لون صفحتك

الان برنامج اخبار محشش متوفر للايفون و الايباد و الايبود حمله من هنا اخبار محشش نكت ترفيه كوميدي


العابي انا
العاب فلاش مشمش العاب 66z
كتبت موضوع ؟ .. مسآحه خاصه لروابط مواضيعكم الجديده
فعاليات اليوتيوب



عودة للخلف   منتديات منتدى محشش > المنتديات الأدبية > قصص حكايات روايات طويلة و قصيرة قصص المحششين

العاب فلاش العاب سيارات

قصة منيرة مع الشاب الفرنسي


رد

 
LinkBack أدوات الموضوع ابحث في الموضوع أنماط عرض الموضوع
قديم 15 Feb 2008, 08:26 PM   1
شاتته الادارة (طرده)
 






mory غير موجود حالياً
Thanks: 0
Thanked 0 Times in 0 Posts
معدل تقييم المستوى: 0 mory is on a distinguished road
إفتراضي

قصة منيرة مع الشاب الفرنسي


 


قصة منيرة مع الشاب الفرنسي

U Don't Have 2 worry about me ..!
because I always Look 2 both ways...


***

أول شي أبغاكم توعدووني تقروا الموضوع كااااااااامل
والشي الثاني لو مات اي احد من الضحك أنا اخلي مسؤليتي أمام الله وأووليااء الأموور.....
يلااااااااااا ايش تستنوا اقرووهااااااااااااااااااا

