فتحت بسرعه مستغربه من صوت ندى ..

ندى دخلت ورمت نقابها بسرعه تبغى تتنفس نقلت نظرها بين الموجودين ..

نجود عند الباب .. ولمى بالمطبخ .. وشمس على الكنبه ..

اللمحه و الدم وجه الشبه ..

شدوها ..

مشت بسرعه لعند شمس : شــــــــمس ...

شمس مامدها ترفع راسها الا وندى جلسه بجنبها تضمها وتبكي ..

شمس مثل المويه البارده نزلت على جسمها ..ندى تبكي لااا وتحضنها ..

نجود ولمى بسرعه راحوا لعندهم وتجمعوا حولهم ..

نجود : بسم الله عليك نـــدوش وش فيك ..؟

شمس تهديها : تعوذي من الشيطان ندى ولاتبكي ..

ندى همست لشمس محد سمعها من البنات .. بصوت مرتجف : سـ.... ... ا ... مـ ... ...ـي..

شمس قلبها قبضها وحست بخوف .. بعدت ندى عنها بسرعه : عملك شي ... ايــش حصل ..؟

تن تن ..تــــــن .. تـــــن ..

صوت الجرس منع ندى ترد بس اعطت شمس نظره نفي طمنتها شوي ..

نجود : مـــن ..؟

سامي بصوته الجهوري الواثق ..: انـــا ..

ندى التفت لشمس برعب وارتجفت ..حست شمس برجفتها ..وتاكدت ان فيه شي ..

نجود ولمى استغربوا

نجود: سامي متى طلع .؟!

لمى : وش يبي رجع الله لايرده..

شمس بعدت ندى عنها .. وقفت تفتح الباب ..

ندى حست برعب حقيقي ..ركضت لغرفتها وقفلت الباب ..
لاااا ماتبغى تشوفه ..

سامي دخل وناظرهم ببرود : وينها..؟

لمى بعصبيه رفعت ايدها : انت هيــــــه لاتضن ماعندها رجال يعني محد يقدر يوقف بوجهك ..

شمس : ايووه ياسام مو بنات خلق الله لعبه بيدك ..

سامي: مالك دخل بيني وبين زوجتي..

شمس ولمى ونجود بنفس الوقت ..: زوجتــــــــــــــــــــــــــــــــــــــك ..؟؟!!

**********************
عشاق من احفاد الشيطان ... روايه رومنسيه حزينه .. ... وخياليه
**************************

**شوق** · 15 Apr 2008, 07:49 PM

تابـــــــــــــــــــــــــع ...

<< لحضــه .. لحضـــه ..
لاتصدقي كل حكي العذال ..
انتي لي .. وانتي كلي ..
وانــا مو شخص خوان .. >>

بقصر العلياء الفخم ..
بمثل هالجو ..واليوم من الاسبوع ..
الناس مجتمعه تضحك وتسولف الا هالقصر .. كائيب وظلاااام ..

: ربوبه ابنزل لشرقيه اجيب عمي وزوجته .. تامري على شي ..

روابي مو عاجبها الوضع .. قالت بحده : لااا ..

متعب : هع هع هع الاخلاق مقفله ...

روابي : يحق لي .. وش لها فيك .. تقول لزوجها يجيب اهلها ..

متعب طفش منها من ساعه يحاول فيها ..
بجديه جلس بجنبها : اسمعيني يابنت خديجوه .. انا رجال ومو انتي تقولي لي اجلس ولا تجلس ..

روابي تاففت بدت محاظرت رجولته الطاغيه : آآآآف ..

متعب عقد حواجبه : لاتتاففي هي بنت عمي مثل مانتي بنت عمتي واذا طلبتني ماردها ..

روابي : بس انا زوجتك ويحق لي اغار عليك خير تناديك لوحدك ..

متعب بطفش وقف : يالليل انتي االحكي معك ضااايع ..

روابي تكتفتت وضلت معنده ..وقالت بعصبيه : براسي حب مانطح وروحه ماتروح ..

متعب : وش رايك تسافري مع امك لحائل ..

روابي فتحت عيونها وناظرته بصدمه .. ايش قصده بيطلقها ..

متعب كمل حكيه : دام امك الاسبوع هذا تبي ترجع لحائل ومصره روحي معها .. مالك داعي تجلسي بالرياض .. زواجنا قريب مو بعيد ..

روابي وقفت بعصبيه : على بالك راميه نفسي عليك .. وماكانك انت اللي جالس تحاول بامي نجلس ..

متعب بين اسنانه : ضنيتك عاقل وان سواتك مثل بنات خلق الله العاقلين ..

روابي بين اسنانها ..: انت .. انت

متعب وصلت معه ..: انا ايش ..؟!

سجى دقت الباب بهدوء وهي تنقل نظرها بينهم واضح التوتر بالجو ..: هاي ..

متعب اخذ مفتاح السياره وشماغه : هاي ..

روابي ماردت عليها .. كان نفسها تبكي .. ليه يعاملها متعب كذا ..

سجى حطت جهازها على الطاوله وهي تعدل بيجامتها الموف .. وتذكر نقاشاتها الحاده مع تركي.. : ميتو طالع ..

متعب كمل طريقه : لشرقيه .. سلمي على امي ..

روابي بصوت حاد رفعت جواله : لحضه ..

متعب طنشها وكمل طريقه لبره .. اخر حياته مرأه تتحكم فيه ..وبتصرفاته ..

دخل سيارته وحرك معصب ...

اما روابي رمت جواله بجنبها على الكنب .. نسى جواله والا تراب بوجهه ..

سجى جلست وهي تحاول ماتحتك فيهم ولاتدخل ..لكن قالت شي بمكانه الغلط ..: روابي زرتي وعود ..

روابي بس سمعت اسم وعود حس بدمها يثور وااعصابها تتفجر : وعود الزفت زرتها وهي ماتستاهل ..

سجى عصبت كل شي عندها ولا وعود : روابي بليز احترمي حالك ولاتحكي عن وعود بهالطريقه ..

روابي : اذا مهتمه لهدرجه .. زوريها .. اسالي عنها ..

سجى ماتتخيل تشوف وعود وهي تعبانه او بدون بطنها : لاااا ماقدر اناظرها ..

روابي : تكفين يالحساسه ..

ناظرتها سجى بحقد الحكي معها ضايع .. وشغلت نفسها بالنت تدور طبخه تسلي فيها نفسها ..
صارت تحب الطبخ بعد مارجعت من عند تركي ..

لكن مخططها تغير بعد مارسل جدها لايميلها تزوره اليوم ببيتهم ..

سكرت جهازها بسرعه وطلعت تبدل وتغير جو ..

وتحمد ربها انها ماتحتك مع امها كثير لانها اغلب وقتها تجلس مع عمتها خديجه بعد ماتناسبوا ..

والبيت من دون وعود يطفش ..

روابي كانت تهز رجلها بقهر وهي تاكل اظافرها بايدها .. سافر وطنشها ... لاااا طردها من بيتهم .....

التفت على جوال متعب وشاشته تنور .. حاطه على الصامت ..اكيييد مايبغاها تدري من يدق عليه ..

(( الغثـه ))

احتارت ترد والا لااا ..

لااا وش تردي ياشركه الالبان لو هو واحد من ربعه ..

لكن حدسها الانثوي يقول ان فيها ريحه نسائيه الدقه ..

ردت وماقررت تتكلم لحد ماتتاكد ..

جاءه صوت لميس المايع المايص .. : ميتـــــــو بيبي ليه ماترد ..

مثل ماحساسها قال لها ..
القصه فيها بنت ..

حست بالم في قلبها يقطعها ..
متعب يحاكي بنات غيرها ..

قالت بعصبيه وهي ماتحس بدموعها اللي نزلت بسرعه : من انتي يابنت الكلب ..

لميس : .......؟؟!!

روابي بانقاسه لاهثه : كانتس بنت ابوتس ردي ..

لميس بحذر : انتـي اللي مين ..؟!

روابي : لاااا ياشيخه داقتن على جوال زوجي وتقولي من انتي .. جد انتس ماتربيتي ..

لميس ببرود : واخيرا تعرفت عليك .. ميتووو حكى لي عنك ..

روابي باستهزاء : والله وش قالتس اني غبيه وثوره ومادري عنكم .. والا ماخذني تسليه ..وتصبيره ..

لميس ابتسمت بخبث لغباء روابي :هههههههههه .. لااا كذا ولاكذااا .. قالي انك ولاشي بحياته .. وقالي لاهتم بوجودك لانك ولاشي بالنسبه له ..

روابي وقفت بعصبيه وهي ترتجف و تصرخ : ولاشـــــــي.. تفوااا عليتس وعليه .. تهني فيه ..

سكرت بوجه لميس وجلست على الكنبه تبكي .. غطت وجهها بيدينها ..
قالها ارجعي علشان ينبسط معها ..

يامر طعم الخيانه .. وياقسوتها ..

.
.
.

فتحت سجى دولابها بملابسه الجديده .. طلعت لسوق مع جدها وعوضت حرمانها الايام اللي فاتت ..

اختارت بدلتها بعنايه وهي عارفه ان غريمتها شموخ بتكون هناك ..

بدي احمر صارخ ..يتثبت عند رقبتها ..مغطى من قدام ..ورى بس اكتافها تبان .. لكن بالجنبين ينربط بشكل اكس ..
يناسب طول ظهرها وبياض بشرتها ..

زينته ببروش الماس..عليه اسمها بالانجلش ..

اخذت تنوره من الحرير الاسود لفوق الركبه .. هذا مو ذقها ولايعجبها لكن جدها مختاره لها ونفسه تلبسه ..

كانت تتمنى ان زوجها يكون بحنان جدها عليها ..
تركي فيه حنان لكن مو لها لغيرها ..

دنقت وقدمت شعرها قبال وجهها وهي تنفضه علشان يكثر ..
وتحاول تبعد تركي عن بالها ..

رجعت شعرها لورى ورفعته شنيون باكسسوارات تبرق ..

عملت مكياجها بعنايه وروقان .. واسنانها ترص ببعض ..

تبغى تحطم شموخ وتكسر انفها ..اكره انسانه قابلتها ..

رشت عطر خفيف علشان اذا طلعت لعند السايق .. وسحبت عبايتها

طلعت وهي تدندن لازم تكون مستعده لواجهت شموخ ..

لكن ام رياض هي اللي واجهتها : علــى وين ان شاء الله ..؟؟!

سجى تكره صوت امها .. وتحس بدموعها تتجمع بعيونها او ماتسمعه .. عارفه بكره امها لها : بطلع لبيت جدو ..

ام رياض : لاااا ومن مين اخذت الاذن ..

سجى بهدوء : مو من احد جدوا عازمني ..

ام رياض : اجلسي بس اجلسي تبغي تفضحينا انتي مطلقه وتزور ..

سجى مدت بوزها وهي تكره ترجع لشخصيتها الغبيه وايامها القديمه : هذا ربى مطلقه ومسافره لوحدها ..

ام رياض : ربى عاقل وماعندها حركاتك والا تبغي اذكرك بفاعيلك السوداء ...

سجى تصرخ بداخلها (( ليه ماتحبيني ..؟؟!...
ليـــــــه ؟؟!
انا بنتك ..انا صغيرتك ..
مفرروض انا دلوعتك .. انتي مفروض تكوني الحضن الدافي لي ..
ليه تكرهينـــــي .. ليه يماما ..؟؟))

ام رياض : لاتناظري فيني كذا وكاني قاتله لك احد يله ارجعي لغرفتك ومابغى اشوف وجهك ..

سجى بعناد : لااا جدو قالي تعالي ..

ام رياض بدون تفاهم .. شدت شعرها : انتي ماصار لحد كلمه عليك تكبرتي وطلع لسان ..

سجى : اااه ماما شعري انا موبزر ..

ام رياض فيه قهر من سجى : تضربي زوجه خالك وتفشلينا الله يسود وجهك جلستي مع الهمج وصرتي مثلهم ..

سجى تسحب ايد امها اللي اطول واضخم منها : ماااما تالميني ..

ام رياض رمتها بكل قوتها على الارض : يله انقلعي لجوااا مابقى الا انتي على اخر عمري تكسري كلمتي..

سجى بكت بقهر : اناااا اكرررررررررررهك اكرهــــــك ..

دخلت لغرفتها بسرعه تخاف من رد امها على كلمتها او مره تتجراء وتقولها ..

ام رياض اشرت بلامبالاه وهي تكابر اثر الكلمه على نفسها : بزارين اخر زمن ..

سجى رمت نفسها على السرير وكحلها سال على خدها .. كانت بدوامه ورجعت لها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

**شوق** · 15 Apr 2008, 07:51 PM

دق البوري وعلق عليه لحد مازعج الحي المتواضع ..
واللي يبغاله ماطلع ولا رد عليه ..

حس ان اعصابه ماهي قادره تتحمل وعليه وعلى اعدائه الليله هذي ..

نزل من الفياغراء .. وهو يمشي بسرعه وبثقه خلاااص لعب العيال هذا لازم ينتهي هاللحين ..

حط اصبعه على الجرس بيدقه .. لكن تراجع ..
وفتح الباب بدون استاذان

البيت له حرمه ..
لكن هو موظيف .. هذا كان بيت اخته .. وهاللحين بيت صديق عمره اللي ماحضر ملكته ..ولا شهد عليها ..

ناظروه البزارين اللي يلعبوا بالحوش مستغربين من زمان مازارهم ..
وصرخوا بفرح : خالي متعب ..خالي متعب ..

متعب ابتسم لهم فقدهم ..: هييه يالبدو .. وين خالكم تركي ..

قفزوا بحماس : جواا يتقهوى ..

.. : خالي متعب وين خالتوا سجى ..

..: ايوه وينها الحلوه هذيك ..

متعب: هع هع هع لااا ولها شعبيه بعد .. سجى طارت ...

..: خالي متعب وين حلوياتك ..

متعب متعود يدخل لهم باكياس من الحلويات ..

ضرب راسه : اووه الله يلعن الشيطان نسيت .. المره الجائيه ..ماعلينا ادخلوا نادوا خالكم بس هااا لاتقولوا انه انا .. قولوا رجال اول مره تشوفوه ..

شهق واحد منهم ..: نكذب ..

رفسه متعب برجله : اااقول يعني اول مره رح ناده وانت ساكت ..

دخلوا كلهم يركضوا بحماس ويصرخوا : خالووووا تركان خاااالوا تركان في رجال عند الباب ..

تركي لف عليهم ببرود : قلطوه بالديوانيه ..- لف لامه وهو يوقف - يمه جهزي القهوه والشاهي .. والبزارين ارسليهم لبيتك ..

