|
|
|
| التسجيل | التعليمات | قائمة الأعضاء | التقويم | اجعل جميع المنتديات مقروءة |
|
||||||
| قصص المحششين روايات و قصص طويلة و قصص قصيرة و قصص رومانسية و قصص مقالب و قصص عربية و قصص نادرة وقصص خليجية و قصص سعوديه وقصص ايام زمان و قصص اطفال و قصص رجال و قصص نساء قصص جن |
| الملاحظات |
 |
|
|
LinkBack | أدوات الموضوع | طرق مشاهدة الموضوع |
16 Feb 2008, 02:46 AM
|
#1 |
 
الرتبه: عريف
تاريخ التسجيل: Feb 2008
الدولة: في احضان جدتي
المشاركات: 134
معدل تقييم المستوى: 3
 |
قصة ==ليلة نجاح بقشه==لاتفوتكم خخخخخ
<
بسم الله الرحمن الرحيمهذي قصة تعرض لاول مره <<خلصينا حبيت اكتبها لكم انتم اقروها وعطوني رايكم <<<اللي ماعنده وقت يقراها يحفضها واذا فضاء يقراها على رواق المهم ارائكم تهمني 00000000000000000000000 الحياة ضحكه ودمعه فرح وحزن....ومهماضعنافي زحمتهانحتاج دايما"لمساحه نرتاح فيهالننسى ولوجزء بسيط من همومنا... =ليلة نجاح بقشه=~~~~~ قدرالله علي أن أخرج للحياة لأجد أنني في أحضان جدتي اللتي قامت بتربيتي.... المهم خلونامن الفصحى أبتكلم عادي صحيت ذاك اليوم مع إنبثاق الصباح وشقشقة العصافير(كذابه صحيتي على صوت الحصى اللي يرمونهاعيال الجيران على دريشتك) وطلعت من غرفتي طبعا"هي موغرفه يعني شبه غرفه فيهافراش وبطانيه ماكول نصهاطبعا"من الفيران وصندوق برتقال فاضي فيه ملابسي هي موملابس يعني نقدرنقول خلاقين باكستانيه ومرايه لاللذمه نص مرايه ونص ريال مجدوع (الظاهرغرفتي كلهاأنصاص في أنصاص...)والدريشه مغطيه بجرايدعلشان الشمس.... عاديوم طلعت وأتعثربفروت خالي الله يسترايش فيهامجدوعه كذاشكله مخطوف ولاتظنون إنناباالشتاء لاخالي يلبس فروه في الشتاءوالصيف والربيع والخريف والكسوف والخسوف ...(ماتلاحظون حولناهالحصة جغرافيا....) يعني مايستغني عن فروته تحت أي حال ومتمسك فيهاحتى في أحلك الظروف المهم رحت للمطبخ وأفطرت مارس وشاهي لاتستغربون هذاأول شي لقيته قدامي بس غريبه ماأشوف جدتي أكيدعندأحدمن الجيران طلعت للصاله وكان فيهادولاب كبيروأسمع أصوات تطلع منه الصراحه خفت شكل بيتنامسكون وسميت وفتحت باب الدولاب لقيت جدتي وجلست ساعه تسلم علي وقالت أخيرا"فتحتو<<لاتستغربون جدتي عمياوأي باب تحس فيه تدخل باب طياره باب سفينه باب باخره باب الحاره باب المندب يعني ماعندهاأي مشكله مع البيبان بايعتها.....> عادأناجبت القهوه والحلاوالبخور وووووو(صارت زفه ماباقي إلاالطقاقات هذاوهي طالعه من الدولاب أجل وشلون لوأنه جايه من الباب)وجلسنانتقهوى ونسولف وشوي ويدخلون خالي وخالتي اللي طول الوقت يحومون باالسياره عادخالتي عشقه في الحياة الدوران باالسياره وأنهاتشري بلايز!!!!يعني ماعندهامشكله لوتدورمع خالي باالسياره أسبوع وبنفس الشارع...!!!وخالي يوميا"الساعه١٢باالليل يطق اللطمه والفروه ويروح للمحطه حقت البنزين القريبه من البيت يوسع صدره ويسلم على الرايح والجاي لدرجة إن صاحب المحطه يصرفله راتب على باله يشتغل عنده ...... واللي أحبه في أسرتي الصغيره أنهم ديموقراطيين(هذي وشلون تنطق ماأدري...)