START READING NOW

قرر الأب إذا نجحوا كل عياله يوديهم في الصيف لفرنسا... انبسطت منيرة مرة لما سمعت هالخبر... لأنه صار لهم زمان ما سافروا... من أربع سنين أو خمس... المهم شدت البنت حيلها في المذاكرة وأخوانها زيها... وجت نهاية السنة ونجحوا كلهم وسافر بهم أبوهم مثل ما واعدهم... كانت منيرة مبسوطة بس فيه شي منكد عليها كل السفرة... ومخلي الأخلاق في النازل... أبوها شرط عليها ما تشيل العباية... يا عباية يا ما فيه سفر... رضخت منيرة لأبوها راحت بالعباية والطرحة محجبة بس (يحمد ربه بعد)... البنية أول مرة تسافر بعد ما كبرت... كانت ماخذة راحتها أول... لكن الحين خلاص (البنات كبرت)... تمشوا وراحوا وجو وما خلوا قرنة في باريس ما اندعسوا فيها... المهم العيال شبوا على أبوهم يبون شاطئ يسبحون... ونزلت الطامة الكبرى على منيرة!!!... وشلون تروح لشاطئ بعبايتها؟!... كيف تشوف أخوانها يسبحون وهي لأ؟!!... طبعا ما لها إلا تستسلم وتطس معهم... الزبدة راخت خويتنا وهي مطنقرة... وبينما العيال يسبحون ويمرحون (الله يفكهم من شر عينها) راحت هي على جنب وقعدت لحالها من زين الأخلاق (خبركم راكبتها أم العبيد)... وقامت تمقل بخلق الله... وبينما هي كذلك (حلوة قلبت العربي) لمحت ذاك الشاب الفرنسي اللي مووووووووت... يجنننننننننن طوييييل...ووسيييييم... وجسمه عضلااات... ولونه برونز (لابس مايوه) وشعره متروس جل... ولابس ذيك النظارة الشمسية الماركة... طالعها هو وابتسم... بغى يغمى عليها يوم شافت صفت اسنانه... ابتسمت هي الاخرى... قام ومن باب الميانة قرب قرب قرب لين ارتز جنبها... هي تسالون عن حالها مسيكينة... منسبهة... متنحة... وفي نفس الوقت مستحية... وكمان متوهقة خايفة يشوفها أبوها تحاكي ذا الاطخم يقوم يسفرها لديرتها دايركت (حرام عليه أبوها ما يكفي ركز دميجته وحكرها بالعباية يقوم يتفلسف)... التفت عليها أبو الشباب وانفلت بالحكي... طبعا هي ثور الله في برسيمه ما تدبر وش هو قاعد يرطن... هو شافها توزع هالابتسامات عرف إن ما عندها دبرة... قام سألها:
do you speak English? ...هو سأل ولا ما سأل بغت تحب راسه البنية... على طول يييييس... ودار بينهما الحوار التالي:
- أبو الشباب: أنتي من وين شكلك مو فرنسية (أنواع المجاملة اجل هذا شكل فرنسية تتشمس بعبايتها؟!)
- منيرة: أنا من المملكة العربية السعودية (تعجبك.. مفتخره ببلدها ) طبعا لا تنسون إن كل هالبربرة بالانجلش.
- أبو الشباب: (وهو متحمس) كيف وصلتو هنا؟
- منيرة: وصلنا من كم يوم عادي.!
- أبو الشباب: بس كيف عبرتو البحر؟
- منيرة: أي بحر ما مرينا على أي بحر رحلتنا كانت دايركت الرياض باريس.
- أبو الشباب: (مستغرب) يعني ما جيتو على بعارين؟؟!!
- منيرة: (كن احد مدغدغها) أي بعارين انت تمزح جايين بطيارة لا بالجديدة بعد أم شاشات (يا شين السرج على البقر)
- أبو الشباب: عندكم طيارات؟؟
- منيرة: إيه عندنا ليه وش فاكرنا؟؟
- ابوالشباب: أنا اللي اعرف عن السعودية إنها صحراء قاحلة والناس يتنقلون فيها بجمال والحريم يركبون وهو متغطين على الجمال والرجال وراهم شايلين براميل البترول...!!! الخ
- منيرة: وين يا عمي وش ذا إحنا عندنا كل وسائل التكنولوجيا في ديرتنا... سيارات وطيارات وكمبيوترات وموبايلات(عاد أهم شي) وانترنت والشوارع متطورة وترى عندنا فيصلية ومملكة(هذي مب احسن تنطق تقابل فيصليتها ولا تفشلنا برى؟!)
- أبو الشباب: اجل آسف أنا فاهم شي الواقع طلع شي أخر، بس أنتي ليه ما تسبحين؟
- منيرة: مقدر اسبح لأني محجبة
- ابو الشباب: اشوا انتي مو منهم؟
- منيرة: من مين؟؟
- أبو الشباب: اللي متشوهين
- منيرة: أي متشوهين؟؟؟؟!!!!
- أبو الشباب: الحريم اللي يغطون وجيههم عندكم متشوهين صح؟
- منيرة: لا طبعا أي متشوهين الموضوع مو تغطية بس ديننا هو اللي فرض علينا كذا درءاً للفتن (أبو الفلسفة) أنا هناك أغطي وجهي مثلا أنت شايفني مشوهة؟
- ابوالشباب: لا أبدا أنتي جميلة ولونك حلو، بس مو حرام جميلات زيكم يضطهدون؟
- منيرة: ليه يطصدو... يظهدون... يظطهون...المهم اللي هي من قال إن إحنا كذا؟؟؟
- أبو الشباب: مثلا ممنوعين من السواقة
- منيرة : مين قال لك إن إحنا أصلا نبي نسوق كل حرمة وبنت لها سواقها الخاص نسوق ليه (شطحت وبقووووووه)
- أبو الشباب: طيب ما يقبلونكم بأي وظيفة بس مدرسة صح؟
- منيرة: الدولة الله يعزه ما توظف بناتها إلا في وظايف تناسب قدراتها بس موبس تدريس البنت السعودية طبيبة وصيدلانية وسيدة أعمال وموظفة حكومية بس الأغلب في قطاع التربية لأنه هو الأقرب لطبيعتنا البنات.
- ابوالشباب: بس مانعينكم عن المناصب الكبيرة مخلينها للرجاجيل بس هذا لا تقولين لا
- منيرة: ( أخذتها العزة بالإثم وقامت تألف) من قال كذا أصلا أنت ماخذ فكرة مرة سيئة عنا المراة تتقلد مناصب كبيرة حتى أنا بالامارة خالتي وزيرة.
- أبو الشباب: متأكدة؟ أنا اعرف إن السعودية ما فيها حريم في حكومتها
- منيرة: كل معلوماتك غلط قلت لك خالتي وزيرة
- أبو الشباب: شكرا على تصحيحك لمعلوماتي وبهالمناسبة أنا عازمك الليلة على خروجة (قلط أبو الشباب)
- منيرة: وين عازمني؟(متشققة)
- أبو الشباب: فيه بار جنب بيتنا أمرك ونروح له
- منيرة: ويييييين إحنا ما عندنا هالشغلات إحنا مب حقين بارات ديننا محرم علينا الشرب والرقص والاختلاط والتبرج أولا وبعدين حرام اطلع أنا وانت لوحدنا هذي تسمى خلوة
- أبو الشباب: يعني ايش خلوة؟؟
- منيرة: يعني بنت وولد ما يعرفون بعض ولا محرم لها يجلسون في مكان لوحدهم
- ابوالشباب: طيب وأنتي الحين قاعدة معي هذي مهي خلوة؟
- منيرة: لا هذا مكان عام ما فيه حواجز ومليان ناس
- ابوالشباب: عالعموم أنا اكرر عزيمتي
- منيرة: وأنا اكرر رفضي
- أبو الشباب: ترى إذا قمت ما فيه تغيرين رأيك
- منيرة: لا ابد
قام أبو الشباب ومشى خطوتين وبعدين رجع لمنيرة وهي على جلستها وانحنى عليها ونزل نظارته على طرف خشمه وطالعها بعيونه وقالها بالسعودي:
- اجل خالتك وزيرة هاااه؟؟؟!!! لكل بنت سواق وعديتها لك بمزاجي لكن هذي قوية...
----------------------------
خسااااارة ماعجبتني النهايه اتوقعتهاا رومنسيـــــــــه هااااااااااااااااااااااع هااااااااااااااع
الحقوووني ترا بموووووووت من الضحك.......وانتبهوا تحصل معااكم...
هههههههههههههههههههههههههههههههه
بكل فخر لطشة سعودية

