السلام عليكم

يسعد ايآآمكم

.
.
قبل كم يوم تناول طعام العشاء نفر من الانس .. وابدوا استغرابهم لاني أطبخ لنفسي و ادبر نفسي بالاكل ولا اكل برا البيت الا ما نَدر(يعني بين قوسين هب ريح)
مع العلم انه كان منهم 2 اناث.. قالوا لي حنا لو تقول لنا اكسروا بيضتين على المقلاية قلنا وهـ بس ما لنا نفس ((هم ما قالوا بالضبط وهـ مالنا نفس ,, بس قالوا نفس المعنى))

فـ حبيت اني اشوف أراء حبايبي المحششين بالموضوع
..
..
..
مع العلم انه بنفس الوقت هو يبي يكون بحث طويل وعريض مطلوب مني اسويه بأحد المواد بالمدرسـة
((يعني هو مهب مطلوب مره مره بس انا افكر اني اسويه لعل وعسى انه ينال رضى العجيز وتقولي خلاص مهب لازم تسوي ريسيرش اخر السميستر))
.
.
.
الموضوع راح احاول اقسمه بين الجنسين بس تركيزي يبي يكون على المحششات الشطورات
((بالله صورة وحده لابسة مريول رصاصي ونازله من السياره الساعه 6 ونص الصبح أمام الابتدائية الـ الخامسة عشرةِ ))
.
.

عزيزتي المقلعه /
.. لو نفرض ان عمرك ما بين 18-25، وفي يوم من الايام لسبب من الاسباب تم غياب امتس عن المنزل( لأن اختس/خالتس الصغيرة والده بالمستشفى و ماما مرافقه معه لكم يوم) .. وش هي إحتمالية انك تدخلين المطبخ وتزينين الغداء لبابا واخوانتس ؟؟

لا تقولين فيه الشغالة .. لان الشغاله لسبب ما بعد طاسة بشيطان (منيب قايل لاقينه مع سواق الجيران ).. او اي لاي سبب مهيب بالبيت ..
بإختصار شديد ,, انتي ست البيت لكم يوم .. هل عندك استعداد انك تمسكين محل الوالده {لا قدر الله} .. بالفتره هذي ؟؟

و إذا لأ .. ليـــه ؟؟
.
.
.
اما انت يا عزيزي الشاب المقلع..
(بالله اذا ممكن صورة ثانيه لـِ 2 حلوين الساعه 7 الصبح زابنين لهم ورى المحطة قدام مجمع سلطان التعليمي. وشمغهم على كتوفهم.. ويمزمزون على اخر سيجارة قبل ما يدخلون للمدرسة )

لو حدك الزمان وابعدت عن اهلك لسبب (دراسة، وظيفة، ..) وش احتمالية انك تدخل المطبخ وتطلع لحمة من الفريزر وتكبس عليه رز ابو كاس ؟ او مكرونه عادي ترى ؟؟
مع العلم انه ما فيه حولك ولا مطعم بخاري .. اقرب شي برجر كنج ولا ماك (تكرم النعمه)
(( وتراه صايره لعيال من احسن العوائل .. يعني عادي ))

وياليت انك اذا جوابك بـ لأ ، انك تبرر لي ليه ما تدخل المطبخ ؟؟

:
:
:
شكرا لتعاونكم .. ودمتم على بحفظ الله ورعياته

:: كليـج ـا ::

<<<<<<<<<داخله يالله تحرك عيونها من النوم

بس حبيت اسجل موافقه وان شاء الله لي بااااااتس

هلا وغلا بكلووج وعليكم السلام
شف انا بختصر اجاباتي سريعا
انا طال عمرك من وانا صغير مع هلي وامي هي اللي تطبخ خلصت الثانويه وكم سنه بعدها ولا زالت امي ثم عقبها
جت المعزبه ام حاتم وهي اللي تسوي لي اكلي
يعني الحمد لله مابعد دخلت المطبخ نهائيا

خيووو كلوج انا شخصيا اميل لشغل المطبخ طبيخ غسل صحون ترتيب تلاجه ودواليب بس مني شاطره في كوي الملابس خصوصا الغتره عندي عوقده خصوصا للي يتشرط زي اخوي


والله يا كلوج في بيتنا شغالتين واوقف في المطبخ واشتغل في البيت بنفسي

يعني دي الحكايه مزاج وميول البت


يعطيك الف عافيه خيووووو


تقبل مروري

برلنتي

هلا بمحشش
كيفك ..

اول شي .. انا استمتع .. بالمطبخ بس

بحكم العمل .. ما اقدر ادخل إلا يوم الخميس بس

ولا المدام ممنوعة من دخول المطبخ يوم الخميس إلا بعد ما اخلص ..

عاد الله يعينها ..على غسل الصحون ..

وإذا مثلاً طلعنا للبر أو للإستراحة ..

سواء ً كنا شباب او عوائل .. ما يدخلون المطبخ

فا هي متعة بس يبيلها سعة صدر ..

اجل حريم الجيل التالي ..

ما يعرفون إلا بيض .؟ وإن كانهم يقالهم يبون يغيرون .. حطو بيض مسلوق ومرة مقلي خخخخخخخخخخخخخ وش هلكلام .؟

مشكور اخوي .. نفست عن الي في خاطري ..

هههههههههههههههههههه

وعليكم السلام ورحمه الله وبركاته

هلا والله بكليجا

واااااااااااااااااااااو تهئ تهئ ....


شغالتنا رايحة من أسبوع .... عااااااادي .....أكنس .... أطبخ ...أكوي ( بشروط أخواني اللي تعقد ...بدون مرزام وينفرش الشماغ على السرير..<<<<ويطتنزون على موضات الحريم) أكنس الاسوار الخارجيه ... مابقى الا اغسل سيارات ...


وفي يوم من الايام لسبب من الاسباب تم غياب امتس عن المنزل


تصدق صارت وجلست في البيت لحالي أنا وأخواني ... أقوم الصباح أفطرهم ... وأطلع للدوام .... والظهر ما فيه نوم ... أغير ملابس وعلى الغدى .... والحمد لله ..ما أحتجت لاحد...<<<<الله يحفظني


بس لا يهمكم البنات سنعات اذا جاء الجد على قولتكم تحطها على يمناك ...
مثل الشباب إستهتار إذا جاء الجد لقيت رجاااااااااال ...<<<اجحدوها مدحتكم






محشش كليجا ..... لك كل الاحترام ...

أخوي كلووج ..

أنا من عرفت نفسي أحب المطبخ << سنع من ضغري
الموهم ..

أنا أتلعم من الوالدة إلى الان طبخات وحركات
يعني الحمدلله مسنع نفسي ..


ومشكووور ع الموضوع

هلااااااااا والله بكليجتنا

انا بسراااااااحه ماادخل الا عشان القهوه لان مو اي قهوه تعجبني لازم تكون قهوة كييييييف


اما الطبخ 00 اطبخ كل ستة شهوووور مره 00 واذا فشلت بالطبخه مديتها لسنه


والله يعطيني العافيه




وبس