ومتفتحين يعني إذانجحت(كثري منها......) باالدورالثاني نجاحتي أطلب غداء من مطعم البنغاليه بريالين بس هذاأيام الإبتدائي أماباالمتوسط نجاحتي هذاإذانجحت بعدجهدعسير(عسيروإلاجده جده وإلاعمه.....خلاص تراك طولتيه.......) نجاحتي أطلب عشاءمن مطعم المصري اللي جنب بيتنابخمسه ريال أماأيام الثانوي لاتسألوني عنهالأني مادرستهاحدي المتوسطه عند أهلي كأني آخذه الدكتوراه وسوولي حفل نجاح كبيرررر(نصابه كبيررره.....) يعني جدتي سوت جريش وسليق ولبن يعني تقريبا"كلهامن صنف واحدوخالتي جابتلي ثلاث بلايزنفس بعض بس ألوانهامختلفه عادأنى عطيتهاشغالتنالأن ذوق خالتي لك عليه وخالي جابلي نجاحه سبحه وشماغ البسام تقليد(على باله واحدمن الشباب....) وعزمت جدتي جيرانناليحتفلون معنافي هذه المناسبه التاريخيه طبعا"تاريخيه لأني جلست في المتوسطه ست سنوات بأيامهاولياليها وجدتي كلمت كل أقاربنااللي منتشرين في أنحاءالعالم وبشرتهم بتخرجي وماأتوقع إن أحدمنهم يهمه أمري بس الفرحه تسوي أكثرمن كذا(فديتهاجدتي شكل ملك الموت ناسيها) المهم بعدتخرجي بيومين كلمتني صديقتي طبعا"ماعندناتلفون كلمت على البقاله اللي بحارتناوجاني السوداني اللي يبيع فيهاوناداني(أحس إنناعايشين باالعصرالحجري وإلاالناس وصلوالقمروحناماعندناتليفون المشكله مافيه أي أسباب لعدم وجوده حتى تلفزيون ماعندناإلاقناة السعوديه الأولى وبعدموصافيه...معليش طلعت عن الموضوع بس ببردحرتي) نرجع لموضوعنا...عادالسوداني عصمان نذل يحسب علي الدقايق وياخذمني حق المكالمه المشكله هي اللي مكلمه أجل كيف لوكنت أناالمهم وصلت البقاله وكلمتهاجاني صوتهاتصارخ هلاوالله "بقشه" وشلونك صدق سمعت إنك خلصتي المتوسطه.... هلا"غزوه" والله وحشتيني أخبارالبنات وأخبارالجامعه(بالله هذي أسامي فتيات) قلت كيف عرفتي إني تخرجت قالت إن أخوهايدرس في فرانكفورت معاه ولدعمتي هناك ووصلته الأخبارمن جدتي لأنهاماخلت أحدمابشرته المهم إنهاعزمتني وعزمت بعض البنات اللي كانومعنافي الدراسه بمناسبة نجاحي والله حسيت إني شخصيه مهمه في الوطن العربي والإسلامي والعالمي هذاالموجزوإليكم الأخبارباالتفصيل(بدت تأثيرات القانه الأولى) عادأخذت منهاالمكان والزمان وسكرت منها ولقيت عصمان بوجهي وقالي الحساب أربعين ريال وجلست ساعه أكاسره وخالهاتسعه وثلاثين وأعطيته الحساب وتوكلت للبيت وقبل لاأدخل إلاسيارت خالي ددسن ٨٤ مغبره ومنزله توهاموقفه وينزلون منهاخالي وخالتي طبعا"معهاأكياس أكيدمليانه بلايز!!!ودخلناالبيت جميع ولقيناجدتي جالسه باالحوش جلسنامعهاوسوالف وقلت لجدتي إن صديقاتي بيطلعون لكوفي وعازميني معاهم بمناسبة نجاحي وطلع صوت موسيقى مرعبه مثل الأفلام الأكشن وحطت عينهابعيني مع إنهاماتشوف بس ماأدري كيف ضبطت معهاوقالت إيش قلتي يااللي ماتستحين ماعندنابنات يطلعون من البيت قلت حرام ياجده والله أنالي ١٨سنه ماطلعت من البيت إلالبيت جيرانناأم حمزه بعدماأطلع للشارع أروح مع السوراللي بينناكأني قطوة شوارع ويوم خربتهاوصرت أطلع رحت للمدرسه اللي قضت على شبابي وجمالي الفتاك(هذافليت بف باف موجمال)وبعدمحاولات مع جدتي أنتهت بحمدالله باالموافقه بس بشرط إن خالي وخالتي يروحون معاي وطبعا"رضيت باالأمرالواقع والقدرالمحتوم وأمري لله حكم القوي على الضعيف........