عدل نفسه عن مرايه المدخل وهو مو مهتم من الرجال ..
ومن كرم الضيفه ماايسال هو يقلطه بعدين يعرف ..

واخر شي خطر بباله يكون اخوه اللي فقده اسابيع وكانها سنين .. ..

متعب جلس بالمجلس وهو يقاوم مشاعر الخساره والندم ..

لو ان سجى لهاللحين زوجه تركي كان غيرررر .. اختلف الوضع ..
كان تركي ماطنشه كذا .. ولاحس بثقل وهو ينتظر دخلته للمجلس ..
وسجى من جد خسرت رجال ..
ماسالها سبب الطلاق .. ولافكر لانه من البدايه ساحب عليهم ومايبغى يعرف ..

تركي دخل وقف عند عتبات المجللس ..

اخرررر شخص يتخيل يشوفه اليوم وهو بهذا التحطيم ..

اكثر انسان محتاجه هاللحين ..

ضل واقف عند الباب وهو يقاوم الثقل اللي يحسه برجله ..

متعب وقف وناظر فيها بجديه بعيده عن شخصيته مع ربعه .. : يعني لو قالوا لك مات متعب كان سالت عني ..مع اني ماهقى تحضر جنازتي ..

تركي حك ذقنه المسنن بالشعر القاسي .. وماهو عارف وش يرد ..
قال بصوت واطي : لاتفاؤل على نفسك ..

متعب رفع حاجبه اليمين : ليه ماترد ومطنش .. – بصوت غريب على متعب – بو صنعه مافقدتني ..

تركي ارتبك .. وهو مستصغر نفسه عند متعب .. جااء له لعند بيت ..
ومتعب الزم ماعنده كرامته ..
: لااا مافقدتك ..

متعب ناظره لثواني : لااا .. انت قدها ..

تركي اشر لمتعب : تفضل اجلس .. يااا ولد ارسلوا القهوه والشاهي ..

متعب ناظره بحقد : قدها ياتركي ..والاااا

تركي رفع يدينه باستسلام : لاااا ماني قدها ..

ارتاحت ملامح متعب لكن رجعت انكمشت وهو يسمع حكي تركي الماصخ بنظره ..

تركي : اسمع يا متعب من دون لف ولا دوران انت ماعدت الخوي اللي ابغى اقضي معه وقتي .. فلا تضيع وقتك معي ..

متعب : تركي بلا حركات خكاره وقل حكي مثل رجال ..

تركي بهدوء : انا طلقت اختك .. ومارد عليك .. واقفل بوجهك .. انا واحد اقل من مستواك بكثير .. لاني من طبقتك ولاقبيلتك ..
تمشكلت مع جدك وامك بسببي .. غثيتك وضايقتك .. بسببي .. اطلعك من مشكله وادخلك بمشكله ..- صرخ باستنكار - وش تبي مني ..ياااااااه ..

متعب ناظر بتركي ومشى يطلع من المجلس بسرعه .. وهو عند الباب قال بصوت متحشره ضايقه فيه الوسيعه : لانك اخوي .. واعز من اهلي .. انا ماخاويتك اتمصلح معك ولاابغى منك شي ..انا لقيت فيك اللي كنت محتاجه عند رياض أخوي ..
- لف عليه وانفاسه تتسارع – انا لما اجلس معك اكل واشرب احس بايش الحياه وحنا ليه عايشين .. احس بغيري واني انسان مثلهم .. مو متعب ولد فهد .. او حفيد الرالي ..انت تحسسني اني عايشه بارض عليها ناس .. مو قصور خاليه ..
انت ياتركي اللي علمتني اكل بيدي مثل خلق الله ..اللعب واضحك ..وانبسط .. بدون ماكون ضايع مثل خالي فيصل او اخوي رياض ..
انا بدونك ماعرف اتصرف .. بغيابك ارج شوي شوي لطبقتي ولناس التافهه اللي فيها ..

وفجاءه بدون مقدمات شد قبضة ايده واعطى تركي بوكس بوجهه وهو يصرخ : تفكر اني ماقدر احكي مع اي واحد واجلس معه .. ماقدر اجيب مليون واحد يخاوني ويصيروا ضلي ..
انا ابغاك انت .. لااانك انت انا .. وانا انت ..

تركي مسح انفه من الدم وهو يناظر متعب مصدوم .. كان يضن انه هو العاله على متعب ..وان متعب مايهتم بوجود او غيبه .. ..

متعب اخذ انفاسه بعد ماحكى كثير ..
وقال بهدوء : البس نعالتك والحقني لسياره .. بنمشي لشرقيه .. خمس دقايق اذا ماجئيت .. بفهمها من نفسي ..

طلع متعب وسكر الباب الحديد بقوه .. وركب سيارته يلعن ويسب بتركي ..
يفكر انه عربجي وماعنده مشاعر ..

تركي ضل لثواني فاتح فمه وايده على انفه يمسح الدم اللي نزل من قوه ضربت تركي ..

خاف ان الخمس دقايق تمر عليه بسرعه .. ابتسم ..

فجاءه تكون بقمه الياائس ..وكانك ارض جافه ..
تجي مشاعر بسيطه من اخو دنيا تسقيك ..

ركض لبره البيت بدون جزمه ..ودخل لسياره يضحك ..: هع هع هع هع ..

متعب : والله كنت بحرك ..

ضربه تركي على كتفه بقوه وهو مشتاق له : اثاري المدام علمتك تصفصف حكي هع هع هع

متعب ضحك باعلى صوته : هع هع هع هع هع ..

الصداقه البرياء ..ماتعرف طبقات او حدود ..
والبساطه اقرب طريق للقلب ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

<< صحوه .. بعد .. سكــــره ..>>

ناظر فيها وهي تحكي وتشتكي من امه والعذاب اللي عاشته في الاردن بعيد عنه ..

ويحس بالكذب اللي يبرق بعيونها وبكره فضيع لها ..

وشوق غريب لوجه وعود الابيض النظيف ..مشتاق لابتسامتها وتعقيدةحاجبها الغامق ..
بعكس حاجب كاترين الخفيف من شقورته ..

قالت بمياعه ودلال كرهوه فيها اكثر : مابنخاف بيبي انا التلن انو ريااز حبيب البي راح يعوزني باللي عشتوا
(( لاتخاف حبيبي انا قلت لهم ان رياض حبيب قلبي بيعوضني عن اللي عشته ))

استقلااااليه ..

كذاااابه ..

انتهاازيه ..

حقيييييييره ..

كل هذا يشوفه في وجهها ... كيف ماكان يحس من قلب ..
كيف عيونه ماشافت كذبها ..
ياما قالوا له ونصحوه ماصدق ..

ابتسم لها بحقد وهي تقرب منه وتنرمي بحضنه مثل عادتها ..
لااازم يربيها قبل ..ويعملها من الغبي اللي تضحك علي ..

قال وهو يلعب بشعرها مثل عادته : كات ياقلبي ماقلتلك وش عملت بهذي وعود ..

كاترين بحماس : شووو

رياض بصوت مرتفع قريب من اذنها : ضربتها لحد مانزلت اللي ببطنها تستاهل موو ..

كاترين : ههه يالبي ريري شووو رجااال ..

رياض كمل وهو يضحك بداخله : ايوووه انا اكره المراءه اللي تضحك علي كل شي ولااا الكذب ..
ماعلينا ياقلبي وش رايك تكملي معك خطتي الذكيه ..

كاترين ناظرته باستغراب : خطتك ..؟!

رياض : ايووه بما ان جوازك خلاااص انختم عليه ممنوعه من السفر لان عندك سوابق ..

كاترين أرتبكت وحاولت تبعد عن رياض ..بسرعه : آآي هـ

قاطعها رياض برومنسيه : لاااا ياقلبو انا ماصدق اي حكي ينقال عنك ومايهمني المهم وعود لان اوراقك كلها عندها .. وتعرفكل شي ..

كاترين بصدمه : شووو عنداا

رياض بنفس الاسلوب : علشان كذا لازم نستدرجها لحد ماناخذ الاورررا ..

كاترين بجديه : كيـــف..؟؟!!

رياض: سهله ماعليك انتي بدلي اوعيكي .. والحقيني على السياره ابغااك تبيني لها انك مهتمه فيها وانا مستعده تخدميها اوكي ..

كاترين علشان مصلحتها تعمل اي شي قالت بانصياع : اوكي ..

رياض اول ماختفت عن عيونه .. رمى الطاوله الخشب برجله : غبـــــــي كنت غبــــــــــــي...

**شوق** · 15 Apr 2008, 07:52 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

ضياع ..
ضيااااع المشاعر ..
وتناقضها ..

متاهات ..
بين الحاجه والحب ..
الخوف من فقدان الحمايه .. والحب

صرااع بالتمسك بخيط من السعاده البعيده ..
امل بتذوق نكهة الحنان والامان ..

انتظرت الليل بفارغ الصبر .. وماصدقت لما سمعت ان جراح تقول لزوجها ان فيصل بعد نص بيجي ..

دخل لغرفتها بسرعه وقفلت الباب .. تعبها خف بعد مانامت شوي ..

هي اللي تعمله صح والا خطاء ..

جنون والا قمه العقل ..

ماتدري.. ولااا عاد يهمها .. المهـــم انها ماتبغى تنحرم من فيصل مثل مانحرمت من اهلها كلهم ..

اشتغلت بحماس غريب .. ودقات قلبها ترتفع وهي تتخيل شكل فيصل وهو داخل ..
دعت ربها بسرها انو مايكسر بخاطرها ...

بعدت الخصل عن شعرها وهي تحس باجهاد غريب ..

فتحت دولابها وعيونها تنتقل بين ل قطعه والثانيه .. وش اللي يرضي فيصل ويبسطه ..

..**..**..

شرب من فنجان لقهوه اللي اعطته امه ..وهو يناظرها بتدقيق .. لو عرفت اللي فيه .. لو درت باللي يحصل معه وش بيكون ردها ..
امه عاديه مررره ..بشكلها ولبسها ..
حتى بمشاعرها عاديه .. ماتكرهه وماتعامله مثل ابوه ..
وماقد كانت الام الحنون ..

يحس انها مو امه مشاعرها عاديه بس رابط الدم بينهم ..

ام جراح كانت على اعصابها وهي تنقل نظراتها بين زوجها اللي من امس ماطلع من القصر وشكله مسرح طوال الوقت ..وبين ولدها اللي من النادر يجلس بالبيت حتى مع زوجته .. يجي لوقت النوم بس .. واحيانا مبكر بشوي ..

فيهم شي .. اللي بينهم شي ..
من متى بوجراح مايقدر يناظر بولده او حتى يطلبه يتقهوى معه ..

فيصل حط الفنجان : يله انا بطلع ارتاح لي شوي ..

بو جراح اللي مافتح فمه بكلمه من دخول ولده ..
كان يحاول يستوعب بالتدريج ..
ورثه وامواله كلها بتروح لبناته واولادهم ..
بيضيع الولد اللي كان يحمل اسمه ويخلده ..

اشر لفيصل تفضل ..

فيصل كمل طريقه معصب ..(( دامه مايبغاني ليه مجلسني من سااعه قبال وجهه حتى ماناظرني ..))

طلع لدرج بخطوات بطيئه من بعد ماترك شموخ الظهر مايدري عنها ..
اكيد مبسوطه ان بيموت علشان ترجع لحبيب قلبها ريان ..

نااايمه وماهي بمهتمه .. بس طلعت كم دمعه له امس ..
تضن انه بيصدقها او بيمشي ورى هوائها ..

زفر وهو يفتح باب الجناح ..

كان الممر شبه مظلم ..استغرب وناظر حوله .. يدور مفتاح النور ..
وش هالظلام القوي ..

حس بايد تسحب ايده وتضغط عليها ..وريحة عطرها المثير دخل لانفه .. وانعش جسمه كله .. وصوتها الناعم يهمس : لااااا .. تعال ورااي ..

يسمع صوت كعبها وهي تسحبه .. حاول يتعود على الظلام علشان يقدر يناظرها : شموخ ايش انهبلتي ..

شموخ تمسكت بذراعه وهي تضحك بمرح : هههههه لاااا ..

فتحت باب الغرفه الواسعه ..
وكانت الشموع الصغيره تنورعلى الارضيه الرخاميه .. شموع بلون الاحمر المثير ..
والورد الجوري مقطع.. ومرمي باهمال ....
وريحه العطر الفرنسي الهادي .. ماليه الجو .. ..

ناظر بالسرير والستاره العنابيه الشفافه اللي مغطيته تماما ..

التفت على شموخ يناظرها كانت تبتسم وهي مقصصه شعرها لكتفها ..مقصصته كله ..
كان طويل وقطعه وحده صار قصير ومقصص ..
تغير شكلها 80 درجه .. صغرت كثير بالعمر .. واعطى ملامحها الحاده براءه وهدوء ..

لمس شعرها بصدمه وهدوء : قصيتيه ..

شموخ ابتسمت وهي تعض شفاتها .. والخوف مالي قلبها .. تحس انها باختبار .. اول مره بحياتها ماتكون واثقه بشكلها ..: تغيير ..

فيصل حاول يمسك خصلات شعرها اللي يتحرك بحيويه فضيعه .. شعرها اللي يميزها بكثافته ولونه الكستنائي ..متناسقه مع عيونها الرماديه : ليـــه قصيتيه ...

شموخ حست بخيبه امل فضيعه .. : مو حلو ..؟!!

ناظر فيها بتمعن في شي تعمله شموخ مايطلع حلو .. في شي مايعجبه فيها ..
نقل نظراته لفستانها الذهبي الناعم ..
ساده مره ملفوف على جسمها بعنايه .. مبرز مفاتنها بدقه وتفصيل ..: لاتجاوبيني بسوال .. ماقلتيلي ليه قصيتيه ..

شموخ تنهدت وهي تسمع صوته الجاف يحاكيها .. لهذي لدرجه مو حلو عليها .. ندمت انها استعجلت وقصته ..
قالت بهدوء وخيبه امل : لاتخاف شعري نوعه يطول بسرعه ..

فيصل (( ليه انا عندي وقت علشان انتظره يطول كلها شهر ... شهرونص واودع ...))
كان بيرد عليها كذا لكنه سكت .. لان شموخ طلعت من ظهرها باقه ورد جوري كبيره .. مانتبه فيها من اول مادخل ..
ابتسمت بتودد وعيونها فيها رجاء غريب : تفضــل ..

فيصل ناظر بالغرفه من حوله ورجع ناظر فيها وهو يمد ايده ياخذ الورد : وش المناسبه .. – بصوت مرتفع يهدد – شموخ انتي عارفه اني ماطيق نظرات الشفقه هذي .. واحد بيموت وانتهى لموضوع ..

