بسم الله الرحمن الرحيم

السلام عليكم ورحمة الله وبركاته



رائعة من روائع المتألق دائماً فهد المساعد ... أتمنى أن تنال على رضاكم


قبل أسافر كنت جالس في زمان الانتظار
ارتشف هم المكان وكل همي حاجتين
كنت خايف من يباس وكنت خايف من خضار

كنت اخاف انك تجين وكنت خايف ما تجين
لين شفتك من ورا بيبان صالات المطار

مقبلة من كثر شوقك كنت اشوفك تركضين
مرة ركضك يمين ونظرة عيونك يسار

ومرة ركضك يسار ونظرة عيونك يمين
تايهه ما كنك الا ضحكة وسط انكسار

ساكتة ماكنك الا دمعة فيها حنين
خايفة..وجله..حزينة..يعني كنتي باختصار

تشرحين لكل عاشق معنى كلمة عاشقين
بعدها جيتك ولدّت عينك ودار الحوار

من كفوفي دمعتين ومن كفوفك دمعتين
كنت أصدّ وكنتي انتي ثايرة مثل الشرار

ما على لدغة لسانك غير كلمة ( وين؟ وين ؟ )
واذكر اني قبل ابديلك ايه اعتذار

رحت حتى قبل اطيب خاطرك في كلمتين
لكن انتي عارفتني زين واللي صار صار

سامحيني واذكريني قد ما انتي تقدرين
اذكريني لا انتهت للشمس رحلة مع نهار

واذكريني لا صحى للصبح ورد الياسمين
واذكريني لا لمحتي في ليالي البرد نار

واذكريني لا سمعتي للمطر صوت حزين
اذكريني واذكريني واذكريني .. باختصار

اذكري فهد المساعد قد ماانتي تقدرين

م
ن
ق
و
ل