~~~ وجاءاليوم الحاسم ولأول مره في العالم أطلع خارج حدودحارتنا المهم لبست عبايتي وطلعت لقيت خالي وخالتي راكبين شكلهم من الظهروأنطلقناوأخذتناالسياره إلى شوارع الرياض المزدحمه وكناعندإشاره باالعلياوطبعا"خالي مشغل شريط بشيرشنان يعني فالينها وساعه وحناعندالإشاره حتى أذن المغرب ونزلناصليناوتقهويناوبعدهاما أشتغلت والناس تطالعنامستغربين المهم أنفتحت وفجأه طفت السياره وخالي يحاول يشغلهابس مافيه فايده قالناأنزلودفوهامن وراوأناأبحاول أشغلهاطبعا"أنارفضت وبشده لأن برستيجي مايسمحلي والعالم معصبه عليناويضربون بواري وحناكأننابنحل قضية الشرق الأوسط ونزلت خالتي تدف لين مشت وأخيرا"وصلناللفيصليه ووقف خالي السياره عندبابهاجاناالسكيورتي قال خيرياخوي ضف سيارتك اللي شكلك جايبهامن التشليح ووقفهاباالمواقف وخالي له وجه جلس ساعه يتهاوش معاه عاددخلناالمجمع وعيوننامبققه وخالي بفروته وطاق اللطمه بس أنامتفشله من خوالي ماودي صديقاتي يشوفونهم....(يعني أنتي شكلك أبدمايفشل) وحاولت بشتى الطرق إني أضيعهم بس يلاقوني والله اللي يشوفهم يقول شحاذين خالي هووجهه اللي كأنه مضروب بمطرقه وخالتي كنهابياعه ببسطة الحريم عادطلعناللدورالثالث بعدجهدجهيدلأن خالتي يجيهاروعه إذاطلعت مع السلم المتحرك وخالي يجيه إستفراغ إذاطلع باالأصنصيربس طلعناباالأصنصيروكان معناشباب مزايين مثل اللي يطلعون باالدعيات والله هذولا اللي المفروض يتغطون موأناوأشكالي لا وواحدمنهم لابس تي شيرت وردي ألحين أناوأنابنت أستحي ألبس وردي(يعني تعتبرين نفسك بنت )المهم نزلناوياله جريت خوالي شكلهم خقومع المزايين والله ماالومهم شكلنابننحرف......عادرحنالجهة المطاعم وأدورعلى صديقاتي وحصلتهم ثلاث بنات جالسين بطاوله وكاشفين وجيههم وميك آب كامل ولبس وكشخه حتى عباياتهم أحلى من فساتيني وجتني غزوه تركض ماأدري كيف عرفتني مع إني مبرقعه(عرفتك من جزمتك اللي ماغيرتيهامن أيام الإبتدائي وإلافيه بنت تلبس كنادر رياضه حبوب مثل حقات اللاعبين)وقالت بصوت عالي هاااااااي "بقشه" كيفك وكان قريب مننامجموعة شباب من سمعوا أسمي فقعومن الضحك ألتفت عليهم إلاهم حلوين ومرسمين قال واحدمنهم هذا إسم يعني لونقول خرقه أحسن قال الثاني لاليه ماسموك شنطه لأن الناس تطورو ومافيه أحديستخدم البقشه قلت أنت شايف شكلك قبل ماتكلم كأنك دبت غازمقلوبه وإلا إنت وراسك كأنه صاموليه ماكول نصهاقال وإلاعادأنتي واللي معك تقول ثورمضيع بقرته (ماأدري إيش دخل خالي بس صدق دايما"خالي يذكرني بشي وهوجابها)قلتله وإلاعادأنت كأنك ترمس شاهي مكسوره أنت أصلا"مشروع كلب بس فشل أشكالهم تغيرت يوم سمعوردي أكيدأول مره فتاة تردعليهم(كثري منهافتاة)عادرحت مع غزوه لطاولتهم وطبعا"معاي البودي قارد وخالي طايره عيونه باالبنات كأنه بعرصي مضروب مبلم ولانسمعله صوت وخالتي متلهلمه ماأدري هي رايحه وإلاجايه..... وسلمت على البنات دارين وريماوالله ذكروني باالماضي القذر وجلسناسوالف وضحك وأحس شكلي غلط بينهم واللي يزيدالطين بله إن خالي واقف على يميني وخالتي على يساري موناقص إلابدله رسميه ونظارات شمسيه ويصيرون بودي قاردرسمي قالت دارين ليه جايبه شغالتكم معاك يعني إحناطالعين تمشيه وترفسني خالتي ذيك الرفسه حشى ثورموآدميه.... قلت "دارين" قال خالي لامادرينا!!!