شموخ تصرخ بداخلها .. ياليتها مثل بروده .. ياليتها تاخذ شويه من الا مبالاه هذي اللي عنده ..
قالت بصعوبه وحلقها يالمها .. وعيونها تبرق .. زاد من براءه شكلها : انا احبـــك .. ليه ماتحس ..

انا احبـــــك ..
انا احبـــــــــــك ..

ارتجفت ايده ..
سمعها كثير من ملايين البنات .. حتى من رسل سمعها ..
لكن ماحس بصدقها وقوة تاثيرها مثل هذي اللحضه ..

حط الورد بالطاوله بجنبها و ضم شموخ بصمت ....

**********************
عشاق من احفاد الشيطان ... روايه رومنسيه حزينه .. ... وخياليه
**************************

**شوق** · 15 Apr 2008, 07:53 PM

تابـــــــــــــــــــــــــــع ..

بصعوبه قدرت تتروش .. اليوم ماعندها مرافقه روابي تركتها .. وهي ماقصرت معها بشي من الايام اللي فاتت ..

وام رياض تطل عليها كل صباح ..

لبست البنطلون بصعوبه وهي تتنهد لو انها بالشرقيه هاللحين ..
كان هواجس او نور او امها او زوجه خالها ماقصروا معها ..
اللي مرجعت حالتها لورى وماتتحسن اكتائب طبيعي يجي لبعض الحريم اذا سقطوا ..

سكرت زرايرين من بلوزه البيجامعه بتعب .. وطلعت من الحمام وهي مو قادره تجفف شعرها او تمشطه ..

جرت رجلها جر وهي تحس الشبشب الخفيف ثقيل برجلها ..
تمدد على السري وتغطت بسرعه وهي تحس براحه من الفطاء اللي دخل بجسمها ..

غمضت عيونها بتعب .. بس نست تطفي الانوار .. ومافيها تتحرك تطفيهم .. مجهود متعب الحركه لجسم ضعيف مثلها ..

.

.

.

وقف عند كوشك صغير بالمستشفى وهو متجاهل كاترين تماما .. حتى عيون بياع الورد اللي عليها ماهمته .. لكن يتخيل لو يناظر وعود فقع عيونه ..

قال بتفكير : اعمل لي باقه من هذا اللون ..

اشر على ورد عنابي محمر .. بلون الدم .. لون ينزف بالحب والمشاعر ..
واختار دبدوب ابيض متوسط الحجم .. وعود ماعندها هذي الحركات بس يجرب ..

كاترين بغيره وهي لافه الغطاء على شعرها بطريه توحي بالغباء على شكلها مع عبايتها القصيره ..
: حبيبي لشوو كل هيدي بيكفيها ورده وحدى ..

رياض ناظرها بتهديد : كاااات وش اتفقنا ..؟!

كاترين : اوكي اوكي مابتعيط ..

رياض تافف منها مايكفي انه انشغل معها ومع دفن الصغير .. ومع جده وماقدر يجيها ..بعد هاللحين تقول هذي مو لازم ..

طلع الاصنصير اللي اخذهم لقسم الولاده .. كان تارك كاترين تشيل الورد والدبدوب وهي تافف علشان يحس وياخذه منها ..
لكن رياض كان بالصحوه بعد السكره ..

دور على رقم غرفتها وخطواته تتسارع ..
شووق فضيع يعتريه .. عدل نظارته الطبيه وهو يناظر الغرفه ..
اخذ الورد والدبدوب بقوه من كاترين وقال بتعالي وقسوه : احتريني هنا ..

كاترين ماعجبها : لشو بدي فوت معك ..

رياض ماطاقها اكثر قال بطرف انفه : اقولك احتريني هنا سمعتي ..

دق الباب بهدوء دقه وحده ودخل ..

ضنها صاحيه من الانوار القويه بس خاب اامله كانت نايمه ..

ناظر لساعه المثبته على الجدار اكيد تنام 2 بالليل ..

ابتسم وهي يمشي لعندها .. تاكد الا جزم انها حبيبته .. وروحه الثانيه ..

حط الباقه مع الدبدوب على الطاوله وهو يطفي الانور القويه ويشغل نور الابجوره .. اريح لها ..

قرب لعندها وناظر بملامحها الهاديه وهي نايمه بسلام ..

جلس بجنبها .. ومسك ايدها ..
وبذراعها ابر اثار المغذي .. مسح عليهم بنعومه وقلبه يعوره عليها ..

كانت دقات قلبه سريعه .. من شوقه لها ..

وعود حاسه فيه بس ماتبغى ترد عليه ..لانه مايستاهل ..
احقر منه ماقد شافت .. ماتبغى تسامحه او تحن عليه ..

رياض دفاء ايدها البارده مره بايده الدافيه ..

الجو ماكان بارد كان بدخلت الشتاء ..

تعبت كثيييير .. كثييييير .. تدور الراحه .. شدت على عيونها اكثر .. تمسك دموعها اللي تحرق جفنها ..
محتاجه له .. لااااي حد معها ..
هي ام فقدت ولدها ..من يحس بالمها ..

رياض ناظر ببجامتها الخفيفه اللي ماتزررت كويس .. فصخ جكيته الربيعي .. .. كان قطني عادي ..
بعد البطانيه بهدوء وبحذر علشان ماتحس .. لبسها الجاكيت بعنايه ..سكر جراره كويس ..
وهو يمسح ظهرها يدفيها ..

تحس انها طفله صغيره رجعت لحضن امها ..
الدفاء يزيد من حرقان دموعها لجفنها .. دعت ربها ماينتبه لاحمرار جفنها ..

هزها بخفه : وعووود وعووود ..

وعود :........
ماردت ولا كانها تسمع ..

رياض نسى كاترين واهلها ..جلس عندها يحاول يدفيها ...

اما .. وعود لما تاكدت انه مايناظر وجهها .. نزلت دموعها بصمت ..يجرح ويداوي ..
.
.
.
كاترين ناظرت بالساعه .. وبالممر الفاضي داخل المستشفى الخاصه ..

لمتى بتنتظرهم يطلعوا .. تاففت وفتحت الباب بهدوء ..

التفت لها رياض واشر لها بهمس مع حده : تعالي هنا ..

مشت مستغربه من تغير رياض المفاجاء ..

رياض اشر لها: اجلسي هنا وبدون صوت .. اي شي تطلبه منك وعود تعمليه سامعه ..

كاترين تخصرت باستنكار: شووو ..

رياض : وطي صوتك .. ولاتشوشوي علي .. كاات رقبتك بيدها .. ورضاها سلامتـ

قاطعته كاترين وهي تضي عينها على وعود اللي شعرها مغطي وجهها : ايي فهمت خلاااص ..

جلست بالكنبه البعيده وين ماشر لها رياض .. وهي تهز رجلها ..

رياض ناظرها بخبث بعد شعر وعود عن وجهها .. وقال بصوت مرتفع تسمع كاترين : قلبي وعود .. هذا كات عندك جبتها تخدمك ..

كاترين شهقت وقبل لاتنطق اشر لها رياض ..((لاتنطقي ))

وعود غاس وجهها بالمخده علشان ماتناظره ..او يشوف دموعها ...
تحس انها ياتتوهم او تحلم ..

كاترين موجوده ورياض يقولها تخدمها ..

.. حتى باحلامها لاحقها .. حلم مزعج..

رياض ماحب يضايق وعود اكثر لانه حس انها مو نايمه ..
جلس بمكانه ماتحرك يناظرها طوال الليل ..

وكاترين تناظرهم حاقده ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

شمس جديده ..اشرقت باشعتها الذهبيه ..
وشعاع واثق تسلل لعند غرفه المكتومه ..

<< يمهل ولااا يهمـــــــــــــــــــــــل >>

لهاللحين ..
ماهو بفاهم تهمته ايش ..

مرمي بالسجن .. ولايدري عن السبب ..
حتى مكالمات مع حد ممنوعه عنه ..
وش اللي عمله بالضبط ..

مايردي حتى الحكي اللي سمعه منهم عن غسيل الاموال شاك فيه ..

واخيرا حد حن عليه .. واخذه لعند الضابط ..
: ايـــش القصه وش فيه ..؟؟

الضابط : تكلم كويس ولاترفع صوتك ..

ريان بعصبيه : من امس راميني بالحبس ومانع عني السيجاره وتبيني ماعصب ..

الضابط : والله وبالله ترفع صوتك اكثر لكون مربيك ..

ريان ضغط على اسنانه : ابغى احكي تلفون ...

الضابط : علشان كذا انا مناديك ..دق لك على محامي تصرف ..

ريان اخذ التلفون ومارد على الضابط ..دق على منى بسرعه ..

(( ردي رررررررردي بسرعه ))

بعد اكثر من دقه .. ردت : الو ريان كويس دقيت ..

ريان : منى مو وقته انا متورط

منى: عارفه اسمع انا مالي دخل الاوراق كلها باسمك وكل شي واضح واذا قلت اسمي ماتلوم الا نفسك سمعــت ..

طوووط طوووط ..

سمع صوت الخط ..

التفت لضابط : ممكن اعرف ايش فيه ..؟!

الضابط : انت متهم بغسيل اموال .. وكل شي ضدك فاعترف احسن لك ..

غسيل امـــــــــــــــــــــــــوال ..

بعد مشدات ونقشات مع الضابط ... فهم القصه ..

قطع شفايفه من كثر لضغط عليهم ...
زوجته المصونه تغسل اموال .. تشتغل بطريق مو صحيح ..
عجوز شعره بينها وبين القبر يطلع منها كل هالبلاء ..

عرف لها هاللحين .. وفهم اصرارها وتعلقها فيه ..
ملعونه .. لعبتها صح ..؟!

وهمته انه يلعب عليها وتركته يعيش ولااا ملك عصره..
وبالاخير كانت تستخدمه اداه تغطي فيها بلاااويها ..

مصيبه .. واي مصيبه ..!!!؟؟؟!!

قضيه معقده ومحبوطه صح .. ولا اشطر محامي يطلعه منه ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

**شوق** · 15 Apr 2008, 07:55 PM

دخلت نجود متحمسه .. : ندووش ندوووش ..

ندى كانت فاهيه تناظر بشكلها بالمرايه .. ولاتدري عن شي حولها .. وهي تفكر من جد ملك ابوها فيها على سامي من
جده ..؟؟؟

.. ناظرتها بلامبالاه : هلا ..

نجود اشرت بايدها بكاميرا فضيه صغيره وهي متحمسه : طحت على شي خطير وانا انظف مع شمس غرفه سامي ..

بس سمعت اسم سامي حست عروقها تنبض بقوه والدم يندفع فيها بحراره.. ومغصها بطنها .. : سامـي..

نجود هزت راسها بحماس .. : ايوه اشرطه حاطهم بمكان مايخطر ببال احد .. تتوقعي ايش فيهم .. اكيد حركات عيال ..

سحبت ندى الكاميرا منها بسرعه وحست بحماس : يمكن فيهم تصوير مع عائلته ..

نجود : ياسلااام يقولوا بنت عمه ملكه جمااال تاخذ العقل ابغى اشوفها ..

ندى جلست على السرير متربعه وشغلت الكاميرا ونجود قفلت الباب ورجعت جلست بجنبها ..

شغلوا الفيديو.. ناظروا فيها لثواني ماهي مستوعبين ايش اللي يحصل .. بعدها .. أنتبهت ندى بسامي جسمه ووجهه ..
هو نفسه ووضعيته مع بنت واضح شكلها ..

رمت الكاميرا من ايدها وارتجف جسمها ..
بردت اطرافها ..

ماتخيلت تشوف سامي مقزز لهذي الدرجه ..

مغضها بطنها ولاعه كبدها ..
حطت ايدها على رقبتها وهي تحس نفسها مخنوقه ..

ركضت للحمام .. واستفرغت كل اللي اكلته ..

سمعت صوت باب الغرفه ينفتح ويتسكر .. وهي سانده يديها على المغسله ..

غمضت عيونها بقوه وتذكرت شكل سامي .. وحست بكبدها تلوع ..
واستفرغت من جديد ...

.
.
.

سامي سكر باب الغرفه ..

قرر يدخل يكلمها ويتفاهم معها .. بيصارحها بجبه دامه مللك عليها ..
الفرحه ماكانت سايعته
والابتسامه ماليه شفايفه ..
.
.
ناظر بالحمام اللي مفتوح جزء منه ..
وهو ينتظرها تطلع بلهفه ..

سمع اصوات غريبه .. دور على مصدرها .. شاف كاميرا صغيره فضيه مرميه ..
رفعها من الارض ..
وقف الكون من حوله وهو يناظر باكبر غلطات حياته ..
تجمد بمكانه وهو يناظر ..
من جاب هالشريط لهنا ..؟؟ وكيف ماكسره او حرقه ..

سمع صوتها تستفرغ بقوه ..وكان روحها تطلع ..

ارتفعت دقات قلبه ..
انكر بداخله (( ندى شافت الشريط ..))

كيف وصل لها ..
هو كيف اهمله باي مكان ..

طلعت من الحمام تحفف فمها وايدها بالمنشفه ..
تحس بصداع من قوه الاستفراغ ..
طاحت المنشفه من ايده وهي تناظر سامي وبيده الكاميرا ..

سامي ناظرها .. وبلع ريقه ..
بـ بيجامتها البيضاء فيها قلوب ورديه ..
تيشرتها ناعم ..
وبنطلونها طويل خصر واطي فيه خيط فوشي يثبت البنطلون ..

رافعه شعرها بطوق ابيض عريض وتاركه شعرها الاسود على كتفها بحريه..

ضلت عيونهم متعلقه بعض ..

سامي ارخى اكتفاه وجسمه وقال بضعف : آسف ..

غرقة عيونها غصب عنها .. و مشيت بسرعه بتطلع من الغرفه .. وهي تحس بدقات قلبها تخونها وتدق بسرعه رهيبه .. لانه فيه ..
وقفتها غلط وهو رجال غريب ..

مسكها بسرعه من زندها .. قبل لاتطلع ..وقال بصوته الهادي الرجولي : لحضه ..

سحبت ايدها بعنف : ابعــد لاتفكر حتى تلمسني – احتقرته – يالغذر ..

سامي رفع ايديه لفوق : اوكي اوكي .. بس لاتطلعي هذا أحمد بره ..

ندى تحس شكلها غلط وهي واقفه معه .. وكانها من غير ملابس .. ونظراته المتفحصه لها ..
:وانت .. كيف تسمح لنفسك تدخل لهنا .. اطلع بره

سامي سكر الكاميرا وحطها بهدوء على التسريحه : لاني زوجك ..