تحميل
هل اعجبك هذا الموضوع اذا اضغط على هذا الزر فقط لكي ترشحه لغيرك
الموضوع الاصلي : قصة منيرة مع الشاب الفرنسي    ||   المصدر : منتديات


  رد مع اقتباس مشاركة محذوفة

قصة منيرة مع الشاب الفرنسي

تولبار المنتد اضغط هنا للتبرع لجمعية انسان للايتام
قديم 15 Feb 2008, 09:04 PM   2
جندي اول
 






ابونا الكبير غير موجود حالياً
Thanks: 0
Thanked 0 Times in 0 Posts
معدل تقييم المستوى: 15 ابونا الكبير is on a distinguished road
إفتراضي

رد: قصة منيرة مع الشاب الفرنسي


 


ابو الشباب / وش قال /لمنيروه

اجل خالتك وزيرة هاااه؟؟؟!!! لكل بنت سواق وعديتها لك بمزاجي لكن هذي قوية


حلوه بس تعبت عيوني وانا توني مشخبطها ؟


يعطيك العافيه

تقبلي مروري ياموري وانا ابوك


  رد مع اقتباس مشاركة محذوفة
رد

العلامات المرجعية

أدوات الموضوع ابحث في الموضوع
ابحث في الموضوع:

البحث المتقدم
أنماط عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code هو متاح
الإبتسامات نعم متاح
[IMG] كود متاح
كود HTML معطل
Trackbacks are متاح
Pingbacks are متاح
Refbacks are متاح


المواضيع المتشابهة
الموضوع كاتب الموضوع المنتدى مشاركات المشاركة الأخيرة
قصة منيرة والشاب الفرنسي في باريس {hp} منتديات المواضيع المسجونة 1 10 Feb 2008 03:11 PM
منيرة والشاب الفرنسي محششه لاكن كريمه قصص حكايات روايات طويلة و قصيرة قصص المحششين 1 09 Feb 2008 05:59 PM
الزقاير بين الملكي ومستحي وبنت منيرة ~{ ﺎلمًلٍڪْيً ..! منتديات المواضيع المسجونة 30 26 Jul 2007 01:04 AM
الزين في لميا وتغريد والطافماهوب في حصة وكشرة منيرة الساهر22 منتديات شعر و خواطر دواوين شعرية 2 25 Aug 2006 10:09 AM

سيرفرات الموقع والمنتدى تحت ادارة شركة

Privacy Policy - copyright - parents - Contact us - Advertise with us - خلطات زيادة الوزن - صحة المرأة - علاج حب الشباب- الرجيم انقاص الوزن- تمارين الظهر

كل الأوقات هي بتوقيت GMT +3. الساعة الآن 03:42 PM.


Powered by vBulletin® Version 3.8.7
Copyright ©2000 - 2012, Jelsoft Enterprises Ltd.
Search Engine Optimization by vBSEO