قلت وش دخلك ياوجه القردحسبي الله عليكم فشلتوني أنتم حرام تروحون أسواق مثل الناس حدكم البطحاوتخب أنتم الواحدالمفروض ياخذكم معاه لورشه أولغابه لأن الأماكن اللي يروحونلهاالبشرماتنفعلكم(يعني بتقنعينناإنك بشر)... .وقمناأناوصديقاتي نتمشى باالمحلات ووراناالبودي قارد عادخالتي وقفت عندباترينة محل عارض بلايزبس طبعا"ماركه مومثل الخلاقين اللي تجيبهاخالتي قلتلهالاتتهورين وتفكرين ولومجردتفكيرإنك تشترين من هنالأن أسعارهاغاليه يعني لونبيع بيتناونبيعكم فوقهامانجيب ولانص القيمه أنتي حدك محلات الحضارمه اللي تشرين منها ومشت خالتي ودمعتهافي عينهاوالله كسرت خاطري........ويوم جت الساعه ثمان قال خالي ياالله مشيناأنتصف الليل وودعت صديقاتي وحناعندالبوابه الرئيسيه راح خالي يجيب السياره وكانوقريبين مناالشباب اللي ضحكوعلى أسمي قال واحدأموت باالعيون الناعسه طبعا"يتغزل بوحده من صديقاتي بس تعرفون خالتي آخذه مقلب في نفسهاوتفصخ الزبيريه وتكفخه مع راسه وساعه يتضاربون لين أجتمعوالناس وجوالسكيورتيه يفكون بينهم وأناأسحب خالتي بس الحمدلله ماأنكشف وجههاوإلاكان تاخذفيه قضية تهريب آثار..... (إيش دخلهاهذي ماأدري لاتسألوني)عادسمعت صوت حماريناهق إلاهوصوت سيارة خالي وتوقف ونركب أناوخالتي....... (سيارتكم أبدماتفشل)ومشيناللبيت ولماوصلنالقيناجدتي تنتظرناباالشارع ومعهاعصى والله جدتي طويله كأنهاعامودإناره(صرفي الموضوع يعني معهاعصى أكيدقلبتكم فيه) ودخلناجميع البيت...... وخالي ماأدري إيش فيه وجهه كأنه وجه مصري ناجح....وكل واحد دخل جحره لننخمد بعدليلة جميله... §§§§ أتمنى إن قصتي المتواضعه نالت إعجابكم §§§§ <<بقشه-والدلع بقشقش>> " 11_2_2008 انشالله اعجبتكم بنتظر ردودكم |
|
    |
|
16 Feb 2008, 02:54 AM
|
#2 |
 
الرتبه:
:: مشرف :: قسم الكمبيوتر والأنترنت B.e.T.a سابقاً تاريخ التسجيل: Feb 2008
الدولة: شـِرقِآggي يـِـِآنـِـِِــأآإس
العمر: 88
المشاركات: 11,990
معدل تقييم المستوى: 26
|
رد: قصة ==ليلة نجاح بقشه==لاتفوتكم خخخخخ
مشكووره اختي بقشه
بعدين اقراها على رواقه تقبلي مرووري |
|
|
|
16 Feb 2008, 05:48 PM
|
#3 |
الرتبه: ميزووو سآبقآ
ادراة مجلس الهبال تاريخ التسجيل: Aug 2007
الدولة: فوق الطاوله تحت الكرسي
المشاركات: 7,072
معدل تقييم المستوى: 18
|
رد: قصة ==ليلة نجاح بقشه==لاتفوتكم خخخخخ
يعطيك العااااااااافيه خيتوووو
تقبلي مروري ولاخلا ولاعدم |
|
|
|
|
18 Feb 2008, 12:35 PM
|
#4 |
|
الرتبه: عريف
تاريخ التسجيل: Feb 2008
الدولة: في احضان جدتي
المشاركات: 134
معدل تقييم المستوى: 3
|
رد: قصة ==ليلة نجاح بقشه==لاتفوتكم خخخخخ
مشكووووووووورين على المرور
كلكم ذوووق يلا بعد ابي ردود ابي تشجيع000 |
|
|
|
|
19 Feb 2008, 06:19 AM
|
#5 |
الرتبه: ياهلا بريحة هلي
تاريخ التسجيل: Feb 2008
الدولة: هاه؟؟