ندى بانفعال اشرت بايدها : تخسي تكون زوجي .. -كملت باستنكار - مانتي زوجي .. انا ماصدقك الا لما اناظر ابوي لانه مايرميني عند واحد مثلك ..
ابوي مو مثل خالي سعيد ..انت تكذب

سامي بهدوء قرب منها وقال بصوت مخنوق : ندى انا عارف انك كارهتني وبالذات بعد ماناظرتي الفيديو .. مالـومك بس ممكن تسمعيني ..

ندى كانت تناظره باحتقار الارض كله .. ويمر ببالها شكله بالفيديو : لااااا لااااا مراح اسمعك ولاتفكر اني بلحضه اجلس مع نجاسه مثلك تفضل بره ..

سامي زم شفايفه ..
جندوان عصره .. البنات اشاره من ايده يكونوا معه ..
اسلوبه الخبيث .. كلامه المعسول ..
.
.
كل هذ ا ضاع واختفى ويحس انه مو قادر يتعامل مع ندى ..
وهي ابسط من كثير بنات كانوا تحت ايده ..

وقف عاجز مو قادر يرد عليها او يتعامل معها ..
ماله وجه وهي ناظرت بالشريط ..
كيف لو عرفت انه عقيم وش بتعمل ...؟؟!
وش بتقول ..؟؟!

ندى كانت تحس بقوه فضيعه ..
قووه ماتدري وين مصدرها وهي واقفه عند الباب ..
مكتفه يدها على صدرها .. تناظره يرد عليها ..

كانت هي الحلقه الاقوى .. وبيدها الشريط ..

سامي ناظر فيها وشد على اسنانه .. ضغط عليهم بكل قوته .. ورمش بعيونه اكثر من مرره ..
يهدي اعصبه ودقات قلبه ..
عارف انه ظالمها لما فكر يروح لابوها ويتزوجها ..
لكن يحبها .. يعشقها وماصدق حصلها .. دور عنها كثير اللي تبهدله ويتعذب علشانها ..

قال بخشونه وقلبه يصرخ بحبها : اوكـي انا طالع .. بتركك على راحتك لحد ماتستوعبي انك زوجتي ..

زوجتي ...
ياحلو الكلمه من فمه ..
حست ان نفسها تمسك ذقنه اللي فيه شويه شعر خشن وقاسي ..
خفضت عيونها وعضت شفايفها من افكارها الغبيه ..والغريبه عليها ..

سامي ابتسم بالم وغصه .. لخجلها من كلمه زوجتي ..

ندى مسكت مقبض الباب : يله تفضل بررره ..

قبل ماتفتحه .. حط سامي ايده على ايد ندى وقال بهمس وهو يناظر عيونها بنظره الم : ممكـن تضميني ..

ندى فتحت فمها بكبره بتصرخ فيه ..
بس نظرة رجاء من عيون سامي سكتتها
وهو يقول برجاء : بليـز ..

هزت راسها باستنكار .. لااااا ..
مايستاهل يضمها .. مايستاهل اللي مثله مفروض محد

15 Apr 2008, 07:42 PM	#241
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان كان ماسك خط من الرياض لشرقيه ... وتصرفات وعود بباله .. مستغرب منها .. وماهو قادر يفهمها .. هو يتوهم انه حسها ماتبغاه يتركها .. والا كيف ...؟؟! هو بنفسه بيجيب عمه حمد مع زوجه عمه ام نواف .. علشان عيونها كل شي يهوون .. دق جواله رد بدون نفس وهي غارق بمشاعره وافكاره : الــــــو... جاء له صوتها المايع بلهجتها الغجريه : هالـــو.. ريري.. رياض نسى كاترين وموعده معها ..: كاتريــــــن .. كاترين بمياعه ..: شو بيك رياز بيبي .. يتولا هيك ..ماااشتاتلي .. (( وش فيك رياض بيبي تقولها كذا .. ماشتقت لي ..)) رياض ارتباك و ضاع بدوامه مشاعره لها ولوعود : لاااا مافيني شي ..بـ ... بـس ... فقدت صوتك ..ا...ا...ا....اااكيييد اشتقت لك كاترين : يالبي الكزاااب ليكني بنتزرك بالمطار وانتي ماشرفت (( ياقلبي الكذاب هذا انا انتظرك بالمطار وانت ماجيت )) رياض توه ينتبه لصوت الازعاج من حولها .. اخذ بريك قوي وصوت الفرامل صم اذنه من قوتهم : انا بالطريق .. كاترين بخوف مصطنع ولهفه .. : ييئ بيبي شو هيدي الصوت .. سوا ع مهلك .. (( يالله بيبي شنو هذا الصوت سوق براحتك ..)) رياض اول مره يحس بخوفتها ولفتها مصطنعين .. حرك سيارته راجع لرياض عندها .. مشتاااق لها .. ومتردد يشوفها ... ******************** عشاق من احفاد الشيطان ... روايه رومنسيه حزينه .. ... وخياليه ************************ نهايه البارت الثلاااثين .. الجزء الاول اودعكم الله ...

15 Apr 2008, 07:45 PM	#242
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان الفصل الثلاثيـــــــــــــــن (( باقات ورد )) الجزء الثاني . . . تحركت عجلة الايام .. شمس أشرقت وأغربت .. قمر طل بين الغيوم بخجل .. واختفى .. بالرياض .. وتحديدا بداخل مستشفى الـ؟؟؟؟ .. روابي ناظرت بوعود المغطيه ومتعب اللي واقف عند الباب ..ناظرتهم بغيض .. (( وش تبي فيه وعود هاللحين .. )) حست بالغيره تملاء روحها وتحرقها .. .. لكن ابتسمت مجامله وهي تضغط على نفسها .. : احتريك انا بالسياره يامتعب .. متعب غمز لها : اوكـــــــي .. حركت رجلها بثقل وخطوات بطيئه لبره الغرفه .. وعود كرهت نفسها و كرهت رياض اكثر لولا الحاجه كان ماحرجت نفسها مع متعب .. روابي سكرت بالباب بهدوء وهي معصبه .. ((عندها زوجها وجائيه لزوجي هاللحين ..)) متعب ابتسم لروابي بعد ماسكرت الباب : هلا وعود ياختي سمي .. وعود ناظرت بالممر اللي يسبق الباب ..ومتعب واقف عنده مايشوفها .. : تسلم يامتعب بس بغيت منك طلب .. وان شاء الله برجع لك كل شي اول مايوصل ابوي .. متعب استغرب : ماعليك وانا اخوك ومابيننا حساب ..وش بغيتي .. وعود بتردد تناظر ايدها وضاغطه على كرامتها .. : بس بغيتك أ ..أ...أ... تجيب ابوي وامي من الشرقيه .. متعب ابتسم وقدم الطاقيه لعند حواجبه ورتب شماغه على كتفه : ماطلبتي وانا اخوتس ..اقصد اخوك الليله مابات الا وهم هنا .... وعود ابتسمت اخذ من طريقه روابي بالحكي : الله يوفقك ... مشكور ورايتك بيضاء ..ماتقصر .. وضرخت بداخلها .. (( والملعون هذاااك .. انتظرته يجيب اهلي وماشفت وجهه.. الله لايرده ..)) ******************** عشاق من احفاد الشيطان ... روايه رومنسيه حزينه .. ... وخياليه ********************** :بس هذي الابره ماقدر اعطيك اياها بدون علم زوجك .. شموخ ارتبكت وقالت بهدوء طبيعي ..على قد ماتقدر : هو مريض رجله مكسوره ومايقدر يتحرك .. الدكتوره السعوديه السمراء .. هزت راسها بتفهم : طيب ليه ماجبتي معك احد امك اختك ..يساعدونك .. شموخ بضيقه : ماعندي خوات .. دكتوره يله وراي اشغال .. الدكتوره ابتسمت : وليه معصبه واعصابك مشدوده استرخي .. شموخ ابتسمت : لااا عادي .. اخذتها الدكتوره لسرير الابيض وجلست شموخ متصلبه ..ابتسمت بخوف : ماتالم كثير .. الدكتوره مددتها على السرير الابيض : هاا يامدام شموخ ..اتوقع انك جائيه وعارفه الابره هذي كيف ..؟؟ وكيف مفعولها ..- ضحكت بخفه - العيال يبغالهم تضحيه .. ابتسمت شموخ لدكتوره وهي واثقه من قرارها .. لازم تاخذ من فيصل ذكره قبل لايروح ويتركها وحيده .. تبغى تجيب طفل يسليها ويبعدها عن وحدها .. تربيه وتشغل نفسهافيه .. والاهم تناظر فيه وكانه فيصل .. مستعده تستحمل الالم الابره واللي اقوى منها ... بس ماتضل وحيده لاخر العمر.. بتفدي طفلها بعيونها .. الدكتوره تطمنها : لاتخافي مثلها مثل اي ابره عاديه . ..صحيح بتحسي بالم شديد بس بيخف تدريجي .. . . . دخلت لسياره وهي تحس دقات قلبها سريعه مرره ... بعد الابره .. ارهاق مالي جسمها كله .. الم يقطع فيها ... ندمت على تسرعها ماتوقعته لهذي الدرجه .. صدرها يطلع وينزل بقوه ..واضحه .. جرت رجلها جر وهي تطلع لدرج .. مرهقه لابعد حد .. دخلت لجناحها .. وماكان فيه فيصل .. رميه عبايتها وشنطتها باهمال .. ودخلت لغرفتها .. تدور السرير والراحه .. تمددت على بطنها .. تبغى تنااام .. توبه تعيد التفكير بالقرار الغبي .. الالم مالي جسمها .. ابره علشان تجيب عيال واللي يسمعها يقول عقيم ..ملعون ابو العيال اذا معهم كل هالالم .. ماحست بشي حولها .. وراااحت بالنوم .. . . طلع من الحمام .. واستغرب وجودها .. قالت انها بتطلع وعندها موعد بالمستشفى .. جفف شعره بالمنشفه ..ولبس بدله بسيطه ..بيطلع لخالد خويه شوي .. ويراجع الدكتور ينبهه مايعطي لابوه اي اوراق .. رش عطر ومشى بيطلع .. لكن عيونه كانت عند شموخ .. رجع لعندها .. وكسرت خاطره نايمه على بطنها بوضعيه غلط .. سحب الغطاء من تحتها ..بهدوء لكن شموخ تحركت وهي تهمس : لاتتركني .. عقد حواجبه وناظرها لهالحين نايمه .. غطاها بهدوء .. وهو يتذكر حنانها عليه .. شموخ انسانه بمعنى الكلمه ..لكن .. الظروف صنعت منها شيطان يدمر اللي حوله .. باس جبينها بهدوء وهو يهزها بلطف : شمــوووخ شمــوووخ .. شموخ فركت عيونها وفتحتهم ..: فيصــل ... فيصل بهمس : يله انزلي للغداء .. شموخ غطت وجهها وقلبت للجهه الثانيه : مابغـــى ابغى انوم كملت نومها .. فيصل طفى الانوار .. وطلع من الغرفه .. ****************** عشاق من احفاد الشيطان ... روايه رومنسيه حزينه .. ... وخياليه ********************** تضرب اصابعها ببعض.. السبابه اليمين بالسبابه اليسار .. وعيونها بالارض وعلى الغرفه الا بعيون نجود .. تحس بلسانها ثقيل : اممم والله مادري منحرجه منك نجوده بس .. نجود ابتسمت وهي تضربها على كتفها .. : ندوووش مع وجهك يله احكي .. بلعت ريقها : اممم بغيت منك سلف لحد ماترد على هواجس ..تعرفي مامعي ولا ريـال مـ نجود قاطعتها وهي تضحك : هههههههه هاللحين كل هذا علشان سلف .. لاتستحي مني الله يقطع شيطانك ..ابشري بعطيك اللي تبي وبلا احراجات .. فتحت درج واخذت منه فلوس بالجنيه المصري ..: خذي اللي تبغي ..لك اللي تبي ..افااا ندوش لاتستحي مني ..انا أختك ... ندى ناظرت بالفلوس وهي تضغط على اسنانها (( الله يرحمني من المذله ..)) : والله من دونك مادري وش كان حالي ..بس هواجس ماترد وماني حافظه رقم بيتها .. نجود : ياليت تقدري تعيشي من دوني .... تنازلت لك عن الغرفه وصرتي لوحدك وانا اخذت الغرفه الصغيره ... وياليتوا عاد يبان فيك.. ندى : آآآآآف يالمذله ..طفشتيني .. ماصارت الغرفه هذي .. نجود: يله بدلي خلينا نطلع مع البنات واحمد .. ندى : اوكي دقايق ..بـس .. ****************** عشاق من احفاد الشيطان ... روايه رومنسيه حزينه .. ... وخياليه ************************

15 Apr 2008, 07:46 PM	#243
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان بداخل المطار .. واعلانات وصول الطيارات ومغادرتها .. وضحك ودموع .. ودع ريان .. سامي وهو يضحك على هبال اخوه ..ويبتسم له بحزن ..لو عنده ثلث قدره سامي على الضحك وهو بوسط احزانه .. عقيم .. وزوجته اللي ملك عليها بدون علمها ماتطيقه.. و يسافرلها بقلب قوي .. ..وكوابيسه الفضيعه ..بكل ليله .. ويضحك .. لكن هو متاكد من قدرة اخوه الفضيعه بصيد البنات .. ومراح يعجز عن بنت فراشه .. جلس بكوفي بالمطار وهو يحتري موعد طيارته ..بيرجع لدبي ويربي هذي المغروره اخت رياض .. اشر للوتر : لوسمحت ..قهوه ساده .. هز راسه الوتر وثواني كانت القهوه التركيه بريحتها المره قباله .. شغل سيجارته بتوتر .. واخذته الافكار لرياض .. وين ماتكون هي .. مصدر عذابه وسعادته بالارض .. وش حالها هاللحين .. ؟! مبسوطه مثل ماتركها والااا متضايقه ..؟! من هذا فيصل اللي متزوجته ..؟! وكيف يتعامل معها ..؟! ناظر بجواله .. وفكر يدق عليها .. لكن تراجع عن فكرته الغبيه .. وكتب لها مسج .. كتبه اكثر من مره ومسحه .. ماتعجبه كلماته .. يتردد يرسلها ويحس بسخافة نفسه .. غمض عيونه واخذ نفس طويل يستنشق فيه ريحه القهوه ..ويملى رئته بهواء نظيف .. والسيجاره بايده .. وقريحته الشعريه تلح عليه يكتب كلمات توصف مشاعره ويرسل لها .. كتب بسرعه رهيبه وارسل .. قبل لايتراجع .. لكن الحظ ضده ومعانده .. ناظر بجواله بضيق (( لم يتم الارسال )) مافي شبكه .. جد نااس متخلفه حتى بالمطار مافيه شبكات .. " الرجاء من الساده المسافرين على رحله 657 .. التـ تافف براحه .. واخيرا .. لاااازم تتاخر كل رحله ..نفسه مره يضبطوا موعد الرحلاات .. اخذ شنطته الصغيره ومشى ببرود .. مد جوازه بملل .. ناظره الموظف لثواني .. بعدها اشر له : لوسمحت وقف على جنب شوي .. ريان استغرب اول مره يحصل معه كذا : ايــــش .. ليه ..؟؟!! الموظف اشر لشرطين بعيد وهو يسكر الجواز : انت ممنوع من السفر .. ريان بصدمه : ممنوع .. وقفوا ببدلهم الخضراء قباله : لو سمحت تفضل معنا بدون شوشره .. ريان بعصبيه : اي شوشره ..انا وش عامل .. انتم اكيد غلطانين .. واحد من الشرطه ناظر بالجواز : اخ ريان فارس الخيال صح ..؟ ريان بثقه : ايوه ..وشكلك ماتعرف من اكون .. : اجل محنا بغلطانين .. وتفضل بالراحه احسن لك .. مشى معهم مستغرب وش هالمصيبه هذي ..؟ وش اللي عمله .. فهم من كلماتهم لبعض .. انه متهم بغسل اموال .. غسيـــــــل اموال .. وش هالحكي..!؟ ******************** عشاق من احفاد الشيطان ... روايه رومنسيه حزينه .. ... وخياليه ************************