المشاركات: 27
معدل تقييم المستوى: 2
|
رد: قصة ==ليلة نجاح بقشه==لاتفوتكم خخخخخ
بقشه صراحه قصتك روووووعه واسلوبك رهييييب
أما (مشروع كلب بس فشل)فلللللللله ويوم تناظرك جدتك وهي عمياء وجابتها هذي قويه..  انتي اضافة حلوة لمنتدى التحشيش وشكل القصة صايرة لك صدق مدام اسمك بقشه ههههههههههه انتظر جديدك.. اختك: طيب وبعدين؟ |
|
|
|
|
20 Feb 2008, 05:03 AM
|
#6 |
|
الرتبه: وكيل رقيب
تاريخ التسجيل: Feb 2008
الدولة: صحراء الربع الخالى
المشاركات: 181
معدل تقييم المستوى: 3
|
رد: قصة ==ليلة نجاح بقشه==لاتفوتكم خخخخخ
من الكلام يحس الايقراء القصه انك صحيح من اهل القرى البعيده من المدن بس بجد قصه مضحكه وجميله جزاك الله خيرا
|
|
|
|
|
20 Feb 2008, 11:16 AM
|
#7 |
الرتبه: ملازم
تاريخ التسجيل: Feb 2008
الدولة: دار أبو متعب
العمر: 24
المشاركات: 584
معدل تقييم المستوى: 4
  |
رد: قصة ==ليلة نجاح بقشه==لاتفوتكم خخخخخ
والله قصه حلوووه
تمنيت وقتها اني اكون فرد من افراد العايله لانكم فله هههههههههههههه بس عندي سؤال من وين تدخلين على النت هههههههههه تقبلي مروري محبكم (((نازل فوق))) |
|
|
|
|
20 Feb 2008, 05:56 PM
|
#8 |
|
الرتبه: عريف
تاريخ التسجيل: Feb 2008
الدولة: في احضان جدتي
المشاركات: 134
معدل تقييم المستوى: 3
|
رد: قصة ==ليلة نجاح بقشه==لاتفوتكم خخخخخ
ههههه تصدقون عاد ان القصه فيهاا
اشياء صارت لي صدق والصراحه انا داخله النت بسلك تلفون موصول من البقاله الى البيت خخخخخخ والله جد شجعتوني بردودكم واذا جد اعجبتكم نزلت لكم سالفه جديده ياقلبي انتم مشكوورين |
|
|
|
|
20 Feb 2008, 07:54 PM
|
#9 |
الرتبه: ::مشرف::
قــســم الـقـصـص والـروايـات تاريخ التسجيل: May 2007
الدولة: بقسم القصص
المشاركات: 3,780
معدل تقييم المستوى: 12
|
رد: قصة ==ليلة نجاح بقشه==لاتفوتكم خخخخخ
هههههههههه الله يرجك على هيك قصه
وانشاء الله انتظر ابداعاتك اختي وتقبلي مروري ولكي الشكر الجزيل تقبلي مروري اخوكي مــــــــــلك @ الاحساســـ ~ |
|
|
|
|
20 Feb 2008, 11:04 PM
|
#10 |
|
الرتبه: عريف
تاريخ التسجيل: Feb 2008
الدولة: في احضان جدتي
المشاركات: 134
معدل تقييم المستوى: 3
|
رد: قصة ==ليلة نجاح بقشه==لاتفوتكم خخخخخ
مشكوووور خيوووو على هالمرور الجميل
كلك ذوووووق |
|
|
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ابي ترحيب ابي صرراخ ابي طلق ناررر ((يلا رحبووو وصلت بقشه | بقشه الدلوووعه | الاستقبال و الترحيب بالمحششين الجدد | 8 | 20 Feb 2008 11:25 PM |
| Iiiii صور لاب توبات خياااااااااااااااااال Iiiii | موية نــــار | صور المحششين | 16 | 27 Nov 2007 12:41 AM |
| ليلة الدخلة وما ادراك ما ليلة الدخلة؟ يمنع دخول السحالي عيب؟هذا الموضوع للكبار؟ | الاسودا | قصص المحششين | 8 | 10 Apr 2007 09:31 PM |
| عاشق بقصه غراميه | نجمة الليل | شعر و خواطر المحششين | 14 | 16 Feb 2007 12:27 AM |
| صيري تحفه بقصه شعرتس | ~نويس~ | ازياء و مكياج و كوافيرا محشش ( الازياء و المكياج ) | 21 | 27 Dec 2006 09:31 PM |
العرض العادي