15 Apr 2008, 07:47 PM	#244
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان تابـــــــــــــــــــــــــع ... لااا الحمدلله يمه اقدر احرك ايدي .. ام هواجس ابتسمت بتردد :الحمدلله على سلامتك يمه .. هواجس ابتسمت بهدوء : الله يسلمك .. ام هواجس بترد اكبر : يمه هواجس ..أأ.أأ هواجس تعرف امها اذا بنفسها شي وماتقدر تقوله .. ابتسمت تطمنها : يمه عليك الامان قولي ام هواجس: امم .. زوجك صحى .. هواجس رفعت راسها بسرعه : صحـــــى .. ام هواجس : ويبغى يقابلك.. يقول يبغى زوجته .. هواجس بهدوء : ليــــه ماقلتوا له اللي حصل .. ام هواجس : لااا ابوك يقول هو اليوم احتمال يطلع من المستشفى .. هواجس اخذت نفس طويل : احسن يمه تقولوا له .. ام هواجس بنظره تامل : واقوله انك كنت مع هذا هواجس ناظرت امها بلوم : يمـــه .. خلاص اذا الله يسامح انتي مراح تسامحي .. ام هواجس: لان ابوك يفكر الحادث لوحدك مايدري .. هواجس غرقه عيونها : يمه تكفين قولوا لسعود .. يمكن يسفرني يعالجني .. ام هواجس تنهدت : ايوه انا اقول كذا بعد .. بو ماهر مايقصر معك .. هواجس هزت راسها مبسوطه ان بوماهر صحى .. مفتقدته كثير .. : يمه نادي نور مفتقدتها .. عفست ام هواجس وجهها : نور.. اتريكها بحالها هذيك كبريت الله يهديها.. هواجس استغربت : ليه ..؟ ام هواجس تنهدت : مادري وش فيه زوجها مايحكي تلفون ولااا يسال عنها .. هواجس طاح الجوال من ايدها وتكسر بالارض الرخاميه .. تذكرت يزيد ..كيف نسته الفتره اللي فاتت .. الايدز .. مات .. يمكن مات هاللحين .. ام هواجس ناظرت بالجوال : لله يهديك هواجس قلتلك لاتمسكي شي ثقيل لهالحين ايدك ماتتحمل .. هواجس ماكانت مع امها قالت بصوت بعيد : يمه دقي على جوال يزيد ابغى احاكيه .. ام هواجس : مايرد اختك حاولت حتى ابوك سال عنه بشقته قالوا مو فيه .. غمضت عيونها بقوه وهي تسد فمها بقوه علشان ماتشهق .. مــــــــــــــــــــات .. اختها ترملت بسببها وعلى ايدها .. ام هواجس خافت : هواجس وش فيك .. تعرفي شي عن يزيد .. هواجس مسكت دموعها وقالت بهدوء وهي تحاول تتماسك : لا .. انفتح الباب بسرعه ودخلوا نور ونواف وملاك متحمسين ..: لوووووووووولللللللل .. ويقولوا كلام متفرق مافهموه .. ويضحكوا .. ام هواجس : نور وش فيكم .. نور ضحكت بفرح : امس ملكــــــت ندوووش .. ملاك : يجنن عيووونه عسليه ..كانه شاعر .. وطويل نواف بهدوء وبرود : المهم يرجعها هنا .. هواجس استغربت : ندى هنا بالسعوديه ..؟؟!! نواف : لاااا بس بيجيبها هنا .. نور بحماس جلست عند هواجس : توقعي مين ياهجوســـه ..من مات في دباديبها .. وحنا ماندري .. هواجس ناظرت بنور وهي مبتسمه .. وحست بالم بقلبها ..وحقاره لنفسها قالت بشرود : من ..؟؟ نور : سامي الخيال هذااك اللي وصلنا من فتره ..تذكررري ... هواجس : اهااا – فتحت عيونها على وسعهم وشهقت – سامــــي ســامي .. نور ضحكت عليها : ايوه سامي ساميي ههههههههه ياحليهم والله هواجس ضربت خدها بهدوء ..... ندى قالت لها انه معهم بمصر وبعدها ماحكت معها من زمان .. :وكيف حللواا وهي بمصر .. نواف بلامبالاه : عادي اخوه المـ؟؟؟ عنده وسطات يقول وخلص الموضوع .. هواجس : اهااا .. اندق جوال نور بجيب بنطلونها .. قالت بسرعه وهي تطلعه : اكيد يزيد .. هواجس بلعت ريقها .. نور كانت مبسوط تفكره يزيد . لكن حست بخيبه امل وهو تناظر بالشاشه (( عمتي ..)) ردت بهدوء : هلا عمتي ام نواف : هلااا نور شخبارك .. نور: الحمدلله .. ام نواف : انتم بالبيت ..؟! نور استغربت : ايوه ليه ..؟؟ ام نواف : من ساعه ادق ومحد يرد علي .. افتحوا الباب انا وام حمد برى .. نور : يوووه محد فتح لك الخدامات الحمير .. ركضت تفتح لعمتها نزلت من الدرج بسرعه وهي تقاوم دموعها متى بيحس فيها يزيد ويدق .. . . . جسمه عرقان وجهه احمر .. تعباان مره .. مايقدر يقاوم بعده عن المخدر.. لكن لازم يتعالج .. أكل من الفواكه اللي قباله .. وهو يقاوم الالم اللي يحسه .. هاللحين احسن من اليومين اللي فاتوا كان بحاله هستريا بدونهم .. نفسه يتطمن على نور .. ماقدر يطنشها اكثر ..دق عليها واللي فيها فيها .. . . . نور تناظر بالخدامه اللي تصب القهوه لجده .. والجده كيف معصبه عليها .. : يااحافظ ..وش ذي القهوه ماليه الفنجان .. الناس ماتملاه نور وهواجس ضحكوا عليها : هههههه نواف : يمه فلبينيه وش يدريها .. الجده : فلينه ومن جايب فلين هنيه ها .. نور تصرخ لها : هههه يمه يقولك فلبينيه .. يعنـ قاطعها صوت الجوال ..بنغمه نوكيا العاديه .. رفعته بطفش .. بس ابتسمت من قلب (( يزيــــــد دق يزيــــــــد )) ركضت بسرعه لبره وهي ترد ..: يزيـــــــــــــــد هلاااا وغلاااا .. يزيد ايتسم لصوت اللهفه باسمه : هلا حبيبتي كيفك .. نور حالفه ماتبكي اذا سمعت صوته ولاتبين له انها مهتمه بس غصب عنها .. قالت بزعل : وينك .. ليه ماتدق ..اذا ماتبغاني قل .. يزيد ضحك : ههههههه – مسك صدره بالم – لااا ياقلبي والله ابغاك وتهقين حياتي بدونك تسوى .. نور : اجل وينك ..؟! يزيد اخذ نفس طويل وهو يناظر بغرفه المستشفى في المانيا : اياام وراجع عندي شغل وبرجع .. نور: وليه ماتاخذني معك .. يزيد : نوااارتي لاتصيري حنانه .. خلاص كم اسبوع وبرجع .. نور عصبت : كم اسبــــــــوع .. وش تعمل هناك ..يزيــــد انا موبزر عندك انا زوجتك قلي وش عندك هنا .. متزوج .. يزيد كتم ضحكته ..: متزوج .. افااا نوارتي انا اناظر وحده غيرك ... لااا والله مافي بقلبي غيرك .. نور ابتسمت وقالت بدلع : ايوه اضحك علي .. يزيد : والله العظيم وعلشان ترتاحي كم اسبوع وارسلك تجي عندي نعمل شهر عسل غير هذاك نور ارتاحت : اوكـــي بس ها تحاكيني كل يوم وكل دقيقه .. يزيد : اكيد .. وهاللحين قولي لي وش كنتي تعملي ..؟! نور: اممم عمتي عندنا وجدتي .. وكلهم .. حنا ببيت هواجس اقصد عمك .. يزيد : ايوه وش عندكم .. نور : تعرف هواجس تحتاج امي .. وملاك ببيت عمتي طوال الوقت .. اجلس لوحدي بالبيت .. يزيد : صح اجلسي معهم .. حبيبي ابسكر هاللحين ..مـ نور قاطعته بعنا د: لاااا انا ماصدقت حاكيتك .. لااااا يزيد تنهد وهو يحاول يقنعها تسكر .. ******************** عشاق من احفاد الشيطان ... روايه رومنسيه حزينه .. ... وخياليه ************************

15 Apr 2008, 07:48 PM	#245
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان مدمن قهوه وحلاء قليله فيه هالكلمه .. طول ماهو جالس يشرب قهوه ويحلي .. يضيع وقته باي شي يسليه ويبعدها عن افكاره .. بس كل زاويه كل ركن بهالبيت يذكروه فيها .. ضحكاتها البرياءه .. ابتسامتها الغبيه .. دموعها المظلومه .. ارتجف الفنجان بيده وهو يتذكر حكيها له .. ماتسامحه بعد مايكتشف برائتها .. اصعب شعور تكوني بنت بنوت ويتهموك بشرفك .. او حد يشك فيه .. ناظرت نوره برجفت اي تركي بالقهوه وعيونه على الكنبه اللي دايم تجلس عليها سجى .. تنهدت بضيقه ..على سريرها ... وبزرها بيدها .. حال تركي مو عاجبها ابدا .. بدون وظيفه ..ومطلق .. وماهو بمهتم انه عطالي .. تمنت ان هاجر حولها هاللحين مو بالقصيم .. كيف تطلع اخوها من حاله .. ام تركي تعطي تركي فنجانه الخامس وهي تسولف مع شذى وماحست بشي .. نوره : يمه .. ام تركي : هلا .. نوره : لاااا هنتي أعطي بدر لتركي .. تركي التفت وناظر بولد اخته الصغير مره .. وحس بغصه بحلقه .. ماكانت نوره الاخت اللي تعين وتصبر كانت تزيد الجو توتر بينه وبين سجى .. لاااا مايحقد عليها بس مصدوم منها .. وماخذ على خاطر .. اللي كانت صديقتها قبل ماتكون اخته .. تركت غيرتها من سجى تحركها وتكرها فيه اكثر .. رفع بدر وهو يسمي ماله يومين من ولدته .. لونه اصفر مرره .. بيطلع ابيض عيالهم .. ابتسم وهو يتخيل لو انه يجيب من سجى .. كان ولده طلع كتوت وياخذ العقل .. بلع ريقه وهو يبلع معه غصاته .. مشتاااق لها .. لضحكاتها .. عنادها الطفولي .. حركتها بالبيت واول مجهوداتها بالطبخ الفاشله .. ومشتاق لطبخها اللي غطى على طبخ غيرها .. شذى قاطعته وهي واقفه على راسه وتناظر ببدر : لااا حظ تركان انت الوحيد اللي مسكته من امس وحنا هواش معها نبغى نمسكه .. ابتسم لنوره بعتب ..عارف مكانته بقلبها بس زعلان منها .. : ايوه يابنتي انا تركي .. ام تركي : قل امين ياتركي .. تركي عارف وش بتكون دعوة امه .. يارب يرزقه ولد مثل قريب ..قال بهدوء: آمين ام تركي : الله يعوضك عن بنت ابليس اللي كنت ماخذها .. ويرزقك ببزر من بنت الحلال اللي تستاهل لك .. تركي بعصبيه خفيفه مع حده : يمـــه راحت بخيرها وشرها .. خلاااص اذا بتدعي مره ثانيه عليها ماني بجلس معك .. كل ماشفتي خلقتي دعيت على بنت الناس .. وانتي ماتدري ان ولدك ظالمها .. نوره وشذى ناظروا ببعض من عصبيته اللي مالها مبرر .. اما ام تركي ماسكتت : وانا صادقه وش اللي جالك من وراها غير الفقر والبهدال .. تركي حط بدر بحضن امه متنرفز : ايووه الفقر .. الا يوم تركتها افتقرت وحالتي حاله .. الله يرحم ايامها كنتم ولاملوك من خيرها ..- نار بنوره وعيونه بعيونها لااا وطالعين نازلين سب وشتيمه فيها .. وكانها بنت شارع ..انا ظلمتها وانتم ماقصرتوا كملتوا عليها .. شذى بلامبالاه جلست : اللي يسمعك يقول انها كانت قسيسه .. تركي عدل جلسه والكبت اللي فيه انفجر على شذى .. قال باستهزاء : لاااا قسيسه من سجى .. اعووذ بالله .. هي بنت شوارع . . – صرخ بعصبيه – ماكانها هي اللي كانت تطبخ لك غداك وعشاءك يانسه شذى والا تنظف وصخ خوانك وهي ماهي ملزومه ... ماكانها لبست ثوب غير ثوبها .. ونامت على ارض لو انتي كنتي بمستواها وعيشتها مارضيتي تناظريها حتى .. تاففت بس سكتت وتحملت وكل هذا – كمل بين اسنانه وبقهر – علشاني وانا الغبي ماحسيت .. كابرت بغباء ..وعناد ..لو انـ قاطعه صوت جواله ..(( رد رد يالخايس لافقع وجهك ..)) عرف نغمه متعب .. وناظرها لثواني عاقد حواجبه ..ير والا لااا .. كان صدره يطلع وينزل من القهر اللي فيه والمجهود اللي بذله بالصراخ.. طنش مارد على متعب ماله خلقه .. له فتره يطنشه مايرد عليه .. خايف منه ومن زعله .. اما ام تركي ونوره وشذى كانوا ساكتات .. ولا وحده منهم نطقت بكلمه .. وش يقولوا وش الحكي اللي ممكن يشفع لهم .. تركي قفل جواله ورماه بجيبه وهو يسحب الريموت بعصبيه ويغير المحطات .. والتوتر مع الهدوء مالي الجو.. محد يبغى يحكي وينفجر تركي اكثر .. هم عارفينه اذا عصب شين .. تركي كان يحاول يمسك اعصابه ويهدي دقات قلبه السريعه .. حس براحه قليله بعد ماطلع اللي بصدره وراحته بتكتمل اذا رجع لشغله ..ورجع سجى .. ******************** عشاق من احفاد الشيطان ... روايه رومنسيه حزينه .. ... وخياليه ********************** وقفت ندى عند باسكن روبز وهي محتاره وش تختار .. عيونها تنتقل بشهوه ..لتوفي ..و .. الشوكلت ..وا المانحومع الفانيلاو لليمون .. والا فانيلا ساده .. اممم وش تختار نفسها فيهم كلهم .. ماحست الا بيده تسحبها وقبل لاتلتفت كتمت نفسها .. كانت تبغى تصره تستجد بالفلبيني اللي يبيع الايس كريم .. همسه وانفاسه الا باذنها وقفتها :ندى انا سااامي اسكتي لاتقضحينا .. ندى التفتت بسرعه وهي تسحب ايده اللي رتخت من فمها .. اخذت مفس طويل وهي تناظر بعيونه الناعسه : ..وش هالاسلوب الابله تجرني كذا .. سامي ابتسم : كنت ابغى احاكيك لوحدك بدون احد ... ورفع نظره لاحمد والبنات .. ندى : ومن انت علشان تحكي معي وشالمواضيع اللي بيننا .. تغيب اسبوع ومادري كم يوم وبعدها تحكي ببرود ابغى احكي معك .. سامي: بالهداوه ياحلو علي ممكن نجلس ابغى احكي معك .. ندى ناظرت بالناس اللي حولها داخل المجمع ..: انـــت ماخذ مقلب بنفسك .. انا ماحكي مع اشكالك .. سامي : ندى همس دقايق بس .. ندى حاولت تقاوم نظرت الرجاء اللي بعيونه بس ماقدرت ..: همس دقايق .. ابتسم بثقه : اوكي خمس دقايق وعد .. اختار كوفي شوب مسكر واضاءته خافت ماعجب ندى المكان بس سايرته لانها باختصار مشتاقه له ..وتحتقره .. سامي سحب لها كرسي : تفضلي .. ندى عناد غبه جلست بكرسي ثاني ..: اخلــص .. سامي تردد يحاكيها هاللحين والا لا.. نفسيتها واخلاقها ماتساعد بس تذكر ان تعاملها مع كل الرجال كذا .. جلس وهو مبتسم ..: في كيك هنا راح يعجبك .. ندى بين اسنانها : ساااامي اخلص .. ماني بوجده من خوياتك .. سامي طلع ورقه من جيبه .. فتحها ..ومدها له .. : خوياتي هذاااك قبل والله يغفر لي اما انتي غير .. ندى ناظرت بالورقه : ايش هذا .؟! سامي : لاتخافي مافيها سحر .. ناظرت ندى بالورقه ومافهمت منها شي ..قالت ببرود وعيونها تنتقل للورقه : اسمي الكامل .. و..و.. واسمك – نقلت بصرها لفوق - ومكتوب فوق عقد نكاح .. شهقت بصدمه : عقد نكــــــــــاح .. قرته مره ثانيه تتاكد وتدور المصدر السعويه وعلى سنه الله ورسوله .. ارتجفت ايدها .. وريقها جف ..ناظرته تدور تفسير لان لسانها لزق بفمها .. سامي قال بجديه وتفهم : ماكت ابغى كذا او بهالطريقه بس اضطريت .. لاني مابغى اضرك وابغاك لي بالحلال .. ندى صرخت بانفعال : انت مجنــــــــــــــــــــون .. سامي التفت حوله : ندى تعوذي من ابليس ومايستـ قاطعته ندى وهي توقف وترمي الورقه بوجهه : اذا فكرت اني بصدقك فانت غلطاااااان .. واكبر غبي .. مشت بسرعه لبرى الكوفي وهي تغمض عيونها بقوه .. الورقيه رميه وحقيقيه ..ارتجفت اكثر ..وهي تركض لبرى المجمع .. حقيـــــــــــــــــر عملها واستقل موقف اهلها منها .. . . . سامي تنفس براجه كان متوقع جزمه او كف .. جاءته سليمه والجاي اصعب .. . . دقت الباب بقوه .. وعلق اصبعها على الجرس بصعوبه وصلت لشقه .. نجود : مــن..؟! ندى بين دموعها : انا افتحـــــــــــــــي بسرررررعه .. نجود فتحت بسرعه مستغربه من صوت ندى .. ندى دخلت ورمت نقابها بسرعه تبغى تتنفس نقلت نظرها بين الموجودين .. نجود عند الباب .. ولمى بالمطبخ .. وشمس على الكنبه .. اللمحه و الدم وجه الشبه .. شدوها .. مشت بسرعه لعند شمس : شــــــــمس ... شمس مامدها ترفع راسها الا وندى جلسه بجنبها تضمها وتبكي .. شمس مثل المويه البارده نزلت على جسمها ..ندى تبكي لااا وتحضنها .. نجود ولمى بسرعه راحوا لعندهم وتجمعوا حولهم .. نجود : بسم الله عليك نـــدوش وش فيك ..؟ شمس تهديها : تعوذي من الشيطان ندى ولاتبكي .. ندى همست لشمس محد سمعها من البنات .. بصوت مرتجف : سـ.... ... ا ... مـ ... ...ـي.. شمس قلبها قبضها وحست بخوف .. بعدت ندى عنها بسرعه : عملك شي ... ايــش حصل ..؟ تن تن ..تــــــن .. تـــــن .. صوت الجرس منع ندى ترد بس اعطت شمس نظره نفي طمنتها شوي .. نجود : مـــن ..؟ سامي بصوته الجهوري الواثق ..: انـــا .. ندى التفت لشمس برعب وارتجفت ..حست شمس برجفتها ..وتاكدت ان فيه شي .. نجود ولمى استغربوا نجود: سامي متى طلع .؟! لمى : وش يبي رجع الله لايرده.. شمس بعدت ندى عنها .. وقفت تفتح الباب .. ندى حست برعب حقيقي ..ركضت لغرفتها وقفلت الباب .. لاااا ماتبغى تشوفه .. سامي دخل وناظرهم ببرود : وينها..؟ لمى بعصبيه رفعت ايدها : انت هيــــــه لاتضن ماعندها رجال يعني محد يقدر يوقف بوجهك .. شمس : ايووه ياسام مو بنات خلق الله لعبه بيدك .. سامي: مالك دخل بيني وبين زوجتي.. شمس ولمى ونجود بنفس الوقت ..: زوجتــــــــــــــــــــــــــــــــــــــك ..؟؟!! ****************** عشاق من احفاد الشيطان ... روايه رومنسيه حزينه .. ... وخياليه ************************

مسابقة منتديات محشش الكبرى

تفضل بالدخول

رواية عشاق من أحفاد الشيطان

قصص المحششين

15 Apr 2008, 07:49 PM	#246
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان تابـــــــــــــــــــــــــع ... << لحضــه .. لحضـــه .. لاتصدقي كل حكي العذال .. انتي لي .. وانتي كلي .. وانــا مو شخص خوان .. >> بقصر العلياء الفخم .. بمثل هالجو ..واليوم من الاسبوع .. الناس مجتمعه تضحك وتسولف الا هالقصر .. كائيب وظلاااام .. : ربوبه ابنزل لشرقيه اجيب عمي وزوجته .. تامري على شي .. روابي مو عاجبها الوضع .. قالت بحده : لااا .. متعب : هع هع هع الاخلاق مقفله ... روابي : يحق لي .. وش لها فيك .. تقول لزوجها يجيب اهلها .. متعب طفش منها من ساعه يحاول فيها .. بجديه جلس بجنبها : اسمعيني يابنت خديجوه .. انا رجال ومو انتي تقولي لي اجلس ولا تجلس .. روابي تاففت بدت محاظرت رجولته الطاغيه : آآآآف .. متعب عقد حواجبه : لاتتاففي هي بنت عمي مثل مانتي بنت عمتي واذا طلبتني ماردها .. روابي : بس انا زوجتك ويحق لي اغار عليك خير تناديك لوحدك .. متعب بطفش وقف : يالليل انتي االحكي معك ضااايع .. روابي تكتفتت وضلت معنده ..وقالت بعصبيه : براسي حب مانطح وروحه ماتروح .. متعب : وش رايك تسافري مع امك لحائل .. روابي فتحت عيونها وناظرته بصدمه .. ايش قصده بيطلقها .. متعب كمل حكيه : دام امك الاسبوع هذا تبي ترجع لحائل ومصره روحي معها .. مالك داعي تجلسي بالرياض .. زواجنا قريب مو بعيد .. روابي وقفت بعصبيه : على بالك راميه نفسي عليك .. وماكانك انت اللي جالس تحاول بامي نجلس .. متعب بين اسنانه : ضنيتك عاقل وان سواتك مثل بنات خلق الله العاقلين .. روابي بين اسنانها ..: انت .. انت متعب وصلت معه ..: انا ايش ..؟! سجى دقت الباب بهدوء وهي تنقل نظرها بينهم واضح التوتر بالجو ..: هاي .. متعب اخذ مفتاح السياره وشماغه : هاي .. روابي ماردت عليها .. كان نفسها تبكي .. ليه يعاملها متعب كذا .. سجى حطت جهازها على الطاوله وهي تعدل بيجامتها الموف .. وتذكر نقاشاتها الحاده مع تركي.. : ميتو طالع .. متعب كمل طريقه : لشرقيه .. سلمي على امي .. روابي بصوت حاد رفعت جواله : لحضه .. متعب طنشها وكمل طريقه لبره .. اخر حياته مرأه تتحكم فيه ..وبتصرفاته .. دخل سيارته وحرك معصب ... اما روابي رمت جواله بجنبها على الكنب .. نسى جواله والا تراب بوجهه .. سجى جلست وهي تحاول ماتحتك فيهم ولاتدخل ..لكن قالت شي بمكانه الغلط ..: روابي زرتي وعود .. روابي بس سمعت اسم وعود حس بدمها يثور وااعصابها تتفجر : وعود الزفت زرتها وهي ماتستاهل .. سجى عصبت كل شي عندها ولا وعود : روابي بليز احترمي حالك ولاتحكي عن وعود بهالطريقه .. روابي : اذا مهتمه لهدرجه .. زوريها .. اسالي عنها .. سجى ماتتخيل تشوف وعود وهي تعبانه او بدون بطنها : لاااا ماقدر اناظرها .. روابي : تكفين يالحساسه .. ناظرتها سجى بحقد الحكي معها ضايع .. وشغلت نفسها بالنت تدور طبخه تسلي فيها نفسها .. صارت تحب الطبخ بعد مارجعت من عند تركي .. لكن مخططها تغير بعد مارسل جدها لايميلها تزوره اليوم ببيتهم .. سكرت جهازها بسرعه وطلعت تبدل وتغير جو .. وتحمد ربها انها ماتحتك مع امها كثير لانها اغلب وقتها تجلس مع عمتها خديجه بعد ماتناسبوا .. والبيت من دون وعود يطفش .. روابي كانت تهز رجلها بقهر وهي تاكل اظافرها بايدها .. سافر وطنشها ... لاااا طردها من بيتهم ..... التفت على جوال متعب وشاشته تنور .. حاطه على الصامت ..اكيييد مايبغاها تدري من يدق عليه .. (( الغثـه )) احتارت ترد والا لااا .. لااا وش تردي ياشركه الالبان لو هو واحد من ربعه .. لكن حدسها الانثوي يقول ان فيها ريحه نسائيه الدقه .. ردت وماقررت تتكلم لحد ماتتاكد .. جاءه صوت لميس المايع المايص .. : ميتـــــــو بيبي ليه ماترد .. مثل ماحساسها قال لها .. القصه فيها بنت .. حست بالم في قلبها يقطعها .. متعب يحاكي بنات غيرها .. قالت بعصبيه وهي ماتحس بدموعها اللي نزلت بسرعه : من انتي يابنت الكلب .. لميس : .......؟؟!! روابي بانقاسه لاهثه : كانتس بنت ابوتس ردي .. لميس بحذر : انتـي اللي مين ..؟! روابي : لاااا ياشيخه داقتن على جوال زوجي وتقولي من انتي .. جد انتس ماتربيتي .. لميس ببرود : واخيرا تعرفت عليك .. ميتووو حكى لي عنك .. روابي باستهزاء : والله وش قالتس اني غبيه وثوره ومادري عنكم .. والا ماخذني تسليه ..وتصبيره .. لميس ابتسمت بخبث لغباء روابي :هههههههههه .. لااا كذا ولاكذااا .. قالي انك ولاشي بحياته .. وقالي لاهتم بوجودك لانك ولاشي بالنسبه له .. روابي وقفت بعصبيه وهي ترتجف و تصرخ : ولاشـــــــي.. تفوااا عليتس وعليه .. تهني فيه .. سكرت بوجه لميس وجلست على الكنبه تبكي .. غطت وجهها بيدينها .. قالها ارجعي علشان ينبسط معها .. يامر طعم الخيانه .. وياقسوتها .. . . . فتحت سجى دولابها بملابسه الجديده .. طلعت لسوق مع جدها وعوضت حرمانها الايام اللي فاتت .. اختارت بدلتها بعنايه وهي عارفه ان غريمتها شموخ بتكون هناك .. بدي احمر صارخ ..يتثبت عند رقبتها ..مغطى من قدام ..ورى بس اكتافها تبان .. لكن بالجنبين ينربط بشكل اكس .. يناسب طول ظهرها وبياض بشرتها .. زينته ببروش الماس..عليه اسمها بالانجلش .. اخذت تنوره من الحرير الاسود لفوق الركبه .. هذا مو ذقها ولايعجبها لكن جدها مختاره لها ونفسه تلبسه .. كانت تتمنى ان زوجها يكون بحنان جدها عليها .. تركي فيه حنان لكن مو لها لغيرها .. دنقت وقدمت شعرها قبال وجهها وهي تنفضه علشان يكثر .. وتحاول تبعد تركي عن بالها .. رجعت شعرها لورى ورفعته شنيون باكسسوارات تبرق .. عملت مكياجها بعنايه وروقان .. واسنانها ترص ببعض .. تبغى تحطم شموخ وتكسر انفها ..اكره انسانه قابلتها .. رشت عطر خفيف علشان اذا طلعت لعند السايق .. وسحبت عبايتها طلعت وهي تدندن لازم تكون مستعده لواجهت شموخ .. لكن ام رياض هي اللي واجهتها : علــى وين ان شاء الله ..؟؟! سجى تكره صوت امها .. وتحس بدموعها تتجمع بعيونها او ماتسمعه .. عارفه بكره امها لها : بطلع لبيت جدو .. ام رياض : لاااا ومن مين اخذت الاذن .. سجى بهدوء : مو من احد جدوا عازمني .. ام رياض : اجلسي بس اجلسي تبغي تفضحينا انتي مطلقه وتزور .. سجى مدت بوزها وهي تكره ترجع لشخصيتها الغبيه وايامها القديمه : هذا ربى مطلقه ومسافره لوحدها .. ام رياض : ربى عاقل وماعندها حركاتك والا تبغي اذكرك بفاعيلك السوداء ... سجى تصرخ بداخلها (( ليه ماتحبيني ..؟؟!... ليـــــــه ؟؟! انا بنتك ..انا صغيرتك .. مفرروض انا دلوعتك .. انتي مفروض تكوني الحضن الدافي لي .. ليه تكرهينـــــي .. ليه يماما ..؟؟)) ام رياض : لاتناظري فيني كذا وكاني قاتله لك احد يله ارجعي لغرفتك ومابغى اشوف وجهك .. سجى بعناد : لااا جدو قالي تعالي .. ام رياض بدون تفاهم .. شدت شعرها : انتي ماصار لحد كلمه عليك تكبرتي وطلع لسان .. سجى : اااه ماما شعري انا موبزر .. ام رياض فيه قهر من سجى : تضربي زوجه خالك وتفشلينا الله يسود وجهك جلستي مع الهمج وصرتي مثلهم .. سجى تسحب ايد امها اللي اطول واضخم منها : ماااما تالميني .. ام رياض رمتها بكل قوتها على الارض : يله انقلعي لجوااا مابقى الا انتي على اخر عمري تكسري كلمتي.. سجى بكت بقهر : اناااا اكرررررررررررهك اكرهــــــك .. دخلت لغرفتها بسرعه تخاف من رد امها على كلمتها او مره تتجراء وتقولها .. ام رياض اشرت بلامبالاه وهي تكابر اثر الكلمه على نفسها : بزارين اخر زمن .. سجى رمت نفسها على السرير وكحلها سال على خدها .. كانت بدوامه ورجعت لها .. ******************** عشاق من احفاد الشيطان ... روايه رومنسيه حزينه .. ... وخياليه ************************

15 Apr 2008, 07:51 PM	#247
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان دق البوري وعلق عليه لحد مازعج الحي المتواضع .. واللي يبغاله ماطلع ولا رد عليه .. حس ان اعصابه ماهي قادره تتحمل وعليه وعلى اعدائه الليله هذي .. نزل من الفياغراء .. وهو يمشي بسرعه وبثقه خلاااص لعب العيال هذا لازم ينتهي هاللحين .. حط اصبعه على الجرس بيدقه .. لكن تراجع .. وفتح الباب بدون استاذان البيت له حرمه .. لكن هو موظيف .. هذا كان بيت اخته .. وهاللحين بيت صديق عمره اللي ماحضر ملكته ..ولا شهد عليها .. ناظروه البزارين اللي يلعبوا بالحوش مستغربين من زمان مازارهم .. وصرخوا بفرح : خالي متعب ..خالي متعب .. متعب ابتسم لهم فقدهم ..: هييه يالبدو .. وين خالكم تركي .. قفزوا بحماس : جواا يتقهوى .. .. : خالي متعب وين خالتوا سجى .. ..: ايوه وينها الحلوه هذيك .. متعب: هع هع هع لااا ولها شعبيه بعد .. سجى طارت ... ..: خالي متعب وين حلوياتك .. متعب متعود يدخل لهم باكياس من الحلويات .. ضرب راسه : اووه الله يلعن الشيطان نسيت .. المره الجائيه ..ماعلينا ادخلوا نادوا خالكم بس هااا لاتقولوا انه انا .. قولوا رجال اول مره تشوفوه .. شهق واحد منهم ..: نكذب .. رفسه متعب برجله : اااقول يعني اول مره رح ناده وانت ساكت .. دخلوا كلهم يركضوا بحماس ويصرخوا : خالووووا تركان خاااالوا تركان في رجال عند الباب .. تركي لف عليهم ببرود : قلطوه بالديوانيه ..- لف لامه وهو يوقف - يمه جهزي القهوه والشاهي .. والبزارين ارسليهم لبيتك .. عدل نفسه عن مرايه المدخل وهو مو مهتم من الرجال .. ومن كرم الضيفه ماايسال هو يقلطه بعدين يعرف .. واخر شي خطر بباله يكون اخوه اللي فقده اسابيع وكانها سنين .. .. متعب جلس بالمجلس وهو يقاوم مشاعر الخساره والندم .. لو ان سجى لهاللحين زوجه تركي كان غيرررر .. اختلف الوضع .. كان تركي ماطنشه كذا .. ولاحس بثقل وهو ينتظر دخلته للمجلس .. وسجى من جد خسرت رجال .. ماسالها سبب الطلاق .. ولافكر لانه من البدايه ساحب عليهم ومايبغى يعرف .. تركي دخل وقف عند عتبات المجللس .. اخرررر شخص يتخيل يشوفه اليوم وهو بهذا التحطيم .. اكثر انسان محتاجه هاللحين .. ضل واقف عند الباب وهو يقاوم الثقل اللي يحسه برجله .. متعب وقف وناظر فيها بجديه بعيده عن شخصيته مع ربعه .. : يعني لو قالوا لك مات متعب كان سالت عني ..مع اني ماهقى تحضر جنازتي .. تركي حك ذقنه المسنن بالشعر القاسي .. وماهو عارف وش يرد .. قال بصوت واطي : لاتفاؤل على نفسك .. متعب رفع حاجبه اليمين : ليه ماترد ومطنش .. – بصوت غريب على متعب – بو صنعه مافقدتني .. تركي ارتبك .. وهو مستصغر نفسه عند متعب .. جااء له لعند بيت .. ومتعب الزم ماعنده كرامته .. : لااا مافقدتك .. متعب ناظره لثواني : لااا .. انت قدها .. تركي اشر لمتعب : تفضل اجلس .. يااا ولد ارسلوا القهوه والشاهي .. متعب ناظره بحقد : قدها ياتركي ..والاااا تركي رفع يدينه باستسلام : لاااا ماني قدها .. ارتاحت ملامح متعب لكن رجعت انكمشت وهو يسمع حكي تركي الماصخ بنظره .. تركي : اسمع يا متعب من دون لف ولا دوران انت ماعدت الخوي اللي ابغى اقضي معه وقتي .. فلا تضيع وقتك معي .. متعب : تركي بلا حركات خكاره وقل حكي مثل رجال .. تركي بهدوء : انا طلقت اختك .. ومارد عليك .. واقفل بوجهك .. انا واحد اقل من مستواك بكثير .. لاني من طبقتك ولاقبيلتك .. تمشكلت مع جدك وامك بسببي .. غثيتك وضايقتك .. بسببي .. اطلعك من مشكله وادخلك بمشكله ..- صرخ باستنكار - وش تبي مني ..ياااااااه .. متعب ناظر بتركي ومشى يطلع من المجلس بسرعه .. وهو عند الباب قال بصوت متحشره ضايقه فيه الوسيعه : لانك اخوي .. واعز من اهلي .. انا ماخاويتك اتمصلح معك ولاابغى منك شي ..انا لقيت فيك اللي كنت محتاجه عند رياض أخوي .. - لف عليه وانفاسه تتسارع – انا لما اجلس معك اكل واشرب احس بايش الحياه وحنا ليه عايشين .. احس بغيري واني انسان مثلهم .. مو متعب ولد فهد .. او حفيد الرالي ..انت تحسسني اني عايشه بارض عليها ناس .. مو قصور خاليه .. انت ياتركي اللي علمتني اكل بيدي مثل خلق الله ..اللعب واضحك ..وانبسط .. بدون ماكون ضايع مثل خالي فيصل او اخوي رياض .. انا بدونك ماعرف اتصرف .. بغيابك ارج شوي شوي لطبقتي ولناس التافهه اللي فيها .. وفجاءه بدون مقدمات شد قبضة ايده واعطى تركي بوكس بوجهه وهو يصرخ : تفكر اني ماقدر احكي مع اي واحد واجلس معه .. ماقدر اجيب مليون واحد يخاوني ويصيروا ضلي .. انا ابغاك انت .. لااانك انت انا .. وانا انت .. تركي مسح انفه من الدم وهو يناظر متعب مصدوم .. كان يضن انه هو العاله على متعب ..وان متعب مايهتم بوجود او غيبه .. .. متعب اخذ انفاسه بعد ماحكى كثير .. وقال بهدوء : البس نعالتك والحقني لسياره .. بنمشي لشرقيه .. خمس دقايق اذا ماجئيت .. بفهمها من نفسي .. طلع متعب وسكر الباب الحديد بقوه .. وركب سيارته يلعن ويسب بتركي .. يفكر انه عربجي وماعنده مشاعر .. تركي ضل لثواني فاتح فمه وايده على انفه يمسح الدم اللي نزل من قوه ضربت تركي .. خاف ان الخمس دقايق تمر عليه بسرعه .. ابتسم .. فجاءه تكون بقمه الياائس ..وكانك ارض جافه .. تجي مشاعر بسيطه من اخو دنيا تسقيك .. ركض لبره البيت بدون جزمه ..ودخل لسياره يضحك ..: هع هع هع هع .. متعب : والله كنت بحرك .. ضربه تركي على كتفه بقوه وهو مشتاق له : اثاري المدام علمتك تصفصف حكي هع هع هع متعب ضحك باعلى صوته : هع هع هع هع هع .. الصداقه البرياء ..ماتعرف طبقات او حدود .. والبساطه اقرب طريق للقلب .. ******************** عشاق من احفاد الشيطان ... روايه رومنسيه حزينه .. ... وخياليه ************************ << صحوه .. بعد .. سكــــره ..>> ناظر فيها وهي تحكي وتشتكي من امه والعذاب اللي عاشته في الاردن بعيد عنه .. ويحس بالكذب اللي يبرق بعيونها وبكره فضيع لها .. وشوق غريب لوجه وعود الابيض النظيف ..مشتاق لابتسامتها وتعقيدةحاجبها الغامق .. بعكس حاجب كاترين الخفيف من شقورته .. قالت بمياعه ودلال كرهوه فيها اكثر : مابنخاف بيبي انا التلن انو ريااز حبيب البي راح يعوزني باللي عشتوا (( لاتخاف حبيبي انا قلت لهم ان رياض حبيب قلبي بيعوضني عن اللي عشته )) استقلااااليه .. كذاااابه .. انتهاازيه .. حقيييييييره .. كل هذا يشوفه في وجهها ... كيف ماكان يحس من قلب .. كيف عيونه ماشافت كذبها .. ياما قالوا له ونصحوه ماصدق .. ابتسم لها بحقد وهي تقرب منه وتنرمي بحضنه مثل عادتها .. لااازم يربيها قبل ..ويعملها من الغبي اللي تضحك علي .. قال وهو يلعب بشعرها مثل عادته : كات ياقلبي ماقلتلك وش عملت بهذي وعود .. كاترين بحماس : شووو رياض بصوت مرتفع قريب من اذنها : ضربتها لحد مانزلت اللي ببطنها تستاهل موو .. كاترين : ههه يالبي ريري شووو رجااال .. رياض كمل وهو يضحك بداخله : ايوووه انا اكره المراءه اللي تضحك علي كل شي ولااا الكذب .. ماعلينا ياقلبي وش رايك تكملي معك خطتي الذكيه .. كاترين ناظرته باستغراب : خطتك ..؟! رياض : ايووه بما ان جوازك خلاااص انختم عليه ممنوعه من السفر لان عندك سوابق .. كاترين أرتبكت وحاولت تبعد عن رياض ..بسرعه : آآي هـ قاطعها رياض برومنسيه : لاااا ياقلبو انا ماصدق اي حكي ينقال عنك ومايهمني المهم وعود لان اوراقك كلها عندها .. وتعرفكل شي .. كاترين بصدمه : شووو عنداا رياض بنفس الاسلوب : علشان كذا لازم نستدرجها لحد ماناخذ الاورررا .. كاترين بجديه : كيـــف..؟؟!! رياض: سهله ماعليك انتي بدلي اوعيكي .. والحقيني على السياره ابغااك تبيني لها انك مهتمه فيها وانا مستعده تخدميها اوكي .. كاترين علشان مصلحتها تعمل اي شي قالت بانصياع : اوكي .. رياض اول ماختفت عن عيونه .. رمى الطاوله الخشب برجله : غبـــــــي كنت غبــــــــــــي...

15 Apr 2008, 07:52 PM	#248
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان ******************** عشاق من احفاد الشيطان ... روايه رومنسيه حزينه .. ... وخياليه ********************** ضياع .. ضيااااع المشاعر .. وتناقضها .. متاهات .. بين الحاجه والحب .. الخوف من فقدان الحمايه .. والحب صرااع بالتمسك بخيط من السعاده البعيده .. امل بتذوق نكهة الحنان والامان .. انتظرت الليل بفارغ الصبر .. وماصدقت لما سمعت ان جراح تقول لزوجها ان فيصل بعد نص بيجي .. دخل لغرفتها بسرعه وقفلت الباب .. تعبها خف بعد مانامت شوي .. هي اللي تعمله صح والا خطاء .. جنون والا قمه العقل .. ماتدري.. ولااا عاد يهمها .. المهـــم انها ماتبغى تنحرم من فيصل مثل مانحرمت من اهلها كلهم .. اشتغلت بحماس غريب .. ودقات قلبها ترتفع وهي تتخيل شكل فيصل وهو داخل .. دعت ربها بسرها انو مايكسر بخاطرها ... بعدت الخصل عن شعرها وهي تحس باجهاد غريب .. فتحت دولابها وعيونها تنتقل بين ل قطعه والثانيه .. وش اللي يرضي فيصل ويبسطه .. ...... شرب من فنجان لقهوه اللي اعطته امه ..وهو يناظرها بتدقيق .. لو عرفت اللي فيه .. لو درت باللي يحصل معه وش بيكون ردها .. امه عاديه مررره ..بشكلها ولبسها .. حتى بمشاعرها عاديه .. ماتكرهه وماتعامله مثل ابوه .. وماقد كانت الام الحنون .. يحس انها مو امه مشاعرها عاديه بس رابط الدم بينهم .. ام جراح كانت على اعصابها وهي تنقل نظراتها بين زوجها اللي من امس ماطلع من القصر وشكله مسرح طوال الوقت ..وبين ولدها اللي من النادر يجلس بالبيت حتى مع زوجته .. يجي لوقت النوم بس .. واحيانا مبكر بشوي .. فيهم شي .. اللي بينهم شي .. من متى بوجراح مايقدر يناظر بولده او حتى يطلبه يتقهوى معه .. فيصل حط الفنجان : يله انا بطلع ارتاح لي شوي .. بو جراح اللي مافتح فمه بكلمه من دخول ولده .. كان يحاول يستوعب بالتدريج .. ورثه وامواله كلها بتروح لبناته واولادهم .. بيضيع الولد اللي كان يحمل اسمه ويخلده .. اشر لفيصل تفضل .. فيصل كمل طريقه معصب ..(( دامه مايبغاني ليه مجلسني من سااعه قبال وجهه حتى ماناظرني ..)) طلع لدرج بخطوات بطيئه من بعد ماترك شموخ الظهر مايدري عنها .. اكيد مبسوطه ان بيموت علشان ترجع لحبيب قلبها ريان .. نااايمه وماهي بمهتمه .. بس طلعت كم دمعه له امس .. تضن انه بيصدقها او بيمشي ورى هوائها .. زفر وهو يفتح باب الجناح .. كان الممر شبه مظلم ..استغرب وناظر حوله .. يدور مفتاح النور .. وش هالظلام القوي .. حس بايد تسحب ايده وتضغط عليها ..وريحة عطرها المثير دخل لانفه .. وانعش جسمه كله .. وصوتها الناعم يهمس : لااااا .. تعال ورااي .. يسمع صوت كعبها وهي تسحبه .. حاول يتعود على الظلام علشان يقدر يناظرها : شموخ ايش انهبلتي .. شموخ تمسكت بذراعه وهي تضحك بمرح : هههههه لاااا .. فتحت باب الغرفه الواسعه .. وكانت الشموع الصغيره تنورعلى الارضيه الرخاميه .. شموع بلون الاحمر المثير .. والورد الجوري مقطع.. ومرمي باهمال .... وريحه العطر الفرنسي الهادي .. ماليه الجو .. .. ناظر بالسرير والستاره العنابيه الشفافه اللي مغطيته تماما .. التفت على شموخ يناظرها كانت تبتسم وهي مقصصه شعرها لكتفها ..مقصصته كله .. كان طويل وقطعه وحده صار قصير ومقصص .. تغير شكلها 80 درجه .. صغرت كثير بالعمر .. واعطى ملامحها الحاده براءه وهدوء .. لمس شعرها بصدمه وهدوء : قصيتيه .. شموخ ابتسمت وهي تعض شفاتها .. والخوف مالي قلبها .. تحس انها باختبار .. اول مره بحياتها ماتكون واثقه بشكلها ..: تغيير .. فيصل حاول يمسك خصلات شعرها اللي يتحرك بحيويه فضيعه .. شعرها اللي يميزها بكثافته ولونه الكستنائي ..متناسقه مع عيونها الرماديه : ليـــه قصيتيه ... شموخ حست بخيبه امل فضيعه .. : مو حلو ..؟!! ناظر فيها بتمعن في شي تعمله شموخ مايطلع حلو .. في شي مايعجبه فيها .. نقل نظراته لفستانها الذهبي الناعم .. ساده مره ملفوف على جسمها بعنايه .. مبرز مفاتنها بدقه وتفصيل ..: لاتجاوبيني بسوال .. ماقلتيلي ليه قصيتيه .. شموخ تنهدت وهي تسمع صوته الجاف يحاكيها .. لهذي لدرجه مو حلو عليها .. ندمت انها استعجلت وقصته .. قالت بهدوء وخيبه امل : لاتخاف شعري نوعه يطول بسرعه .. فيصل (( ليه انا عندي وقت علشان انتظره يطول كلها شهر ... شهرونص واودع ...)) كان بيرد عليها كذا لكنه سكت .. لان شموخ طلعت من ظهرها باقه ورد جوري كبيره .. مانتبه فيها من اول مادخل .. ابتسمت بتودد وعيونها فيها رجاء غريب : تفضــل .. فيصل ناظر بالغرفه من حوله ورجع ناظر فيها وهو يمد ايده ياخذ الورد : وش المناسبه .. – بصوت مرتفع يهدد – شموخ انتي عارفه اني ماطيق نظرات الشفقه هذي .. واحد بيموت وانتهى لموضوع .. شموخ تصرخ بداخلها .. ياليتها مثل بروده .. ياليتها تاخذ شويه من الا مبالاه هذي اللي عنده .. قالت بصعوبه وحلقها يالمها .. وعيونها تبرق .. زاد من براءه شكلها : انا احبـــك .. ليه ماتحس .. انا احبـــــك .. انا احبـــــــــــك .. ارتجفت ايده .. سمعها كثير من ملايين البنات .. حتى من رسل سمعها .. لكن ماحس بصدقها وقوة تاثيرها مثل هذي اللحضه .. حط الورد بالطاوله بجنبها و ضم شموخ بصمت .... ****************** عشاق من احفاد الشيطان ... روايه رومنسيه حزينه .. ... وخياليه ************************

15 Apr 2008, 07:53 PM	#249
شوق الرتبه: ملازم تاريخ التسجيل: Dec 2007 المشاركات: 592 معدل تقييم المستوى: 4	رد: رواية عشاق من أحفاد الشيطان تابـــــــــــــــــــــــــــع .. بصعوبه قدرت تتروش .. اليوم ماعندها مرافقه روابي تركتها .. وهي ماقصرت معها بشي من الايام اللي فاتت .. وام رياض تطل عليها كل صباح .. لبست البنطلون بصعوبه وهي تتنهد لو انها بالشرقيه هاللحين .. كان هواجس او نور او امها او زوجه خالها ماقصروا معها .. اللي مرجعت حالتها لورى وماتتحسن اكتائب طبيعي يجي لبعض الحريم اذا سقطوا .. سكرت زرايرين من بلوزه البيجامعه بتعب .. وطلعت من الحمام وهي مو قادره تجفف شعرها او تمشطه .. جرت رجلها جر وهي تحس الشبشب الخفيف ثقيل برجلها .. تمدد على السري وتغطت بسرعه وهي تحس براحه من الفطاء اللي دخل بجسمها .. غمضت عيونها بتعب .. بس نست تطفي الانوار .. ومافيها تتحرك تطفيهم .. مجهود متعب الحركه لجسم ضعيف مثلها .. . . . وقف عند كوشك صغير بالمستشفى وهو متجاهل كاترين تماما .. حتى عيون بياع الورد اللي عليها ماهمته .. لكن يتخيل لو يناظر وعود فقع عيونه .. قال بتفكير : اعمل لي باقه من هذا اللون .. اشر على ورد عنابي محمر .. بلون الدم .. لون ينزف بالحب والمشاعر .. واختار دبدوب ابيض متوسط الحجم .. وعود ماعندها هذي الحركات بس يجرب .. كاترين بغيره وهي لافه الغطاء على شعرها بطريه توحي بالغباء على شكلها مع عبايتها القصيره .. : حبيبي لشوو كل هيدي بيكفيها ورده وحدى .. رياض ناظرها بتهديد : كاااات وش اتفقنا ..؟! كاترين : اوكي اوكي مابتعيط .. رياض تافف منها مايكفي انه انشغل معها ومع دفن الصغير .. ومع جده وماقدر يجيها ..بعد هاللحين تقول هذي مو لازم .. طلع الاصنصير اللي اخذهم لقسم الولاده .. كان تارك كاترين تشيل الورد والدبدوب وهي تافف علشان يحس وياخذه منها .. لكن رياض كان بالصحوه بعد السكره .. دور على رقم غرفتها وخطواته تتسارع .. شووق فضيع يعتريه .. عدل نظارته الطبيه وهو يناظر الغرفه .. اخذ الورد والدبدوب بقوه من كاترين وقال بتعالي وقسوه : احتريني هنا .. كاترين ماعجبها : لشو بدي فوت معك .. رياض ماطاقها اكثر قال بطرف انفه : اقولك احتريني هنا سمعتي .. دق الباب بهدوء دقه وحده ودخل .. ضنها صاحيه من الانوار القويه بس خاب اامله كانت نايمه .. ناظر لساعه المثبته على الجدار اكيد تنام 2 بالليل .. ابتسم وهي يمشي لعندها .. تاكد الا جزم انها حبيبته .. وروحه الثانيه .. حط الباقه مع الدبدوب على الطاوله وهو يطفي الانور القويه ويشغل نور الابجوره .. اريح لها .. قرب لعندها وناظر بملامحها الهاديه وهي نايمه بسلام .. جلس بجنبها .. ومسك ايدها .. وبذراعها ابر اثار المغذي .. مسح عليهم بنعومه وقلبه يعوره عليها .. كانت دقات قلبه سريعه .. من شوقه لها .. وعود حاسه فيه بس ماتبغى ترد عليه ..لانه مايستاهل .. احقر منه ماقد شافت .. ماتبغى تسامحه او تحن عليه .. رياض دفاء ايدها البارده مره بايده الدافيه .. الجو ماكان بارد كان بدخلت الشتاء .. تعبت كثيييير .. كثييييير .. تدور الراحه .. شدت على عيونها اكثر .. تمسك دموعها اللي تحرق جفنها .. محتاجه له .. لااااي حد معها .. هي ام فقدت ولدها ..من يحس بالمها .. رياض ناظر ببجامتها الخفيفه اللي ماتزررت كويس .. فصخ جكيته الربيعي .. .. كان قطني عادي .. بعد البطانيه بهدوء وبحذر علشان ماتحس .. لبسها الجاكيت بعنايه ..سكر جراره كويس .. وهو يمسح ظهرها يدفيها .. تحس انها طفله صغيره رجعت لحضن امها .. الدفاء يزيد من حرقان دموعها لجفنها .. دعت ربها ماينتبه لاحمرار جفنها .. هزها بخفه : وعووود وعووود .. وعود :........ ماردت ولا كانها تسمع .. رياض نسى كاترين واهلها ..جلس عندها يحاول يدفيها ... اما .. وعود لما تاكدت انه مايناظر وجهها .. نزلت دموعها بصمت ..يجرح ويداوي .. . . . كاترين ناظرت بالساعه .. وبالممر الفاضي داخل المستشفى الخاصه .. لمتى بتنتظرهم يطلعوا .. تاففت وفتحت الباب بهدوء .. التفت لها رياض واشر لها بهمس مع حده : تعالي هنا .. مشت مستغربه من تغير رياض المفاجاء .. رياض اشر لها: اجلسي هنا وبدون صوت .. اي شي تطلبه منك وعود تعمليه سامعه .. كاترين تخصرت باستنكار: شووو .. رياض : وطي صوتك .. ولاتشوشوي علي .. كاات رقبتك بيدها .. ورضاها سلامتـ قاطعته كاترين وهي تضي عينها على وعود اللي شعرها مغطي وجهها : ايي فهمت خلاااص .. جلست بالكنبه البعيده وين ماشر لها رياض .. وهي تهز رجلها .. رياض ناظرها بخبث بعد شعر وعود عن وجهها .. وقال بصوت مرتفع تسمع كاترين : قلبي وعود .. هذا كات عندك جبتها تخدمك .. كاترين شهقت وقبل لاتنطق اشر لها رياض ..((لاتنطقي )) وعود غاس وجهها بالمخده علشان ماتناظره ..او يشوف دموعها ... تحس انها ياتتوهم او تحلم .. كاترين موجوده ورياض يقولها تخدمها .. .. حتى باحلامها لاحقها .. حلم مزعج.. رياض ماحب يضايق وعود اكثر لانه حس انها مو نايمه .. جلس بمكانه ماتحرك يناظرها طوال الليل .. وكاترين تناظرهم حاقده .. ******************** عشاق من احفاد الشيطان ... روايه رومنسيه حزينه .. ... وخياليه ********************** شمس جديده ..اشرقت باشعتها الذهبيه .. وشعاع واثق تسلل لعند غرفه المكتومه .. << يمهل ولااا يهمـــــــــــــــــــــــل >> لهاللحين .. ماهو بفاهم تهمته ايش .. مرمي بالسجن .. ولايدري عن السبب .. حتى مكالمات مع حد ممنوعه عنه .. وش اللي عمله بالضبط .. مايردي حتى الحكي اللي سمعه منهم عن غسيل الاموال شاك فيه .. واخيرا حد حن عليه .. واخذه لعند الضابط .. : ايـــش القصه وش فيه ..؟؟ الضابط : تكلم كويس ولاترفع صوتك .. ريان بعصبيه : من امس راميني بالحبس ومانع عني السيجاره وتبيني ماعصب .. الضابط : والله وبالله ترفع صوتك اكثر لكون مربيك .. ريان ضغط على اسنانه : ابغى احكي تلفون ... الضابط : علشان كذا انا مناديك ..دق لك على محامي تصرف .. ريان اخذ التلفون ومارد على الضابط ..دق على منى بسرعه .. (( ردي رررررررردي بسرعه )) بعد اكثر من دقه .. ردت : الو ريان كويس دقيت .. ريان : منى مو وقته انا متورط منى: عارفه اسمع انا مالي دخل الاوراق كلها باسمك وكل شي واضح واذا قلت اسمي ماتلوم الا نفسك سمعــت .. طوووط طوووط .. سمع صوت الخط .. التفت لضابط : ممكن اعرف ايش فيه ..؟! الضابط : انت متهم بغسيل اموال .. وكل شي ضدك فاعترف احسن لك .. غسيل امـــــــــــــــــــــــــوال .. بعد مشدات ونقشات مع الضابط ... فهم القصه .. قطع شفايفه من كثر لضغط عليهم ... زوجته المصونه تغسل اموال .. تشتغل بطريق مو صحيح .. عجوز شعره بينها وبين القبر يطلع منها كل هالبلاء .. عرف لها هاللحين .. وفهم اصرارها وتعلقها فيه .. ملعونه .. لعبتها صح ..؟! وهمته انه يلعب عليها وتركته يعيش ولااا ملك عصره.. وبالاخير كانت تستخدمه اداه تغطي فيها بلاااويها .. مصيبه .. واي مصيبه ..!!!؟؟؟!! قضيه معقده ومحبوطه صح .. ولا اشطر محامي يطلعه منه .. ****************** عشاق من احفاد الشيطان ... روايه رومنسيه حزينه .. ... وخياليه ************************